كوپ ٴتۇرلى باسىمدىق قاباتتاستى

　　شينجياڭنىڭ جەل ەلەكتر مەن ەنەرگيا ساقتاۋدى سايكەستىرۋ جوباسىنا ”ەڭ تاماشا شەشىم“ ازىرلەدى

　　□ انار بۇلت \ شينجياڭ گازەتىنىڭ ٴتىلشىسى شى شين

ەڭ قاتتى بوران، ەڭ ساپالى ۇيلەسىمدى اشۋ جوباسى، جەل ەلەكتر گەنەراتور اگراگاتتارىن جانە سايكەستى ەنەرگيا ساقتاۋ جابدىقتارىن دالمە ـ ٴدال ۇيلەستىرۋ سىندى ٴتۇرلى باسىمدىقتار قاباتتاسىپ، شينجياڭنىڭ جەل ەلەكتر مەن ەنەرگيا ساقتاۋدى سايكەستىرۋ جوباسىنا ”ەڭ تاماشا شەشىم“ ازىرلەدى.

8 ـ ايدىڭ 26 ـ كۇنى ”جەلدى قۋا، كۇنگە ەرە شينجياڭعا نازار سالۋ“ اتىنداعى جالپىلىق مەديا حابارلاۋ ۇجىمى قۇمىل قالاسىنا كەلىپ، بۇكىل شينجياڭداعى جەكە كولەمى ەڭ ۇلكەن جەل ەلەكتر، ەنەرگيا ساقتاۋدى ٴبىر تۇلعالاندىرۋ نىسانى _ قۇمىل شىسان جيانفاڭ ميلليون كيلوۆاتتىق جەل ەلەكتر، ەنەرگيا ساقتاۋدى ٴبىر تۇلعالاندىرۋ نىسانىن كوزدەن كەشىرىپ، وسى نىساننىڭ جەل ەلەكتر، ەنەرگيا ساقتاۋدى سايكەستىرۋ تەحنيكاسىنان قالاي پايدالانىپ، جەل بايلىعىن بارىنشا قابىلداپ، پايدالانۋدى جۇزەگە اسىرعاندىعىن جۇمىس باسىندا ۇعىستى.

بۇل نىساندى جۇڭگو كەمە توبى جەل ەلەكتر دامىتۋ شەكتى سەرىكتەستىگى (تومەندە قىسقارتىلىپ ”جۇڭگو كەمە توبى جەل ەلەكترى“ دەلىنەدى) قۇمىل قالاسىندا قارجى قوسىپ قۇرعان، 100 شاقىرىمدىق جەلدى وڭىرگە _ قۇمىل قالاسى يجوۋ رايونى شىسان جيانفاڭ وڭىرىنە ورنالاسقان، يەلەگەن جەر اۋماعى شامامەن 231 شارشى كيلومەتر، شينجياڭداعى تۇڭعىش ٴوڭىر اتتاپ تۇتاستىرىلعان جاڭا ەنەرگيا نىسانى. بيىل 3 ـ ايدىڭ 28 ـ كۇنى نىساننىڭ تۇڭعىش گەنەراتور اگراگاتتارى تورعا قوسىلىپ ەلەكتر تاراتتى، 6 ـ ايدىڭ 20 ـ كۇنى تولىق سيىمدىلىقپەن تورعا قوسىلىپ ەلەكتر تاراتتى، قازىرگە دەيىن جيىنى 750 ميلليون كيلوۆات ساعات ەلەكتر تاراتتى.

