□ انار بۇلت \ شينجياڭ گازەتىنىڭ ءتىلشىسى ۋي يۇڭگۇي

9 - اي، التىن كۇز، تيانشان الابى مول ءونىم مەزگىلىن كۇتىپ الدى. شىنجىن يانتيانگاڭ توبى شەكتى سەرىكتەستىگى باستاماشىلدىقپەن جۇمىس جۇرگىزگەن قاشقار كەشەندى قورعامالى باجى اۋماعى قاربالاس كۇيدە. بيىل الدىڭعى جارتى جىلدا قاشقار كەشەندى قورعامالى باجى اۋماعىنىڭ يمپورت - ەكسپورت جالپى قۇنى 18 ميلليارد 290 ميلليون يۋانعا جەتىپ، سايكەس مەزگىلدەگىدەن ％1. 206 ارتىپ، ءۇرتىس 3 اي شينجياڭداعى 4 كەشەندى قورعامالى باجى اۋماعىندا ءبىرىنشى ورىندى يەلەدى.نانحاي تەڭىزىنىڭ جاعاسىنداعى شىنجىن قالاسىنان كەلگەن شينجياڭعا كومەكتەسەتىن كۇشتەر جىبەك جولىنداعى قاشقار سىندى ساۋدا - ساتتىق ماڭىزدى قالاشىعىنان جاڭا داۋىردەگى ەسىك اشۋ، دامۋ ومىرشەڭدىگىن بايقاتتى.

نيەتتەس بولا وتىرىپ كاسىپ سالاسىن كۇشەيتىپ، قول ۇستاسا دامۋدى جەبەدى. جاڭا كەزەكتى شينجياڭعا باعىتتامالى كومەكتەسۋ قىزمەتى باستالعاننان بەرى، اسىرەسە، 3 - رەتكى ورتالىقتىڭ شينجياڭ قىزمەتى جونىندەگى اڭگىمە ءماجىلىسى اشىلعاننان بەرى شينجياڭعا كومەكتەسەتىن 19 ولكە، قالانىڭ، ورتالىق ورىندارىنىڭ قولداۋىندا، كومەكتەسۋىندە، شينجياڭنىڭ ەرەكشەلىككە، باسىمدىققا يە كاسىپ سالالارى ۇزدىكسىز دامىپ، زورايىپ، وسىزاماندانعان كاسىپ سالاسى جۇيەسى كۇننەن - كۇنگە كەمەلدەندى؛ جىبەك جولى ەكونوميكالىق بەلدەۋى وزەكتى رايونىنىڭ باسىمدىعى تولىق ساۋلەلەندىرىلىپ، ”ءۇش تاۋ، ەكى ويپات“ قارجى قوسىپ، كاسىپتى گۇلدەندىرۋدەگى ىرىستى جەرگە اينالدى؛ ءبىر توپ جاڭا ونەركاسىپ باقشا رايونى بوي كوتەرىپ، كاسىپ سالالارىنىڭ بىرلەسىپ دارەجەسىن ءوسىرۋىن جەتەكتەدى؛ ەلەۋلى كاسىپ سالاسى نىساندارى تياناقتانىپ تامىر تارتىپ، وندىرىسكە قوسىلىپ ونىمدىلىك كورسەتىپ، شينجياڭ ەكونوميكاسىنىڭ جوعارى ساپالى دامۋىنا بەرىك نەگىز قالادى.

