ەرەكشە تەرەڭ قاباتتاعى قۇدىق بۇرعىلاۋدا گوريزونتال جىلجىتۋ سىندى قيىن ماسەلەدەن قامال الىندى، تەك ءبىر اۋماق سازدىقتى قورعاۋ ءۇشىن ءبىر ەسە ارتىق قارجى قوسىلدى

　　ازياداعى ەڭ تەرەڭ قۇدىققا شينجياڭدا سىناق جاسالىپ، جوعارى ءونىمدى مۇناي - گاز اعىسىنا قول جەتكىزىلدى

انار بۇلت \ شينجياڭ گازەتىنىڭ ءتىلشىسى يۇي جياڭيان 11 - ايدىڭ 15 - كۇنى شاياردان حابارلايدى. ”قۇدىق اشىلسىن!“ 11 - ايدىڭ 15 - كۇنى ساعات 14تەن 14 مينۋت وتكەندە، جۇڭگو مۇناي حيمياسىنىڭ «شىندي 1 - ءنومىرلى» يۋەجين 3XC − 3 قۇدىعىندا رەسمي وت تۇتاندىرىلىپ، سىناق جۇرگىزىلدى. بۇرعىلانعان قۇدىقتان 170 مەتر قاشىقتىقتاعى قۇم شۇڭقىردان لەزدە قىزعىلت سارى ءتۇستى جالىن كوتەرىلدى. تارىم ويپاتىنا ورنالاسقان، سازدىق جاراتىلىستىق قورىعى قىزىل سىزىعىنان سىرت، تەرەڭدىگى 9432 مەتر كەلەتىن وسى مۇناي - گاز قۇدىعىن بۇرعىلاۋدى ورىنداۋ ازياداعى ەڭ تەرەڭ قۇدىقتا كولبەۋ تەرەڭدىكتە جانە ەرەكشە تەرەڭ قاباتتا قۇدىق بۇرعىلاۋدا گوريزونتال جىلجىتۋ سىندى ەكى ءتۇرلى رەكوردتى جاڭالادى.

ساعات 17دە يۋەجين 3XC − 3 قۇدىعىنان جوعارى ءونىمدى مۇناي - گاز اعىسىنا قول جەتكىزدىك دەگەن تاعى ءبىر شات حابار تارادى، مەجەگە قاراعاندا، كۇنىنە 200 توننا وڭدەلمەگەن مۇناي، 50 مىڭ تەكشەمەتر تابيعي گاز وندىرىلەدى ەكەن.

”ارنايى ءبىر ەسە قارجى ۇستەمەلەي قوسىپ، تەحنيكالىق قيىن ماسەلەلەردەن قامال الىپ، جاراتىلىستىق قورىققا ىقپال تيگىزبەي اشتىق، ابدەن تاتيدى“! جۇڭگو مۇناي حيمياسى باتىس سولتۇستىك مۇناي الابى بولىمشە سەرىكتەستىگىنىڭ ورىنباسار باس ديرەكتورى ساۋ زىچىڭ بىلاي دەدى: مۇناي - گاز اشۋدا ەكولوگيانى قورعاۋدىڭ ەنەرگيامەن قامتاماسىز ەتۋمەن ءوزارا ساي كەلۋىن جۇزەگە اسىردىق.

تارىم ويپاتىنىڭ ەرەكشە تەرەڭ قاباتىندا مۇناي - گاز بايلىعى توتەنشە مول، 6000 دا 10 مىڭ مەترگە دەيىن تەرەڭ جاتقان مۇناي جانە تابيعي گاز بايلىعى جەكە - جەكە جالپى مولشەردىڭ ％2. 83ىن جانە ％9. 63ىن ۇستايدى. يۋەجين 3XC − 3 قۇدىعى ەرەكشە تەرەڭ قاباتتاعى مۇناي - گاز بايلىعىن كوزدە ۇستاي وتىرىپ، بيىل 5 - ايدىڭ 1 - كۇنى بۇرعىلانا باستاعان بولاتىن، جالپى 9 جەر قاباتى جۇيەسىن كەسىپ ءوتىپ، 400 ميلليون جىلدان استام ۋاقىتتىڭ الدىنداعى وردوۆيك جۇيەسىنىڭ جەر قاباتىنا دەيىن بۇرعىلاۋ جۇرگىزىلدى.

