انار بۇلت \ شينجياڭ گازەتىنىڭ ٴتىلشىسى ۋاڭ يايۇن 8 ـ ايدىڭ 25 ـ كۇنى ۇرىمجىدەن حابارلايدى. اۆتونوميالى رايوندىق تۇرعىن ٴۇي جانە قالا، اۋىل قۇرىلىسى مەڭگەرمەسىنەن ۇعىسۋىمىزشا، قازىرگە دەيىن 2024 ـ جىلعى شينجياڭنىڭ ”كومىردىڭ ورنىنا ەلەكتر پايدالانۋ“ 2 ـ مەرزىمدىك ينجەنەرياسىنا مەردىگەر شاقىرۋ، مەردىگەرلىككە مالىمدەلۋ، سونداي ـ اق توقتامعا قول قويۋ قىزمەتى تولىق ورىندالىپ، 203 مىڭ 455 وتباسىندا جۇمىس باستالىپ، جۇمىس باستاۋ سالىستىرماسى %81.9كە جەتكەن، 130 مىڭ 721 وتباسىندا قۇرىلىس اياقتاپ، جۇمىستىڭ ورىندالۋ مولشەرى %52.62 بولعان.

ۇعىسۋعا قاراعاندا، 2024 ـ جىلعى شينجياڭ جوسپارلاپ اتقاراتىن ”كومىردىڭ ورنىنا ەلەكتر پايدالانۋ“ بويىنشا تۇرعىنداردى جىلۋمەن قامداۋ قۇرىلعىلارىن وتباسىلارىنا ەنگىزۋ ـ جاڭالاۋ 2 ـ مەرزىمدىك ينجەنەرياسى قۇمىل قالاسى، تۇرپان قالاسى، بايىنعولين موڭعۇل اۆتونوميالى وبلىسى، اقسۋ ايماعى، قاشقار ايماعى، حوتان ايماعى سياقتى 6 ايماق، وبلىس، قالاداعى 248 مىڭ 400 وتباسىنا سايادى ەكەن.

بيىل جىل باسىنان بەرى شينجياڭ ”كومىردىڭ ورنىنا ەلەكتر پايدالانۋ“ بويىنشا تۇرعىنداردى جىلۋمەن قامداۋ قۇرىلعىلارىن وتباسىلارىنا ەنگىزۋ ـ جاڭالاۋ 2 ـ مەرزىمدىك ينجەنەريا نىسانىن اتقارۋدى ورنىقتى قاداممەن ىلگەرىلەتىپ، ورتالىقتىڭ ەنەرگيا ۇنەمدەۋ كومەك قاراجاتىنا جانە اۆتونوميالى رايوننىڭ قازىنالىق كومەك قاراجاتىنا بەلسەنە ٴوتىنىش ەتتى. ٴار ايدا ٴبىر رەت ورنالاستىرۋ، ٴار ماۋسىمدا ٴبىر حابارلاندىرۋ قىزمەت مەحانيزمىن قاتاڭ تياناقتاندىرىپ، نىساننىڭ اتقارىلۋ بارىسىن باقىلاۋ ـ باسقارۋدى كۇشەيتتى. تەحنيكالىق قىزمەت وتەۋ مەن باۋلۋدى كۇشەيتىپ، مامانداردى تەحنيكالىق قىزمەت وتەۋگە، جەتەكشىلىك ەتۋگە ۇيىمداستىرىپ، ينجەنەريا قۇرىلىسى مىندەتىنىڭ جوعارى ولشەممەن ىلگەرىلەۋىنە، جوعارى ساپامەن ورىندالۋىنا شىنايى كەپىلدىك ەتتى.

كەلەسى قادامدا بۇكىل شينجياڭنىڭ جەر ـ جەرى جوبا بويىنشا شايقاس جۇرگىزىپ، ينجەنەريانىڭ ىلگەرىلەۋ ٴتارتىبى مەن تەبىنىن مىقتى يگەرەدى؛ الاڭعا كىرگەن شيكىزات پەن جابدىقتاردى قاتاڭ تەكسەرىپ، تولىمسىز ونىمدەردى پايدالانۋعا قاتاڭ تيىم سالادى؛ شينجياڭنىڭ كومىردىڭ ورنىنا ەلەكتر پايدالانۋ بويىنشا تۇرعىنداردى جىلۋمەن قامداۋ قۇرىلعىلارىن وتباسىلارىنا ەنگىزۋ ـ جاڭالاۋ ينجەنەرياسىنىڭ اتقارىلۋى جانە ورناتۋعا، پايدالانۋعا جەتەكشىلىك قولدانباسى، شينجياڭنىڭ كومىردىڭ ورنىنا ەلەكتر پايدالانۋ بويىنشا تۇرعىنداردى جىلۋمەن قامداۋ قۇرىلعىلارىن وتباسىلارىنا ەنگىزۋ ـ جاڭالاۋ ينجەنەرياسىنىڭ پايدالانىلاتىن چەرتوج جيناعى جانە شينجياڭنىڭ كومىردىڭ ورنىنا ەلەكتر پايدالانۋ بويىنشا تۇرعىنداردى جىلۋمەن قامداۋ قۇرىلعىلارىن وتباسىلارىنا ەنگىزۋ ـ جاڭالاۋ ينجەنەرياسىن (ەلەكتر) تەكسەرىپ وتكىزىپ الۋ باعدارناماسى سياقتى ولشەم جۇيەلەر بويىنشا قاتاڭ جۇمىس جۇرگىزەدى.