ٴتىلشىمىز لۋ جۇڭ، ەرىكتى ٴتىلشى جاڭ جيڭ حابارلايدى. 11 - ايدىڭ 17 - كۇنى ” كورىكتى قار - مۇز القابى . باۋرامدى ىلە“ 2024 - جىلعى ىلە مادەنيەت - ساياحاتىن تانىستىرۋ جينالىسى (بەيجيڭ بەكەتى) بەيجيڭدەگى شينجياڭ عيماراتىندا وتكىزىلدى. وسى رەتكى قيمىلدى جياڭسۋ ولكەسىنىڭ ىلە وبلىسىنا باعىتتامالى كومەكتەسۋ الدىڭعى شەپ قولباسشىلىق شتابى اۆتونوميالى رايوندىق حالىق ۇكىمەتىنىڭ بەيجيڭدە تۇراتىن ٴىس باسقارۋ ورنىمەن بىرگە ۇيىمداستىردى، ىلە وبلىستىق مادەنيەت، راديو، تەلەۆيزيا جانە ساياحات مەكەمەسى ۇستىنە الىپ وتكىزدى، مۇنداعى ماقسات ىلەنىڭ مول قىسقى قار ـ مۇز ەكونوميكالىق بايلىعىن جان ـ جاقتى ايگىلەپ، ەكى جەردىڭ مادەنيەت، ساياحات اۋىس ـ كۇيىسى مەن سەلبەستىك كوپىرىن سالۋ. ەلىمىزدەگى ولكەلەردىڭ بەيجيڭدە تۇراتىن ۋاكىلدەرى، بەيجيڭ قالالىق مادەنيەت، ساياحات كاسىپورىندارىنىڭ ۋاكىلدەرى، ىلە وبلىسىنداعى اۋدان، قالالاردىڭ مادەنيەت، ساياحات ۋاكىلدەرى، سونداي ـ اق اقپارات قۇرالدارىنىڭ ۋاكىلدەرى سياقتى 150 دەن استام ادام قيمىلعا قاتىناستى.

اۆتونوميالى رايوندىق حالىق ۇكىمەتىنىڭ بەيجيڭدە تۇراتىن ٴىس باسقارماسى پارتيا باسشىلىق گرۋپپاسىنىڭ شۋجيى، مەڭگەرۋشى جاڭ گاڭ قارسى الۋ ٴسوزىن سويلەپ، قيمىلعا كەلگەن سيلى قوناقتاردى قارسى الدى ٴارى ىلەنىڭ مادەنيەت، ساياحات بايلىعىن تانىستىردى.

بەيجيڭ قالالىق مادەنيەت جانە ساياحات مەكەمەسىنىڭ 2 - دارەجەلى شارلاۋشىسى لين زىڭۋي ىلەنىڭ قار - مۇز ەكونوميكاسى كاسىپ سالاسىن دامىتۋ جاعىندا قول جەتكىزگەن تابىستارىن القادى. ول: ”بەيجيڭ قالاسى مەن ىلە وبلىسىنىڭ مادەنيەت، ساياحات سالاسىنداعى سەلبەستىگىنىڭ بولاشاعى زور، بولاشاقتا ەكى جاقتىڭ سەلبەستىكتى كۇشەيتىپ، ەكى جەردىڭ مادەنيەت، ساياحات ىستەرىنىڭ گۇلدەنىپ ـ كوركەيۋىن، دامۋىن بىرگە ىلگەرىلەتۋىن ٴۇمىت ەتەمىن“ دەدى.

ىلە وبلىستىق پارتكومنىڭ ورىنباسار شۋجيى، جياڭسۋ ولكەسىنىڭ ىلە وبلىسىنا كومەكتەسۋ الدىڭعى شەپ قولباسشىلىق شتابى پارتكومىنىڭ شۋجيى، باس جەتەكشى جاۋ چيڭحۇڭ ىلەنىڭ شينجياڭنىڭ ماڭىزدى ساياحات نىسانالى جەرى رەتىندەگى وزگەشە تارتىمدىلىعىن تانىستىرىپ بىلاي دەدى: ”ىلە كوركەم جاراتىلىستىق كورىنىسكە جانە باي تاريحي مادەنيەت قۇندىلىعىنا يە بولىپ قالماستان، ەرەكشە ۇلتتىق سالت - سانا مەن ٴدامدى تاعامدار مادەنيەتىنە يە. وسى وزگەشە بايلىقتار ىلەنىڭ مادەنيەت، ساياحات كاسىپ سالاسىنىڭ دامۋىنا بەرىك نەگىز قالادى“.

