حابارىن جازىپ، سۋرەتىن تۇسىرگەن ٴتىلشىمىز حۋاڭ يان، ەرىكتى ٴتىلشى گاۋ حۇي

سۋرەتتە: كۇنەس اۋداندىق قوعامدىق قامتاماسىزداندىرۋ مەكەمەسىنىڭ كادرى بۇقاراعا يكەمدى جۇمىستانۋشىلاردىڭ قامسىزداندىرۋعا قاتىناسۋ ساياساتىن ۇگىتتەۋدە.

”جەلىدە، جەلىدەن تىسقارى دا بىتىرۋگە“، ”ولكە اتتاپ ٴبىر تۇتاس بىتىرۋگە“، ”رايون ىشىندە ٴبىر تۇتاس بىتىرۋگە“ دە بولادى، ”جۇيەلىلەندى، ارنايىلاندى“... بيىل جىل باسىنان بەرى ىلە وبلىستىق قوعامدىق قامسىزداندىرۋدى باسقارۋ مەكەمەسى رەفورما، جاڭالىق اشۋ، ساپالىلاندىرۋ، جوعارىلاتۋ سىندى قىزمەت وي جەلىسى بويىنشا، جالپى جاعدايعا قىزمەت وتەۋ بارىسىندا قوعامدىق قامسىزداندىرۋدىڭ ورنىن ٴدال تاۋىپ، جالپى حالىقتىڭ قامسىزداندىرۋعا قاتىناسۋىن كوزدەپ، دالمە ـ ٴدال كۇش سالىپ، قوعامدىق قامسىزداندىرۋدىڭ قامتۋ كولەمىن ۇزدىكسىز كەڭەيتىپ، قوعامدىق قامسىزداندىرۋ قىزمەت وتەۋىنىڭ ساپاسىن جوعارىلاتىپ، ونىمدىلىگىن ارتتىرىپ، دامۋ جەتىستىگىنىڭ حالىق تۇرمىسىنا تيىمدىلىك جەتكىزۋىنە مۇمكىندىك جاسادى.

جەلىدەن تىس جەدەل جۇمىس ٴبىتىرۋ ٴتىپتى دە ٴونىمدى بولدى

”ىلە وبلىسىنىڭ اكىمشىلىك قىزمەت وتەۋ زالىندا قىزمەتكەرلەردىڭ زەينەتكە شىعۋ جۇمىسىن جانە قوعامدىق قامسىزداندىرۋ قاراجاتىن جيۋ ـ تاپسىرۋدى تەكسەرۋ كاسىبىن ٴبىتىرۋدىڭ ۋاقىت ونىمدىلىگى وتە تەز، نەبارى 15 مينۋتقا جەتپەي بىتەدى، جۇمىس ٴبىتىرۋ ونىمدىلىگى بارىنشا جوعارى“ دەدى وبلىستىق دوستىق شيپاحاناسىنىڭ قوعامدىق قامسىزداندىرۋ قىزمەتكەرى داي يۇيچىڭ.

بۇل وبلىستىق قوعامدىق قامتاماسىزداندىرۋ مەكەمەسىنىڭ قىزمەت وتەۋ ۇلگىسىن ۇزدىكسىز كەمەلدەندىرىپ، كاسىپ ٴبىتىرۋ ٴتارتىبىن ساپالىلاندىرۋىنىڭ ارقاسى.

بۇقاراعا اناعۇرلىم قولايلى، جوعارى ٴونىمدى جەلىدەن تىس قىزمەت وتەۋ ٴۇشىن، وبلىستىق قوعامدىق قامتاماسىزداندىرۋ مەكەمەسى قۇنىتتى باسقارۋعا جانە قىزمەت وتەۋ ورەسىن جوعارىلاتۋعا كۇش سالىپ، قوعامدىق قامسىزداندىرۋدى باسقارۋ ونىمدىلىگىن ۇزدىكسىز جوعارىلاتىپ، قوعامدىق قامسىزداندىرۋدى ولشەمدەندىرۋ، جۇيەلىلەندىرۋ، قولايلىلاندىرۋ قۇرىلىسىن بەلسەنە ىلگەرىلەتتى. مىسالى، بۇكىل وبلىستا امبەباپ كاسسا ٴتۇزىمى اتقارىلدى. ”الدىڭعى جاقتا جالپلىق قابىلداۋ، ارتقى جاقتا تۇرگە ايىرىپ تەكسەرىپ بەكىتۋ، امبەباپ تەرەزەدەن ماتەريال شىعارۋ“ ۇلگىسى بويىنشا، 55 ٴتۇرلى قوعامدىق قامسىزداندىرۋ كاسىبىن امبەباپ كاسسا ٴتۇزىمىنىڭ قىزمەت وتەۋ كولەمىنە ەنگىزىپ، ٴبىر قىزمەت ورنىندا ٴبىر تۇتاس ٴبىتىرۋدى جۇزەگە اسىردى؛ جۇمىس ٴبىتىرۋ ٴتۇزىمىن ارناعا ٴتۇسىرىپ، جوعارى جيىلىكتى كاسىپتەر ٴۇشىن 21 ٴتۇرلى ٴبىر رەتتىك حابارلاندىرۋ دايىنداپ، بۇقارانىڭ جۇمىس ٴبىتىرۋ ٴتارتىبىن ايقىنداپ، بۇقارانى سابىلتپادى؛ قاتىستى حاۋىپ - قاتەرى تومەن كاسىپتىك كۋالىك ماتەريالدارىن 11 گە ازايتىپ،  قاتىستى ماتەريالداردىڭ ورنىنا ٴبىر رەتتىك حابارلاندىرۋ ۋادەناماسىن اتقارىپ، جۇمىس ٴبىتىرۋ ونىمدىلىگىن بارىنشا جوعارىلاتتى.

