انار بۇلت \ شينجياڭ گازەتىنىڭ ءتىلشىسى لي لين 9 - ايدىڭ 13 - كۇنى ۇرىمجىدەن حابارلايدى. بيىل 9 - ايدىڭ 11 - كۇنىنەن 17 - كۇنىنە دەيىن − 26 - كەزەكتى مەملەكەتتىك پۋتۇڭحۋانى جالپىلاستىرۋ ۇگىت اپتالىعى، نەگىزگى تاقىرىبى ”پۋتۇڭحۋانى جالپىلاستىرۋ، جاڭا جورىقتا ەكپىندەي ىلگەرىلەۋ“. 9 - ايدىڭ 11 - كۇنى تۇستەن كەيىن اۆتونوميالى رايوندىق پارتكوم ۇگىت ءبولىمى، اۆتونوميالى رايوندىق وقۋ - اعارتۋ مەڭگەرمەسى (اۆتونوميالى رايوندىق ءتىل - جازۋ قىزمەتى كوميتەتى كەڭسەسى) قاتارلى 8 تاراۋ بىرلەسىپ وتكىزگەن اۆتونوميالى رايوننىڭ 26 - كەزەكتى مەملەكەتتىك پۋتۇڭحۋانى جالپىلاستىرۋ ۇگىت اپتالىعى قيمىلىنىڭ باستالۋ سالتى شينجياڭ كوركەمونەر شۋەيۋانىندا وتكىزىلدى.

بيىل 7 - ايدان باستاپ اۆتونوميالى رايوندىق ونەركاسىپ جانە ينفورماتسيالاندىرۋ مەڭگەرمەسى، ادام كۇشى بايلىعى جانە قوعامدىق قامتاماسىزداندىرۋ مەڭگەرمەسى، اۋىل شارۋاشىلىعى، اۋىل - قىستاق مەڭگەرمەسى، مادەنيەت جانە ساياحات مەڭگەرمەسى، وداق كوميتەتى، ايەلدەر بىرلەستىگى سياقتى ءتىل - جازۋ كوميتەتىنە مۇشە ورىنداردىڭ زور كۇشپەن قولداۋىندا اۆتونوميالى رايوندىق وقۋ - اعارتۋ مەڭگەرمەسى (اۆتونوميالى رايوندىق ءتىل - جازۋ قىزمەتى كوميتەتى كەڭسەسى) شينجياڭ راديو - تەلەۆيزيا ستانسياسىمەن بىرلەسىپ، بۇكىل رايونىمىزدىڭ جەر - جەرىنەن مەملەكەتتە ءبىر تۇتاس قولدانىلاتىن ءتىل - جازۋدى ۇيرەنەتىن، قولداناتىن 400دەن استام تيپتىك تۇلعالاردى جينادى، ولاردىڭ ىشىنەن 10 اۆتونوميالى رايوندىق 2 - كەزەكتى ”پۋتۇڭحۋا ۇيرەنۋدەگى مايتالماندى“ باعالادى، سونداي - اق باستالۋ سالتىندا سول جەردە سيلىق تاراتتى. وسى 10 ”پۋتۇڭحۋا ۇيرەنۋدەگى مايتالماننىڭ“ كوبى باقشا رايونىنداعى جۇمىسكەرلەردىڭ، ەگىنشى - مالشىلاردىڭ ۋاكىلدەرى، ايەلدەردىڭ ۋاكىلدەرى، ولار مەملەكەتتە ءبىر تۇتاس قولدانىلاتىن ءتىل - جازۋدى ۇيرەنۋ، قولدانۋ ارقىلى وزدەرىنىڭ تۇرمىسىنا، قىزمەتىنە ناقتى وزگەرىس الا كەلدى. سيلىق تاراتۋ − ارناۋلى تاقىرىپتىق قىسقا فيلم، ىقپالداسۋ، سۇحباتتاسۋ، ولەڭدەردى مانەرلەپ وقۋ جانە ادەبيەت - كوركەمونەر كونسەرتى سياقتى فورمالاردان پايدالانىپ، ولاردىڭ مەملەكەتتە ءبىر تۇتاس قولدانىلاتىن ءتىل - جازۋدى ويداعىداي ۇيرەنۋ ارقىلى تاماشا، باقىتتى تۇرمىس جاراتقان كۇرەس حيكاياسىن جان - جاقتى بايانداپ، ءار ۇلت بۇقاراسىن مەملەكەتتە ءبىر تۇتاس قولدانىلاتىن ءتىل - جازۋدى ويداعىداي ۇيرەنىپ، جاڭا جورىقتا ەكپىندەي ىلگەرىلەپ، جاڭا ىسكەرلىك كورسەتۋگە ىنتالاندىردى.