”جەرگىلىكتى جاعدايعا قاراي اشۋ جوباسىن ارنايى جاساۋعا باستان ـ اياق تاباندى بولىپ، جاسىل دامۋعا دەم بەردى، بۇل نىسان ٴدال وسى اشۋ ۇستانىمىنىڭ شوعىرلى بەينەسى“. جۇڭگو كەمە توبى جەل ەلەكتر جەل ٴورىسى اينالىم ورتالىعىنىڭ ورىنباسار مەڭگەرۋشىسى لي شۋاي بىلاي دەپ تانىستىردى: نىسان ورنالاسقان جەردە ٴبىر جىلدا 200 نەشە كۇن 8 بالدان جوعارى بوران سوعادى، اسا زور جەل جىلدامدىعى سەكۋندىنا 50.28 مەترگە جەتەدى. جۇڭگو كەمە توبى جەل ەلەكترى جەرگىلىكتى ورىننىڭ بايلىق ارتىقشىلىعى مەن جاراتىلىستىق شارت ـ جاعدايىنا قاراي اشۋ جوباسىن ارنايى جاساپ، نىسانعا جۇڭگو كەمە توبى حايجۋاڭ جەل ەلەكتر شەكتى جارنا سەرىكتەستىگىنىڭ 6.7 مەگاۆاتتىق تومەن تەمپەراتۋرالى 150 جەل ەلەكتر اگراگاتىن جانە 300 مىڭ كيلوۆات \ ٴبىر ميلليون 200 مىڭ كيلوۆات ساعاتتىق ەلەكتروحيميا ەنەرگيا ساقتاۋ قۇرىلعىسىن ورناتتى ٴارى جۇڭگو كەمە توبى جەل ەلەكترى دەربەس زەرتتەپ جاساعان جەل ەلەكتر، ەنەرگيا ساقتاۋ سايكەستى مەڭگەرۋ جۇيەسىن الىپ ٴجۇرىپ، جەل بايلىعىن بارىنشا قابىلداۋدى، پايدالانۋدى جۇزەگە اسىرىپ، ەلەكتر قۋاتىنىڭ تورعا تۇتاستىرىلۋىنداعى تولقۋ جاعدايىن جاقسارتتى.

ۇعىسۋعا قاراعاندا، وسى جەل ەلەكتر، ەنەرگيا ساقتاۋ سايكەستى مەڭگەرۋ جۇيەسىنىڭ شەشۋشى تەحنيكالىق نىسانى 2022 ـ جىلعى بەيجيڭ قالاسىنىڭ ورتالىقتىڭ جەرگىلىكتى عىلىم ـ تەحنيكانى دامىتۋعا جەتەكشىلىك ەتۋ ارناۋلى جوسپارىن تياناقتاندىرۋىنا تاڭدالعان، ال قۇمىل شىسان جيانفاڭ ميلليون كيلوۆاتتىق جەل ەلەكتر، ەنەرگيا ساقتاۋدى ٴبىر تۇلعالاندىرۋ نىسانى ٴدال وسى عىلىم ـ تەحنيكا جەتىستىكتەرىن كادەگە جاراتۋدىڭ جانە ۇلگى كورسەتىپ پايدالانۋدىڭ شەشۋشى دانەكەرى ەكەن. زەردەلى باسقارۋ ـ مەڭگەرۋ جۇيەسىن ىسكە قوسۋ ارقىلى ەنەرگيا ساقتايتىن ەلەكتر ستانسياسى ەلەكتردى اۆتوماتتى زاريادتايدى ـ زاريادسىزدايدى، ەلەكتردەن پايدالانۋدىڭ ناشار جاعدايىندا، اۆتوماتتى زاريادتايدى، ەلەكتردەن پايدالانۋدىڭ قاۋىرت مەزگىلىندە اۆتوماتتى زاريادسىزدايدى، ٴبىر جولدا زاريادتالعان ـ زاريادسىزدالعان توك ٴبىر ميلليون 200 مىڭ كيلوۆات ساعاتقا جەتكەندە، ٴار ۇيدە 3 جان سانى بار 800 مىڭ وتباسىنىڭ ٴبىر كۇندىك ەلەكتر تۇتىنۋ مولشەرىن قاناعاتتاندىرعانمەن بارابار. نىسان تولىق سيىمدىلىقپەن تورعا قوسىلعاننان بەرى، جەل ەلەكتر، ەنەرگيا ساقتاۋ سايكەستى مەڭگەرۋ جۇيەسى ارقىلى ەلەكتردەن پايدالانۋ كوتەرىمدىلىگى جوعارى ـ تومەن كەزدە ەلەكتر كۇشىن رەتتەۋ رولىن پارمەندى ساۋلەلەندىرىپ، جاڭاشا ەنەرگيا ساقتاۋ جۇيەسى قۇرىلىسى مەن كولەمدەنگەن دامۋعا عىلمي جول اشتى.

