اۆتونوميالى رايوندىق 10 ـ كەزەكتى پارتكومنىڭ ون ەكىنشى جالپى ٴماجىلىسى اشىلدى

　　پارتيا 20 ـ كەزەكتى ورتالىق كوميتەتى ٴۇشىنشى جالپى ٴماجىلىسىنىڭ رۋحىن جاپپاي دايەكتىلەندىرىپ، رەفورمانى ونان ارى جاپپاي تەرەڭدەتىپ، جۇڭگو ۇلگىسىندەگى وسىزامانداندىرۋدىڭ شينجياڭ امالياتىن ىلگەرىلەتىپ، جاڭا داۋىردەگى پارتيانىڭ شينجياڭدى باسقارۋ جالپـى جوباسىن تولىق، دالمە ـ ٴدال، جاپپاي دايەكتىلەندىرۋدىڭ ۇزاق ٴونىمدى مەحانيزمىن قالىپتاستىرۋ كەرەك

　اۆتونوميالى رايوندىق پارتكوم تۇراقتى كوميتەتى ٴماجىلىستى باسقاردى، ما شيڭرۇي قىزمەتتەن بايانداما جاسادى ٴارى ٴسوز سويلەدى

8 ـ ايدىڭ 24 ـ كۇنى جۇڭگو كوممۋنيستىك پارتياسى شينجياڭ ۇيعۇر اۆتونوميالى رايوندىق 10 ـ كەزەكتى كوميتەتىنىڭ ون ەكىنشى جالپى ٴماجىلىسى ۇرىمجىدە اشىلدى.

□ سۋرەتتى انار بۇلت \ شينجياڭ گازەتىنىڭ ٴتىلشىسى سۇي جىجيان تۇسىرگەن

انار بۇلت\شينجياڭ گازەتىنىڭ ٴتىلشىسى ۋاڭ شيڭرۇي 8 ـ ايدىڭ 24 ـ كۇنى ۇرىمجىدەن حابارلايدى. جۇڭگو كوممۋنيستىك پارتياسى شينجياڭ ۇيعۇر اۆتونوميالى رايوندىق 10 ـ كەزەكتى كوميتەتىنىڭ ون ەكىنشى جالپى ٴماجىلىسى 8 ـ ايدىڭ 24 ـ كۇنى ۇرىمجىدە اشىلدى. ٴماجىلىس پارتيا 20 ـ قۇرىلتايىنىڭ جانە 20 ـ كەزەكتى ورتالىق كوميتەت ەكىنشى، ٴۇشىنشى جالپى ماجىلىستەرىنىڭ رۋحىن جاپپاي دايەكتىلەندىرىپ، باس شۋجي شي جينپيڭنىڭ رەفورمانى جاپپاي تەرەڭدەتۋ جونىندەگى ٴبىر قىدىرۋ جاڭا يدەياسىن، جاڭا كوزقاراسىن، جاڭا تۇجىرىمىن ىشكەرىلەي ۇيرەنىپ، دايەكتىلەندىرىپ، باس شۋجي شي جينپيڭنىڭ شينجياڭ قىزمەتى جونىندەگى ماڭىزدى ٴسوزىنىڭ، ماڭىزدى نۇسقاۋىنىڭ، بەكىتۋىنىڭ رۋحىن باتىل تياناقتاندىرىپ، قوعام ورنىقتىلىعى مەن باياندى تىنىشتىق باس نىساناسىن مىقتاپ يگەرىپ، جۇڭحۋا ۇلتى ورتاق تۇلعا تانىمىن بەكەمدەۋ نەگىزگى جەلىسىمەن تىعىز بايلانىستىرىپ، مەملەكەتتىڭ جالپى جاعدايىنداعى شينجياڭنىڭ ستراتەگيالىق ورنىن كوزدەپ، رەفورمانى ونان ارى جاپپاي تەرەڭدەتۋ ارقىلى جاڭا داۋىردەگى پارتيانىڭ شينجياڭدى باسقارۋ جالپى جوباسىن تولىق، دالمە ـ ٴدال، جاپپاي دايەكتىلەندىرۋدىڭ ۇزاق ٴونىمدى مەحانيزمىن قالىپتاستىرىپ، جۇڭگو ۇلگىسىندەگى وسىزامانداندىرۋدىڭ شينجياڭ امالياتىن ىلگەرىلەتۋگە قۋاتتى قوزعاۋشى كۇش جانە ٴتۇزىم قامتاماسىزدىعىن ازىرلەۋدى اقىلداستى، ورنالاستىردى.

ٴماجىلىستى اۆتونوميالى رايوندىق پارتكوم تۇراقتى كوميتەتى باسقاردى. اۆتونوميالى رايوندىق پارتكومنىڭ شۋجيى ما شيڭرۇي اۆتونوميالى رايوندىق پارتكوم تۇراقتى كوميتەتىنىڭ تاپسىرۋىمەن قىزمەتتەن بايانداما جاسادى ٴارى جالپى ٴماجىلىستىڭ رۋحىن دايەكتىلەندىرۋ، تياناقتاندىرۋ جونىندە ٴسوز سويلەدى.

