□ انار بۇلت \ شينجياڭ گازەتىنىڭ تىلشىلەرى
اۆتونوميالى رايوندىق 10 ـ كەزەكتى پارتكوم ون ەكىنشى جالپى ٴماجىلىسى اۆتونوميالى رايوندىق پارتكومنىڭ زاڭمەن باسقارۋعا باسا ٴمان بەرىپ، زاڭمەن باسقارۋدى بۇلجىتپاي ورىنداپ، زاڭمەن باسقارۋ ارناسىندا رەفورمانى تەرەڭدەتۋ سەنىمى مەن بەكىمىن تولىق ايگىلەدى. كەزەكتە بۇكىل رايونداعى ٴارقايسى قاتىستى تاراۋلار ٴماجىلىس رۋحىن تياناقتاندىرۋدى مىقتى يگەرىپ، جالپى بارىستىق حالىق دەموكراتياسىن امالياتتا ايگىلەپ جانە دامىتىپ، شينجياڭ قىزمەتىنىڭ زاڭمەن باسقارىلۋ ورەسىن جاپپاي جوعارىلاتىپ، شينجياڭدى زاڭمەن باسقارۋدى جاپپاي ىلگەرىلەتتى.
جالپى بارىستىق حالىق دەموكراتياسى ٴتۇزىم جۇيەسىن اقاۋسىزداندىرامىز
جالپى ٴماجىلىس مىنانى العا قويدى: جالپى بارىستىق حالىق دەموكراتياسى ٴتۇزىمى جۇيەسىن اقاۋسىزداندىرىپ، جۇڭگو ۇلگىسىندەگى وسىزامانداندىرۋدىڭ شينجياڭ امالياتىن ىلگەرىلەتۋدىڭ قۋاتتى كۇشىن ۇيىستىرۋ كەرەك.
”بيىل جىل باسىنان بەرى ٴبىز زاڭ ەرەجە شىعارۋ جوسپارى بويىنشا ٴتۇيىندى سالالاردا زاڭ ەرەجە شىعارۋدى جەدەلدەتىپ، زاڭ ەرەجەنى 1 ـ رەت قاراۋدان، 2 ـ رەت قاراۋدان بۇرىن ينتەرنەت ارقىلى قوعامنىڭ پىكىرىن قابىلداپ، 23 نەگىزگى ساتى زاڭ ەرەجە شىعارۋ بايلانىس ٴتۇيىنىنىڭ قىزمەت مەحانيزمىن اقاۋسىزداندىرىپ، بۇقارانىڭ پىكىرىنە قۇلاق اسۋىنا جەتەكشىلىك ىستەدىك، زاڭ ەرەجە ماقۇلدانعاننان كەيىن دەر كەزىندە اقپار جاريالاۋ ٴماجىلىسىن اشىپ، ۇگىت جاساۋدى ويداعىداي ىستەپ، زاڭ ەرەجە شىعارۋدىڭ ٴارقايسى بۋىنىندا حالىق رايىنا قۇلاق اسىپ، حالىق پاراساتىن شوعىرلاندىردىق“، ـ دەدى اۆتونوميالى رايوندىق حالىق قۇرىلتايى تۇراقتى كوميتەتى زاڭ ـ ٴتۇزىم قىزمەت كوميتەتىنىڭ مەڭگەرۋشىسى لي جۋان.
لي جۋان مىنانى ٴبىلدىردى: حالىق قۇرىلتايى تۇزىمىنە ويداعىداي تاباندى بولىپ، ويداعىداي كەمەلدەندىرىپ، ويداعىداي جۇرگىزىپ، جاڭا داۋىردەگى حالىق قۇرىلتايى ٴتۇزىمىنىڭ شينجياڭداعى امالياتتىق تاجىريبەلەرىن مۇقيات قورىتىندىلاپ، زاڭ ەرەجە شىعارۋ ۇقىعىن، باقىلاۋ ۇقىعىن، مىندەتكە تاعايىنداۋ ـ مىندەتىنەن قالدىرۋ ۇقىعىن، كەلەلى ىستەرگە شەشىم جاساۋ ۇقىعىن زاڭ بويىنشا جۇرگىزۋ ارقىلى حالىقتىڭ ٴوز ـ وزىنە قوجايىن بولۋىن جۇزەگە اسىرامىز.