　　دامۋدى جەبەپ، ەرەكشە باسىمدىققا يە كاسىپ سالالارىن زورايتتى

”قۇمىل قالاسىندا مول ماي كومىر بايلىعى بار، كومىر حيميا ونەركاسىبى كاسىپ سالاسى تاماشا دامۋ نەگىزىنە يە، ءبىزدىڭ دەربەس، جاسامپازدىقپەن زەرتتەپ اشقان تومەن قاباتتى كومىردى تومەن تەمپەراتۋرادا جىلۋدان ىدىراتۋ تەحنيكامىز بۇل جەردە ۇلكەن كادەگە جارادى“. 8 - ايدىڭ 18 - كۇنى 2023 - جىلعى (جۇڭگو) ازيا − ەۆروپا تاۋار ساۋدا كورمەسىندە حىنان ولكەسىنىڭ كاسىپ سالاسى جاعىنان شينجياڭعا كومەكتەسۋدەگى ءتۇيىندى نىسانى − حىنان لۇڭچىڭ توبى شەكتى سەرىكتەستىگى (اراتۇرىك) جىلىنا 15 ميلليون توننا كومىردى دارەجەگە ايىرىپ، ساپاعا ايىرىپ ساتىلى پايدالانۋ نىسانى جونىندە ءساتتى كەلىسىم جاساستى، بۇل نىسانعا جيىنى 8 ميلليارد 500 ميلليون يۋان قارجى قوسىلادى. حىنان لۇڭچىڭ توبى شەكتى سەرىكتەستىگى پارتكومىنىڭ شۋجيى، القا باستىعى جۋ شۋچىڭ مىنالاردى ءبىلدىردى: نىسان قۇرىلىسىن جەدەل ىلگەرىلەتىپ، ەرتەرەك وندىرىسكە قوسىپ، شينجياڭنىڭ كومىر، كومىر حيميا ونەركاسىبى كاسىپ سالاسىنىڭ دامۋىنا ۇلەس قوسامىز.

كومەككە يە بولاتىن جەردىڭ بايلىق ارتىقشىلىعى مەن وڭىرلىك باسىمدىعىن تياناق ەتىپ، ەرەكشەلىككە، باسىمدىققا يە كاسىپ سالالارىنىڭ زورايۋىن دەمەپ، شينجياڭعا كومەكتەسەتىن ءارقايسى ولكە، قالا كاسىپ سالاسى جاعىنان شينجياڭعا كومەكتەسۋ نىسانىنان ءبىر توبىن اتقارۋدى ىلگەرىلەتتى.

حوتان ايماعىندا بەيجيڭ قالاسى حوتان ايماعىنىڭ ماقتا ەگىمشىلىك باسىمدىعىنا، توقىماشىلىق كاسىبىن دامىتۋ باسىمدىعىنا ۇشتاستىرىپ، بەيجيڭدەگى مەملەكەت مەنشىگىندەگى كاسىپورىننىڭ قولداۋىنا يە بولدى، 2021 - جىلى 9 - ايدا ”بەيجيڭدەگى مەملەكەت مەنشىگىندەگى كاسىپورىنداردىڭ قىزمەت كيىمىن شينجياڭدا تىكتىرۋ، كومەكتەسۋ ارەكەتىن“ جاڭالىق اشا ۇيىمداستىرىپ ورىستەتىپ، بەيجيڭدەگى مەملەكەت مەنشىگىندەگى كاسىپورىنداردىڭ قىزمەت كيىمىن شينجياڭدا تىكتىرۋ، كومەكتەسۋ قىزمەت تۇعىرىن قۇرىپ، بازارلانعان جۇمىس جۇرگىزۋ ۇلگىسى ارقىلى ەكى جەر كاسىپ سالاسىنىڭ نىسانداردى ءتۇيىلىستىرىپ، سەلبەستىك جاساسۋىن تەرەڭدەتتى. قىزمەت كيىمىن تىكتىرۋ تاپسىرىستارى حوتان ايماعىنداعى ءارقايسى توقىماشىلىق كاسىپورىندارىنىڭ دامۋىن ىلگەرىلەتىپ، ەكى جەر كاسىپورىندارىنىڭ سەلبەستىك جاساسىپ تەڭ يگىلىككە كەنەلۋىن جۇزەگە اسىردى، حوتان ايماعىنداعى توقىماشىلىق كاسىپورىندارىنىڭ ”قان جاساۋ“ قابىلەتىن كۇشەيتتى.