ٴماجىلىس «جۇڭگو كوممۋنيستىك پارتياسى شينجياڭ ۇيعۇر اۆتونوميالى رايوندىق كوميتەتىنىڭ پارتيا 20 ـ كەزەكتى ورتالىق كوميتەتى ٴۇشىنشى جالپى ٴماجىلىسىنىڭ رۋحىن ىشكەرىلەي دايەكتىلەندىرىپ، رەفورمانى ونان ارى جاپپاي تەرەڭدەتىپ، جۇڭگو ۇلگىسىندەگى وسىزامانداندىرۋدىڭ شينجياڭ امالياتىن ىلگەرىلەتۋ جونىندەگى قاۋلىسىن»، «جۇڭگو كوممۋنيستىك پارتياسى شينجياڭ ۇيعۇر اۆتونوميالى رايوندىق 10 ـ كەزەكتى كوميتەتى ون ەكىنشى جالپى ٴماجىلىسىنىڭ، پارتيا 20 ـ كەزەكتى ورتالىق كوميتەتى ٴۇشىنشى جالپى ٴماجىلىسىنىڭ رۋحىن ىشكەرىلەي دايەكتىلەندىرىپ، رەفورمانى ونان ارى جاپپاي تەرەڭدەتىپ، جۇڭگو ۇلگىسىندەگى وسىزامانداندىرۋدىڭ شينجياڭ امالياتىن ىلگەرىلەتۋ جونىندەگى قارارىن» قاراپ ماقۇلدادى.

ٴماجىلىس بىلاي دەپ قارادى: پارتيا 20 ـ كەزەكتى ورتالىق كوميتەتىنىڭ ٴۇشىنشى جالپى ٴماجىلىسى _ جۇڭگو ۇلگىسىندەگى وسىزامانداندىرۋ ارقىلى مەملەكەتتى قۇدىرەتتەندىرۋ قۇرىلىسىن، ۇلتتى گۇلدەندىرۋ ۇلى ٴىسىن جاپپاي ىلگەرىلەتۋدىڭ شەشۋشى مەزگىلىندە اشىلعان ٴبىر رەتكى اسا ماڭىزدى ٴماجىلىس. باس شۋجي شي جينپيڭنىڭ جالپى ماجىلىستە سويلەگەن ماڭىزدى ٴسوزى رەفورمانى ونان ارى جاپپاي تەرەڭدەتۋدەگى، جۇڭگو ۇلگىسىندەگى وسىزامانداندىرۋدى ىلگەرىلەتۋدەگى ٴبىر قىدىرۋ بەتالىس سيپاتتى، ٴتۇبىرلى سيپاتتى كەلەلى ماسەلەلەرگە تەرەڭدەي جاۋاپ بەردى، وتە كۇشتى ساياسي سيپاتقا، يدەيالىق سيپاتقا، جەتەكشىلىك سيپاتقا يە. جالپى ٴماجىلىس ماقۇلداعان «جۇڭگو كوممۋنيستىك پارتياسى ورتالىق كوميتەتىنىڭ رەفورمانى ونان ارى جاپپاي تەرەڭدەتۋ، جۇڭگو ۇلگىسىندەگى وسىزامانداندىرۋدى ىلگەرىلەتۋ تۋرالى قاۋلىسى» پارتيانىڭ جاڭا ٴداۋىردىڭ جاڭا جورىعىنداعى بورىش ـ مىندەتىنە جانە ستراتەگيالىق ورنالاستىرۋىنا نەگىزدەلىپ، رەفورمانى ونان ارى جاپپاي تەرەڭدەتۋ، جۇڭگو ۇلگىسىندەگى وسىزامانداندىرۋدى ىلگەرىلەتۋ جونىندە جۇيەلى ورنالاستىرۋ جاسادى، ول _ پارتيا تاريحىنداعى تاعى ٴبىر ماڭىزدى تۇعىرنامالىق حۇجات. جالپى ٴماجىلىس قول جەتكىزگەن ماڭىزدى جەتىستىكتەر، جاساعان كەلەلى ورنالاستىرۋلار شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ رەفورما جاساۋ، ەسىك اشۋ تۋىن بۇلجىماي بيىك ۇستاۋ بەرىك بەكىمىن تولىق ايگىلەدى، بۇل بۇكىل پارتيانى، بۇكىل ارميانى، بۇكىل ەلدەگى ٴار ۇلت حالقىن جۇمىلدىرىپ رەفورمانى ونان ارى جاپپاي تەرەڭدەتۋ ارقىلى جۇڭگو ۇلگىسىندەگى وسىزامانداندىرۋدىڭ كەڭ بولاشاعىن اشۋ، ەكىنشى 100 جىلدىق كۇرەس نىساناسىن جۇزەگە اسىرۋ، جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىن جۇزەگە اسىرۋ جونىنەن كەلەلى مانگە يە. ”ەكىنى تۇراقتاندىرۋدىڭ“ شەشۋشى ٴمانىن تەرەڭ ٴتۇسىنىپ، ”ٴتورت تانىمدى“ كۇشەيتىپ، ”ٴتورت سەنىمدى“ بەكەمدەپ، ”ەكىنى قورعاۋدى“ ورىنداپ، پارتيا 20 ـ كەزەكتى ورتالىق كوميتەتى ٴۇشىنشى جالپى ٴماجىلىسىنىڭ رۋحىن مۇقيات ۇيرەنىپ، دايەكتىلەندىرىپ، باس شۋجي شي جينپيڭنىڭ رەفورمانى جاپپاي تەرەڭدەتۋ جونىندەگى ٴبىر قىدىرۋ جاڭا يدەياسىن، جاڭا كوزقاراسىن، جاڭا تۇجىرىمىن جەتە ۇيرەنىپ، جەتە ٴتۇسىنىپ، پارتيا ورتالىق كوميتەتىنىڭ كەلەلى رەفورما ورنالاستىرۋلارىنىڭ تيانشان الابىندا تياناقتانىپ ونىمدىلىك كورسەتۋىن ىلگەرىلەتۋ كەرەك.