قۇمىل شىسان جيانفاڭ ميلليون كيلوۆاتتىق جەل ەلەكتر، ەنەرگيا ساقتاۋدى ٴبىر تۇلعالاندىرۋ نىسانىنىڭ جەكە كولەمى زور، گەنەراتور اگراگاتتارىنىڭ سانى كوپ، جەل ەلەكتر، ەنەرگيا ساقتاۋ سايكەستى مەڭگەرىلگەن جاعدايدا جۇمىس جۇرگىزۋ، كۇتىمدەۋ جاعدايلارى سالىستىرمالى كۇردەلى بولۋ سياقتى ەرەكشەلىكتەرى بولعاندىقتان، جوبا قۇرىلىسىنىڭ باستابىندا ”جاساندى زەردە + تازا ەنەرگيا“ ۇلگىسىنىڭ توعىسۋىن، جاڭالىق اشۋىن ىلگەرىلەتەتىن سىناق ٴتۇيىنى جەل ورىسىنە اينالدى.

لي شۋاي بىلاي دەپ تانىستىردى: جەل ٴورىسى اينالىم ورتالىعى كاسىپتىك سۇرىپتالعان جۇمىس جۇرگىزۋ، كۇتىمدەۋ قوسىنىمەن جۇمىس جۇرگىزۋ، كۇتىمدەۋ ساپاسىن قامتاماسىز ەتۋمەن بىرگە، جەل ٴورىسىنىڭ ساندى مالىمەتىن بەيجيڭدەگى باس شتاپتىڭ زەردەلى جۇمىس جۇرگىزۋ، كۇتىمدەۋ جۇيەسىنە ەنگىزىپ، ماماندار ۇجىمىنان پايدالانىپ، جەل ٴورىسىنىڭ جۇمىس جۇرگىزۋ، كۇتىمدەۋ جاعدايىنا دەر كەزىندە زەردەلى تۇجىرىم جاساپ جانە يكەمدى زەردەلى تالداۋ جاساپ، جۇمىس جۇرگىزۋ، كۇتىمدەۋ بارىسىنداعى توسىن جاعدايلار مەن قيىن ماسەلەلەردى ماماندار مەن ٴبىرىنشى شەپتەگى ۇجىمنىڭ ٴوڭىر اتتاپ بىرلەسىپ ٴبىر جاقتى ەتۋىن جۇزەگە اسىردى. سونىمەن بىرگە تۇتاس نىسان ۇشقىش اپپاراتپەن شارلاۋ ـ تەكسەرۋ ۇلگىسىن قولدانىپ، ادام كۇشىنىڭ وزىندىك قۇنىن بارىنشا ۇنەمدەپ، جۇمىس جۇرگىزۋ، كۇتىمدەۋ ونىمدىلىگىن جوعارىلاتتى.

قازىر وسى ٴبىر ميلليون كيلوۆاتتىق گەنەراتور اگراگاتتارىنىڭ كولەمىندەگى جەل ورىسىندە جۇمىس جۇرگىزۋ، كۇتىمدەۋ ۇجىمىندا 20 ادام بار، ٴبىر ۋات ەلەكتر كولەمىندە جۇمىس جۇرگىزۋ، كۇتىمدەۋ وزىندىك قۇنى نەبارى ٴبىر تيىن عانا، قازىرگى كاسىپ سالاسىنىڭ داعدىلى ولشەمىمەن سالىستىرعاندا، زەردەلىلەنۋ دەڭگەيى مەن قۇن جاراتۋ قۋاتى ٴوڭىر ىشىندە الدىڭعى قاتاردا تۇرادى.

ۇعىسۋعا قاراعاندا، نىسان اتقارىلعاننان كەيىن، ٴار جىلى شامامەن 3 ميلليارد كيلوۆات ساعات تازا ەنەرگيا وندىرەدى، بۇل ٴار جىلى شامامەن 900 مىڭ توننا ولشەمدى كومىر ۇنەمدەگەنگە، شامامەن 2 ميلليون 800 مىڭ توننا كومىر قىشقىل گازىن از شىعارعانعا، 11 مىڭ توننادان استام ازوت توتىقتارىن، 12 مىڭ 900 توننادان استام ىس ـ تۇتەك سياقتى زياندى زاتتاردى ازايتقانعا بارابار بولىپ، كورنەكتى ەكونوميكالىق ونىمدىلىك پەن قوعامدىق ونىمدىلىككە يە، جەرگىلىكتى ورىننىڭ جاسىل، تومەن كومىر قىشقىل گازدى، جوعارى ساپالى دامۋىن پارمەندى ىلگەرىلەتەدى ەكەن.