پاريج وليمپيادا سپورت جارىسىندا

جۇڭگو دەنە تاربيە ۋاكىلدەر ۇيىرمەسى جالپى 40 التىن مەدال، 27 كۇمىس مەدال، 24 قولا مەدال الدى

شەكارا سىرتىندا جارىسقا قاتىناسۋدا ەڭ تاماشا ناتيجەگە قول جەتكىزدى

　　8 - ايدىڭ 10 - كۇنى جۇڭگو ۇستەل دوپ قوعامىنىڭ ٴتوراعاسى ليۋ گولياڭ (ورتادا) سيلىق العان سپورتشىلارمەن بىرگە سيلىق ساحناسىندا سۋرەتكە ٴتۇستى. سول كۇنى پاريج وليمپيادا سپورت جارىسىنىڭ ۇستەل دوپ ايەلدەر ۇيىرمەسىنىڭ التىن مەدال الۋ جارىسىندا جۇڭگو قۇراماسى نولگە قارسى 3 ۇپايمەن جاپونيا قۇراماسىن جەڭىپ، اعا جۇلدەگەر بولدى. شينحۋا اگەنتتىگىنىڭ ٴتىلشىسى ۋاڭ دۇڭجىن فوتوسى

　　8 - ايدىڭ 8 - كۇنى جۇڭگو شەبەرى ليۋ حاۋ (سولدا) مەن جي بوۋىن جارىستا. سول كۇنى پاريج وليمپيادا سپورت جارىسىنىڭ تەرى قايىق جارىسى ەرلەر ەكى ادامدىق 500 مەترلىك شەشۋشى جارىسىندا جۇڭگو دەنە تاربيەشىلەرى ليۋ حاۋ، جي بوۋىن التىن مەدال الدى. 　　شينحۋا اگەنتتىگىنىڭ ٴتىلشىسى رىن جىڭلاي فوتوسى

　　بۇل 8 - ايدىڭ 11 - كۇنى تۇسىرىلگەن جابىلۋ سالتىنداعى تۇستى تورسىلداق ويىنى. سول كۇنى 33 - كەزەكتى پاريج جازعى وليمپيادا سپورت جارىسىنىڭ جابىلۋ سالتى پاريجدىڭ فرانسيا دەنە تاربيە الاڭىندا وتكىزىلدى. شينحۋا اگەنتتىگىنىڭ ٴتىلشىسى شىن بوحان فوتوسى

　　8 ـ ايدىڭ 11 ـ كۇنى اعا جۇلدەگەر بولعان جۇڭگو شەبەرى لي ۋىنۋىن سيلىق تاراتۋ سالتىندا. سول كۇنى پاريج وليمپيادا سپورت جارىسىندا ايەلدەردىڭ 81 كيلوگرام سالماقتان جوعارىداعىلاردىڭ اۋىرلىق كوتەرۋ جارىسىندا جۇڭگولىق شەبەر لي ۋىنۋىن التىن مەدال الدى. 　　شينحۋا اگەنتتىگىنىڭ ٴتىلشىسى جىڭ حۋانسۇڭ فوتوسى

　　8 - ايدىڭ 7 - كۇنى جۇڭگو شەبەرى حوۋ جىحۇي جارىستا. سول كۇنى پاريج وليمپيادا سپورت جارىسىنىڭ ايەلدەر 49 كيلوگرام سالماقتاعىلار اۋىرلىق كوتەرۋ جارىسىندا جۇڭگو دەنە تاربيەشىسى حوۋ جىحۇي اعا جۇلدەگەر بولدى. 　　 شينحۋا اگەنتتىگىنىڭ ٴتىلشىسى في ماۋحۋا فوتوسى

　　8 - ايدىڭ 4 - كۇنى جۇڭگو كومانداسىنىڭ سپورتشىسى پان جانلى (ورتادا) اعا جۇلدەگەر بولعانىن قۇتتىقتاۋدا. سول كۇنى پاريج وليمپيادا مالتاۋ ٴتۇرىنىڭ ەرلەر 100 × 4 مەترگە كۇش جالعاپ مالتاۋ شەشۋشى جارىسىندا جۇڭگو كومانداسى 3 مينۋت 27 سەكۋند 46 تاقىلدىق ناتيجەمەن التىن مەدال الدى. شينحۋا اگەنتتىگىنىڭ ٴتىلشىسى ۋاڭ پىڭ فوتوسى