نەگىزگى ساتى قىزمەت وتەۋ تەكشەسى جاپپاي ىسكە قوسىلدى

”قوعامدىق قامسىزداندىرۋ رەسمياتىن بىتىرۋدە الىسقا شاپقىلاۋدىڭ قاجەتى جوق، قىستاقتا دا،  ۇيدە وتىرىپ قولفوننان بىتىرۋگە بولاتىن بولدى، قوعامدىق قامسىزداندىرۋ قىزمەت وتەۋى شىنىمەن قولجەتىمدى بولدى“ - دەدى تەكەس اۋدانى قۇجىرتى موڭعۇل اۋىلى قۇجىرتى قىستاعىنىڭ تۇرعىنى ماحيمان.

بۇدان سىرت، بۇقارانىڭ قوعامدىق قامسىزداندىرۋعا قاتىستى كاسىپتەردى بىتىرۋىنە قولايلى بولۋ ٴۇشىن، وبلىستىق قوعامدىق قامتاماسىزداندىرۋ مەكەمەسى قىزمەت وتەۋ ٴتۇرىن ۇزدىكسىز كەڭەيتىپ، ٴجۇرىپ - تۇرۋى قولايسىز قارتتاردىڭ ۇيىنە بارىپ قىزمەت وتەدى. وسى بارىستا قىزمەتكەرلەر قارتتاردىڭ تولىمدىلىعىن كۋالاندىرۋ قىزمەتىن بىتىرۋمەن بىرگە، قوعامدىق قامسىزداندىرۋ ساياساتىن ەگجەي - تەگجەيلى ٴتۇسىندىرىپ، قارتتاردىڭ ٴوزىنىڭ قوعامدىق قامسىزداندىرۋ جاعىنداعى ۇقىق - مۇددەسىن  تۇسىنۋىنە كەپىلدىك ەتتى.

وبلىسقا توتە قاراستى ورىندار قوعامدىق قامسىزداندىرۋ نەگىزگى ساتى قىزمەت وتەۋ تەكشەسىنەن جاپپاي پايدالانىپ، قالا، اۋدان، اۋىل - قالاشىق (ٴمالى)، قىستاقتى (الەۋمەتتىك اۋماق) جاپپاي قامتۋدى جۇزەگە اسىرىپ، قامسىزداندىرۋعا قاتىناسۋدى تىزىمدەۋ، مامىلەنى ٴوتىنىش ەتۋ، تولىمدىلىعىن كۋالاندىرۋ، ۇقىق - مۇددەنى تەكسەرۋ سياقتى جوعارى جيىلىكتەگى قىزمەت وتەۋ كاسىبىن ”قىستاقتان (الەۋمەتتىك اۋماق) شىقپاي - اق“ بىتىرۋگە بولاتىن ەتتى. قازىرگە دەيىن نەگىزگى ساتى قىزمەت وتەۋ تەكشەسى ارقىلى 57 مىڭ كاسىپ ٴبىتىرىپ، قىزمەت وتەۋ سالىستىرماسى % 64 كە، ٴتۇرلى قامسىزداندىرۋ كۋالىگىن العانداردىڭ سانى % 99.51 كە جەتتى.

