ياڭ شيۋلي، ەلشات تۇرسىنباي ۇلى قۇلجا قالاسىندا قوعام حاۋىپسىزدىگى مەن ورنىقتىلىق قىزمەتىنە تەكسەرۋ - زەرتتەۋ جۇرگىزدى
قوعامدىق جالپى جاعدايدىڭ جاراسىمدىلىعىن، ورنىقتىلىعىن باتىل قورعاۋ كەرەك
سۋرەتتە: وبلىستىق پارتكومنىڭ شۋجيى ياڭ شيۋلي، وبلىستىق پارتكومنىڭ ورىنباسار شۋجيى، وبلىس باستىعى ەلشات تۇرسىنباي ۇلى قاتارلى وبلىس باسشىلارى قۇلجا قالالىق 24 - باستاۋىش مەكتەپتە اماندىقتى قورعاۋ شارالارىنىڭ تياناقتاندىرىلۋى، حاۋىپسىزدىك كومەسكى كىناراتتارىن تەكسەرۋ سياقتى جاعدايلاردى جۇمىس باسىندا تەكسەردى. سۇن ي - نان فوتوسى
تىلشىلەرىمىز ما چىڭلۋ، سۇن ي - نان، چين لەي حابارلايدى. 11 - ايدىڭ 25 - كۇنى ىلە وبلىستىق پارتكومنىڭ شۋجيى ياڭ شيۋلي، وبلىستىق پارتكومنىڭ ورىنباسار شۋجيى، وبلىس باستىعى ەلشات تۇرسىنباي ۇلى قۇلجا قالاسىنداعى مەكتەپ، باقشا، شيپاحانا، ساۋدا ٴتۇيىنى، الەۋمەتتىك اۋماق، ساقشى بولىمشەسى سياقتى نەگىزگى ساتىنىڭ ٴبىرىنشى شەبىن ارالاپ، پارتيا 20 - كەزەكتى ورتالىق كوميتەتى ٴۇشىنشى جالپى ٴماجىلىسىنىڭ رۋحىن مۇقيات ۇيرەنىپ، دايەكتىلەندىرىپ، جاڭا داۋىردەگى پارتيانىڭ شينجياڭدى باسقارۋ جالپى جوباسىن تولىق، دالمە - ٴدال، جاپپاي دايەكتىلەندىرىپ، پارتيا ورتالىق كوميتەتىنىڭ شەشىمدەرى مەن ورنالاستىرۋلارىنا جانە اۆتونوميالى رايوندىق پارتكومنىڭ قىزمەت تالابىنا ساي، قوعام حاۋىپسىزدىگى مەن ورنىقتىلىق قىزمەتىن ويداعىداي، شىنايى يگەرۋ جونىندە تەكسەرۋ - زەرتتەۋ جۇرگىزدى.
ياڭ شيۋلي، ەلشات تۇرسىنباي ۇلى قۇلجا قالالىق 24 - باستاۋىش مەكتەپ، حانبين باقشاسى، ىلە وبلىستىق جۇڭگوشا ەمدەۋ شيپاحاناسى سياقتى ادامدار شوعىرلى ورىنداردا اماندىقتى قورعاۋ شارالارىنىڭ تياناقتاندىرىلۋى، حاۋىپسىزدىك كومەسكى كىناراتتارىن تەكسەرۋ سياقتى جاعدايلاردى جۇمىس باسىندا تەكسەردى. ياڭ شيۋلي بىلاي دەپ باسا دارىپتەدى: مەكتەپ اۋلاسىنىڭ حاۋىپسىزدىگىن باسقارۋدى ۇزدىكسىز كۇشەيتىپ، الۋان فورمالى حاۋىپسىزدىك تاربيەسىن بەلسەنە ورىستەتىپ، مەكتەپكە باراتىن، قايتاتىن كەزدەگى قاۋىرت مەزگىلدى ٴبولىپ ورنالاستىرۋ قىزمەتىن ٴداپ باسىپ ويداعىداي ىستەپ، وقىتۋشى - وقۋشىلاردىڭ حاۋىپسىز جول جۇرۋىنە كەپىلدىك ەتۋ كەرەك. ادام، زات، تەحنيكا قورعانىسىن ٴوزارا ۇشتاستىرۋعا تاباندى بولىپ، عىلمي، يكەمدى ساقشى ورنالاستىرىپ، ساقتانۋ، تىزگىندەۋ مەحانيزمىن ساپالىلاندىرىپ، كوشەلەردە ساقشى بولۋ مولشەرىن اناعۇرلىم جوعارىلاتۋ كەرەك. ٴار دارەجەلى شيپاحانالار ناۋقاستى وزەك ەتكەن قىزمەت وتەۋ ۇستانىمىن بەرىك ورناتىپ، ەرەكشە ٴبولىم - كەڭسە، تانىمالى شيپاگەرلەر قوسىنى قۇرىلىسىن كۇشەيتىپ، ساقشى مەن شيپاگەردىڭ بىرلەسە قيمىلداۋىن كۇشەيتىپ، شيپاگەرلەر مەن ناۋقاستار اراسىندا داۋ - شار تۋىلۋىنان ٴونىمدى ساقتانىپ جانە ونى شەشىپ، قالىڭ بۇقارانىڭ ەمدەلۋ قاجەتىن ۇزدىكسىز قاناعاتتاندىرۋ كەرەك.