التاي قالاسى حالىق تۇرمىسىنداعى ناقتى ىستەر نىسانىن حالىق قۇرىلتايى ۋاكىلدەرى بەلەت تاستاپ شەشىم جاساۋ سىناق ٴتۇيىنىن قۇردى؛ قابا اۋدانى ”حالىق تۇرمىسىنداعى شاعىن ناقتى ىستەر“ ۇسىنىس بەرۋ، ٴبىتىرۋ قىزمەتىن ورىستەتىپ، ”بۇقارا ۇسىنىس قويۋ، ۋاكىلدەر تاپسىرۋ، ۇكىمەت ٴبىتىرۋ، حالىق قۇرىلتايى باقىلاۋ، بۇقارا باعالاۋ“ قىزمەت مەحانيزمىن ورناتتى... التاي ايماعىندا جالپى بارىستىق حالىق دەموكراتياسى نەگىزگى ساتىدا تاسقىنداعان تىڭ تىنىس جانە ومىرشەڭدىك كۇشىن ايگىلەدى.
”التاي ايماقتىق حالىق قۇرىلتايى قىزمەت كوميتەتى جالپى ٴماجىلىس رۋحىن ىشكەرىلەي ۇيرەنىپ، دايەكتىلەندىرىپ، رەفورما ارقىلى بەتالىسقا جەتەكشىلىك ەتۋگە، قۋات ۇستەپ مىندەت اتقارۋعا، ورتاق تانىم ۇيىستىرۋعا، جاڭالىق اشۋدى ىلگەرىلەتۋگە تاباندى بولىپ، جالپى بارىستىق حالىق دەموكراتياسىن دامىتۋ، زاڭمەن باسقارۋ جۇيەسىن كەمەلدەندىرۋ سياقتى حالىق قۇرىلتايى سالاسىنداعى رەفورما مىندەتتەرىن ىلگەرىلەتىپ، ۋاكىلدەردىڭ حالىق بۇقاراسىمەن بايلانىس جاساۋ مازمۇنى مەن فورماسىن ۇزدىكسىز بايىتىپ، ورتاق تانىم ۇيىستىرىپ، حالىق پاراساتىن شوعىرلاندىرادى“، ـ التاي ايماقتىق حالىق قۇرىلتايى قىزمەت كوميتەتى پارتيا باسشىلىق گرۋپپاسىنىڭ ورىنباسار شۋجيى، مەڭگەرۋشى ٴسابيت قازەز.
كەڭەستىك دەموكراتيا _ جالپى بارىستىق حالىق دەموكراتياسىن جۇزەگە اسىرۋدىڭ ماڭىزدى فورماسى. سوڭعى جىلدارى اۆتونوميالى رايوندىق ساياسي كەڭەس ارناۋلى كەڭەس قۇرىلىمىندىق رولىن تولىق ساۋلەلەندىرىپ، كەڭەس تۇعىرىن بەلسەنە قۇرىپ، كەڭەسۋدى، اۋىس ـ كۇيىستى تەرەڭدەتىپ، وزەكتى كەلەلى جاعدايدى ارقاۋ ەتىپ، ۇسىنىس قويىپ مەملەكەت ىستەرىن اقىلداسىپ، ورتاق تانىم ۇيىستىرىپ، كەڭەستىك دەموكراتيانىڭ كەڭ كولەمدى، كوپ ساتىلى تۇزىمدەنىپ دامۋىن ىلگەرىلەتتى.
