انار بۇلت \ شينجياڭ گازەتىنىڭ ٴتىلشىسى ۋاڭ نا 9 ـ ايدىڭ 26 ـ كۇنى ۇرىمجىدەن حابارلايدى. 9 ـ ايدىڭ 25 ـ كۇنى 2024 ـ جىلعى شينجياڭنىڭ ماقتا، ماقتا ٴجىپ كاسىپ سالاسىن دامىتۋ تالقى مىنبەرى ٴۇرىمجى قالاسىندا اشىلدى. جۇڭحۋا مەملەكەتتىك قامداۋ ـ ساتۋ سەلبەستىك باس كووپەراتيۆى پارتيا باسشىلىق گرۋپپاسىنىڭ مۇشەسى، القالار كەڭەسىنىڭ ورىنباسار مەڭگەرۋشىسى حوۋ شۇنلي ارقاۋ ٴسوز سويلەدى، اۆتونوميالى رايوندىق پارتكومنىڭ تۇراقتى مۇشەسى، اۆتونوميالى رايوننىڭ ورىنباسار ٴتوراعاسى ٴيۇسۇپجان مامەت، بيڭتۋان پارتكومىنىڭ ورىنباسار شۋجيى، ورىنباسار جىڭۋي لي جىنگو جەكە ـ جەكە ارناۋ ٴسوز سويلەدى.

وسى رەتكى تالقى مىنبەرىن جۇڭگو ماقتا، ماقتا ٴجىپ ساۋدا ورتالىعى، مەملەكەتتىك ماقتا ساۋدا بازارى بىرلەسىپ باس بولىپ وتكىزدى، نەگىزگى تاقىرىبى: ”جاڭاشا وندىرگىش كۇشتەردى جەرگىلىكتى جاعدايعا قاراي دامىتۋ، كاسىپ سالاسىنىڭ جاڭا قوزعالىس قۋاتىن، جاڭا باسىمدىعىن تۇلعالاۋ“، ماقساتى: ماقتا كاسىپ سالاسىنىڭ جاڭا قوزعالىس قۋاتىن ونان ارى اشىپ، جاڭا باسىمدىقتاردى جەتىلدىرىپ، دامۋ سەنىمىن سەرپىلتىپ، شينجياڭنىڭ، سونداي ـ اق جۇڭگونىڭ ماقتا شارۋاشىلىعىنىڭ ۇزدىكسىز اقاۋسىز دامۋىن بەلسەنە ىلگەرىلەتۋ.

وسى رەتكى تالقى مىنبەرىندە ٴبىر نەگىزگى تالقى مىنبەرى، سونداي ـ اق ٴوندىرۋ ـ ەگۋ، ساتىپ الۋ ـ وڭدەۋ، ساۋدا اينالىمى، توقىماشىلىق ـ تۇتىنۋ سىندى 4 بولىمشە تالقى مىنبەرى ورنالاستىرىلدى. مۇندا نەگىزگى تالقى مىنبەرى شينجياڭنىڭ ماقتا، ماقتا ٴجىپ كاسىپ سالاسى ساياساتىن ۇگىتتەۋ، دايەكتىلەندىرۋ جانە دامۋ ورنالاسىمى مەن جوباسى، شينجياڭنىڭ ماقتا، ماقتا ٴجىپ كاسىپ سالاسىنىڭ جاڭاشا وندىرگىش كۇشتەردى دامىتۋدا ٴدوپ كەلگەن ورايى جانە سىن ـ سايىسى، جاڭا جىلدىق فينانس قۇرىلىمدارىنىڭ كاسىپ سالاسىنا قىزمەت وتەۋ ساياساتىن ٴتۇسىندىرۋ، ماقتا ٴوندىرىسىنىڭ ەگىمشىلىك تەحنيكاسىن زەرتتەۋ ـ اشۋ، ەلىمىزدىڭ ماقتا جانە ماقتادان جاسالعان بۇيىمدارىنىڭ دامۋ اۋقىمىنا نازار، كوپ ٴتۇرلى توقىماشىلىق تالشىقتارىن دامىتۋ جانە قولدانۋ سياقتى كەڭەستىك تاقىرىپتاردى ٴتۇيىندى تۇردە ارقاۋ ەتە وتىرىپ نەگىزگى تاقىرىپتىق لەكسيا ورىستەتىلدى.

2015 ـ جىلدان باستاپ مەملەكەتتىك ماقتا ساۋدا بازارى ٴار جىلى ٴۇرىمجى قالاسىندا شينجياڭنىڭ ماقتا كاسىپ سالاسىن دامىتۋ تالقى مىنبەرىن وتكىزىپ كەلەدى، وسى رەتكى تالقى مىنبەرى دە وسى تالقى مىنبەرى نەگىزىندە دامىپ بارلىققا كەلگەن، مەملەكەتتىڭ، سونداي ـ اق اۆتونوميالى رايوننىڭ قاتىستى تاراۋلارىنان جانە ورىندارىنان، ماقتاعا قاتىستى فينانس قۇرىلىمدارىنان، كاسىپ سالاسىنداعى ۇيىمداردان، كاسىپ سالاسى تىزبەگىنىڭ جوعارى، تومەنگى بۋىندارىنداعى ماقتاعا قاتىستى كاسىپورىنداردان، عىلمي زەرتتەۋ ورىندارىنان، بولىمشەلەرىنەن، ماقتا ەگەتىن شارۋالاردان، ماقتا سەلبەستىك كووپەراتيۆتەرىنەن، اۋىل شارۋاشىلىق ماتەريالدارى اۋىل شارۋاشىلىعىنا قىزمەت وتەيتىن كاسىپورىنداردان، سونداي ـ اق قاتىستى مەديالاردان 1200دەن استام ۋاكىلدى قاتىناسۋعا باۋرادى.