اۆتونوميالى رايوندىق ساياسي كەڭەس پارتيا باسشىلىق گرۋپپاسى باسشىلىق القاسى لي پىڭشين قاتارلىلاردىڭ دەلولارىنا بايلانىستى دەلو ارقىلى تۇزەتۋدى جەبەۋ ارناۋلى تاقىرىپتىق دەموكراتيالىق تۇرمىس جيىنىن اشتى

　　تاڭداۋلى ستيل ارقىلى ساياسي كەڭەس ىستەرىنىڭ جوعارى ساپالى دامۋىن ىلگەرىلەتەمىز

انار بۇلت \ شينجياڭ گازەتىنىڭ ٴتىلشىسى جاڭ يانفاڭ 9 ـ ايدىڭ 28 ـ كۇنى ۇرىمجىدەن حابارلايدى. ورتالىق ٴتارتىپ تەكسەرۋ كوميتەتىنىڭ، مەملەكەتتىك باقىلاۋ ـ تەكسەرۋ كوميتەتىنىڭ تالابىنا ساي، اۆتونوميالى رايوندىق پارتكومنىڭ ورنالاستىرۋى بويىنشا، 9 ـ ايدىڭ 27 ـ كۇنى تۇستەن كەيىن اۆتونوميالى رايوندىق ساياسي كەڭەس پارتيا باسشىلىق گرۋپپاسى باسشىلىق القاسى لي پىڭشين قاتارلىلاردىڭ دەلولارىنا بايلانىستى دەلو ارقىلى تۇزەتۋدى جەبەۋ ارناۋلى تاقىرىپتىق دەموكراتيالىق تۇرمىس جيىنىن اشىپ، باس شۋجي شي جينپيڭنىڭ پارتيانى جاپپاي قاتاڭ باسقارۋ جونىندەگى ماڭىزدى بايىمداۋلارى مەن شينجياڭ قىزمەتى جونىندەگى ماڭىزدى سوزدەرىنىڭ، ماڭىزدى نۇسقاۋلارىنىڭ، بەكىتۋلەرىنىڭ رۋحىن ىشكەرىلەي ۇيرەنىپ، دايەكتىلەندىرىپ، لي پىڭشين، حان يۇڭ، دوۋ ۋانگۇي قاتارلىلاردىڭ دەلولارىندا اشكەرەلەنگەن كورنەكتى ماسەلەلەرگە مەڭزەس، ىشكەرىلەي سالىستىرىپ تەكسەرۋ جۇرگىزىپ، تەرەڭ ساباق الىپ، وزدەرىن قاتاڭ تەكسەرىپ، تۇزەتىپ، اۆتونوميالى رايوندىق ساياسي كەڭەس پارتيا باسشىلىق گرۋپپاسى باسشىلىق القاسى قۇرىلىسىن شىن مانىندە كۇشەيتىپ، ساياسي كەڭەس ىستەرىنىڭ جوعارى ساپالى دامۋىن تاڭداۋلى ستيل ارقىلى ىلگەرىلەتۋدى تالاپ ەتتى.

اۆتونوميالى رايوندىق ساياسي كەڭەس پارتيا باسشىلىق گرۋپپاسىنىڭ شۋجيى، ٴتوراعا نۇرلان ٴابىلماجىن جيىندى باسقاردى ٴارى قورىتىندى ٴسوز سويلەدى. اۆتونوميالى رايوندىق ٴتارتىپ تەكسەرۋ كوميتەتىندەگى، باقىلاۋ ـ تەكسەرۋ كوميتەتىندەگى، اۆتونوميالى رايوندىق پارتكوم ۇيىمداستىرۋ بولىمىندەگى قاتىستى جولداستار جيىنعا قاتىناسىپ جەتەكشىلىك ەتتى.

اۆتونوميالى رايوندىق ساياسي كەڭەس پارتيا باسشىلىق گرۋپپاسى وسى رەتكى دەلو ارقىلى تۇزەتۋدى جەبەۋ ارناۋلى تاقىرىپتىق دەموكراتيالىق تۇرمىس جيىنىن ويداعىداي اشۋعا ايرىقشا ٴمان بەردى. جيىننان بۇرىن باسشىلىق القاسى مۇشەلەرى پارتيا ۋستاۆىن، پارتيا ەرەجەسىن، پارتيا ٴتارتىبىن ىشكەرىلەي ۇيرەنىپ، لي پىڭشين قاتارلىلاردىڭ تارتىپكە، زاڭعا اۋىر قايشىلىق جاساۋ ماسەلەسىىنە سالىستىرا وتىرىپ، ٴوزىن تەكسەرۋ، ٴوزىن تۇزەتۋ ورىستەتىپ، سالىستىرىپ تەكسەرۋ ماتەريالىن جازدى. جيىندا نۇرلان ٴابىلماجىن اۆتونوميالى رايوندىق ساياسي كەڭەس پارتيا باسشىلىق گرۋپپاسى باسشىلىق القاسى اتىنان سالىستىرىپ تەكسەرۋ جاسادى ٴارى باستاماشىلدىقپەن ٴوزىن سالىستىرىپ تەكسەرىپ ٴسوز سويلەدى، پارتيا باسشىلىق گرۋپپاسىنىڭ مۇشەلەرى ٴبىر ـ بىردەن سالىستىرىپ تەكسەرۋ جۇرگىزىپ، قاتاڭ، شىنايى تۇردە سىن جانە ٴوز ـ وزىنە سىن ورىستەتتى.