قاشقار ايماعىنىڭ مارالباسى اۋدانىنا بارعاندا، نەشە 10 مىڭ مۋ جەرگە تۇتاسقان كوك ءتۇستى فوتوۆولتتىق تاقتا ۇلان - بايتاق قۇبا تۇزگە ”عىلىم - تەحنيكا ءتۇسىن“ قوسىپتى. بۇل گۋاڭدۇڭ سۋ ەلەكترىنىڭ (گۋاڭدۇڭ سۋ ەلەكتر 2 - مەكەمەسى جارنا شەكتى سەرىكتەستىگى) مارالباسى اۋدانىنداعى 2 ميلليون كيلوۆاتتىق فوتوۆولت ساقتاۋدى ءبىر تۇلعالاندىرۋ نىسانى سيلاعان جاڭا ”بەينە“.

”نىساننىڭ جالپى سيىمدىلىعى 2 ميلليون كيلوۆات، 5 ميلليوننان ارتىق فوتوۆولت بولشەگى ورنالاستىرىلادى، سونىمەن قاتار سايكەستى تۇردە 220 كيلوۆولتتىق فوتوۆولتتىق توپتاۋ پۋنكتىنەن ۇشەۋى قۇرىلادى. نىسان سالىنىپ بولعاننان كەيىن مولشەرمەن جىلىنا 3 ميلليارد كيلوۆات ساعات ەلەكتر تاراتادى“، - دەدى گۋاڭدۇڭ سۋ ەلەكتر شينجياڭ ەنەرگيا سەرىكتەستىگى پارتيا باس ياچەيكاسىنىڭ شۋجيى، القا باستىعى چىن شىلي.

ءبىر باستاماشىنى ەنگىزىپ، ءبىر كاسىپ سالاسىن جەتەكتەپ، ءبىر شوعىر قالىپتاستىردى. قاشقار ايماعىندا جارىق بايلىعى مول. فوتوۆولت كاسىپ سالاسى گۋاڭدۇڭ شينجياڭعا كومەكتەسۋدە 2022 - جىلى ءتۇيىندى ەنگىزگەن كاسىپ سالاسى.

گۋاڭدۇڭنىڭ شينجياڭعا كومەكتەسۋ الدىڭعى شەپ قولباسشىلىق شتابىنىڭ سايكەستىرە ىلگەرىلەتۋىندە گۋاڭدۇڭ ەنەرگيا توبى، گۋاڭدۇڭ قۇرىلىس توبى، شىنجىن ەنەرگيا توبى سياقتى گۋاڭدۇڭداعى ەنەرگيا كاسىپورىندارى وڭتۇستىك شينجياڭداعى قاشقار سياقتى جەرلەردە قارجى قوسىپ، 20 ميلليون كيلوۆاتتىق فوتوۆولت نىسانىن قۇردى ءارى مۇنى سۇيەنىش ەتە وتىرىپ، جوعارعى، تومەنگى بۋىنداعى كاسىپ سالالارىمەن ءتۇيىلىسۋدى جەدەلدەتىپ، ەنەرگيا ساقتاۋ، سۋتەگىن شىعارۋ، ليتي باتەرەيا، سونداي - اق فوتوۆولتتىق تىرەۋىش، بولشەك شيكىزاتىن وڭدەۋ، بولشەك رامكاسىن جاساۋ، بولشەكتى قوراپتاۋ سياقتى فوتوۆولت كاسىپ سالاسى تىزبەگى كاسىپورىندارىنان ءبىر توبىن كۇش سالا ەنگىزىپ، فوتوۆولت كاسىپ سالاسى شوعىرىن قالىپتاستىرىپ، شينجياڭنىڭ جاڭا ەنەرگيا كاسىپ سالاسىنىڭ دامۋىن اناعۇرلىم ىلگەرىلەتەدى.