تانىستىرۋ جينالىسى الاڭىندا ارتيستەر دايىنداپ اكەلگەن ادەبيەت ـ كوركەمونەر نومىرلەرىنىڭ مازمۇنى باي بولدى.

«تيانشاندا شارىقتاعان ٴان» اتتى ٴبي تارتىمدى قيمىل مەن ويناقى اۋەن ارقىلى تيانشان تاۋىنىڭ كوركەم كورىنىسىن جانە ىلە حالقىنىڭ قوناعۋارلىعىن ايگىلەي ٴتۇستى. بيشىلەر اسەم ۇلتتىق كيىم كيىپ، ٴان ايتىپ، ٴبي بيلەپ، پارتيانىڭ باسشىلىعىندا ٴار ۇلت حالقىنىڭ باقىتتى تۇرمىس كەشىرىپ جاتقاندىعىن ايگىلەدى.

مادەنيەت، ساياحات ىستەرىن تانىستىرۋ ساتىسىندا ىلەنىڭ جاراتىلىستىق كورىنىستەرى، تاريحي مادەنيەتى جانە ساياحات بايلىعى كورسەتىلدى. تانىستىرۋشىلار ىلەنىڭ ساياحات كورىنىس تۇيىندەرىن، ەرەكشە نىساندارىن سونداي - اق ىلەنىڭ سالت - سانا مادەنيەتى مەن ٴدامدى تاعامدار مادەنيەتىن ەگجەي - تەگجەيلى تانىستىرىپ، سول جەردەگى سيلى قوناقتاردىڭ ىلەنى جان - جاقتى تۇسىنۋىنە مۇمكىندىك جاسادى.

ساياحاتشى ”جيە جۋ“ ٴوزىنىڭ ىلەدەگى ساياحاتىنىڭ تاماشا ساتتەرىمەن جانە ەستەن كەتپەس كەشىرمەلەرىمەن ٴبولىسىپ، سول جەردەگى سيلى قوناقتارعا ٴوزىنىڭ ىلەدەگى ەرەكشە ويىندارىن تانىستىردى، ونداعى تيانشاننىڭ وڭتۇستىگى مەن سولتۇستىك سىزىعىن جاياۋ كەسىپ ٴوتۋ، كاسىپتىك فوتو سۋرەتكە ٴتۇسىرىپ ەستەلىك قالدىرۋ ورنى سياقتىلار كورەرمەندەردىڭ ىلە ساياحاتىنا دەگەن قىزعىندىلىعى مەن ىنتاسىن بارىنشا قوزعادى.

تانىستىرۋ جينالىسىندا «ىلە وبلىسىنىڭ 2024 ـ جىلعى كۇز، قىس ماۋسىمدارىندا ”ىلەگە قوناق باۋراۋ“ اتىنداعى سيلىق، قوسىمشا قاراجاتىن بەرۋ جوباسى»، كۇن ساۋلەسىنىڭ استىندا شاڭعى تەبۋ تاقىرىپتىق ساياحاتى، جىبەك جولىنىڭ سالت ـ سانا شەكارا اتتاعان ساياحاتى سياقتى 6 ٴىرى تاقىرىپتىق ساياحات جەلىسى جاريالاندى. مۇنىڭ ىشىندە ساياحاتشىلاردى قىستا ىلەگە ساياحاتتاۋعا باۋراۋ ٴۇشىن 500 مىڭ يۋان سيلىق اقشا اجىراتىپ، ىلە وبلىسىنىڭ قار - مۇز ساياحاتىن قول تەلەفون فوتو سۋرەت جارىسىنا پايدالاندى.

ىلە وبلىسىنىڭ اۋدان، قالالارىنداعى تانىستىرۋشى ىلەنىڭ ساياحات كورىنىس تۇيىندەرى مەن ەرەكشە نىساندارىن ەگجەي - تەگجەيلى تانىستىرۋدا.

 2024 - جىلعى ىلە مادەنيەت ساياحاتىن تانىستىرۋ ٴماجىلىسىنىڭ ( بەيجيڭ بەكەتى ) الاڭى. 

سۋرەتتەردى ىلە وبلىستىق مادەنيەت، راديو، تەلەۆيزيا جانە ساياحات مەكەمەسى قامداعان.