مەملەكەتتە ءبىر تۇتاس قولدانىلاتىن ءتىل - جازۋدى كەڭەيتۋ، جالپىلاستىرۋ − جۇڭحۋا ۇلتى ورتاق تۇلعا تانىمىن بەرىك ورناتۋدىڭ تابيعي تالابى، ۇلتتاردىڭ سوتسياليستىك وسىزاماندانۋعا بىرگە بەت الۋىن ىلگەرىلەتۋدىڭ شەشۋشى شاراسى. جاڭا بورىش، جاڭا مىندەت الدىندا، مەملەكەتتە ءبىر تۇتاس قولدانىلاتىن ءتىل - جازۋ تاربيەسىن تاباندىلىقپەن ىلگەرىلەتىپ، مەملەكەتتە ءبىر تۇتاس قولدانىلاتىن ءتىل - جازۋ تاربيەسىمەن، وقىتۋىمەن جاپپاي قامتۋ تابىستارىن ۇزدىكسىز بەكەمدەۋ، جوعارىلاتۋ قاجەت. قوعامنىڭ ءار سالاسىنىڭ كەڭ كولەمدە ات سالىسىپ، مەملەكەتتە ءبىر تۇتاس قولدانىلاتىن ءتىل - جازۋدى كەڭەيتۋدىڭ، جالپىلاستىرۋدىڭ زاڭدىق جاۋاپكەرشىلىگىن بىرگە ارقالاپ، نازاردى اۋىل - قىستاق وڭىرىنە ، وڭتۇستىك شينجياڭ وڭىرىنە ءتۇيىندى تۇردە شوعىرلاندىرىپ، قوعامدا كەڭەيتۋ، جالپىلاستىرۋ تەبىنىن شىن مانىندە كۇشەيتىپ، ناقتى، كادەگە جارايتىن شارالار قولدانىپ، ءار ۇلت بۇقاراسىنىڭ مەملەكەتتە ءبىر تۇتاس قولدانىلاتىن ءتىل - جازۋدى قولدانۋ تانىمى مەن قابىلەتىن بىرتىندەپ جوعارىلاتىپ، جۇڭحۋا ۇلتى ورتاق تۇلعا تانىمىن بەرىك ورناتۋعا مىعىم نەگىز قالاۋ قاجەت.

وسى كەزەكتى مەملەكەتتىك پۋتۇڭحۋانى جالپىلاستىرۋ ۇگىت اپتالىعى قيمىلى باستالعاننان كەيىن تۇتاس شينجياڭنىڭ جەر - جەرى ۇگىت جۇرگىزۋ كەڭەس بەرۋ تۇعىرىن قۇرۋ، جۇڭحۋانىڭ كلاسسيكالىق شىعارمالارىن وقۋ قيمىلىن وتكىزۋ، ەگىنشى - مالشىلار كەشكى مەكتەبىندە ساباق وتۋشىلەردەن ۇلگى كورسەتۋ كۋرسىن اشۋ، ”انار گۇلى · كىشكەنەلەر ۇلكەندەردى جەتەكتەۋ. وتباسىمەن بىرگە مەملەكەتتە ءبىر تۇتاس قولدانىلاتىن ءتىل - جازۋدى ۇيرەنۋ“ جانە ەگىنشى - مالشىلاردىڭ مەملەكەتتە ءبىر تۇتاس قولدانىلاتىن ءتىل - جازۋ جارىسى سياقتى قيمىلدار ارقىلى بۇكىل قوعامدا مەملەكەتتە ءبىر تۇتاس قولدانىلاتىن ءتىل - جازۋدى ۇيرەنۋدىڭ، قولدانۋدىڭ تاماشا رايىن ونان ارى قالىپتاستىرادى.