　　ساۋداگەر شاقىرۋدى جەبەپ، شارۋاشىلىق - ساۋدا ورتاسىن ساپالىلاندىردى

9 - ايدىڭ 9 - كۇنى فۋجيان ولكەسىنىڭ شيامىن قالاسىندا وتكىزىلگەن 23 - كەزەكتى جۇڭگو حالىقارالىق قارجى قوسۋ ساۋدا جارمەڭكەسىندە ”شينجياڭعا قارجى قوسۋ“ ارناۋلى تانىستىرۋ جارمەڭكەسى جۇڭگو، شەتەل قارجى قوسۋدى جەبەۋ قۇرىلىمدارى، فۋجياننىڭ شيامىنىنداعى تانىمال كاسىپورىندارى جانە وزگە ولكە كاسىپورىندارى سياقتىلاردان 200 نەشە سيلى قوناقتى، ساۋداگەردى قاتىناسۋعا باۋرادى. ءۇرىمجى قالاسى، سانجى حۇيزۋ اۆتونوميالى وبلىسى، قورعاس قالاسى سياقتى 5 جەر جەرگىلىكتى ورىننىڭ قارجى قوسۋ ورتاسىن، كاسىپ سالاسى باعدارىن ارقاۋ ەتە وتىرىپ ساۋداگەر شاقىرۋ نىسانىن تانىستىردى، ءۇرىمجى ەكونوميكالىق، تەحنيكالىق كاسىپ سالاسى اشۋ رايونى (توۋتۇنحى رايونى)، قاشقار كەشەندى قورعامالى باجى اۋماعى، بۇراتالا شەكارا سەلبەستىك رايونى سياقتى شينجياڭداعى مەملەكەت دارەجەلى 6 باقشا رايونى ءتۇيىندى ساۋداگەر شاقىرۋ نىسانىن جاريالاپ، جيىنى 34 نىسان بويىنشا كەلىسىم جاساستى، جالپى قوسىلعان قارجى سوماسى 25 ميلليارد 938 ميلليون يۋان بولدى.

”شينجياڭعا قارجى قوسۋ“ ارناۋلى تانىستىرۋ جارمەڭكەسىنىڭ وتكىزىلۋى مەملەكەتتىڭ قاتىستى تاراۋلارىنىڭ جانە فۋجيان ۇلكەسىنىڭ شينجياڭعا كومەكتەسۋ قىزمەتىنىڭ ناقتى شارالارىنىڭ ءبىرى. سوڭعى جىلدارى شينجياڭعا كومەكتەسەتىن ءارقايسى ولكە، قالا ورتالىق مەكەمە - ورىندارى شينجياڭنىڭ شارۋاشىلىق - ساۋدا ورتاسىن ساپالىلاندىرۋىن، جاقسارتۋىن دەمەپ، شينجياڭنىڭ ساۋداگەر شاقىرىپ قارجى ەنگىزۋ قىزمەتىنىڭ ۇزدىكسىز تىڭ ساتىعا قادام تاستاۋىن ىلگەرىلەتتى.

− انحۇي ولكەسى جىبەك جولىن بىرگە قۇرۋدى كۇش سالۋ ءتۇيىنى ەتىپ، حىفەي − ءۇرىمجى ەكى جەر قۇرلىقتىق پورتىن بىرگە قۇرۋ جانە ەكسپورت كەزەكشى پويەزدەرى سەلبەستىگىن ىلگەرىلەتىپ، ”حىفەي جۇڭگو − ەۆروپا (باۋ - ۋ) كەزەكشى پويەزىن“ قاتىناتىپ، اق ءتۇستى ءۇي ەلەكتر جابدىقتارىن ەكسپورت ەتىپ، جياڭحۋاي اۆتوكولىك توبىنىڭ جىلىنا 20 مىڭ ساۋدا اۆتوكولىگىن ءوندىرۋ نىسانىنىڭ حوتانعا ورنالاسۋىن ىلگەرىلەتتى.

− شاڭحاي قالاسى قارامايلى قالاسىنىڭ شاڭحاي، شىنجىن سياقتى جەرلەردە قالانى تانىستىرۋ ءماجىلىسى، ساۋداگەر شاقىرىپ قارجى ەنگىزۋ تانىستىرۋ ءماجىلىسى سياقتىلاردى اشۋىن قولداپ، ”مۇنايعا قىزمەت وتەيتىن“ جانە ”مۇنايدان تىس“ ءبىر توپ كاسىپ سالاسى كەلەلى نىساندارىن، تەحنيكالىق جاڭالىق اشۋ نىساندارىن ەنگىزدى جانە ورنالاسۋىن دەمەدى.

