اۆتونوميالى رايوننىڭ تيانشاننىڭ سولتۇستىك بوكتەرىندەگى قالا شوعىرىنىڭ اتموسفەرا ورتاسىن وڭاۋ قىزمەتىن ىلگەرىلەتۋ ٴماجىلىسى جانە 2025 ـ جىلعى ٴبىرىنشى ماۋسىمداعى ورنالاستىرۋ ٴماجىلىسى اشىلدى

　　قورشاعان ورتا اۋا ساپاسىنىڭ ورنىقتى جاقسارۋىن ۇزدىكسىز ىلگەرىلەتۋ كەرەك

انار بۇلت \ شينجياڭ گازەتىنىڭ ٴتىلشىسى ليۋ شياڭ 3 ـ ايدىڭ 19 ـ كۇنى قۇلجادان حابارلايدى. 3 ـ ايدىڭ 18 ـ كۇنى اۆتونوميالى رايوننىڭ تيانشاننىڭ سولتۇستىك بوكتەرىندەگى قالا شوعىرىنىڭ اتموسفەرا ورتاسىن وڭاۋ قىزمەتىن ىلگەرىلەتۋ ٴماجىلىسى جانە 2025 ـ جىلعى ٴبىرىنشى ماۋسىمداعى ورنالاستىرۋ ٴماجىلىسى قۇلجا قالاسىندا اشىلدى. ٴماجىلىس شي جينپيڭ ەكولوگيالىق وركەنيەت يدەياسىن ىشكەرىلەي ۇيرەنىپ، دايەكتىلەندىرىپ، مەملەكەتتىك ەكى ٴماجىلىس رۋحىن تياناقتاندىرىپ، اۆتونوميالى رايوندىق پارتكومنىڭ ورنالاستىرۋلارى، تالاپتارى بويىنشا ٴوڭىر اتموسفەراسىنىڭ لاستانۋىنان ساقتانۋ جانە ونى وڭاۋ بويىنشا بىرلەسىپ ساقتانۋدى، بىرلەسىپ تىزگىندەۋدى كۇشەيتىپ، ەگجەي ـ تەگجەيلى وڭاۋ دەڭگەيىن ۇزدىكسىز جوعارىلاتىپ، قورشاعان ورتا اۋا ساپاسىنىڭ ورنىقتى جاقسارۋىن ۇزدىكسىز ىلگەرىلەتۋ كەرەك. اۆتونوميالى رايوندىق پارتكومنىڭ ورىنباسار شۋجيى جاڭ جۋ ماجىلىسكە قاتىناستى ٴارى ٴسوز سويلەدى.

ٴماجىلىس مىنالاردى اتاپ كورسەتتى: بىلتىردان بەرى، اۆتونوميالى رايوندىق پارتكوم مەن ۇكىمەتتىڭ ايرىقشا ٴمان بەرۋىندە، جەر ـ جەر، تاراۋلار نىسانا بەتالىسىنا تاباندى بولىپ، وڭاۋ تەبىنىن اناعۇرلىم ارتتىرىپ، ٴتۇيىندى وڭىرلەردىڭ قورشاعان ورتا اۋا ساپاسىن جاقسارتۋدا كورنەكتى ونىمدىلىككە قول جەتكىزدى. اتموسفەرانىڭ لاستانۋىنان ساقتانۋ جانە ونى وڭاۋ قىزمەتىنىڭ ماڭىزدىلىعىن، كوكەي تەستىلىگىن جانە جاپالىلىعىن تولىق تانىپ جەتىپ، تاجىريبەلەردى قورىتىندىلاپ، سەنىمدى بەكەمدەپ، ماسەلەنى كوزدەپ، نىسانالى كۇش سالىپ، ”ٴتورت ماۋسىم قامال الۋ“ ارەكەتىن اتقارىپ، اتموسفەرا ورتاسىن وڭاۋ قىزمەتىنىڭ جاڭا جاعدايىن اشۋ كەرەك.