شۇنفىڭ جەدەل تاسىمالىنا تەكسەرۋ - زەرتتەۋ جۇرگىزگەندە ياڭ شيۋلي، ەلشات تۇرسىنباي ۇلى كاسىپورىن قىزمەتكەرلەرىمەن ىقىلاستى اڭگىمەلەسىپ، كاسىپورىننىڭ باسقارۋ، تيجارات جۇرگىزۋ، ٴوندىرىس حاۋىپسىزدىگى سياقتى جاعدايلارىن ەگجەي - تەگجەيلى ۇعىستى. ياڭ شيۋلي كاسىپورىنداردى حاۋىپسىز دامۋدى كوزدە ۇستاپ، كاسىپ كولەمىن كەڭەيتىپ، ونان ارى زورايتۋعا، كۇشەيتۋگە شابىتتاندىردى. قاتىستى تاراۋلار كاسىپورىنداردىڭ دامۋىن زور كۇشپەن قولداپ، ورتا، شاعىن كاسىپورىنداردىڭ جۇمىسقا قابىلداۋ رولىن تولىق ساۋلەلەندىرىپ، ٴتىپتى دە كوپ ادامنىڭ جۇمىسقا ورنالاسۋىنا، كىرىسىن ارتتىرىپ، اۋقاتتانۋىنا كومەكتەسۋ جانە جەتەكشىلىك ەتۋ كەرەكتىگىن باسا دارىپتەدى.
وسىدان كەيىن ياڭ شيۋلي، ەلشات تۇرسىنباي ۇلى قۇلجا قالاسى ٴدوڭمالى ٴمالى باسقارماسى دوستىق كوشەسى الەۋمەتتىك اۋماعىنا جانە ٴدوڭمالى ساقشى بولىمشەسىنە بارىپ، كادرلار قوسىنى قۇرىلىسى، نەگىزگى ساتىنى باسقارۋ، شۇعىل جاعدايعا توتەپ بەرۋ جانە ٴبىر جاقتى ەتۋ سياقتى جاقتاردا ٴمالى باسقارماسىنىڭ، الەۋمەتتىك اۋماقتىڭ كادرلارىمەن جانە نەگىزگى ساتى حالىق ساقشىلارىمەن ىشكەرىلەي پىكىر اۋىستىردى. ياڭ شيۋلي كوپشىلىكتىڭ قاجىرلى ەڭبەگىن تولىق تۇراقتاندىردى ٴارى بىلاي دەپ باسا دارىپتەدى: ورنىقتىلىقتى قورعاۋداعى ساياسي جاۋاپكەرشىلىكتى مىقتاپ ارقالاپ، ورنىقتىلىقتى قورعاۋ كۇشتەرىنىڭ نەگىزگى ساتىعا بارۋىن، ساپالىلانۋىن، قايتا قۇرىلۋىن ۇزدىكسىز ىلگەرىلەتىپ، ٴمالى باسقارماسى مەن ساقشى بولىمشەسىنىڭ كۇشتەرىن ٴبىر تۇتاس جوسپارلاپ ويداعىداي پايدالانىپ، سايكەسۋدى، بىرلەسە قيمىلداۋدى جاپپاي كۇشەيتىپ، قوعامدىق جالپى جاعدايدىڭ جاراسىمدىلىعىن، ورنىقتىلىعىن باتىل قورعاۋ كەرەك.