　　8 - ايدىڭ 7 - كۇنى جۇڭگو قۇراماسى جارىستا. سول كۇنى پاريج وليمپيادا مانەرلى مالتاۋ جارىسىنىڭ توپتىق شەبەرلىگى پاريج وليمپيادا سۋ ٴۇستى سپورت ورتالىعىندا وتكىزىلدى. جۇڭگو قۇراماسى مانەرلى مالتاۋ توپتىق تۇرىندە اعا جۇلدەگەر بولدى. 　　شينحۋا اگەنتتىگىنىڭ ٴتىلشىسى شيا ي - فاڭ فوتوسى\

　　8 ـ ايدىڭ 5 ـ كۇنى جۇڭگو شەبەرى زوۋ جيڭيۋان جارىستا. سول كۇنى پاريج وليمپيادا سپورت جارىسىنىڭ ەرلەر قوس تورنيك شەشۋشى جارىسىندا جۇڭگو شەبەرى زوۋ جيڭيۋان اعا جۇلدەگەر بولدى. 　　شينحۋا اگەنتتىگىنىڭ ٴتىلشىسى چىڭ مين فوتوسى

　　8 ـ ايدىڭ 8 - كۇنى چاڭ يۋان سيلىق تاراتۋ سالتىندا التىن مەدال الدى. سول كۇنى پاريج وليمپيادا سپورت جارىسىنىڭ بوكس ٴتۇرىنىڭ ايەلدەر 54 كيلوگرام سالماقتاعىلار شەشۋشى جارىسىندا جۇڭگو شەبەرى چاڭ يۋان تۇركيا شەبەرى اكباشتى جەڭىپ، اعا جۇلدەگەر بولدى. شينحۋا اگەنتتىگىنىڭ ٴتىلشىسى جياڭ ۋىنياۋ فوتوسى

　　8 - ايدىڭ 8 - كۇنى پاريج وليمپيادا سپورت جارىسىنىڭ اۋىرلىق كوتەرۋ تۇرلەرى 2 ـ رەتكى جارىس كۇنىنە ٴوتتى، جۇڭگو سپورتشىسى لو شىفاڭ ايەلدەر 59 كيلوگرام سالماقتاعىلار جارىسىندا 3 ٴتۇر بويىنشا وليمپيادا سپورت جارىسىنىڭ رەكوردىن جاڭالاپ، 241 كيلوگرامدىق جالپى ناتيجەمەن اعا جۇلدەگەر بولىپ، جۇڭگو قۇراماسى ٴۇشىن وسى كەزەكتى وليمپيادا سپورت جارىسىنىڭ 3 ـ التىن مەدالىن ەنشىلەدى. شينحۋا اگەنتتىگىنىڭ ٴتىلشىسى ياڭ لەي فوتوسى

　　شينحۋا اگەنتتىگىنىڭ 8 ـ ايدىڭ 11 ـ كۇنى پاريجدەن بەرگەن حابارى (ٴتىلشى حى لەيجيڭ). 8 ـ ايدىڭ 11 ـ كۇنى وتكىزىلگەن پاريج وليمپيادا سپورت جارىسى جۇڭگو دەنە تاربيە ۋاكىلدەر ۇيىرمەسىنىڭ اقپار جاريالاۋ ماجىلىسىندە مەملەكەتتىك دەنە تاربيە باس مەكەمەسىنىڭ ورىنباسار باستىعى، جۇڭگو دەنە تاربيە ۋاكىلدەر ۇيىرمەسىنىڭ ورىنباسار باستىعى جوۋ جينچياڭ مىنالاردى ٴبىلدىردى: جۇڭگو دەنە تاربيە ۋاكىلدەر ۇيىرمەسى وسى كەزەكتى وليمپيادا سپورت جارىسىندا ەلىمىزدىڭ 1984 ـ جىلدان باستاپ جازعى وليمپيادا سپورت جارىسىنا جاپپاي قاتىناسقاننان بەرى شەكارا سىرتىندا جارىسقا قاتىناسۋدا تاريحتاعى ەڭ تاماشا ناتيجەگە قول جەتكىزدى.