”ٴبىز جالپى ٴماجىلىستىڭ كەڭەستىك دەموكراتيا مەحانيزمىن اقاۋسىزداندىرۋعا قاتىستى ماڭىزدى ورنالاستىرۋلارىن ويداعىداي تياناقتاندىرىپ، نەگىزگى جاۋاپكەرشىلىكتى، نەگىزگى كاسىپتى كورنەكتىلەندىرىپ، ساياسي كەڭەستىڭ ارناۋلى كەڭەس قۇرىلىمىندىق رولىن اناعۇرلىم ويداعىداي ساۋلەلەندىرەمىز“. اۆتونوميالى رايوندىق ساياسي كەڭەس ۇسىنىس جوبا كوميتەتىنىڭ مەڭگەرۋشىسى لي چى مىنانى ٴبىلدىردى: نازاردى اۆتونوميالى رايوندىق پارتكوم ورنالاستىرعان رەفورما مىندەتتەرىنە شوعىرلاندىرىپ، كەڭەستىك دەموكراتيانى ۇسىنىس جوبا قىزمەتىنىڭ جالپى بارىسىنا ٴسىڭىرىپ، ۇسىنىس جوبانىڭ العا قويىلۋى، جوبا جاساۋ، ٴبىتىرۋ، قۋزاپ ٴبىتىرۋ سياقتى بۋىندارىندا تۇرلىشە ساتىداعى، تۇرلىشە فورماداعى كەڭەسۋ قيمىلدارىن ورىستەتىپ، ۇسىنىس جوبا قىزمەتىنىڭ بارىسىن كەڭەستىك دەموكراتيا امالياتىنىڭ بارىسىنا اينالدىرىپ، كەڭەستىك دەموكراتيا مەحانيزمى قۇرىلىسىن شىن مانىندە ىلگەرىلەتىپ، جوعارى ساپالى ۇسىنىس جوبا قىزمەتى ارقىلى ساياسي كەڭەستىڭ مىندەت اتقارۋىنا قىزمەت كورسەتىپ، جۇڭگو ۇلگىسىندەگى وسىزامانداندىرۋدىڭ شينجياڭ امالياتىنا كۇش قوسامىز.
شينجياڭدى زاڭمەن باسقارۋ ٴتۇزىلىس ـ مەحانيزمىن كەمەلدەندىرەمىز
”جالپى ٴماجىلىس تۇيىندى سالالار، جاڭادان گۇلدەنگەن سالالار سياقتىلاردا جەرگىلىكتى زاڭ ەرەجە شىعارۋدى كۇشەيتۋدى اتاپ كورسەتتى“. اۆتونوميالى رايوندىق ٴادىليا مەڭگەرمەسى زاڭ ەرەجە شىعارۋ 2 ـ باسقارماسىنىڭ باستىعى ٴالي تۇرسۇن بىلاي دەدى: زاڭ ەرەجە شىعارۋ _ زاڭمەن باسقارۋ جۇمىسىنىڭ باستالۋ بۋىنى، زاڭ ەرەجە شىعارۋ ساپاسىنىڭ جوعارى ـ تومەندىگى زاڭ اتقارۋدىڭ، ٴادىليا جۇرگىزۋدىڭ، زاڭعا بويسۇنۋدىڭ ٴىس جۇزىندىك ونىمدىلىگىنە تىكەلەي ىقپال جاسايدى.
ٴالي مىنانى ٴبىلدىردى: زاڭ ەرەجە شىعارۋ قىزمەتكەرى رەتىندە جالپى ٴماجىلىس رۋحىن ۇيرەنۋدى، دايەكتىلەندىرۋدى اكىمشىلىك زاڭ ەرەجە شىعارۋ قىزمەتىن ويداعىداي ىستەۋمەن تىعىز ۇشتاستىرىپ، نازاردى پارتيا مەن ۇكىمەتتىڭ ٴتۇيىندى قىزمەتتەرىنە شوعىرلاندىرىپ، ماسەلەنى باعدار ەتۋگە تاباندى بولىپ، زاڭ ەرەجە شىعارۋ ساپاسىن جوعارىلاتامىن.
