ەرىكتى ٴتىلشى چىن يۇڭمەي حابارلايدى. اۋا رايىنىڭ بىرتىندەپ سۋىتۋىنا بايلانىستى قۇلجا اۋدانىنداعى مالشىلار مالدى كوكتەۋ، كۇزەۋدەن قىستاۋعا كوشىرە باستادى.

تاياۋدا قۇلجا اۋدانى مازار اۋىلى بوربوسىن وزەنىنىڭ جاعاسىنداعى مالشى بەرىك ٴنۇسىپ ۇلى اتىنا ٴمىنىپ، ٴبىر توپ مالىن ايداپ قىستاۋعا قاراي باياۋ جىلجىدى. بەرىكتىڭ ٴۇيى قۇلجا اۋدانى اۋليە اۋىلى بولەكەي قىستاعىندا تۇرادى، ول تىلشىگە: ”قولىمىزداعى 250 تۇياق قويدى قىستاۋعا اپارامىز، مۇندا سولتۇستىكتەگى تاۋدان اسىپ، كورساي كوش جولىن باسىپ ٴوتىپ، قىستاۋعا بارۋعا تۋرا كەلەدى، مولشەرمەن 2 كۇندە جەتەمىز“ دەدى.

بيىل قىستا قۇلجا اۋدانىندا نەگىزىنەن 3 اۋىلدىڭ مالى مەن 354 مالشى وتباسى قىستاۋعا كوشىپ بارادى. ٴداستۇرلى كوشۋدەن سىرت، %30 مالشى ماشينالاسقان كوشى - قوندى تاڭداپ، كەڭساي كوش جولى ارقىلى قىستاۋعا كوشەدى، 4 ايدان استام ۋاقىت قىستاۋدا تۇرمىس كەشىرەدى.

قۇلجا اۋداندىق مال شارۋاشىلىق، مال شيپاگەرلىك ىستەرىن دامىتۋ ورتالىعى سياقتى قاتىستى تاراۋلار قىزمەتكەرلەردى ۇيىمداستىرىپ، ورنىن، كوش جولىن الدىن الا كوزدەن كەشىردى.

”قۇلجا اۋدانىندا بيىل 94 مىڭ باس (تۇياق) مال بۇراتالا موڭعۇل اۆتونوميالى وبلىسىنىڭ اراسان، جىڭ اۋداندارىنا كوشىرىلدى، ٴبىز كوشى - قون مالدارىنا %100 يممۋنيتەت جۇرگىزدىك، سونداي - اق كاسىپتىك - تەحنيكالىق قىزمەتكەرلەر جىبەرىپ، مالدىڭ كوشى - قون جۇمىسىنىڭ حاۋىپسىز جۇرىلۋىنە كەپىلدىك ەتتىك، مەجەمەن 11 - ايدىڭ 10 - كۇنى كوشى ـ قون اياقتايدى“ دەدى قۇلجا اۋداندىق مال شارۋاشىلىق، مال دارىگەرلىك ىستەرىن دامىتۋ ورتالىعى پارتيا ياچەيكاسىنىڭ شۋجيى ۋ ۋيميڭ.

سۋرەتتە: مالشىلار مالدارىن قىستاۋلىققا كوشىرۋدە.

سۋرەتتى چىن يۇڭمەي تۇسىرگەن