ٴماجىلىس بىلاي دەپ قارادى: تاياۋ جىلداردان بەرى اۆتونوميالى رايوندىق پارتكوم شينجياڭنىڭ باياندى تىنىشتىعىنا ساياتىن ٴتۇبىرلى سيپاتتى، نەگىزدىك سيپاتتى، ۇزاق بولاشاقتىق سيپاتتى ماسەلەلەردى ارقاۋ ەتىپ، نازاردى جوعارى ساپالى دامۋعا تۇساۋ بولىپ وتىرعان تۇزىلىستىك، مەحانيزمدىك كەدەرگىلەرگە شوعىرلاندىرىپ، رەفورمانى جالپى جاعداي كوزقاراسى جانە جۇيەلى وي جەلىسى ارقىلى جوسپارلاپ، ىلگەرىلەتىپ، ٴبىر قىدىرۋ ستراتەگيالىق سيپاتتى، جاسامپازدىق سيپاتتى، جەتەكشىلىك سيپاتتى رەفورما جەتىستىگىنە قول جەتكىزدى. اماليات شينجياڭ قىزمەتىن جاقسى ىستەۋدە، ٴسوز جوق، رەفورمانى جاپپاي تەرەڭدەتۋ سىندى وسى ”شەشۋشى شارادان“ جانە ”ماڭىزدى اسىلدان“ ويداعىداي پايدالانۋ كەرەكتىگىن دالەلدەدى. قازىر شينجياڭنىڭ رەفورماسى، دامۋى الدەقاشان جاڭا تاريحي باستاماعا ٴوتتى. ٴدوپ كەلىپ وتىرعان جاعدايدى، مىندەتتى جىعا تانىپ، رەفورمانى ونان ارى جاپپاي تەرەڭدەتۋدەگى بورىشتىلىق سەزىمدى، جاۋاپكەرشىلىك سەزىمدى، كوكەي تەستىلىك سەزىمدى كۇشەيتىپ، شينجياڭنىڭ رەفورماسىنا، دامۋىنا، ورنىقتىلىعىنا ىقپال جاساپ وتىرعان تەرەڭ قاتپارلى قايشىلىقتاردى، ماسەلەلەردى ٴۇرتىس شەشىپ، جۇڭگو ۇلگىسىندەگى وسىزامانداندىرۋدىڭ شينجياڭ امالياتىن تىڭعىلىقتى ىلگەرىلەتۋ كەرەك.

ٴماجىلىس مىنالاردى باسا دارىپتەدى: جاڭا داۋىردەگى پارتيانىڭ شينجياڭدى باسقارۋ جالپى جوباسى _ باس شۋجي شي جينپيڭنىڭ شينجياڭعا نۇسقاعان داڭعىل جولى، شينجياڭ قىزمەتىن جاقسى ىستەۋدىڭ ارقاۋى مەن جانى. بۇل رەتكى جالپى ٴماجىلىستىڭ ٴتۇيىندى مىندەتى رەفورمانى ونان ارى جاپپاي تەرەڭدەتۋ ارقىلى جاڭا داۋىردەگى پارتيانىڭ شينجياڭدى باسقارۋ جالپى جوباسىن تولىق، دالمە ـ ٴدال، جاپپاي دايەكتىلەندىرۋدىڭ ۇزاق ٴونىمدى مەحانيزمىن قالىپتاستىرىپ، سوتسياليستىك وسىزاماندانعان قۇدىرەتتى مەملەكەت قۇرۋ ۇردىسىندەگى شينجياڭنىڭ ستراتەگيالىق ورنىن جۇزەگە اسىرۋ بولىپ تابىلادى.

ٴماجىلىس پارتيا ورتالىق كوميتەتىنىڭ رەفورما ورنالاستىرۋىنا تۋرالانىپ، نازاردى شينجياڭنىڭ ٴار جاقتاعى، ٴار سالاداعى ٴتۇيىندى قىزمەتتەرىنە شوعىرلاندىرىپ، ٴبىر قىدىرۋ ماڭىزدى رەفورما شارالارىن العا قويدى.