سوڭعى جىلدارى اۆتونوميالى رايوندىق پارتكوم شينجياڭدى جاپپاي زاڭمەن باسقارۋ كوميتەتى كەڭسەسى زاڭمەن باسقارىلاتىن شينجياڭ، زاڭمەن باسقارىلاتىن ۇكىمەت، زاڭمەن باسقارىلاتىن قوعام قۇرىلىسىن ٴبىر تۇلعالى ىلگەرىلەتۋ بارىسىندا نازاردى ”شەشۋشى ازشىلىققا“ شوعىرلاندىرىپ، جالپىلىق قىزمەت مەحانيزمىن ورناتىپ، ٴار دارەجەلى باسشى كادرلاردىڭ باستاماشىلدىقپەن زاڭعا قۇرمەت ەتۋىن، زاڭدى ۇيرەنۋىن، زاڭعا بويسۇنۋىن، زاڭدى قولدانۋىن ىلگەرىلەتىپ، بۇكىل رايوننىڭ زاڭمەن باسقارۋ قۇرىلىسى رايى كۇن سايىن قويۋلاسىپ، زاڭمەن باسقارۋ قۇرىلىسىنىڭ ٴتۇزىلىس ـ مەحانيزمى كۇن سايىن كەمەلدەنىپ، زاڭمەن باسقارۋ قۇرىلىسىنىڭ ٴتۇيىندى مىندەتتەرى بىرتىندەپ تياناقتاندىرىلدى.
”باسشى كادرلار _ شينجياڭدى جاپپاي زاڭمەن باسقارۋدىڭ تەتىگى، سونداي ـ اق رەفورمانى جاپپاي تەرەڭدەتۋدىڭ تەتىگى“. اۆتونوميالى رايوندىق پارتكوم شينجياڭدى زاڭمەن باسقارۋ كەڭسەسى حاتشىلار باسقارماسىنىڭ باستىعى چىن لەي مىنانى ٴبىلدىردى: كەلەسى باسقىشتا، زاڭنان لەكسيا جاساۋ قىزمەتىن، زاڭمەن باسقارۋ بويىنشا قۋزاۋ ـ تەكسەرۋدى، باعالاپ باعا بەرۋدى تاباندىلىقپەن ناقتى يگەرىپ، زاڭ بويىنشا مىندەت اتقارۋ احۋالىن كادرلاردى باعالاۋدىڭ، باعا بەرۋدىڭ ماڭىزدى مازمۇنى ەتىپ، زاڭمەن باسقارۋ بىلىكتىلىگىنە جانە زاڭمەن باسقارۋ قابىلەتىنە ٴمان بەرەتىن ادام ىستەتۋ باعدارىن ورناتىپ، پارتيا، ۇكىمەت نەگىزگى باسشىلارىنىڭ زاڭمەن باسقارۋ وي جەلىسىن زەرتتەۋ ـ وي جۇگىرتۋگە، جوسپارلاۋ ـ جوبالاۋعا، اكىمشىلىك شەشىم جاساۋعا، قىزمەتتەردى ىلگەرىلەتۋدىڭ جالپى بارىسىنا، ٴارقايسى جاقتارىنا ٴسىڭىرۋىن ىلگەرىلەتۋ كەرەك.