تەكسەرۋ - زەرتتەۋ بارىسىندا ياڭ شيۋلي بىلاي دەپ باسا دارىپتەدى: حاۋىپسىزدىك، ورنىقتىلىق قىزمەتى سان مىڭداعان وتباسىمەن بايلانىسىپ جاتادى. يدەيالىق تانىمدى جوعارىلاتىپ، قوعام ورنىقتىلىعىن قورعاۋدى ماڭداي الدى ورىنعا قويۋعا تاباندى بولىپ، يدەيادا سەرگەك، ارەكەتتە قىراعى بولۋدى باستان - اياق ساقتاپ، ”ٴاردايىم قام جەپ تۇراتىن“ جاۋاپكەرشىلىك سەزىمىمەن قوعام حاۋىپسىزدىگى، ورنىقتىلىق قىزمەتتەرىن ويداعىداي يگەرىپ، حالىق بۇقاراسىنىڭ ٴومىرىنىڭ حاۋىپسىزدىگى مەن قوعام ورنىقتىلىعىن كۇش سالا قامتاماسىز ەتۋ كەرەك. قايشىلىقتار مەن داۋ - شارلاردى ٴبىر - بىرلەپ تەكسەرۋ، شەشۋ تەبىنىن ارتتىرىپ، قيىنشىلىعى بار قاۋىمعا كوڭىل ٴبولىپ، قامقورلىق جاساپ، تۋ باستان ساقتانۋدى، شەتىنەن تەكسەرىپ ساقتانۋدى، كوپ نەگىزدى شەشۋدى ەگجەي - تەگجەيلى ويداعىداي ىستەپ، ٴتۇرلى حاۋىپ - قاتەردەن، كومەسكى كىناراتتان جاپپاي ساقتانۋ جانە ونى جويۋ كەرەك. قوعامدىق جالپى بەتتىك ساقتانۋ - تىزگىندەۋدى ۇزدىكسىز ويداعىداي يگەرىپ، مەكتەپ، شيپاحانا، باقشا، بازار، دۇكەن جانە ەرەن بازارلار سياقتى ادام شوعىرلانعان ورىندار مەن ٴتۇيىندى ورىنداردى ٴجىتى قاداعالاپ، ورنىقتىلىقتى قورعاۋدىڭ ٴونىمدى مەحانيزمى مەن ادىستەرىن ۇزدىكسىز ويداعىداي تياناقتاندىرىپ، قوعامدىق جالپى جاعدايدىڭ تىنىش، ٴتارتىپتى ٴارى ومىرشەڭدىك كۇشكە تولى بولۋىنا كەپىلدىك ەتۋ كەرەك. ٴوندىرىس حاۋىپسىزدىگى قىزمەتىن مىقتى، شىنايى يگەرىپ، تومەنگى شەكتە ويلاۋدى بەرىك ورناتىپ، ماسەلەنى باعدار ەتۋگە تاباندى بولىپ، نازاردى قاتىناس، كەن، قاتەرلى حيميالىق بۇيىمدار، جانار گاز سياقتى ٴتۇيىندى سالالارعا شوعىرلاندىرىپ، حاۋىپ - قاتەرلەردى شەتىنەن تەكسەرۋدى ويداعىداي ىستەپ، باقىلاۋ - باسقارۋدى، زاڭ اتقارۋدى كۇشەيتىپ، كاسىپورىنداردىڭ تۇلعالىق جاۋاپكەرشىلىگىن تياناقتاندىرىپ، اۋىر، ەرەكشە اۋىر شىرعالاڭداردىڭ تۋىلۋىن باتىل تەجەۋ كەرەك.
وبلىس باسشىلارىنان جاۋ سۇيفاڭ، لي ۋي، جاڭ ۋبين تەكسەرۋ - زەرتتەۋگە قاتىناستى.