ٴماجىلىس مىنالاردى العا قويدى: جۇڭحۋا ۇلتى ورتاق تۇلعا تانىمىن بەكەمدەۋ ٴتۇزىم ـ مەحانيزمىن اقاۋسىزداندىرىپ، ٴار ۇلت بۇقاراسىنىڭ ”بەستى شىنايى مويىنداۋىن“ ۇزدىكسىز نىعايتۋ كەرەك. جۇڭحۋا ۇلتى ورتاق تۇلعا تانىمى جونىندەگى ۇگىت ـ تاربيە، زەرتتەۋ ـ ٴتۇسىندىرۋ قىزمەتى مەحانيزمىن ورناتىپ، شينجياڭدى مادەنيەتپەن نارلەندىرۋدى ىشكەرىلەي ىلگەرىلەتىپ، ۇلتتاردىڭ ارالاسۋىن، ىشتەسۋىن، توعىسۋىن جەبەپ، ٴدىن ىستەرىن باسقارۋدىڭ زاڭمەن باسقارۋ مەحانيزمىن اقاۋسىزداندىرىپ، يدەولوگيا قىزمەتى جاۋاپكەرشىلىك ٴتۇزىمىن تياناقتاندىرۋ كەرەك.

ٴماجىلىس مىنالاردى العا قويدى: جوعارى دەڭگەيدەگى سوتسياليستىك بازار شارۋاشىلىعى ٴتۇزىلىسىن ورناتىپ، شينجياڭنىڭ ەكونوميكالىق دامۋىنىڭ ىشكى قوزعاۋشى كۇشى مەن ومىرشەڭ كۇشىن ۇزدىكسىز قاۋلاتۋ كەرەك. مەملەكەت مەنشىگىندەگى مال ـ مۇلىك، مەملەكەت مەنشىگىندەگى كاسىپورىندار رەفورماسىن تەرەڭدەتىپ، حالىقتىق شارۋاشىلىقتىڭ دامۋىن جەبەۋ مەحانيزمىن كەمەلدەندىرىپ، بۇكىل ەلدىڭ ٴبىر تۇتاس ۇلكەن بازارىنا بەلسەنە قىزمەت وتەپ جانە توعىسىپ، جاڭا دامۋ ارناسىن قالىپتاستىراتىن ستراتەگيالىق تىرەك ٴتۇيىنىن تۇلعالاۋ كەرەك. جەرگىلىكتى قازىنا ـ سالىق، فينانس ٴتۇزىلىسى رەفورماسىن تەرەڭدەتىپ، اكىمشىلىك تەكسەرىپ بەكىتۋ ٴتۇزىمى رەفورماسىن تەرەڭدەتىپ، ايماق، وبلىس، قالالارعا اۆتونوميالى رايون دارەجەلى ٴبىر توپ اكىمشىلىك قىزمەت ۇقىعى ىستەرىن بەرۋدى ورنىقتى ىلگەرىلەتىپ، شارۋاشىلىق ـ ساۋدا ورتاسى رەفورماسىن تەرەڭدەتۋ كەرەك.

ٴماجىلىس مىنالاردى العا قويدى: ەكونوميكانىڭ جوعارى ساپالى دامۋىن ىلگەرىلەتۋ ٴتۇزىلىس ـ مەحانيزمىن اقاۋسىزداندىرىپ، شينجياڭنىڭ ەرەكشەلىگى مەن باسىمدىعىن ايگىلەيتىن وسىزاماندانعان كاسىپ سالاسى جۇيەسىن تۇلعالاۋ كەرەك. مۇناي، گاز بارلاۋدى، اشۋدى جانە قورىن مولايتىپ، ٴونىمىن ارتتىرۋدى، كومىردى تازا، جوعارى ٴونىمدى پايدالانۋدى، جاڭاشا ەلەكتر قۋاتى جۇيەسى قۇرىلىسىن جەدەلدەتىپ، ستراتەگيالىق سيپاتتى كەن بايلىعىن بارلاۋ، اشۋ مەحانيزمىن كەمەلدەندىرىپ، مەملەكەتتىڭ ەنەرگيا بايلىعى جاعىنداعى ستراتەگيالىق قامتاماسىزدىق بازاسىن تۇلعالاۋ كەرەك. وسىزاماندانعان نەگىزدىك قۇرىلعىلار ”ون تورىن“ كۇشەيتىپ قۇرىپ، جاڭاشا وندىرگىش كۇشتەردى جەرگىلىكتى جاعدايعا قاراي دامىتۋ ٴتۇزىلىس ـ مەحانيزمىن اقاۋسىزداندىرىپ، سيفرلى ەكونوميكانىڭ دامۋىن جەبەپ، ساياحات سياقتى قىزمەت وتەۋ كاسىبىنىڭ دەڭگەيىن جوعارىلاتۋ كەرەك.

