2023 - جىلعى (12 - كەزەكتى) وزبەكستان − جۇڭگو شينجياڭ تاۋار كورمەسى جابىلدى

　　كەلىسىم جاسالعان جالپى سوما 4 ميلليارد 800 ميلليون يۋاننان استى

انار بۇلت \ شينجياڭ گازەتىنىڭ ءتىلشىسى حي حۇڭۋي 9 - ايدىڭ 7 - كۇنى تاشكەنتتەن حابارلايدى. 9 - ايدىڭ 6 - كۇنى 3 كۇنگە جالعاسقان 2023 - جىلعى (12 - كەزەكتى) وزبەكستان − جۇڭگو شينجياڭ تاۋار كورمەسى وزبەكستاننىڭ تاشكەنت قالاسىندا تابىسپەن جابىلدى، جۇڭگو جاقتىڭ ءارقايسى كاسىپورىندارى، ۋاكىلدەر ۇيىرمەلەرى وزبەكستان جاقپەن جيىنى 22 نيەتناما توقتامىن جاساسىپ، كەلىسىم جاسالعان جالپى سوما 4 ميلليارد 818 ميلليون يۋانعا جەتىپ، ەنەرگيا، نەگىزدىك قۇرىلعى قۇرىلىسى، اۆتوكولىك جاساۋ، اۋىل شارۋاشىلىعى ونىمدەرىن ءوندىرۋ، مانەرلەۋ، مادەنيەت، ساياحات نىساندارى سياقتى ەرەكشەلىككە، باسىمدىققا يە سالالارعا سايىپ، كەلىسىم جاسالعان كولەم ءار كەزەكتەن بەرگى ەڭ جوعارى دەڭگەيگە جەتتى.

كورمە - ءماجىلىس كەزىندە تاعى جۇڭگو شينجياڭ − وزبەكستان كاسىپورىندارىنىڭ ەكونوميكا - ساۋدا اۋىس - كۇيىس ءماجىلىسى وتكىزىلىپ، ءارقايسى كاسىپورىن، ۋاكىلدەر ۇيىرمەلەرى وزبەكستان جاقپەن 14 نيەتناما توقتامىن جاساسىپ، كەلىسىم جاسالعان سوما 4 ميلليارد 146 ميلليون يۋانعا جەتتى.

كولەمىنىڭ ۇزدىكسىز كەڭەيۋىنە، مازمۇنىنىڭ كۇن سايىن بايۋىنا ىلەسە، بۇگىنگى تاڭدا بۇل كورمە - ءماجىلىس جۇڭگو شينجياڭىنىڭ وزبەكستانداعى ايگىلى ماركا كورمە - ماجىلىسىنە اينالىپ، جۇڭگونىڭ شينجياڭىنىڭ وزبەكستانمەن ەكونوميكا - ساۋدا اۋىس - كۇيىسىن، سەلبەستىگىن پارمەندى ىلگەرىلەتتى. وسى كەزەكتى كورمە - ءماجىلىسىنىڭ كورمە اۋماعىنىڭ كولەمى بۇرىنعى كەزەكتەگىلەردەن الدەقايدا اسىپ ءتۇسىپ، 5000 شارشى مەترگە جەتىپ، جۇڭگو شينجياڭ قارجى قوسۋ سەلبەستىك كورمە اۋماعى، شينجياڭ كاسىپورىندارى كورمە اۋماعى سىندى 2 ۇلكەن بولىك ورنالاستىرىلىپ، كەلىسىم جاسالعان سوماسى، كورمە ورنى اۋماعى، كورمەگە قاتىناسقان كاسىپورىنداردىڭ سانى، كورمەگە، ماجىلىسكە قاتىناسقانداردىڭ سانى جانە كورمە مازمۇندارىنا ساياتىن كاسىپتەردىڭ بارلىعى بۇرىنعى كەزەكتەردەن بەرگى ەڭ جوعارى دەڭگەيگە جەتتى.

كورمە - ءماجىلىستىڭ تۇعىرلىق رولىن اناعۇرلىم ويداعىداي ساۋلەلەندىرىپ، شينجياڭنىڭ سىرتقا ەسىك اشۋداعى جەتىستىكتەرىن اناعۇرلىم تانىستىرۋ ءۇشىن، وسى كەزەكتى كورمە - ءماجىلىس سونىمەن ءبىر ۋاقىتتا جۇڭگو شينجياڭىنىڭ ايگىلى، ساپالى ازىق - تۇلىكتەرىن تانىستىرۋ، قىزىل اراق ساراپتاۋ، شاي ونەرى مادەنيەتىن ايگىلەۋ، جۇڭيدى جالپىلاستىرۋ سياقتى قيمىلداردى وتكىزىپ، شينجياڭنىڭ باسىمدىققا يە كاسىپ سالاسى مەن مادەنيەت فاكتورىن توعىستىرۋ ارقىلى جەرگىلىكتى ورىنداعى كورەرمەندەردىڭ قاتىناسۋ سەزىمى مەن سەزىنۋ اسەرىن جوعارىلاتتى.

شينجياڭ ساۋدانى جەبەۋ قوعامى كەڭسەسىنىڭ مەڭگەرۋشىسى حۋاڭ يميڭ مىنالاردى ءبىلدىردى: وسى كەزەكتى كورمە - ماجىلىستە كەلىسىم جاسالعان نىسانداردى قاداعالاپ تياناقتاندىرۋ قىزمەتىن دەن قويا ويداعىداي ىستەپ، كاسىپورىندارعا قاداعالاي قىزمەت وتەۋدى كۇشەيتىپ، كورمە - ءماجىلىستىڭ كولەمى مەن دەڭگەيىن جوعارىلاتىپ، كورمە - ءماجىلىستى جۇڭگونىڭ وزبەكستانمەن، ءتىپتى، ورتا ازيامەن بولعان ەكونوميكا - ساۋدا سەلبەستىگىنىڭ ماڭىزدى تۇعىرى ەتىپ تۇلعالايمىز.