”ولكە اتتاپ ٴبىر تۇتاس ٴبىتىرۋ“، ”رايون ىشىندە ٴبىر تۇتاس ٴبىتىرۋ“ سىناق تۇيىندەرىندە ٴونىمدى ىلگەرىلەتىلدى

”قوعامدىق قامسىزداندىرۋعا قاتىناسۋدى تىركەۋگە الدىرۋ، اقى تاپسىرۋدى ٴوتىنىش ەتۋ، مامىلەنى تەكسەرۋ سياقتى داعدىلى كاسىپتەردىڭ بارلىعىندا ولكە، ٴوڭىر اتتاپ بىتىرۋگە بولادى، ٴبىز مەرزىم سايىن ساياسات جونىندە ۇگىت - لەكسيا جاسايمىز، قوعامدىق قامسىزداندىرۋ قىزمەت وتەۋ بايلانىس كارتوچكاسىندا تەلەفون ٴنومىرى بار، قىزمەتكەرلەر بۇقارانىڭ جەلىدە، جەلىدەن تىس كاسىپتەردى ٴبىتىرۋ بارىسىندا جولىققان ماسەلەلەرىنە دەر كەزىندە جاۋاپ بەرەمىز“ - دەدى وبلىستىق قوعامدىق قامتاماسىزداندىرۋ مەكەمەسىنىڭ قىزمەتكەرى تانىستىرىپ.

وبلىستىق قوعامدىق قامتاماسىزداندىرۋ مەكەمەسى جياڭسۋ، گۋاڭدۇڭ قاتارلى ولكە، قالالارمەن بەلسەنە ۇشتاسىپ، ولكە اتتاپ، جەلىدەن تىس جۇمىس بىتىرەتىن 12 ارناۋلى تەرەزە اشىپ، 11 اۆتوماتتى قىزمەت وتەۋ رايونىن قۇرىپ، وبلىس دارەجەلى شيپاحانانىڭ جۇمىس ۇستىندە جارالانعان جۇمىسشى - قىزمەتكەرلەردىڭ ولكە اتتاپ باسقا جەردە ەسەپ جابۋ كەلىسىمىنە قول قويىپ، قامسىزداندىرۋعا قاتىناسقان بۇقاراعا بارىنشا قولايلىلىق جاراتتى. 10 - ايعا دەيىن جۇمىسشى - قىزمەتكەرلەردىڭ قامسىزداندىرۋعا قاتىناسۋىن تىركەۋگە الدىرۋ سياقتى 50 ٴتۇرلى قىزمەت وتەۋ ٴىسىن ”بۇكىل رايون بويىنشا ٴبىر تۇتاس ٴبىتىرۋ“، قوعامدىق قامسىزداندىرۋ مامىلەسىندەگى قىزمەتكەرلەردىڭ تولىمدىلىق كۋالىگىن الۋ سياقتى 26 ٴتۇرلى قىزمەت وتەۋ ٴىسىنىڭ ”ولكە اتتاپ ٴبىر تۇتاس ٴبىتىرىلۋىن“ جۇزەگە اسىردى، شينجياڭ سىرتىندا تولىمدىلىق كۋالىك الاتىن 2105 ادامنىڭ، قوعامدىق قامتاماسىزداندىرۋ قاتىناسىن ولكە اتتاپ اۋىستىراتىن 2490 ادامنىڭ جۇمىسىن بىتىرۋمەن بىرگە، باسقا جەردەگىلەردىڭ جەكەلىك ۇقىق - مۇددەسى جونىندە 750 ادامعا ماتەريال  باسىپ شىعارىپ بەردى. ”ولكە اتتاپ ٴبىر تۇتاس ٴبىتىرۋ“  قىزمەت وتەۋىندە مەملەكەتتىك ۇلگى رايون قۇرۋ تاجىريبەسىن، ٴادىسىن مەملەكەتتىك ادام كۇشى بايلىعى جانە قوعامدىق قامتاماسىزداندىرۋ مينيسترلىگى، اۆتونوميالى رايوندىق ادام كۇشى بايلىعى جانە قوعامدىق قامتاماسىزداندىرۋ مەڭگەرمەسى تۇراقتاندىردى ٴارى جالپىلاستىرۋ ۇلگىسى ەتتى.