ٴماجىلىس مىنالاردى العا قويدى: وقۋ ـ اعارتۋ، عىلىم ـ تەحنيكا، دارىندىلار ٴتۇزىلىس ـ مەحانيزمى رەفورماسىن ٴبىر تۇتاس جوسپارلاپ ىلگەرىلەتىپ، شينجياڭنىڭ جاڭالىق اشۋ قابىلەتىندەگى ولقىلىعىن جەدەل تولىقتاۋ كەرەك. وقۋ ـ اعارتۋدىڭ كەشەندى رەفورماسىن تەرەڭدەتىپ، وڭتۇستىك شينجياڭنىڭ جوعارى وقۋ ـ اعارتۋىن كەڭەيتىپ، ساپاسىن جوعارىلاتۋدى ىلگەرىلەتۋ كەرەك. عىلىم ـ تەحنيكا ٴتۇزىلىسى رەفورماسىن تەرەڭدەتىپ، كاسىپورىنداردىڭ عىلىم ـ تەحنيكادا جاڭالىق اشۋداعى تۇلعالىق ورنىن كۇشەيتۋ كەرەك. دارىندىلاردى دامىتۋ ٴتۇزىلىس ـ مەحانيزمى رەفورماسىن تەرەڭدەتىپ، ستراتەگيالىق دارىندىلاردى باۋلۋ، قولداۋ ارناۋلى ارەكەتىن اتقارۋ كەرەك.

ٴماجىلىس مىنالاردى العا قويدى: وڭىرلىك سايكەستى دامۋدى ٴبىر تۇتاس جوسپارلاۋ مەحانيزمىن اقاۋسىزداندىرىپ، وڭتۇستىك شينجياڭنىڭ دامۋىنا تۇساۋ بولىپ وتىرعان كورنەكتى ماسەلەلەردى شەشۋ كەرەك. وڭتۇستىك شينجياڭنىڭ جوعارى ساپالى دامۋ قىزمەت مەحانيزمىن كەمەلدەندىرىپ، قولداۋ ساياسات جۇيەسىن اقاۋسىزداندىرىپ، ەرەكشەلىككە، باسىمدىققا يە كاسىپ سالالارىن جەتىلدىرۋ، زورايتۋ كەرەك. وڭتۇستىك، سولتۇستىك شينجياڭدى سايكەستى دامىتۋ ٴتۇزىلىس ـ مەحانيزمىن اقاۋسىزداندىرىپ، بۇكىل رايون وڭتۇستىك شينجياڭنىڭ دامۋىن قولدايتىن قىزمەت ارناسىن قالىپتاستىرۋ؛ شينجياڭعا باعىتتامالى كومەكتەسۋ قىزمەتى مەحانيزمىن اقاۋسىزداندىرىپ، جالپىلىق ونىمدىلىگىن جوعارىلاتۋ كەرەك.

ٴماجىلىس مىنالاردى العا قويدى: قالا مەن اۋىلدىڭ توعىسا دامۋ ٴتۇزىلىس ـ مەحانيزمىن كەمەلدەندىرىپ، كىرىكپەلى قالا ـ قالاشىقتاندىرۋ قۇرىلىسىن جانە اۋىل ـ قىستاقتى جاپپاي گۇلدەندىرۋدى ىلگەرىلەتۋ كەرەك. كىرىكپەلى قالا ـ قالاشىقتاندىرۋ قۇرىلىسى قىزمەتى مەحانيزمىن اقاۋسىزداندىرىپ، بيڭتۋان مەن جەرگىلىكتى ورىندا، قالا مەن اۋىلدا ٴوزارا كىرىكپەلى دامۋدى ىلگەرىلەتۋ كەرەك. اۋىل شارۋاشىلىعىن جوعارى ساپالى دامىتۋ ٴتۇزىلىس ـ مەحانيزمىن اقاۋسىزداندىرىپ، مەملەكەتتىك ساپالى ەگىن، مال شارۋاشىلىق ونىمدەرىمەن قامداۋ ماڭىزدى بازاسىن تۇلعالاۋ؛ اۋىل ـ قىستاق نەگىزگى شارۋاشىلىق ٴتۇزىمىن بەكەمدەپ جانە كەمەلدەندىرىپ، جەر ٴتۇزىمى رەفورماسىن تەرەڭدەتىپ، اۋىل شارۋاشىلىعىن كۇشەيتۋدى، اۋىل ـ قىستاققا تيىمدىلىك جاساۋدى، شارۋالاردى بايىتۋدى قولداۋ ٴتۇزىمىن كەمەلدەندىرىپ، اۋىل ـ قىستاقتى جاپپاي گۇلدەندىرۋدى ىلگەرىلەتۋدىڭ ۇزاق ٴونىمدى مەحانيزمىن اقاۋسىزداندىرۋ كەرەك.

ٴماجىلىس مىنالاردى العا قويدى: جوعارى دەڭگەيدەگى سىرتقا ەسىك اشۋ ٴتۇزىلىس ـ مەحانيزمىن كەمەلدەندىرىپ، شينجياڭنىڭ وڭىرلىك ورىن باسىمدىعىن اناعۇرلىم ويداعىداي ساۋلەلەندىرۋ كەرەك. جۇڭگو (شينجياڭ) ەركىن ساۋدا سىناق رايونىن جوعارى ولشەممەن قۇرىپ، جىبەك جولى ەكونوميكالىق بەلدەۋى وزەكتى رايونىنىڭ ”بەس ۇلكەن ورتالىق“ قۇرىلىسىن تەزدەتىپ، شەكارا وتكەلى ەكونوميكالىق بەلدەۋىن جەدەل قۇرىپ، ”ٴبىر بەلدەۋ، ٴبىر جولدى“ بىرگە قۇراتىن ەلدەرمەن اۋىس ـ كۇيىستى، سەلبەستىكتى تەرەڭدەتىپ، ازيا ـ ەۆروپا التىن ارناسى مەن باتىسقا ەسىك اشۋدىڭ الدىڭعى شەبىن تۇلعالاۋ كەرەك.

