سايكەس مەزگىلدەگىدەن %142.69 ارتتى

انار بۇلت \ شينجياڭ گازەتىنىڭ ٴتىلشىسى ميھىرگۇل عوپۇر 8 ـ ايدىڭ 16 ـ كۇنى ۇرىمجىدەن حابارلايدى. شينجياڭ پوچتا باسقارۋ مەكەمەسىنەن ۇعىسۋىمىزشا، 6 ـ ايدىڭ سوڭىنا دەيىن، بۇكىل شينجياڭنىڭ اۋىل شارۋاشىلىق ونىمدەرىن جەدەل جەتكىزۋ كاسىبىنىڭ جالپى مولشەرى 23 ميلليون 899 مىڭ، 100گە جەدەل جەتكىزۋ كاسىبىنىڭ كىرىسى 670 ميلليون يۋانعا تاياپ، اۋىل شارۋاشىلىق جالپى ٴونىم قۇنىنىڭ 2 ميلليارد 600 ميلليون يۋاننان اسۋىن جەبەپ، سايكەس مەزگىلدەگىدەن جەكە ـ جەكە %142.69، %138.81 جانە %127.72 ارتقان.

ناتيجەگە قول جەتكىزۋ جەر ـ جەردەگى پوچتا ىستەرى جەدەل جەتكىزۋ كاسىپورىندارىنىڭ قۇلشىنىسىنىڭ ارقاسى.

اتۇشتىڭ ٴانجۇرى، بۇگۇردىڭ اق ورىگى، تۇرپاننىڭ ٴجۇزىمى... جاز كىرگەننەن بەرى، شينجياڭنىڭ جەر ـ جەرىندەگى جەمىس ـ جيدەكتىڭ ىركەس ـ تىركەس بازارعا شىعارىلۋىنا بايلانىستى، جەدەل جەتكىزۋ كاسىپورىندارى اتىز باسىنا بارىپ، ٴتىپتى دە كوپ ەرەكشە اۋىل شارۋاشىلىق ٴونىمىنىڭ جولداۋ ـ جەتكىزۋ ارناسى ارقىلى بۇكىل ەلدەگى سان مىڭداعان وتباسىنا جەتۋىنە بەلسەنە دەم بەردى.

ٴانجۇر ٴۇزىپ الىنعاننان كەيىن وڭاي بوسايدى، قارايادى، ٴشىريدى، قالىپتى تەمپەراتۋرادا تەك 2 _ 1 كۇن عانا ساقتالادى. قىزىلسۋ قىرعىز اۆتونوميالى وبلىستىق پوچتا باسقارۋ مەكەمەسى سياقتى تاراۋلاردىڭ جەتەكشىلىگىندە، اتۇش شۇنفىڭ جەدەل جەتكىزۋ سەرىكتەستىگى ٴانجۇردى سۋىق تىزبەكتى جەدەل جەتكىزۋ، ساتۋ ارناسىنىڭ جاڭا ۇلگىسى جونىندە بەلسەنە ىزدەنىس جاساپ، شييۇي چۋانچي ەلەكتروندى ساۋدا ىستەرى شەكتى سەرىكتەستىگىمەن بىرلەسىپ، ”كۇردەلى گازدى رەتتەپ جاس كۇيىندە ساقتاۋ تەحنيكاسىن“ ەنگىزىپ، قوراپتاۋدا گازدى اۆتوماتتى رەتتەۋ مەن جارعاقپەن قوراپتاۋدى جۇزەگە اسىرىپ، اۆياتسيا نەمەسە سۋىق تىزبەك ارقىلى جونەلتىپ قامبادان شىعاردى، مۇنىڭ ەڭ جوعارى ساقتالۋ مەرزىمى 15 كۇنگە جەتەدى. اسىرەسە، شۇنفىڭ اۆياتسيا تاسىمال قۋاتىنىڭ قولداۋىندا، ٴبىرىنشى ساناتتاعى قالالارعا توتە ۇشىپ، 2 كۇندە اتىز باسىنان داستارقان باسىنا جەتكىزۋگە بولادى. بيىل جىل باسىنان بەرى، بۇكىل شينجياڭداعى ٴانجۇر قابىلداۋ، جونەلتۋ كاسىبى مولشەرى 7500 بولىپ، كاسىپ كىرىسى 200 مىڭ يۋانعا جەتىپ، اۋىل شارۋاشىلىعى ٴونىم قۇنىن 400 مىڭ يۋانعا جەتكىزدى.