− حالىق بانكەسى، ونەركاسىپ - ساۋدا بانكەسى، اۋىل شارۋاشىلىق بانكەسى سياقتى فينانس جۇيەسىندەگى شينجياڭعا كومەكتەسۋشى كادر - دارىندىلار 9 بانكەنىڭ باس بانكەسىنىڭ اۆتونوميالى رايوندىق ۇكىمەتپەن ستراتەگيالىق سەلبەستىك كەلىسىمىن جاساسۋىن ىلگەرىلەتىپ، شينجياڭعا سەنىمدىلىكپەن 5 تريلليون يۋان قارىز بەردى؛ فينانس كەشەندى قىزمەت وتەۋ تۇعىرىن قۇرىپ، 29 بانكەنىڭ تۇعىرعا ورنالاسۋىن ىلگەرىلەتىپ، ورتا، شاعىن، ۇساق كاسىپورىنداردىڭ قارجى قۇراۋ قيىن بولۋ، قارجى قۇراۋ قىمبات بولۋ، قارجى قۇراۋ اقىرىن بولۋ ماسەلەلەرىن ءونىمدى تۇردە جاقسارتتى.

− مەملەكەتتىك استىق جانە زاتتىق ماتەريالداردى زاپاس ساقتاۋ مەكەمەسىندەگى شينجياڭعا كومەكتەسۋشى كادر - دارىندىلار مەملەكەتتىك 4 - كەزەكتى استىق ساۋدا جينالىسى شينجياڭ بۇلتتىق كورمەسىن بەلسەنە جوسپارلاپ ورنالاستىرىپ، رايونىمىزداعى 41 كاسىپورىننىڭ 160 نەشە ءتۇرلى ءونىمىن جۇڭگو ساپالى ءونىم، استىق، ماي، ەلەكترون ساۋدا تۇعىرىنان ورىن الۋعا ۇيىمداستىرىپ، ينتەرنەت جەلىسىندە ساتىپ الۋ، ساتۋدى ءتۇيىلىستىرۋ بازارىن اشىپ، شينجياڭنىڭ ەرەكشە ساپالى استىق، ماي ونىمدەرىن جان - جاقتى كورسەتىپ، استىق، ماي ءوندىرۋ - ساتۋدى ءتۇيىلىستىرۋ سەلبەستىگىن جەبەدى

....

شينجياڭعا كومەكتەسەتىن ءارقايسى ولكە، قالا، ورتالىق مەكەمە - ورىندارىنىڭ قولداۋىندا، كومەكتەسۋىندە، شينجياڭ جىبەك جولى ەكونوميكالىق بەلدەۋى وزەكتى رايونىنىڭ باسىمدىعى تولىق ساۋلەلەندىرىلىپ، ەل ءىشى - سىرتىنداعى كولەمدى كاسىپورىندار، قارجى قوسۋ قۇرىلىمدارى قارجى قوسىپ، كاسىپتى گۇلدەندىرۋدەگى تابىلماس جەرگە اينالدى. 2022 - جىلى 9 - ايدا 7 - كەزەكتى جۇڭگو − ەۆروپا − ازيا تاۋار ساۋدا كورمەسىندە ساۋداگەر شاقىرىپ قارجى ەنگىزۋ نىسانى بويىنشا كەلىسىم جاساسقان جالپى سوما 960 نەشە ميلليارد يۋان بولىپ، كەلىسىم جاساسۋ سوماسى الدىڭعى كەزەكتەگىدەن 57. 2 ەسە ارتقان؛ بيىل 8 - ايدا 2023 - جىلعى (جۇڭگو) ازيا − ەۆروپا تاۋار ساۋدا كورمەسىندە شينجياڭ ساۋداگەر شاقىرىپ قارجى ەنگىزەتىن ءتۇيىندى نىسان بويىنشا كەلىسىم جاساسقان جالپى سوما 493 ميلليارد 212 ميلليون يۋانعا جەتكەن.