ٴماجىلىس مىنالاردى العا قويدى: حالىق تۇرمىسىن قامتاماسىز ەتۋ جانە جاقسارتۋ تەبىنىن ارتتىرىپ، ٴار ۇلت بۇقاراسىنىڭ تۇرمىس ساپاسىن جوعارىلاتۋ، جۇرت تىلەگىن اناعۇرلىم ويداعىداي ۇيىستىرۋ كەرەك. جوعارى ساپالى تولىق جۇمىستاندىرۋدى جەبەۋ مەحانيزمىن اقاۋسىزداندىرىپ، كىرىس ٴبولىسى ٴتۇزىمى رەفورماسىن تياناقتاندىرىپ، قوعامدىق قامتاماسىزداندىرۋ جۇيەسىن اقاۋسىزداندىرىپ، قورا ـ جاي كاسىبىنىڭ اقاۋسىز دامۋىن جەبەپ، ەمدەۋ، ٴدارى ـ دارمەك، دەنساۋلىق ساقتاۋ ٴتۇزىلىسى رەفورماسىن تەرەڭدەتىپ، جان سانىنىڭ دامۋىنا قولداۋ كورسەتۋ جانە قىزمەت وتەۋ جۇيەسىن اقاۋسىزداندىرۋ كەرەك.

ٴماجىلىس مىنالاردى العا قويدى: ەكولوگيالىق وركەنيەت ٴتۇزىلىس ـ مەحانيزمى رەفورماسىن تەرەڭدەتىپ، كورىكتى شينجياڭ قۇرىلىسىن ىشكەرىلەي ىلگەرىلەتۋ كەرەك. ەكولوگيانى قورعاۋ مەن قورشاعان ورتانى وڭاۋ ٴتۇزىلىس ـ مەحانيزمىن اقاۋسىزداندىرىپ، تيانشاننىڭ سولتۇستىك باۋرايىنداعى قالا شوعىرى اتموسفەراسىنىڭ لاستانۋىنان بىرلەسىپ ساقتانۋ، بىرلەسىپ تىزگىندەۋ مەحانيزمىن كەمەلدەندىرىپ، تاكلاماكان ٴشول جيەگى توسقاۋىل شايقاسىن ويداعىداي جۇرگىزىپ، كومىر الابى ٴورت رايوندارىن جالپىلىق تىزگىندەۋدى ىلگەرىلەتىپ، سۋ بايلىعىن باسقارۋ ٴتۇزىلىسى رەفورماسىن تەرەڭدەتىپ، جاسىل، تومەن كومىر قىشقىل گازدى دامۋ مەحانيزمىن اقاۋسىزداندىرۋ كەرەك.

ٴماجىلىس مىنالاردى العا قويدى: بيڭتۋاننىڭ رەفورمانى جاپپاي تەرەڭدەتىپ، ەرەكشە قىزمەت مىندەتى مەن بورىشىن اناعۇرلىم جاقسى اتقارۋىن ىلگەرىلەتۋ كەرەك. بيڭتۋاننىڭ ٴتۇيىندى سالالار مەن شەشۋشى بۋىندارداعى رەفورماسىن ۇزدىكسىز تەرەڭدەتىپ، بيڭتۋان مەن جەرگىلىكتى ورىننىڭ تەرەڭدەي توعىسا دامۋىن جەبەۋ كەرەك.

ٴماجىلىس مىنالاردى العا قويدى: جالپى بارىستىق حالىق دەموكراتياسى ٴتۇزىمى جۇيەسىن اقاۋسىزداندىرىپ، جۇڭگو ۇلگىسىندەگى وسىزامانداندىرۋدىڭ شينجياڭ امالياتىن ىلگەرىلەتۋدىڭ قۋاتتى كۇشىن ۇيىستىرۋ كەرەك. ۇلتتىق وڭىرلىك اۆتونوميا تۇزىمىنە تاباندى بولىپ جانە ونى كەمەلدەندىرىپ، حالىق ٴوز ـ وزىنە قوجايىن بولۋ ٴتۇزىمى قۇرىلىسىن كۇشەيتىپ، كەڭەستىك دەموكراتيا مەحانيزمىن اقاۋسىزداندىرىپ، نەگىزگى ساتى دەموكراتيا ٴتۇزىمىن اقاۋسىزداندىرىپ، ۇلكەن بىرلىكساپ قىزمەت ارناسىن كەمەلدەندىرۋ كەرەك.

