ما شيڭرۇي اۆتونوميالى رايوندىق پارتكوم كەڭسەسى باسقاراتىن 2 ـ دارەجەلى ورىنداردى ىشكەرىلەي ارالاپ، تەكسەرۋ ـ زەرتتەۋ جۇرگىزدى

پارتياعا شارتسىز ادالدىقتى بەكەمدەپ، قىزمەت وتەۋ قابىلەتى مەن دەڭگەيىن جوعارىلاتىپ، شينجياڭ قىزمەتى كەلەلى جاعدايىنا اناعۇرلىم بەرىك، پارمەندى قامتاماسىزدىق ازىرلەۋ كەرەك

11 ـ ايدىڭ 26 ـ كۇنى اۆتونوميالى رايوندىق پارتكومنىڭ شۋجيى ما شيڭرۇي اۆتونوميالى رايوندىق پارتكوم كەڭسەسى باسقاراتىن قۇپيا سيفر باسقارۋ، حابارلاسۋ، قۇپيالىقتى ساقتاۋ، ارحيۆ سياقتى 2 ـ دارەجەلى ورىندارعا بارىپ تەكسەرۋ ـ زەرتتەۋ جۇرگىزدى. سۋرەتتە: ما شيڭرۇي اۆتونوميالى رايوندىق ارحيۆ سارايىنىڭ ارحيۆتەردى قىشقىلسىزداندىرۋ بولمەسىنە بارىپ قىزمەت تانىستىرۋىن ەگجەي ـ تەگجەيلى تىڭداۋدا.

□ سۋرەتتى انار بۇلت \شينجياڭ گازەتىنىڭ ٴتىلشىسى سۇي جىجيان تۇسىرگەن

انار بۇلت \ شينجياڭ گازەتىنىڭ ٴتىلشىسى ۋاڭ شيڭرۇي 11 ـ ايدىڭ 26 ـ كۇنى ۇرىمجىدەن حابارلايدى. اۆتونوميالى رايوندىق پارتكومنىڭ شۋجيى ما شيڭرۇي 11 ـ ايدىڭ 26 ـ كۇنى اۆتونوميالى رايوندىق پارتكوم كەڭسەسى باسقاراتىن قۇپيا سيفر باسقارۋ، حابارلاسۋ، قۇپيالىقتى ساقتاۋ، ارحيۆ سياقتى 2 ـ دارەجەلى ورىندارعا بارىپ تەكسەرۋ ـ زەرتتەۋ جۇرگىزىپ، ٴار ۇلت كادر، جۇمىسشى ـ قىزمەتكەرلەرىنە امانداستى. ول بىلاي دەپ باسا دارىپتەدى: پارتيا 20 ـ كەزەكتى ورتالىق كوميتەتى ٴۇشىنشى جالپى ٴماجىلىسىنىڭ رۋحىن جانە باس شۋجي شي جينپيڭنىڭ جاڭا داۋىردەگى كەڭسە قىزمەتى جونىندەگى ماڭىزدى نۇسقاۋىنىڭ رۋحىن ىشكەرىلەي دايەكتىلەندىرىپ، جاڭا داۋىردەگى پارتيانىڭ شينجياڭدى باسقارۋ جالپى جوباسىن تولىق، دالمە ـ ٴدال، جاپپاي دايەكتىلەندىرۋدى ارقاۋ ەتىپ، پارتياعا شارتسىز ادالدىقتى بەكەمدەپ، قىزمەت وتەۋ قابىلەتى مەن دەڭگەيىن جوعارىلاتىپ، حاۋىپسىزدىك قىزىل سىزىعىن، تومەنگى شەگىن ساقتاپ، اۆتونوميالى رايوندىق پارتكومنىڭ ويداعىداي ”پارمەندى الدىڭعى قاراۋىلى“ جانە ”بەرىك ارتقى اۋلاسى“ بولۋعا قۇلشىنىپ، شينجياڭ قىزمەتىنىڭ كەلەلى جاعدايىنا اناعۇرلىم بەرىك، پارمەندى قامتاماسىزدىق ازىرلەۋ كەرەك.