كوپشىلىك ٴبىر اۋىزدان بىلاي دەپ قارادى: ورتالىق ٴتارتىپ تەكسەرۋ كوميتەتىنىڭ، مەملەكەتتىك باقىلاۋ ـ تەكسەرۋ كوميتەتىنىڭ لي پىڭشين قاتارلىلاردى زاڭ بويىنشا، بەلگىلەمە بويىنشا قاتاڭ تەكسەرىپ ٴبىر جاقتى ەتۋى شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ پارتيانى جاپپاي قاتاڭ باسقارۋدى بۇلجىماي ىلگەرىلەتۋ، پارتيانىڭ ۇلى ٴوز ـ وزىنە توڭكەرىس جاساۋىن سوڭىنا دەيىن جۇرگىزۋ سىندى بەرىك بەكىمىن تولىق ايگىلەدى. ورتالىقتىڭ ٴبىر جاقتى ەتۋ ۇيعارىمىن باتىل قولدايمىز. لي پىڭشين قاتارلىلاردىڭ دەلولارىن اينا ەتىپ، پارتيا تارتىبىنە، مەملەكەت زاڭىنا باستاماشىلدىقپەن بويسۇنىپ، تاڭداۋلى ستيلدى اسقاقتاتىپ، پارتيا ورتالىق كوميتەتىنىڭ كەلەلى ورنالاستىرۋلارى مەن اۆتونوميالى رايوندىق پارتكومنىڭ قىزمەت تالاپتارىن شىن مانىندە ناقتى تياناقتاندىرامىز.

نۇرلان ٴابىلماجىن قورىتىندى سوزىندە بىلاي دەپ باسا دارىپتەدى: تۋى ايقىن تۇردە ساياسيدى دارىپتەۋدى قاشاندا ساياسي كەڭەس قىزمەتىنىڭ جان تامىرى ەتىپ، ”ەكىنى تۇراقتاندىرۋدىڭ“ شەشۋشى ٴمانىن تەرەڭ ٴتۇسىنىپ، ”ٴتورت تانىمدى“ كۇشەيتىپ، ”ٴتورت سەنىمدى“ بەكەمدەپ، ”ەكىنى قورعاۋدى“ ورىنداپ، جاڭا داۋىردەگى پارتيانىڭ شينجياڭدى باسقارۋ جالپى جوباسىن تولىق، دالمە ـ ٴدال، جاپپاي دايەكتىلەندىرىپ، باستان ـ اياق يدەيادا، ساياسيدا، ارەكەتتە شي جينپيڭ جولداستى ۇيتقى ەتكەن پارتيا ورتالىق كوميتەتىمەن وسكەلەڭ ٴبىر اۋىزدىلىقتى ساقتاۋ كەرەك. شي جينپيڭ جاڭا ٴداۋىر جۇڭگوشا سوتسياليزم يدەياسىمەن زەيىن ـ زەردەنى ۇيىستىرۋعا، رۋحتى سومداۋعا تاباندى بولىپ، تەرەڭدەتۋ، كوكەيگە ۇيالاتۋ، كادەگە جاراتۋ جاعىندا كۇش سالۋ؛ وزەكتى ارقاۋ ەتىپ، كەلەلى جاعدايعا قىزمەت وتەپ، ساياسي كەڭەستىڭ جۇڭگو ۇلگىسىندەگى وسىزامانداندىرۋدىڭ شينجياڭ امالياتىن ىلگەرىلەتۋدەگى وزگەشە باسىمدىعى مەن رولىن اناعۇرلىم ويداعىداي ساۋلەلەندىرۋ؛ دۇرىس ادام تاڭداۋ، ادام ىستەتۋ باعدارىنا تاباندى بولىپ، ادال، كىرشىكسىز، جاۋاپكەرشىلىك ارقالايتىن جوعارى ساپالى، ماماندانعان ورگان كادرلارى قوسىنىن كۇش سالا تۇلعالاۋ؛ پارتيا ٴتارتىبىن ۇيرەنۋ تاربيەسىنىڭ جەتىستىكتەرىن بەكەمدەپ، تەرەڭدەتىپ، ٴوزىن قاتاڭ تارتىپكە سالۋعا تاباندى بولىپ، پاك، كىرشىكسىز ساياسي قاسيەتتى قاشاندا ساقتاۋ كەرەك.