ٴماجىلىس مىنالاردى العا قويدى: شينجياڭدى زاڭمەن باسقارۋ ٴتۇزىلىس ـ مەحانيزمىن كەمەلدەندىرىپ، زاڭمەن باسقارىلاتىن شينجياڭ، زاڭمەن باسقارىلاتىن ۇكىمەت، زاڭمەن باسقارىلاتىن قوعام قۇرىلىسىن ٴبىرتۇلعالى ىلگەرىلەتۋ كەرەك. ٴتۇيىندى سالالار، جاڭادان گۇلدەنگەن سالالار سياقتىلاردا جەرگىلىكتى زاڭ ەرەجە شىعارۋدى كۇشەيتىپ، زاڭ بويىنشا اكىمشىلىك جۇرگىزۋ ٴتۇزىم ـ مەحانيزمىن اقاۋسىزداندىرىپ، زاڭدى ٴادىل اتقارۋ، ٴادىليانى ٴادىل جۇرگىزۋ ٴتۇزىلىس ـ مەحانيزمىن اقاۋسىزداندىرىپ، زاڭمەن باسقارىلاتىن قوعام قۇرىلىسىن ىلگەرىلەتىپ، شەتەلگە ساياتىن زاڭمەن باسقارۋ قۇرىلىسىن كۇشەيتۋ كەرەك.

ٴماجىلىس مىنالاردى العا قويدى: قوعام ورنىقتىلىعىن قورعاۋدى ماڭداي الدى ورىنعا قويۋعا تاباندى بولىپ، مەملەكەت حاۋىپسىزدىگىن قورعاۋ ٴتۇزىلىس ـ مەحانيزمىن كەمەلدەندىرۋ كەرەك. قوعام ورنىقتىلىعىن قورعاۋ جاۋاپكەرشىلىك ٴتۇزىمىن تياناقتاندىرىپ، لاڭكەستىككە قارسى تۇرىپ، ورنىقتىلىقتى قورعاۋدى زاڭمەن باسقارۋ، ۇدايىلاندىرۋ قىزمەت جۇيەسىن كەمەلدەندىرىپ، الەۋمەتتىك حاۋىپسىزدىكتى باسقارۋ مەحانيزمىن كەمەلدەندىرىپ، قوعامدىق باسقارۋ جۇيەسىن اقاۋسىزداندىرىپ، شەكارانى ورنىقتىرۋ، شەكارانى بەكەمدەۋ قىزمەتى مەحانيزمىن اقاۋسىزداندىرىپ، مەملەكەت قورعانىسى مەن ارميانى وسىزامانداندىرۋ قۇرىلىسىن قولداپ، شينجياڭعا ساياتىن سىرتقا قاراتىلعان كۇرەس قىزمەتى مەحانيزمىن اقاۋسىزداندىرىپ، مەملەكەتتىڭ وڭىرلىك حاۋىپسىزدىگىن قورعاۋ ستراتەگيالىق قالتقىسىن تۇلعالاۋ كەرەك.

ٴماجىلىس مىنالاردى العا قويدى: پارتيا قۇرىلىسى ٴتۇزىمى رەفورماسىن تەرەڭدەتىپ، پارتيا ستيلى، پاكتىك قۇرىلىسىن جانە شىرىكتەسۋگە قارسى تۇرۋ كۇرەسىن ىشكەرىلەي ىلگەرىلەتىپ، نەگىزگى ساتىنىڭ اۋىرتپالىعىن جەڭىلدەتۋدىڭ ۇزاق ٴونىمدى مەحانيزمىن اقاۋسىزداندىرۋ كەرەك.

ٴماجىلىس مىنالاردى باسا دارىپتەدى: پارتيانىڭ جالپى بەتتىك باسشىلىعىن رەفورمانىڭ جالپى بارىسىنا سىڭىرۋگە تاباندى بولىپ، پارتيانىڭ جالپى جاعدايدى تۇگەل مەڭگەرەتىن، ٴار جاقتى سايكەستىرەتىن باسشىلىق ۇيتقىلىق رولىن ويداعىداي ساۋلەلەندىرىپ، شينجياڭدا رەفورمانىڭ باستان ـ اياق دۇرىس ساياسي بەتالىسپەن العا ىلگەرىلەۋىنە شىنايى كەپىلدىك ەتۋ كەرەك. باسشى كادرلاردىڭ رەفورمانى جوسپارلاۋ جانە ىلگەرىلەتۋ قابىلەتىن ۇزدىكسىز جوعارىلاتىپ، دۇرىس رەفورما ادىسىنە تاباندى بولىپ، جۇرەكتىلىكپەن رەفورما جاساۋ، جاڭالىق اشۋ كۇشتى رايىن قالىپتاستىرىپ، ٴتۇرلى رەفورما ورنالاستىرۋلارىنىڭ تياناقتانىپ، ونىمدىلىك كورسەتۋىن شەگە قاعۋ رۋحىمەن ىلگەرىلەتۋ كەرەك.