”شەتەلگە ساياتىن زاڭدىق قىزمەت وتەۋ _ شينجياڭنىڭ ادۆوكات كاسىبى جاڭاشا وندىرگىش كۇشتەرىنىڭ دامۋىن ىلگەرىلەتۋدىڭ كۇش سالۋ ٴتۇيىنى“. شينجياڭ ادۆوكاتتار قوعامىنىڭ باستىعى گىڭ باۋجيان بىلاي دەدى: سوڭعى جىلدارى شينجياڭ ادۆوكاتتار قوعامى ىلگەرىندى ـ كەيىندى ”2023 ـ جىلعى ورتا ازيا زاڭدىق قىزمەت وتەۋ سەلبەستىك تالقى مىنبەرى“، ”جۇڭگو سىرتقا باعىتتالعان قىزمەت وتەۋ ساۋدا كورمەسىنىڭ شەتەلگە ساياتىن زاڭمەن باسقارۋ كورمەسى“، ”جۇڭگو _ رەسەي ساۋدا ىستەرى سەلبەستىك تالقى مىنبەرى“، ”وڭتۇستىك ازيا زاڭ تالقى مىنبەرى“ سياقتىلاردى ۇيىمداستىرىپ، قاتىناسىپ، ورتا ازيا جانە ”ٴبىر بەلدەۋ، ٴبىر جولدى“ بىرگە قۇراتىن ەلدەر ادۆوكاتتار قوعامىمەن، جۇڭگو قارجى قوسقان كاسىپورىندارمەن جانە شەتەل ساۋداگەرلەرىمەن تىعىز سەلبەستىك مەحانيزمىن ورناتتى.
گىڭ باۋجيان بىلاي دەدى: شينجياڭ ادۆوكاتتار قوعامى حالىقارالىق قىزمەت ٴبولىمىن قۇرىپ، جۇڭگو ادۆوكاتتارىنىڭ ”سىرتقا شىعۋىنا“ قىزمەت كورسەتەمىز؛ شەكارا سىرتىنداعى تۇڭعىش جۇڭگو زاڭدىق قىزمەت كورسەتۋ ورتالىعى الماتى ورتالىعىن اشۋعا بەلسەنە ات سالىسىپ، زاڭدىق كەڭەس بەرۋ، ساياسات ٴتۇسىندىرۋ، داۋ ـ شارلاردى ٴبىر جاقتى ەتۋ، حالىقارالىق ساۋدا ىستەرى داۋ ـ دامايلارىن شاعىمسىز شەشۋ سياقتى كوپتەگەن تۇردەگى شەتەلگە ساياتىن الەۋمەتتىك زاڭدىق قىزمەت وتەۋدى ازىرلەيمىز؛ تاعى شينجياڭ ادۆوكاتتار ٴىسورىندارى مەن شياڭگاڭ، اۋمىن ادۆوكاتتار ٴىسورىندارىنىڭ بىرلەسىپ جۇرگىزەتىن ادۆوكاتتار ٴىسورنىن قۇرۋىن بەلسەنە ىلگەرىلەتىپ، شينجياڭنىڭ زاڭدىق قىزمەت وتەۋ كاسىبىنىڭ حالىقارالىق كوز ايا اشۋىن جەدەلدەتىپ، جۇڭگو كاسىپورىندارىنىڭ حالىقارالىق بازار اشۋىنا دەم بەرەمىز.
قوعام ورنىقتىلىعىن قورعاۋدى ماڭداي الدى ورىنعا قويامىز
”اۆتونوميالى رايوندىق 10 ـ كەزەكتى پارتكوم ون ەكىنشى جالپى ٴماجىلىسى شينجياڭنىڭ ٴىس جۇزىندىگىن تياناق ەتىپ، پارتيا 20 ـ كەزەكتى ورتالىق كوميتەتى ٴۇشىنشى جالپى ٴماجىلىسىنىڭ رۋحىن دايەكتىلەندىرۋدىڭ، تياناقتاندىرۋدىڭ كۇش سالۋ ٴتۇيىنىن ٴدال تاۋىپ، رايونىمىزدىڭ رەفورمانى ونان ارى جاپپاي تەرەڭدەتۋ قىزمەتىنىڭ شارالارىن ايقىنداپ، جۇڭگو ۇلگىسىندەگى وسىزامانداندىرۋدىڭ شينجياڭ امالياتىن ونان ارى ىلگەرىلەتۋ جونىنەن كەلەلى ٴمان الدى“، ـ دەدى اۆتونوميالى رايوندىق پارتكوم ساياسي ـ زاڭ كوميتەتىنىڭ ۇنەمىلىك ىستەرگە جاۋاپتى ورىنباسار شۋجيى بي دىگو.
