انار بۇلت \ شينجياڭ گازەتىنىڭ ٴتىلشىسى گى يوۋجۇن 9 ـ ايدىڭ 3 ـ كۇنى سانجىدان حابارلايدى. ۇدەرە العا تارتقان 70 جىلدى تيڭجوۋ پەرزەنتتەرى قۋانىشپەن تويلادى. 9 ـ ايدىڭ 3 ـ كۇنى تۇستەن بۇرىن سانجى حۇيزۋ اۆتونوميالى وبلىسى قۇرىلعاندىعىنىڭ 70 جىلدىعىن قۇتتىقتاۋ جينالىسى سانجى قالاسىندا وتكىزىلدى. مەملەكەتتىك حالىق قۇرىلتايى تۇراقتى كوميتەتى، مەملەكەتتىك كەڭەس قۇتتىقتاۋ تەلەگرامماسىن جولدادى.

ورتالىقتاعى قاتىستى تاراۋلاردىڭ قۇتتىقتاۋ ۇيىرمەسىنىڭ باستىعى، مەملەكەتتىك ۇلت ىستەرى كوميتەتىنىڭ ورىنباسار مەڭگەرۋشىسى دۋان يجۇن، فۋجيان ولكەسىنىڭ قۇتتىقتاۋ ۇيىرمەسىنىڭ باستىعى، فۋجيان ولكەلىك پارتكومنىڭ ورىنباسار شۋجيى لو دۇڭچۋان، سانشي ولكەسىنىڭ قۇتتىقتاۋ ۇيىرمەسىنىڭ باستىعى، سانشي ولكەلىك حالىق قۇرىلتايى تۇراقتى كوميتەتىنىڭ ورىنباسار مەڭگەرۋشىسى جاڭ جىچۋان، اۆتونوميالى رايوننىڭ قۇتتىقتاۋ ۇيىرمەسىنىڭ باستىعى، اۆتونوميالى رايوندىق پارتكومنىڭ تۇراقتى مۇشەسى، بىرلىكساپ ٴبولىمىنىڭ باستىعى ەلزات احمەتجان جينالىسقا قاتىناستى ٴارى ٴسوز سويلەدى. ورتالىقتىڭ قاتىستى تاراۋلارىنىڭ قۇتتىقتاۋ ۇيىرمەسىندەگى جولداس قۇتتىقتاۋ تەلەگرامماسىن وقىدى.

دۋان يجۇن ورتالىقتاعى قاتىستى تاراۋلاردىڭ قۇتتىقتاۋ ۇيىرمەسى اتىنان سانجى وبلىسىنداعى ٴار ۇلت حالقىن قۇتتىقتادى. ول بىلاي دەدى: 70 جىلدان بەرى، پارتيانىڭ ۇلت ساياساتىنىڭ نۇر ـ شۇعىلاسىندا سانجى وبلىسىنىڭ ٴتۇرلى ىستەرىندە تاريحي جەتىستىكتەرگە قول جەتىپ، تاريحي وزگەرىستەر تۋىلدى. سانجى وبلىسى قۇرىلعاننان بەرگى دامۋ جەتىستىكتەرى جۇڭگو كوممۋنيستىك پارتياسىنىڭ باسشىلىعى ۇلتتار وڭىرلەرىنىڭ گۇلدەنۋىنىڭ، دامۋىنىڭ ٴتۇبىرلى كەپىلى ەكەندىگىن، ۇلت ماسەلەسىن شەشۋدىڭ جۇڭگوشا دۇرىس جولىنىڭ شەكسىز ارتىقشىلىققا يە ەكەندىگىن، جۇڭحۋا ۇلتى ورتاق تۇلعاسىنىڭ اسا كۇشتى سيىسىمدىلىققا جانە ۇيىسۋ قۋاتىنا يە ەكەندىگىن تالاسسىز دالەلدەدى.

ەلزات احمەتجان سوزىندە بىلاي دەدى: وسىزامانداندىرۋ قۇرىلىسىنىڭ جاڭا جورىعىنا قادام تاستاعاندا، سانجى وبلىسى جۇڭحۋا ۇلتى ورتاق تۇلعا تانىمىن بەكەمدەۋدى ٴتۇرلى قىزمەتتەردىڭ نەگىزگى جەلىسى ەتىپ، ۇلتتار ۇلى ىنتىماعى تۋىن باستان ـ اياق بيىك ۇستاپ، حالىق تۇرمىسىنا باستان ـ اياق تىعىز جاناسا وتىرىپ ەكونوميكانىڭ جوعارى ساپالى دامۋىن ىلگەرىلەتىپ، قوعام ورنىقتىلىعىن قورعاۋدى باستان ـ اياق ماڭداي الدى ورىنعا قويىپ، پارتيانىڭ جاپپاي باسشىلىعىنا باستان ـ اياق تاباندى بولىپ جانە ونى كۇشەيتىپ، اسقاق جىگەرمەن قايراتتانا العا ۇمتىلىپ، ەرلىكپەن العا باسىپ، جۇڭگو ۇلگىسىندەگى وسىزامانداندىرۋدىڭ شينجياڭ امالياتىن ىلگەرىلەتۋ بارىسىندا تاعى دا تاماشا ناتيجە، تاعى دا شۇعىلا جاراتۋ كەرەك.

قيمىل كەزىندە جينالىسقا قاتىناسقان سيلى قوناقتار سانجى وبلىسىنىڭ اۋىل ـ قىستاق نەگىزگى ساتىلارىنا، باقشا رايونىنداعى كاسىپورىندارعا بارىپ تەكسەرۋ ـ زەرتتەۋ جۇرگىزدى.