ٴماجىلىس تاعى كەلەسى جارتى جىلداعى قىزمەتتى ويداعىداي ىستەۋ جونىندە ورنالاستىرۋ جاساپ، مىنالاردى باسا دارىپتەدى: دامۋ مەن حاۋىپسىزدىكتى ٴبىر تۇتاس جوسپارلاۋعا تاباندى بولىپ ،”ٴۇش ٴتۇرلى كۇشكە“ زاڭ بويىنشا قاتاڭ سوققى بەرۋدىڭ تەگەۋرىندى كۇيىن ساقتاۋدان اۋىتقىماي، شينجياڭنىڭ قوعامدىق كەلەلى جاعدايىنىڭ ٴۇرتىس ورنىقتى بولۋىن، ۇزاق ۋاقىت ورنىقتى بولۋىن باتىل قورعاۋ؛ ەلەۋلى ەكونوميكا، فينانس حاۋىپ ـ قاتەرلەرىنەن كۇش سالا ساقتانىپ جانە ونى جويىپ، ٴوندىرىس حاۋىپسىزدىگى مەن اپاتتان ساقتانۋ، اپات شىعىنىن ازايتۋ قىزمەتىن ويداعىداي ىستەۋ كەرەك. 3 ـ ماۋسىمداعى التىن مەزگىلدى مىقتى يگەرىپ، ۇزدىكسىز تۇردە ارتىقشىلىقتى ساۋلەلەندىرىپ، ولقىلىقتاردى تولىقتاپ، كەلەلى نىسان قۇرىلىستارىن جەدەل ىلگەرىلەتىپ، ونەركاسىپتىڭ ارتۋ نەگىزگى جاعدايىن ورنىقتىرىپ، سىرتقى ساۋدانىڭ جىلدام ارتۋ اۋقىمىن ساقتاپ، تۇتىنۋ كومەسكى كۇشىن ٴۇرتىس جارىققا شىعارىپ، حالىق تۇرمىسىن شىنايى قامتاماسىز ەتىپ جانە جاقسارتىپ، تۇتاس جىلدىق ەكونوميكالىق، قوعامدىق دامۋ نىساناسىن بۇلجىماي ورىنداۋ كەرەك. ”14 ـ بەسجىلدىق“ جوبانىڭ تياناقتانۋ جاعدايىن قورىتىندىلاپ، ساراپتاپ، ”15 ـ بەسجىلدىق“ جوبانىڭ الدىڭعى مەرزىمدىك جوسپارلاۋ قىزمەتىن ويداعىداي ىستەۋ كەرەك.

ٴماجىلىس مىناعان ۇندەدى: شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ توڭىرەگىنە اناعۇرلىم تىعىز ىنتىماقتاسىپ، جاڭا داۋىردەگى پارتيانىڭ شينجياڭدى باسقارۋ جالپى جوباسىن تولىق، دالمە ـ ٴدال، جاپپاي دايەكتىلەندىرىپ، رەفورما جاساۋ، ەسىك اشۋ ۇلى رۋحىن اسقاقتاتىپ، ٴورىس اشا جاڭالىق اشىپ، قايراتتانا العا ىلگەرىلەپ، جۇڭگو ۇلگىسىندەگى وسىزامانداندىرۋ ۇردىسىندە كورىكتى شينجياڭدى اناعۇرلىم ويداعىداي قۇرايىق!

ٴماجىلىس ما گوچياڭعا پارتيادان شىعارۋ جازاسى بەرىلدى دەپ ساناۋ جونىندەگى قاۋلىنى داۋىسقا سالىپ ماقۇلدادى.

اۆتونوميالى رايوندىق پارتكومنىڭ مۇشەلەرى، كانديدات مۇشەلەرى ماجىلىسكە قاتىناستى.

اۆتونوميالى رايوندىق پارتكومنىڭ مۇشەسى، كانديدات مۇشەسى ەمەس ولكە دارەجەلى باسشى جولداستار؛ قازىرگى مىندەتىنەن بوساعان ٴىشىنارا ولكە دارەجەلى باسشىلار جانە دەمالىسقا، زەينەتكە شىققان باس ولكە دارەجەلى باسشىلار؛ پارتيا 20 ـ قۇرىلتايىنىڭ ۇرىمجىدەگى ۋاكىلدەرى؛ اۆتونوميالى رايوندىق ٴتارتىپ تەكسەرۋ كوميتەتىنىڭ تۇراقتى مۇشەلەرى؛ اۆتونوميالى رايونعا (ورتالىققا) توتە قاراستى ورىندارداعى، بيڭتۋان ورگانىنىڭ تاراۋلارىنداعى جانە توتە قاراستى ورىندارداعى جاۋاپتى جولداستار، ايماق، وبلىس، قالالارداعى جانە بيڭتۋاننىڭ شى، قالالارىنداعى جاۋاپتى جولداستار، اۆتونوميالى رايون جانە بيڭتۋان پارتكومى رەفورمانى جاپپاي تەرەڭدەتۋ كوميتەتى كەڭسەسىنىڭ القا مۇشەلەرى قاتارلىلار ماجىلىسكە سىرتتاي قاتىناستى. ٴماجىلىس تەلەۆيزور ـ تەلەفون ٴماجىلىسى فورماسىمەن ايماق، وبلىس، قالالارعا، اۋدان، قالا، رايوندارعا جانە بيڭتۋاننىڭ شى ـ قالالارىنا، تۋان ـ الاڭدارىنا دەيىن اشىلدى.