نەگىزگى زەينەتكەرلىك قامسىزداندىرۋ مامىلەسى ورنىقتى جوعارىلادى

ىلە وبلىسى قالا، اۋىل تۇرعىندارىنىڭ نەگىزگى زەينەتكەرلىك قامسىزداندىرۋىنا كوللەكتيۆ قوسىمشا قاراجات بەرۋ قىزمەتىن بەلسەنە ىلگەرىلەتىپ، 24 قىستاقتى تاڭداپ تۇيىندە سىناق ەتتى، قازىر 4 قىستاقتان 457 تۇرعىن يگىلىككە كەنەلىپ، قوسىمشا قاراجات سوماسى 52 مىڭ 300 يۋانعا جەتتى. قالا، اۋىل تۇرعىندارىنىڭ نەگىزگى زەينەتكەرلىك قامسىزداندىرۋ مامىلەسىنىڭ دەڭگەيى ۇزدىكسىز جوعارىلادى، قازىرگە دەيىن جان باسىندىق ورتاشا مامىلە دەڭگەيى 215.23 يۋانعا جەتىپ، قالا، اۋىل تۇرعىندارىنان 174 مىڭ 100 ادام يگىلىككە كەنەلدى. 1 - ايدان 10 - ايعا دەيىن زەينەتكەرلىك، جۇمىس ۇستىندە جارالانۋ، جۇمىسسىزدىق قامسىزداندىرۋ مامىلەسىنەن جيىنى 8 ميلليارد 444 ميلليون يۋان تاراتىلىپ، مۇنىڭ يگىلىگىن كورگەن بۇقارا 380 مىڭ ادامعا جەتتى. جۇمىسسىز دىقتى قامسىزداندىرۋ، تۇرمىستى قامتاماسىزداندىرۋ، جۇمىسسىزدىقتان ساقتانۋ، جۇمىستانۋدى جەبەۋ فۋنكتسياسىن بەلسەنە ساۋلەلەندىرىپ، 1 - ايدان 10 - ايعا دەيىن كاسىپورىندار مەن جەكەلەردىڭ ساياساتتى تياناقتاندىرۋ جاعىنداعى قارجىسى 149 ميلليون يۋانعا جەتتى.

قوعامدىق قامسىزداندىرۋدىڭ كولەمى كەڭەيتىلىپ، ساپاسى جوعارىلاتىلدى

بيىل جىل باسىنان بەرى ەڭبەك باقىلاۋ - تەكسەرۋ، اداقتاۋ، قازىنالىق باقىلاۋ، جيناۋ - تاپسىرۋ سياقتى تاراۋلاردى داعدىلى ۇيىمداستىرىپ، زاڭنىڭ اتقارىلۋىن بىرلەسىپ تەكسەرۋ ورىستەتىپ، نازاردى كاسىپورىندارعا، ورىندارعا، يكەمدى جۇمىستانۋشىلارعا، جاڭا كاسىپ سالاسىنداعى جۇمىستانۋشىلارعا، ينجەنەريالىق قۇرىلىس نىساندارىنداعىلاردى سالاعا، تۇرگە ٴبولىپ، قاتىناسۋعا تيىستىلەرىن مۇمكىندىكتىڭ بارىنشا قاتىناستىرۋدى ويداعىداي يگەرۋگە شوعىرلاندىردى. 10 - ايدىڭ سوڭىنا دەيىن نەگىزگى زەينەتكەرلىك قامسىزداندىرۋىنا ٴبىر ميلليون 572 مىڭ 500 ادام، جۇمىسسىز قالعانداردى قامسىزداندىرۋىنا 290 مىڭ 900 ادام، جۇمىس ۇستىندە جارالانعانداردى قامسىزداندىرۋعا 438 مىڭ 800 ادام قاتىناستى.

”پارتيا 20 - كەزەكتى ورتالىق كوميتەتىنىڭ ٴۇشىنشى جالپى ماجىلىسىندە دامۋ بارىسىندا حالىق تۇرمىسىن قامتاماسىزداندىرۋ جانە جاقسارتۋ − جۇڭگو ۇلگىسىندەگى وسىزامانداندىرۋدىڭ كەلەلى مىندەتى دەپ العا قويىلدى. كەلەسى قادامدا ٴبىز يكەمدى جۇمىستانعانداردىڭ، ديقان جۇمىسكەرلەردىڭ، جاڭا جۇمىستانۋ كۇيىندەگى ادامداردىڭ قامسىزداندىرۋعا قاتىناسۋ كولەمىن كەڭەيتۋ، قالا، اۋىل تۇرعىندارىنىڭ نەگىزدىك زەينەتاقىسىن جوعارىلاتۋ، قوعامدىق قامسىزداندىرۋدى ٴبىتىرۋ دەڭگەيىن جوعارىلاتۋ سياقتى جاقتاردا ەگجەي - تەگجەيلى، ناقتى ىستەپ، وبلىسقا توتە قاراستى ورىنداردىڭ قوعامدىق قامتاماسىزداندىرۋ جۇيەسىن ونان ارى كەمەلدەندىرەمىز“، - دەدى ىلە وبلىستىق ادام كۇشى بايلىعى جانە قوعامدىق قامتاماسىزداندىرۋ مەكەمەسى پارتيا باسشىلىق گرۋپپاسىنىڭ مۇشەسى، وبلىستىق قوعامدىق قامسىزداندىرۋدى باسقارۋ مەكەمەسىنىڭ باستىعى يۇي شۋدى.