بي دىگو مىنانى ٴبىلدىردى: جالپى ٴماجىلىستىڭ رۋحىن ىشكەرىلەي ۇيرەنىپ، ويداعىداي دايەكتىلەندىرىپ، جالپى ٴماجىلىستىڭ شينجياڭدى زاڭمەن باسقارۋدى كەمەلدەندىرۋ، مەملەكەت حاۋىپسىزدىگىن قورعاۋ ٴتۇزىلىس ـ مەحانيزمى جونىندەگى ورنالاستىرۋلارىن، تالاپتارىن دالمە ـ ٴدال ٴتۇسىنىپ، يگەرىپ، رەفورمانى بۇلجىماي تەرەڭ ىلگەرىلەتەمىز. ”قوعام ورنىقتىلىعىن قورعاۋدى باستان ـ اياق ماڭداي الدى ورىنعا قويىپ، ورنىقتىلىقتى يگەرۋ جانە دامۋدى جەبەۋ سىندى ەكى جاقتاعى قىزمەتتى ٴبىر تۇتاس جوسپارلاپ ۇشتاستىرۋدى كۇشەيتىپ، ورنىقتىلىق ارقىلى دامۋعا شىنايى كەپىلدىك ەتىپ، دامۋ ارقىلى ورنىقتىلىقتى جەبەيمىز؛ لاڭكەستىككە قارسى تۇرىپ، ورنىقتىلىقتى قورعاۋدىڭ زاڭمەن باسقارۋ، ۇدايىلاندىرۋ قىزمەت جۇيەسىن كەمەلدەندىرىپ، شينجياڭدى زاڭمەن باسقارۋدى اناعۇرلىم كورنەكتى ورىنعا قويىپ، شينجياڭنىڭ ٴارقايسى قىزمەتتەرىنىڭ زاڭمەن باسقارىلۋ ارناسىندا جۇرىلۋىنە شىنايى كەپىلدىك ەتەمىز“، ـ دەدى بي دىگو.
”ٴماجىلىس ’الەۋمەتتىك حاۋىپسىزدىك بويىنشا باسقارۋ مەحانيزمىن كەمەلدەندىرىپ، قوعامدىق جونگە سالۋ جۇيەسىن اقاۋسىزداندىرۋدى‘ ايقىن العا قويدى، جول قاتىناس حاۋىپسىزدىگىن باسقارۋ قىزمەتى الەۋمەتتىك حاۋىپسىزدىكتىڭ ماڭىزدى قۇرامداس بولىگى، ٴبىز جاۋاپكەرشىلىگىمىزدىڭ اۋىر ەكەندىگىن تەرەڭ سەزىندىك“، ـ دەدى اۆتونوميالى رايوندىق قوعام حاۋىپسىزدىگى مەڭگەرمەسى قاتىناس ساقشى باس اترەتى پارتكومىنىڭ مۇشەسى، ورىنباسار باس اترەت باستىعى پولات شامشيدين.
بيىل جىل باسىنان بەرى بۇكىل رايونداعى قوعام حاۋىپسىزدىگىنىڭ قاتىناس باسقارۋ تاراۋلارى كومەسكى كىناراتتاردى جونگە سالۋ، عىلىم ـ تەحنيكا ارقىلى قۋات ۇستەۋ، جولدا ساقتانۋ ـ تىزگىندەۋ، ۇگىتتەۋ ـ جەتەكتەۋ سياقتى شارالاردى ٴبىر تۇلعالى ىلگەرىلەتتى، بۇكىل رايوندا ادەتتەگى تاس جولداردا تۋىلعان قاتىناس شىرعالاڭى سانى، ولگەن ادام سانى، جارالانعان ادام سانى سايكەس مەزگىلدەگىدەگىدەن جەكە ـ جەكە %8.76، %8.72، %10.28 تومەندەدى. مايتاۋ _ كۇشار تاس جولىن ۇلگى ەتىپ، 10 سارا ساياحات جەلىسىن ارقاۋ ەتىپ، جول قاتىناس حاۋىپسىزدىگى بويىنشا ساقتانۋ ـ تىزگىندەۋ تورىن ورناتىپ، 200 ميلليوننان استام ساياحاتشىنىڭ (رەت) حاۋىپسىزدىگىن، ىركىلىسسىز ٴجۇرىس ـ تۇرىسىن قامتاماسىز ەتتى.