　　جوۋ جينچياڭ بىلاي دەپ تانىستىردى: وسى كەزەكتى وليمپيادا سپورت جارىسىنا جۇڭگو دەنە تاربيە ۋاكىلدەر ۇيىرمەسىنەن 404 سپورتشى جارىسقا قاتىناستى، جالپى 30 ۇلكەن ٴتۇر، 42 تارماق ٴتۇر، 232 شاعىن ٴتۇر بويىنشا جارىسقا قاتىناسىپ، 11 ۇلكەن تۇردەگى 14 تارماق تۇردەن 40 التىن مەدال، 27 كۇمىس مەدال، 24 قولا مەدال الىپ، جالپى 91 مەدالعا يە بولدى. التىن مەدال جالپى سانىندا جانە ساپاسىندا تىڭ سەرپىلىس جاساپ، 40 التىن مەدال لوندون وليمپيادا سپورت جارىسىنداعى 39 التىن مەدالدان، توكيو وليمپيادا سپورت جارىسىنداعى 38 التىن مەدالدان اسىپ ٴتۇستى. التىن مەدال العان سپورتشى 60 قا جەتىپ، شەكارا سىرتىندا جارىسقا قاتىناسۋدا تاريحتاعى ەڭ جاڭا بيىك بەلەسكە كوتەرىلىپ، 2008 ـ جىلعى بەيجيڭ وليمپيادا سپورت جارىسىمەن تەڭ بولدى. بۇدان تىس، نىسانا اتۋ، مالتاۋ، اۋىرلىق كوتەرۋ تۇرلەرىندە ٴبىر تۇردە دۇنيە رەكوردىن بۇزدى، 9 تۇردە (رەت) وليمپيادا سپورت جارىسى رەكوردىن جاراتتى.

　　”جارىسقا قاتىناسۋ ناتيجەسىندەگى ەرەكشەلىكتى ’سەرپىلىس جاساۋ‘ دەگەن ٴبىر اۋىز سوزگە جيناقتاۋعا بولادى“. جوۋ جينچياڭ بىلاي دەدى: جۇڭگو دەنە تاربيە ۋاكىلدەر ۇيىرمەسى جارىسقا قاتىناسقان ٴتۇر سانى، التىن مەدال جالپى سانى جانە ساپاسى، التىن مەدال ٴتۇرىنىڭ قامتۋ كولەمى، التىن مەدال العان سپورتشىلاردى باۋلىعان، تاڭداپ جىبەرگەن ولكە سانى سياقتى جاقتاردا بولسىن، تۇگەلدەي تىڭ سەرپىلىس جاساۋدى جۇزەگە اسىردى.

　　جوۋ جينچياڭ بىلاي دەپ اتاپ كورسەتتى: وسى كەزەكتى وليمپيادا سپورت جارىسىندا ەلىمىز ٴداستۇرلى باسىمدىققا يە 6 ۇلكەن تۇردەن جالپى 27 التىن مەدال الدى، ول ۋاكىلدەر ۇيىرمەسى التىن مەدال جالپى سانىنىڭ %67.5 ىن يەلەدى، بۇل ەلىمىزدىڭ ٴداستۇرلى باسىمدىققا يە تۇرلەردە ۇزاق ۋاقىت بورىش، جاۋاپكەرشىلىك ارقالاۋدى كۇشەيتۋ، تۇرلەر قاعيداسىن بەرىلە زەرتتەۋ، عىلمي تۇردە دەن قويا جاتتىعۋ جاساۋ، جۇيە قۇرىلىسىن كەمەلدەندىرۋ ونىمدىلىگىن تولىق ايگىلەدى.