”ەرەكشە تەرەڭ قاباتتا بۇرعىلاۋ - بارلاۋدان قامال الۋ وڭاي ەمەس. تاياز ەمەس تەرەڭگە قۇلاش ۇرىپ بۇرعىلاۋ ءتىپتى قيىننىڭ - قيىنى“. جۇڭگو ينجەنەريا اكادەمياسىنىڭ اكادەميگى گو شۇيشىڭ بىلاي دەدى: بۇل مۇناي - گاز اۋماعى شايار اۋدانىنىڭ تارىم وزەنى الابىنداعى سازدى جەر جاراتىلىستىق قورىعىنىڭ استىنا كومىلگەن، ەكولوگيانى قورعاۋدىڭ ”قاتاڭ تالابىن“ تياناقتاندىرۋ ءۇشىن، تەك قورىق رايونىنىڭ سىرتىندا بۇرعىلاۋ - بارلاۋ جۇرگىزىپ، ونان سوڭ تىك قۇدىقتى كولبەۋ قۇدىققا، ونان سوڭ گوريزونتال قۇدىق فورماسىنا وزگەرتۋگە تۋرا كەلەدى، قيىندىعى ازيا بويىنشا ءبىرىنشى ورىندا تۇرادى دەۋگە ابدەن بولادى.

جۇڭگو مۇناي حيمياسى قيىنشىلىققا قارسى اتتانىپ، قورىق رايونى قىزىل سىزىعىنىڭ سىرتىندا يۋەجين 3XC − 3 قۇدىعىن بۇرعىلاپ، 5340 مەترگە جەتكەندە كولبەۋ قازىپ، كولبەۋ باعىتتى بىرتىندەپ گوريزونتال بۇرعىلاۋعا وزگەرتتى، سونىمەن گوريزونتال باعىتتا 3439 مەتر جىلجىدى. ”ەكولوگيانى قورعاۋمەن بىرگە، تەحنيكالىق قيىن ماسەلەلەردەن قامال الدىق، سونداي - اق مەملەكەتتىڭ ەنەرگيا حاۋىپسىزدىگىن قامتاماسىز ەتتىك“. جۇڭگو مۇناي حيمياسى باتىس سولتۇستىك مۇناي الابى بولىمشە سەرىكتەستىگى مۇناي ينجەنەرياسى تەحنيكاسىن زەرتتەۋ ورنىنىڭ باستىعى ليۋ ليان بىلاي دەدى: وسى رەتكى يۋەجين 3XC − 3 قۇدىعىن بۇرعىلاۋ - بارلاۋ بارىسىندا كوپتەگەن جاسامپازدىق جەتىستىكتەرى قولدانىلدى، مىسالى، ”اينالمالى باعدارلاۋ“ جۇيەسى، بىلايشا ايتقاندا، بۇرعى باسىندا ءبىر جۇپ ”قىراعى كوز“ بارداي، ”ءارى تەرەڭ، ءارى قاراڭعى“ تەرەڭ قاتپاردا ”قاي تۇستى نۇسقاساڭىز، سول تۇستى بۇرعىلاۋدى“ جۇزەگە اسىردى.

”بۇل اسا كۇشتى ۇلگى كورسەتۋ مانىنە يە جاسامپازدىق شاراسى“. جۇڭگو مۇناي داشۋەسى (بەيجيڭ) قارامايلى مەكتەپ رايونى مۇناي شۋەيۋانىنىڭ ورىنباسار باستىعى مۋ زۇڭجيە بىلاي دەپ تانىستىردى: وسىدان بۇرىن شينجياڭدا نەشە جۇزدەگەن مۇناي قۇدىعى ءتۇرلى جاراتىلىستىق قورىقتاردان شەگىنىپ شىعىپ، ماڭگىلىك پەشەتتەلگەن بولاتىن. وسى رەتكى ەكولوگيانى قورعاۋ مەن مۇناي - گاز اشۋعا تەڭ ءمان بەرۋدىڭ تابىستى امالياتى بۇدان بىلاي شينجياڭنىڭ، ءتىپتى، بۇكىل ەلدىڭ ەنەرگيا بارلاۋ، اشۋ، پايدالانۋ ىستەرى ءۇشىن ۇلگى الۋعا، كوشىرىپ قولدانۋعا قولايلى جاڭا ۇلگى ازىرلەدى.