ەركىن تۇنياز تۇڭعىش كەزەكتى جۇڭگو (حيلۇڭجياڭ) حالىقارالىق جاسىل ازىق - تۇلىك جانە مەملەكەتتىك سويا بۇرشاق كاسىپ سالاسى كورمەسىنىڭ اشىلۋ سالتىنا قاتىناستى ءارى ارناۋ ءسوز سويلەدى

　　استىق جانە ماڭىزدى اۋىل شارۋاشىلىق ونىمدەرىمەن قامداۋ حاۋىپسىزدىگىنە ۇلەس قوسۋ كەرەك

انار بۇلت \ شينجياڭ گازەتىنىڭ ءتىلشىسى لي ياڭ 11 - ايدىڭ 15 - كۇنى حاربيننەن حابارلايدى. 11 - ايدىڭ 15 - كۇنى ”جاسىل دامۋ، بولاشاقتى بىرگە جاراتۋ“ نەگىزگى تاقىرىبىنداعى تۇڭعىش كەزەكتى جۇڭگو (حيلۇڭجياڭ) حالىقارالىق جاسىل ازىق - تۇلىك جانە مەملەكەتتىك سويا بۇرشاق كاسىپ سالاسى كورمەسى (تومەندە قىسقارتىلىپ ”جاسىل كورمە“ دەلىنەدى) حاربيندە اشىلدى. اۋىل شارۋاشىلىعى، اۋىل - قىستاق مينيسترلىگىنىڭ مينيسترى تاڭ رىنجيان بەينە ەكراندا ارناۋ ءسوز سويلەدى. حيلۇڭجياڭ ولكەلىك پارتكومنىڭ شۋجيى، ولكەلىك حالىق قۇرىلتايى تۇراقتى كوميتەتىنىڭ مەڭگەرۋشىسى شۇي چين كورمەنىڭ اشىلعاندىعىن جاريالادى. حيلۇڭجياڭ ولكەلىك پارتكومنىڭ ورىنباسار شۋجيى، ولكە باستىعى لياڭ حۇيليڭ اشىلۋ سالتىنا قاتىناستى ءارى ارناۋ ءسوز سويلەدى. شينجياڭ وسى كەزەكتى كورمەدەگى نەگىزگى قوناق ولكە (رايون) بولدى، اۆتونوميالى رايوندىق پارتكومنىڭ ورىنباسار شۋجيى، اۆتونوميالى رايوننىڭ ءتوراعاسى ەركىن تۇنياز ۇيىرمە باستاپ قاتىناستى ءارى ارناۋ ءسوز سويلەدى.