　　تەڭ يگىلىككە كەنەلۋدى جەبەپ، باقشا رايونى سەلبەستىگىن كۇشەيتتى

كومپيۋتەرىن اشىپ، قۇلاعىنا تىڭداعىش تاققان سۇبينۇر ماسىرجان ءار كۇنى قىزمەت الدىندا، ءسوزسىز، ىستەلەتىن شارۋا − تۇسىرىلگەن دىبىستى تىڭداۋ جاتتىعۋىن جاسادى.

سۇبينۇر شينجياڭ جۇڭۋاڭ سيفرلى كاسىپ سالاسىن دامىتۋ شەكتى سەرىكتەستىگىنىڭ قىزمەتكەرى. بۇل سەرىكتەستىك ىلە قازاق اۆتونوميالى وبلىسى قورعاس اۋدانىنداعى جياڭيىن شينجياڭعا كومەكتەسۋ سيفرلى كاسىپ سالاسى باقشاسىندا، نەگىزگى جۇمىسى ابونتتارعا دىبىسپەن شاقىرۋ قىزمەتىن وتەۋ، شاقىرۋشى جۇمىس ورنىنان 500 نەشەسى بار، ىلە وبلىسىندا سالىنعان ەڭ ۇلكەن وسى زامانعى قىزمەت وتەۋ كاسىبىنىڭ كاسىپ سالاسى جاعىنان شينجياڭعا قىزمەت وتەۋ نىسانى.

وسى كاسىپ سالاسى باقشاسىن قامتىعاندا، جياڭسۋ ولكەسى ىلە وبلىسىنان 9 كاسىپ سالاسى باقشاسىن قۇردى ءارى جياڭسۋ ولكەسىندەگى 17 ونەركاسپ باقشاسى جۇپ قۇراپ كومەكتەسىپ، سۇيەمەلدەپ، بىرگە داميدى.

”قان جەتكىزۋدى“ ”قان جاساۋعا“ اينالدىرىپ، شينجياڭعا كومەكتەسەتىن ءارقايسى ولكە، قالا كاسىپ سالاسى جاعىنان شينجياڭعا كومەكتەسۋدى جاسامپازدىقپەن ىلگەرىلەتىپ، كاسىپ سالاسى باقشاسى قۇرىلىسىن كۇش سالا ويداعىداي يگەرىپ، كاسىپ سالاسى باقشاسىن كومەككە يە بولعان جەردىڭ جاڭا ەكونوميكالىق ارتۋ ۇيەگىنە اينالدىردى.

تيانجين قالاسى حوتان ايماعىنىڭ كەريا اۋدانىندا تيانجين − حوتان اۋىل شارۋاشىلىعى باقشاسى، تيانجين − حوتان اۋىل شارۋاشىلىق ونىمدەرىن جىنتىكتەي مانەرلەۋ كاسىپ سالاسى باقشاسى، تيانجين تىڭ يگەرۋ مال شارۋاشىلىق سويىس قوي زەرتتەۋ ورنى سياقتىلاردى سۇيەنىش ەتىپ، ميلليون يۋاندىق سويىس قوي كاسىپ سالاسىن تۇلعالاۋعا كومەكتەسىپ، اسىل ءناسىلدى ءوسىرۋ، جەم - ءشوپ ءوندىرۋ، سويۋ - مانەرلەۋ، تەحنيكالىق باۋلۋ سىندى 4 ۇلكەن جۇيەنى قامتىعان تۇتاس كاسىپ سالاسى تىزبەگىن قالىپتاستىرىپ، تاپسىرىسپەن باعىپ پايدا ءبولىسۋ، وتباسىلارىندا بورداقىلاۋ، ساۋلىق قوي باعىپ، قوزىسىن الۋ، قوي باعۋ الاڭدارىندا جۇمىستانۋ سياقتى 8 ءتۇرلى ۇلگىنى ورناتىپ، ەگىنشى - مالشىلاردىڭ كىرىسىن ارتتىرۋىن دەمەدى.

