انار بۇلت \ شينجياڭ گازەتىنىڭ ٴتىلشىسى سۋ لۋپيڭ 8 ـ ايدىڭ 14 ـ كۇنى ۇرىمجىدەن حابارلايدى. نەگىزگى ساتى ەمدەۋ ـ دەنساۋلىق ساقتاۋ قۇرىلىمدارىنىڭ اۋرۋدان ساقتانۋ، اۋرۋدى ەمدەۋ جانە سالاماتتىقتى باسقارۋ قابىلەتىن ۇزدىكسىز جوعارىلاتىپ، نەگىزگى ساتىداعى بۇقارانىڭ اۋرۋىن ەمدەتىپ، شيپاگەرگە كورىنۋىندەگى شۇعىل، قيىن، ۋايىمداعان، ٴزارۋ ماسەلەلەرىن شەشۋ ٴۇشىن، تاياۋدا اۆتونوميالى رايوندىق دەنساۋلىق ساقتاۋ، سالاماتتىق كوميتەتى نەگىزگى ساتىنىڭ ەمدەۋ ـ دەنساۋلىق ساقتاۋ بويىنشا قىزمەت وتەۋ قابىلەتىن جوعارىلاتۋ ارناۋلى ارەكەتىن باستادى.

ٴۇيىنىڭ ماڭىندا ـ اق اۋرۋىن ەمدەتە الۋ _ قالىڭ ناۋقاستاردىڭ قاراپايىم ارمانى. پارتيا 20 ـ كەزەكتى ورتالىق كوميتەتىنىڭ ٴۇشىنشى جالپى ماجىلىسىندە بىلاي دەپ ورتاعا قويىلدى: ساپالى ەمدەۋ بايلىعىنىڭ كولەمىن كەڭەيتۋ، تومەنگە جەتكىزۋ جانە وڭىرلىك بىركەلكى ورنالاسىمىن جەبەۋ، دارەجەگە ٴبولىپ دياگنوز قويۋ ـ ەمدەۋ جۇيەسىن جەدەل ورناتىپ، تىعىز ەمدەۋ بىرلەستىك تۇلعاسى قۇرىلىسىن ىلگەرىلەتىپ، نەگىزگى ساتىنىڭ ەمدەۋ ـ دەنساۋلىق ساقتاۋ بويىنشا قىزمەت وتەۋىن كۇشەيتۋ قاجەت. سوڭعى جىلدارى رايونىمىز دارەجەگە ٴبولىپ دياگنوز قويۋ ـ ەمدەۋ ٴتۇزىم قۇرىلىسى ارقىلى تىعىز جىمداسقان اۋدان ٴوڭىرى ەمدەۋ بىرلەستىك تۇلعاسى، قالا ەمدەۋ توبى قۇرىلىسى سياقتىلاردى ىلگەرىلەتىپ، ساپالى ەمدەۋ بايلىعىنىڭ ورنالاسۋىنىڭ بىركەلكى بولماۋى، تولىق بولماۋى، نەگىزگى ساتىنىڭ ەمدەۋ ـ دەنساۋلىق ساقتاۋ بويىنشا قىزمەت وتەۋ قابىلەتىنىڭ سالىستىرمالى تۇردە ٴالسىز بولۋى سياقتى ماسەلەلەردى ٴونىمدى شەشتى.

ٴىشىنارا وڭىرلەردىڭ ”بۇقارانىڭ جاقىن ماڭدا ەمدەلۋى قولايلى بولماۋ، نەگىزگى ساتىدا ەمدەلۋدە تابىس سەزىمى كۇشتى بولماۋ“ سياقتى ماسەلەلەرگە مەڭزەس، اۆتونوميالى رايوندىق دەنساۋلىق ساقتاۋ، سالاماتتىق كوميتەتى «اۆتونوميالى رايوننىڭ نەگىزگى ساتىنىڭ ەمدەۋ ـ دەنساۋلىق ساقتاۋ بويىنشا قىزمەت وتەۋ قابىلەتىن جوعارىلاتۋ ارناۋلى ارەكەت جوباسىن» باسىپ تاراتىپ، رايونىمىزدىڭ ەكونوميكالىق، قوعامدىق دامۋ دەڭگەيىنە، ورنىنا سايكەس بولعان ورنالاسۋى ۇيلەسىمدى، قولايلى، جوعارى ٴونىمدى، قامتاماسىزدىعى پارمەندى نەگىزگى ساتىنىڭ ەمدەۋ ـ دەنساۋلىق ساقتاۋ بويىنشا قىزمەت وتەۋ جۇيەسىن قۇرۋدى ىلگەرىلەتىپ، ٴار ۇلت بۇقاراسىنىڭ كۇن سايىن ارتقان نەگىزدىك ەمدەۋ ـ دەنساۋلىق ساقتاۋ بويىنشا قىزمەت وتەۋ قاجەتىن ۇزدىكسىز قاناعاتتاندىردى.