بيىل الدىڭعى جارتى جىلدا حوتان ايماعىنىڭ جەدەل جولدامالاردى قىستاققا جەتكىزۋ كاسىبىنىڭ مولشەرى 5 ميلليون 85 مىڭ 400گە جەتتى. جۇڭگو پوچتا توبى شەكتى سەرىكتەستىگى حوتان ايماقتىق بولىمشە سەرىكتەستىگىنىڭ وسى زامانعى اۋىل شارۋاشىلىعىنىڭ دامۋىنا بەلسەنە قىزمەت وتەۋىنىڭ ناتيجەسى كورنەكتى بولىپ، حوتان پوچتا ەلەكتروندى ساۋدا تىكە تاراتۋ بازاسىن قۇرىپ، حوتان ايماعىنداعى تيجارات تۇلعالارىنىڭ ٴداستۇرلى تيجارات تاسىلىنە بۇرىلىس جاساۋىنا دەم بەرىپ، رەسمي دوۋيىن دۇكەنىن، پيڭدودو دۇكەنىن اشىپ، ونىمدەردى سارالاۋ ٴتارتىبىن ۇزدىكسىز ساپالىلاندىرىپ، تىكە تاراتۋشىلاردىڭ جالپىلىق قابىلەتىن جوعارىلاتىپ، جەرگىلىكتى اۋىل شارۋاشىلىق ەرەكشە ونىمدەرىنىڭ شينجياڭنان شىعۋىن جەبەدى.

”بايىنعولين وبلىسىنىڭ جەدەل جەتكىزۋ زات اينالىمى ارقىلى اۋىل شارۋاشىلىعى ونىمدەرىن سىرتقا ساتۋعا دەم بەرۋدەن“ ۇلگى كورسەتۋ نىسانى دا كورنەكتى ونىمدىلىككە قول جەتكىزدى. 6 ـ ايدىڭ سوڭىنا دەيىن، بيىل بايىنعولين وبلىسىنىڭ جەدەل جەتكىزۋ كاسىبى جەرگىلىكتى ورىننىڭ المۇرت، الما، شىلان، قۇمىل قاۋىنى، ماقتا، سيىر، قوي ەتى سياقتى ساپالى ەگىن، مال شارۋاشىلىق ونىمدەرىنەن 2 ميلليون 978 مىڭ 900ىن جولداپ، جەتكىزىپ، جەدەل جەتكىزۋ كاسىپ كىرىسىن 71 ميلليون 194 مىڭ 100 يۋانعا جەتكىزىپ، جەرگىلىكتى ورىننان 1500دەن استام ادامنىڭ جۇمىستانۋىن جەبەدى.

قۇمىل قاۋىنىن جەتكىزۋ نىسانى كوپ ٴتۇرلى كاسىپ كۇيىن توعىستىرا دامىتۋدىڭ جاڭا جاعدايىن قالىپتاستىردى. قۇمىل قالاسى ”ەرەكشە اۋىل شارۋاشىلىق ونىمدەرى + ەلەكتروندى ساۋدا + پوچتا ارقىلى جەدەل جەتكىزۋ“ سىندى كوپ كاسىپ كۇيى توعىسا دامىعان اۋدان، اۋىل، قىستاق 3 دارەجەلى جەتكىزۋ زات اينالىمى جۇيەسى جونىندە بەلسەنە ىزدەنىس جاساپ، اۋىل شارۋاشىلىعى ونىمدەرىن قىستاقتان شىعىپ قالاعا ەنگىزۋ، تۇتىنۋ بۇيىمدارىن اۋىل ـ قىستاقتارعا جەتكىزۋ سىندى قوس اينالىمدى ىركىلىسسىزدەندىردى. قۇمىل قالالىق جەدەل جەتكىزۋ كاسىپتىك قوعامى يجوۋ رايونى نانحۋ اۋىلىندا، اراتۇرىك اۋدانى نوم قالاشىعىندا جىلجىمالى قىزمەت وتەۋ ٴتۇيىنىن قۇرىپ، قۇمىل قاۋىنىن قوراپتاۋ، تاسىمالداۋ، جولداۋ ـ جەتكىزۋ بويىنشا ٴبىر بەكەتتىك قىزمەت وتەۋمەن قامداپ، ٴۇزۋدى، سىرتقا ساتۋدى ساڭلاۋسىز ۇشتاستىرۋدى جۇزەگە اسىردى. قازىرگە دەيىن، بيىل جەرگىلىكتى ورىن ينتەرنەت جەلىسىندە ساتۋ، ينتەرنەت جەلىسىنەن تىس جولداۋ ـ جەتكىزۋ سياقتى قىزمەت وتەۋ ۇلگىسى ارقىلى جيىنى 213 مىڭ 400 قۇمىل قاۋىنىن جەدەل جەتكىزىپ، 9 ميلليون 179 مىڭ 800 يۋان كاسىپ كىرىسىن كىرگىزىپ، اۋىل شارۋاشىلىعىنىڭ جالپى ٴونىم قۇنىن 16 ميلليون 645 مىڭ 600 يۋانعا جەتكىزدى.