شاندۇڭ ولكەسى شينجياڭعا باعىتتامالى كومەكتەسۋدى ورىستەتۋ بارىسىندا، ەڭبەك شوعىرلانعان كاسىپورىنداردى جەرگىلىكتى ورىننىڭ ءىس جۇزىندىك جاعدايىمەن ۇشتاسۋعا جەتەكتەپ، ”اۋدان قالاشىعى كاسىپورىندار باس شتابى − اۋىل - قالاشىق شاعىن، ۇساق كاسىپ سالاسى باقشاسى − قىستاق سەرىك زاۆودى − وتباسى كەدەيلەردى سۇيەمەلدەۋ سەحى“ سىندى 4 دارەجە بىرلەسىپ ارەكەتتەنەتىن كاسىپ سالاسىمەن جۇمىستانۋدى جەبەيتىن قىزمەت وتەۋ جۇيەسىن قالىپتاستىرىپ، جەرگىلىكتى بۇقارانىڭ ”ۇيىنەن شىعىپ، زاۆودقا كىرۋىن“ جانە ”ۇيىنەن شىقپاي - اق جۇمىستانۋىن“ ىلگەرىلەتتى.

انحۇي ولكەسى شينجياڭعا كومەكتەسۋ قىزمەتىندە جاڭالىق اشۋ ارقىلى دەم بەرۋگە تاباندى بولىپ، حوتان ايماعى گۇما اۋدانىنىڭ ءىس جۇزىندىگىنە مەڭزەس، تولىق تەكسەرۋ - زەرتتەۋ جۇرگىزۋ نەگىزىندە، سيفرلى ەكونوميكانى گۇما اۋدانىنىڭ ەكونوميكالىق، قوعامدىق جوعارى ساپالى دامۋىنىڭ ماڭىزدى تۇتقاسى ەتىپ، ساندى مالىمەتتەرى كورسەتىلگەن ءبىر توپ كاسىپورىندى گۇماعا كەلىپ ورنالاسۋعا بەلسەنە باۋراپ، انحۇيدىڭ شينجياڭعا كومەكتەسۋىنىڭ ”ءبىرىنشى ءنومىرلى ينجەنەرياسى“ − جۇڭگو گۇما سيفرلى ەكونوميكا كاسىپ سالاسى باقشاسىن كۇش سالا تۇلعالاپ، كاسىپ سالاسىندا جاڭالىق اشۋدى ىلگەرىلەتتى، ورنىقتى جۇمىستانۋدى جەبەدى، جوعارى ساپالى دامۋدى دەمەدى.

كاسىپ سالاسى باقشاسى قۇرىلىسىندا شىنايى قارجى دا، سايلاۋىتتار دا بار. 2020 - جىلدان بەرى ونەركاسىپ جانە ينفورماتسيالاندىرۋ مينيسترلىگىندەگى شينجياڭعا كومەكتەسۋشى كادر - دارىندىلار شينجياڭدا مەملەكەتتىك ارنايىلانعان، كەمەلدەنگەن، ەرەكشەلەنگەن، جاڭاشالانعان 30 ”كىشكەنە دوكەي“ كاسىپورىندى جەتىلدىرۋگە كومەكتەستى، مۇنىڭ 13ى مەملەكەتتىڭ ءتۇيىندى قولداۋىنا يە بولىپ، 300 ميلليون يۋاننان ارتىق ءتۇرلى قارجىعا قول جەتكىزدى.

قازىر تيانشان الابىندا شينجياڭعا كومەكتەسەتىن كاسىپ سالاسى باقشالارى شينجياڭعا كومەكتەسەتىن ءارقايسى ولكە، قالانىڭ ەرەكشە بەلگىسىنە اينالىپ، كومەككە يە بولعان جەردىڭ ەكونوميكالىق، قوعامدىق جوعارى ساپالى دامۋىن ىلگەرىلەتۋدە.