ما شيڭرۇي ىلگەرىندى ـ كەيىندى قۇپيا سيفر باسقارۋ مەكەمەسى، ارحيۆ مەكەمەسى، اۆتونوميالى رايوندىق مەملەكەت قۇپيالىعىن ساقتاۋ مەكەمەسى، اۆتونوميالى رايوندىق ارحيۆ سارايى سياقتى ورىندارعا باردى، بارعان جەرىندە ول قىزمەت تانىستىرۋىن ەگجەي ـ تەگجەيلى تىڭداپ، كاسىپتىك باسقارما ـ كەڭسەلەرگە جانە قىزمەت ورىندارىنا بارىپ تەكسەرۋ جۇرگىزىپ، قاتىستى جاۋاپتى جولداستارمەن جانە كادر، جۇمىسشى ـ قىزمەتكەرلەرمەن ىشكەرىلەي اڭگىمەلەسىپ، ٴارقايسى ورىننىڭ ٴتۇيىندى قىزمەتتەردى ونان ارى ىلگەرىلەتۋىنە جەتەكشىلىك ەتتى، جەبەدى. ول بىلاي دەپ باسا دارىپتەدى: حاۋىپسىزدىك، قۇپيالىقتى ساقتاۋ، حابارلاسۋدى قامتاماسىز ەتۋ، ارحيۆ باسقارۋ سياقتى قىزمەتتەردىڭ سيپاتى ەرەكشە، تالابى قاتاڭ، جاۋاپكەرشىلىگى توتەنشە اۋىر. پارتكوم كەڭسەسى باس شۋجي شي جينپيڭنىڭ ”بەسكە تاباندى بولۋ“ ماڭىزدى تالابىن ىشكەرىلەي ۇيرەنىپ، دايەكتىلەندىرىپ، ساياسي جاۋاپكەرشىلىك ارقالاۋدى شىنايى كۇشەيتىپ، قىزمەت جاۋاپكەرشىلىگى مەن بورىشىن باتىل ارقالاپ، ٴتۇرلى قىزمەتتەردىڭ تاعى دا تىڭ ساتىعا كوتەرىلۋىن جوعارى ساپالى ىلگەرىلەتۋ كەرەك. پارتياعا شارتسىز ادال بولۋعا شىنايى كەپىلدىك ەتىپ، باستاماشىلدىقپەن ”ەكىنى تۇراقتاندىرۋدى“ تاباندىلىقپەن قولداپ، ”ەكىنى قورعاۋدى“ باتىل ورىنداپ، پارتيا مەن مەملەكەتتىڭ مۇددەسىن باستان ـ اياق ماڭداي الدى ورىنعا قويىپ، شارتسىز ادال بولۋدى، شارتسىز سەنىمدى بولۋدى قان تامىرعا ٴسىڭىرىپ، ارەكەتتە تياناقتاندىرۋ كەرەك. قىزمەت وتەۋدى قامتاماسىز ەتۋ دەڭگەيىن جوعارىلاتىپ، كەلەلى جاعدايدى مىقتاپ ارقاۋ ەتىپ، قاي ـ قاشان دا نازاردى كەلەلى جاعدايعا شوعىرلاندىرىپ، بارلىق جەردە كەلەلى جاعدايعا قىزمەت وتەپ، اۆتونوميالى رايوندىق پارتكومنىڭ ٴتۇيىندى قىزمەتتەرىمەن تىعىز بايلانىستىرىپ، قىزمەت وتەۋدى قامتاماسىز ەتۋدىڭ اناعۇرلىم ماماندانۋىن، اناعۇرلىم ەگجەي ـ تەگجەيلى، اناعۇرلىم جوعارى ٴونىمدى بولۋىن ىلگەرىلەتىپ، جاڭا جاعدايعا، جاڭا مىندەتكە ىرىقتىلىقپەن ۇيلەسىپ، عىلىم ـ تەحنيكادا جاڭالىق اشۋدى جانە عىلىم ـ تەحنيكا قورعانىسىن كۇشەيتىپ، حاۋىپسىزدىكتىڭ ”جان تامىرىن“ باتىل ساقتاپ، ”ۇشكە قىزمەت وتەۋ“ ونىمدىلىگىن ۇزدىكسىز كۇشەيتۋ كەرەك. بىرەگەي ورگان قۇرۋعا قۇلشىنىپ، اناعۇرلىم جوعارى ولشەم، اناعۇرلىم قاتاڭ تالاپ، اناعۇرلىم ناقتى شارالار ارقىلى وزىندىك قۇرىلىستى كۇشەيتىپ، ساياسيدا ىسىلعان، قابىلەتى مىعىم، ستيلى تاماشا كادر، جۇمىسشى ـ قىزمەتكەرلەر قوسىنىن قۇرىپ، ٴار دارەجەلى پارتيا، ۇكىمەت ورگاندارىندا ەڭ الدىڭعى لەكتە جۇرۋگە، ويداعىداي ”كوشباسشى“ بولۋعا قۇلشىنىپ، پارتيا الاڭسىز بولاتىن، حالىق رازى بولاتىن ۇلگىلى ورگان قۇرۋ كەرەك.