ەركىن تۇنياز شينجياڭ ۇيعۇر اۆتونوميالى رايوندىق پارتكوم مەن ۇكىمەت اتىنان جاسىل كورمەنىڭ ءساتتى وتكىزىلگەندىگىن قۇتتىقتادى. ول بىلاي دەدى: حيلۇڭجياڭ − ەلىمىزدەگى اۋىل شارۋاشىلىعىنداعى قۋاتتى ولكە، جاسىل ازىق - تۇلىك جاعىندا ءىرى ولكە، مەملەكەتتىڭ استىق حاۋىپسىزدىگىن قامتاماسىز ەتۋ ماڭىزدى مىندەتىن ارقالاپ وتىر، اتى زاتىنا ساي ”جۇڭحۋا ءىرى استىق قامباسى“. شينجياڭ ازيا - ەۆروپا التىن ارناسى جانە باتىسقا ەسىك اشۋداعى الدىڭعى شەپ، سونداي - اق بۇكىل ەلدەگى ساپالى ەگىن، مال شارۋاشىلىق ونىمدەرى ماڭىزدى قامداۋ بازاسى. كەزەكتە شينجياڭ باس شۋجي شي جينپيڭنىڭ اۆتونوميالى رايوننىڭ جانە بيڭتۋاننىڭ قىزمەت مالىمەتىن تىڭداعاندا سويلەگەن ماڭىزدى ءسوزىنىڭ رۋحىن ىشكەرىلەي ۇيرەنىپ، دايەكتىلەندىرىپ، جاڭا داۋىردەگى پارتيانىڭ شينجياڭدى باسقارۋ جالپى جوباسىن تولىق، دالمە - ءدال، جاپپاي دايەكتىلەندىرىپ، شينجياڭنىڭ مەملەكەت جالپى جاعدايىنداعى ستراتەگيالىق ورنىن مىقتاپ يگەرىپ، بايلىق قاسيەتى مەن ءوڭىر ورنى ابزالدىلىعىن تياناق ەتىپ، استىق - ماي، ماقتا جانە توقىماشىلىق، كيىم - كەشەك، جاسىل، ورگانيكالى جەمىس - جيدەك، كوكونىس، ساپالى مال شارۋاشىلىعى ونىمدەرى سياقتى ەرەكشە كاسىپ سالاسى شوعىرىن كۇش سالا دامىتىپ، اۋىل شارۋاشىلىعىنىڭ وسىزاماندانۋ دەڭگەيىن ۇزدىكسىز جوعارىلاتىپ، مەملەكەتتىڭ استىق جانە ماڭىزدى اۋىل شارۋاشىلىعى ونىمدەرىمەن قامداۋ حاۋىپسىزدىگىنە شينجياڭ ۇلەسىن قوسۋدا.

ول بىلاي دەدى: شينجياڭ مەن حيلۇڭجياڭ بىردەي وتانىمىزدىڭ سولتۇستىك بولەگىندە، تۇگەلدەي جەرى كەڭ، بارلىعى دا سىرتقا ەسىك اشۋدىڭ ەڭ الدىڭعى شەبىندە تۇر، ماڭىزدى استىق جانە ەنەرگيامەن قامتاماسىز ەتۋ بازاسى، مەملەكەت حاۋىپسىزدىگى ستراتەگيالىق قالتقىسى، ەكى ولكە - رايوننىڭ اۋىل شارۋاشىلىق كاسىپ سالاسىنىڭ دامۋى اسا كۇشتى ءوزارا تولىقتاۋ سيپاتىنا يە. اسىرەسە، سوڭعى جىلدارى ەكى ولكە - رايون اۋىل شارۋاشىلىعى سالاسىندا كەڭ كولەمدە اۋىس - كۇيىس، سەلبەستىك جاساپ، ”شينجياڭ مەن حيلۇڭجياڭنىڭ سارا ونىمدەرىن ءوزارا وتكىزۋ، ءوزارا ساتۋ ينجەنەرياسى“ سياقتى سەلبەستىك تۇعىرىن قول ۇستاسا قۇرىپ، سۇبەلى جەمىستەردى قولعا كەلتىردى. كەلەسى قادامدا ەكى ولكە - رايون سەلبەستىكتى اناعۇرلىم تەرەڭدەتىپ، مەملەكەتتىڭ استىقپەن جانە ماڭىزدى اۋىل شارۋاشىلىق ونىمدەرىمەن ورنىقتى، حاۋىپسىز قامداۋىن قامتاماسىز ەتۋگە اناعۇرلىم زور ۇلەس قوسادى.

وسى كەزەكتى جاسىل كورمەنى اۋىل شارۋاشىلىعى، اۋىل - قىستاق مينيسترلىگى، جۇڭگو حالىقارالىق ساۋدانى جەبەۋ كوميتەتى جانە حيلۇڭجياڭ ولكەلىك حالىق ۇكىمەتى بىرگە وتكىزدى. شينجياڭ 70 كاسىپورىننىڭ 300دەن استام اۋىل شارۋاشىلىق ونىمدەرىن كورمەگە قويۋعا ۇيىمداستىردى، سونداي - اق شينجياڭنىڭ اۋىل شارۋاشىلىق ونىمدەرىن ارناۋلى تاقىرىپتا تانىستىرۋ قيمىلىن وتكىزدى.