شينجياڭنىڭ جاڭا ەنەرگيا گەنەراتور اگراگاتتار سيىمدىلىعى 60 ميلليون كيلوۆاتتان استى

　　جاڭادان ارتقان جاڭا ەنەرگيانىڭ جەلىگە قوسىلعان كولەمى بۇكىل ەل بويىنشا ءبىرىنشى ورىندى يەلەدى

انار بۇلت \ شينجياڭ گازەتىنىڭ ءتىلشىسى چىن چياڭۋي 11 - ايدىڭ 15 - كۇنى ۇرىمجىدەن حابارلايدى. مەملەكەت ەلەكتر تورى شينجياڭ ەلەكتر قۋاتى شەكتى سەرىكتەستىگىنەن ۇعىسۋىمىزشا، 11 - ايدىڭ 4 - كۇنىنە دەيىن، شينجياڭنىڭ جاڭا ەنەرگيا گەنەراتور اگراگاتتار سيىمدىلىعى 60 ميلليون 383 مىڭ كيلوۆاتقا جەتكەن. بيىل الدىڭعى 9 ايدا شينجياڭدا جاڭادان ارتقان جاڭا ەنەرگيا گەنەراتور اگراگاتتار سيىمدىلىعى 13 ميلليون 690 مىڭ كيلوۆاتقا جەتىپ، جاڭادان ارتقان جەلىگە قوسىلعان كولەمى بۇكىل ەل بويىنشا ءبىرىنشى ورىندى يەلەدى.

11 - ايدىڭ 4 - كۇنىنە دەيىن شينجياڭنىڭ جەل ەلەكتر گەنەراتور اگراگاتتار كولەمى 31 ميلليون 335 مىڭ كيلوۆات، فوتوۆولتتىق گەنەراتور اگراگاتتار كولەمى 29 ميلليون 48 مىڭ كيلوۆات بولىپ، شينجياڭنىڭ جاڭا ەنەرگيا گەنەراتور سيىمدىلىعىندا ۇزدىكسىز تىڭ تابىستارعا قول جەتتى. الدىڭعى 9 ايدا باتىس سولتۇستىكتەگى 5 ولكە، اۆتونوميالى رايوننىڭ جاڭادان ارتقان جەلىگە قوسىلعان جاڭا ەنەرگيا گەنەراتور اگراگاتتارى 33 ميلليون 950 مىڭ كيلوۆاتقا جەتتى، شينجياڭدا جاڭادان ارتقان جەلىگە قوسىلعان كولەمى باتىس سولتۇستىك ەلەكتر تورىنىڭ شامامەن ％32. 40ىن يەلەدى.

بيىل جىل باسىنان بەرى شينجياڭ ەنەرگيامەن حاۋىپسىز قامداۋدى جانە جاسىل، تومەن كومىر قىشقىل گازدى دامۋدى ءبىر تۇتاس جوسپارلاپ، كولەمدى جەل ەلەكتر، فوتوۆولت بازاسى سياقتى كەلەلى نىساندار قۇرىلىسىن جەدەل ىلگەرىلەتىپ، تازا ەنەرگيا اشۋدى، پايدالانۋدى جاپپاي جەدەل ىلگەرىلەتىپ، جاڭا ەنەرگيا كاسىپ سالاسىنىڭ تەز قارقىنمەن دامۋىن جۇزەگە اسىردى.

قازىر شينجياڭدا قۇمىلداعى 10 ميلليون كيلوۆاتتىق جاڭا ەنەرگيا بازاسى، سونداي - اق 10 نەشە ميلليون كيلوۆاتتىق جاڭا ەنەرگيا شوعىرلانعان رايون قۇرىلىپ، قۇرىلۋ ۇستىندەگى جاڭا ەنەرگيا كولەمى 70 ميلليون كيلوۆاتتان استى. 2025 - جىلعا بارعاندا، شينجياڭدا جاڭا ەنەرگيانىڭ جەلىگە قوسىلعان گەنەراتور اگراگاتتار كولەمى 116 ميلليون كيلوۆاتتان اسىپ، شينجياڭنىڭ ەنەرگيا جالپى گەنەراتور اگراگاتتار كولەمىنىڭ جارىمىنان اسادى.

جاڭا ەنەرگيانىڭ جەلىگە قوسىلۋىن جەدەلدەتۋگە شىنايى كەپىلدىك ەتۋ ءۇشىن، مەملەكەتتىك ەلەكتر تورى شينجياڭ ەلەكتر قۋاتى شەكتى سەرىكتەستىگى جاڭا ەنەرگيانىڭ دامۋ بەتالىسىنا ءجىتى ىلەسىپ، شينجياڭ ەلەكتر تورىنىڭ وزەكتى، تىرەكتى تور جۇلگەسىن ۇزدىكسىز كەمەلدەندىردى جانە تولىقتاپ كۇشەيتتى. شينجياڭدا 750 كيلوۆولتتىق ەلەكتر جەتكىزۋ، كەرنەۋ وزگەرتۋگە ساياتىن ينجەنەريا سالىندى، مۇنىڭ ىشىندە 26 كەرنەۋ وزگەرتۋ پۋنكتى بار، كەرنەۋ وزگەرتۋ سيىمدىلىعى 75 ميلليون 500 مىڭ كيلوۆولت - امپەر، جەلىنىڭ ۇزىندىعى 10135.235 كيلومەتر. شينجياڭ بۇكىل ەلدەگى 750 كيلوۆولتتىق كەرنەۋ وزگەرتۋ پۋنكتى ەڭ كوپ، 750 كيلوۆولتتىق جەلىسى ەڭ ۇزىن، قامتۋ كولەمى ەڭ ۇلكەن ولكەگە اينالدى.