«جوبادا» ”ساپالى قىزمەت وتەۋدى نەگىزگى ساتىعا ٴتۇسىرۋ“ قيمىلىن جانە الەۋمەتتىك اۋماق شيپاحاناسى قۇرىلىسى ارەكەتىن ۇزدىكسىز ىلگەرىلەتۋ، ٴتۇيىندى بولىمدەردىڭ قابىلەت قۇرىلىسىن كۇشەيتۋ، قىستاق ەمحانالارىنىڭ قابىلەت قۇرىلىسىن نىعايتۋ، الدىن الا تاپسىرىس بەرىلەتىن ٴنومىر قاينارىن نەگىزگى ساتىعا ٴتۇسىرۋ، ورتا، جوعارى دارەجەلى كاسىپتىك اتاعى بار شيپاگەرلەردىڭ امبولاتوريادا كەزەكشى بولۋىن ىلگەرىلەتۋ، ارالاپ دياگنوز قويۋ مەن وكىلەتتى قىزمەت وتەۋدى ويداعىداي ىستەۋ، نەگىزگى ساتىدا ايگىلى شيپاگەرلەر قىزمەت كەڭسەسىن قۇرۋ، اپتا سوڭىندا ۆاكسينا ەگۋ قىزمەت وتەۋىمەن قامداۋ، قالا الەۋمەتتىك اۋماقتارىنىڭ امبولاتوريا قىزمەت وتەۋ ۋاقىتىن ۇزارتۋ، ەلەكتروندى سالاماتتىق ارحيۆىن تۇرعىندارعا اشىق ۇستاۋ، سوزىلمالى اۋرۋلاردى ٴبىر تۇلعالاندىرۋ امبولاتورياسى قۇرىلىسىن ىلگەرىلەتۋ، ”الدىمەن ەمدەلىپ، سوڭىنان اقى تولەۋدى“ جولعا قويۋ، ”قارتتار مەن بالالارعا“ سالاماتتىق باسقارۋ بويىنشا قىزمەت وتەۋدى تەرەڭدەتۋ، ايەلدەر مەن بالالاردىڭ سالاماتتىعىنا قىزمەت وتەۋ سەرپىنىن ارتتىرۋ، نەگىزگى ساتىنىڭ جۇڭي شيپاگەرلىك، ٴدارى ـ دارمەك قىزمەت وتەۋ قابىلەتىن جوعارىلاتۋدى ىلگەرىلەتۋ، ەمدەلۋ بويىنشا قىزمەت وتەۋ ورتاسىن جاقسارتۋ، تۇرعىنداردىڭ ٴدارى ىستەتۋ قاجەتىنە قولايلىلىق جاساۋ، سوزىلمالى اۋرۋعا شالدىققانداردى سپورت، ازىق ـ تۇلىك رەتسەبىمەن نەمەسە ۇسىنىسىمەن قامداۋ، وتباسى شيپاگەرلەرىنىڭ كەلىسىم جاساسىپ قىزمەت وتەۋىن ناقتىلاندىرۋ سياقتى 20 ٴتۇرلى ٴتۇيىندى شارانى ايقىندادى.

اۆتونوميالى رايوندىق دەنساۋلىق ساقتاۋ، سالاماتتىق كوميتەتى مىنالاردى تالاپ ەتتى: ايماقتاردىڭ (وبلىس، قالا) دەنساۋلىق ساقتاۋ، سالاماتتىق تاراۋلارى قابىلەتتى جوعارىلاتۋدى نەگىزگى جەلى ەتىپ، ٴتۇرلى قىزمەتتەردى ٴبىر تۇتاس جوسپارلاپ ىلگەرىلەتىپ، ٴىس جۇزىندىكپەن ۇشتاستىرىپ، سايكەستى شارالاردى كەمەلدەندىرىپ، نەگىزگى ساتىنىڭ ەمدەۋ ـ دەنساۋلىق ساقتاۋ قىزمەت وتەۋىنەن پايدالانۋ مولشەرىن جوعارىلاتۋدى وزەك ەتىپ، ارەكەتتە ونىمدىلىككە قول جەتكىزۋدى مىقتى يگەرۋ؛ نەگىزگى ساتى ەمدەۋ ـ دەنساۋلىق ساقتاۋ قۇرىلىمدارى باعىتتامالى تۇردە جاقسارتىپ، كەمەلدەندىرىپ، جوعارىلاتىپ، جالپىلىق قىزمەت وتەۋ قابىلەتى مەن دەڭگەيىن ۇزدىكسىز جوعارىلاتىپ، نەگىزگى ساتىنىڭ ەمدەلۋ ورتاسىن اناعۇرلىم ساپالىلاندىرىپ، بۇقارانىڭ نەگىزگى ساتىدا ەمدەلۋدەگى تابىس سەزىمىن جوعارىلاتۋ كەرەك.