”ٴبىز قوعام حاۋىپسىزدىگى قاتىناس باسقارۋ تاراۋلارىنىڭ شىرعالاڭنان ساقتانۋ، حاۋىپسىزدىككە كەپىلدىك ەتۋ، ىركىلىسىزدىككە كەپىلدىك ەتۋ قىزمەتى نىساناسىن تياناق ەتىپ، قاتىناس ساقشىلارىنىڭ زاڭ اتقارۋى مەن قىزمەت وتەۋى اراسىنداعى قاتىناستى ويداعىداي ٴبىر جاقتى ەتىپ، الەۋمەتتىك حاۋىپسىزدىك بويىنشا باسقارۋ مەحانيزمىن ونان ارى كەمەلدەندىرىپ، جول قاتىناس سالاسىنداعى قوعامدىق باسقارۋ جۇيەسىن اقاۋسىزداندىرىپ، جالپى ٴماجىلىس رۋحىن ٴىس جۇزىندىك ارەكەتپەن امالياتتا ايگىلەيمىز“، ـ دەدى پولات.
شينجياڭ شەكارادان كىرىپ ـ شىعۋ شەكارالىق قورعانىس تەكسەرۋ باس پۋنكتى اۆتونوميالى رايونداعى سىرتقا اشىق ۇستالعان 16 شەكارا وتكەلىندەگى شەكارادان كىرىپ ـ شىعۋ شەكارالىق قورعانىس تەكسەرۋ مىندەتى مەن 208 مىڭ شارشى كيلومەتر شەكارالىق قاراستى اۋماقتىڭ اماندىعى بويىنشا ساقتانۋ ـ تىزگىندەۋ مىندەتىن ارقالايدى، وسى باس پۋنكت نازاردى شەكارا حاۋىپسىزدىگىنىڭ، ورنىقتىلىعىنىڭ قالتقىسىن بەكەمدەۋگە شوعىرلاندىرىپ، شەكارالىق قاراستى اۋماقتىڭ اماندىعىنا شىنايى كەپىلدىك ەتىپ، شەكارا ٴوڭىردىڭ جاراسىمدى، ورنىقتى دامۋىن جەبەدى.
”ٴبىز سانالى تۇردە شەكارانى باسقارۋ قىزمەتىن رەفورمانى جاپپاي تەرەڭدەتۋ، جۇڭگو ۇلگىسىندەگى وسىزامانداندىرۋدى ىلگەرىلەتۋ سىندى كەلەلى جاعدايدا ويلاپ، جوسپارلاپ، جاڭاشا ساقشى ىستەرى اينالىمى ۇلگىسىن قۇرىپ، كەمەلدەندىرىپ، جاڭاشا قوعام حاۋىپسىزدىگى جاۋىنگەرلىك قۋاتىن جەدەل قالىپتاستىرىپ جانە جوعارىلاتىپ، جاڭا حاۋىپسىزدىك ارناسى ارقىلى جاڭا دامۋ ارناسىن قامتاماسىز ەتەمىز جانە وعان قىزمەت وتەيمىز“، ـ دەدى شينجياڭ شەكارادان كىرىپ ـ شىعۋ شەكارالىق قورعانىس تەكسەرۋ باس پۋنكتى شەكارا باسقارۋ باسقارماسىنىڭ جاۋاپتىسى لي رۇڭشان.
(ٴتىلشى سۇي يۇنيان، قاتىناسقان تىلشىلەر جاڭ لەي، جاڭ يانفاڭ، ۋاڭ نا، جاڭ جيا)