ٴماجىلىس مىنالاردى باسا دارىپتەدى: اتموسفەرانىڭ لاستانۋىنان ساقتانۋ جانە ونى وڭاۋدىڭ ٴتۇرلى مىندەتىن ەگجەي ـ تەگجەيلى، ناقتى يگەرىپ، جاۋاپكەرشىلىكتى قاتايتىپ، ناقتىلاندىرىپ، وڭاۋدىڭ دالمە ـ دالدىگىن جاپپاي جوعارىلاتىپ، اتموسفەرانىڭ لاستانۋىنان ساقتانۋ جانە ونى وڭاۋدان قامال الۋ شايقاسىن ”باتىلدىقپەن ويداعىداي جۇرگىزۋدەن“ ”ىشكەرىلەي ويداعىداي جۇرگىزۋگە“ ويىستىرۋدى ىلگەرىلەتۋ كەرەك. عىلىم ـ تەحنولوگيادان قامال الۋدى كۇشەيتۋ ارقىلى اتموسفەرانى وڭاۋدا ”تەگىن تەكتەپ، تامىرىن قازۋعا“ دەم بەرىپ، ٴوڭىردىڭ لاستانۋ قاينارىنىڭ نەگىزىن تەزىرەك انىقتاپ، اتموسفەرانىڭ لاستانۋىن دالمە ـ ٴدال وڭاۋدىڭ تۇيىنشەگىن ٴداپ باسىپ تابۋ كەرەك. كاسىپ سالاسى قۇرىلىمىن، ەنەرگيا قۇرىلىمىن، قاتىناس ـ تاسىمال قۇرىلىمىن ساپالىلاندىرىپ، رەتتەپ، ۇزدىكسىز ”جاڭاشا وندىرگىش كۇشكە“ قاراي كۇش سالىپ، ”تازا بولۋعا“ قاراي رەتتەۋ جۇرگىزىپ، ٴوندىرىس ٴتاسىلى مەن تۇرمىس ٴتاسىلىن جاسىل، تومەن كومىر قىشقىل گازدى بولۋعا قاراي ويىستىرۋدى ىلگەرىلەتۋ كەرەك. قاينارىنان باستاپ ىعىستىرۋدى ازايتۋدىڭ ٴورىسىن ىشكەرىلەي اشىپ، ٴوڭىر ىشىندەگى ”ٴبىر كاسىپورىنعا ٴبىر شارا“ سىندى اتموسفەرانىڭ لاستانۋىن وڭاۋ نىسانىنىڭ تياناقتانىپ ونىمدىلىك كورسەتۋىن ۇزدىكسىز ىلگەرىلەتىپ، جاڭا ەنەرگيالى، تازا ەنەرگيالى موتورلى كولىكتەردىڭ ورىن باسۋىن، جاڭالانۋىن ىلگەرىلەتىپ، مۇناي ونىمدەرىن ٴوندىرۋ، ساتۋ، پايدالانۋ بۋىندارىن باقىلاۋ ـ باسقارۋدى كۇشەيتىپ، شاڭ ـ توزاڭدى ديناميكالى، نازىك باسقارۋدى كۇشەيتىپ، لاستاۋشى زاتتاردىڭ شىعارىلۋ مولشەرىن بار كۇشپەن تومەندەتۋ كەرەك. اتموسفەرا ورتاسىن باقىلاۋ ـ ولشەۋ، باقىلاۋ ـ باسقارۋ قابىلەتىن كۇش سالا جوعارىلاتىپ، جاڭا تەحنولوگيانىڭ، جاڭا جابدىقتىڭ باقىلاۋ ـ ولشەۋ سالاسىنداعى قولدانىلۋىن ىلگەرىلەتىپ، باقىلاۋ ـ ولشەۋ ساندى مالىمەتىنىڭ دالمە ـ ٴدال بولۋىنا شىنايى كەپىلدىك ەتىپ، الدىن الا ساقتانۋ، الدىن الا ساقتاندىرۋ، توتەپ بەرۋ قابىلەتىن جوعارىلاتىپ، اۋىر لاستانعان اۋا رايى ىقپالىن بارىنشا جەڭىلدەتۋ كەرەك.

ٴماجىلىس مىنالاردى باسا دارىپتەدى: تيانشاننىڭ سولتۇستىك بوكتەرىندەگى قالا شوعىرىنىڭ بىرلەسىپ ساقتانۋ، بىرلەسىپ مەڭگەرۋ مەحانيزمىن ۇزدىكسىز كەمەلدەندىرىپ، وڭاۋدىڭ تەبىنىن جوعارىلاتىپ، جوعارى ساپالى دامۋ مەن جوعارى دەڭگەيدە قورعاۋدىڭ قاتىناسىن ويداعىداي ٴبىر جاقتى ەتىپ، قورشاعان ورتانى قورعاۋدىڭ ناتيجە ونىمدىلىگىن قولدانۋدى كەڭەيتىپ، قورشاعان ورتانى قورعاۋعا قوسقان ۇسىنىلىمى جوعارى، ناتيجە ونىمدىلىگى جاقسى كاسىپورىنداردى ساياسات تيىمدىلىگىنەن يگىلىكتەندىرىپ، قورشاعان ورتانى قورعاۋدى جەلەۋ ەتىپ ”قاراپايىمداستىرۋدان“، ”ٴبىر تاياقپەن ايداۋدان“ باتىل ساقتانىپ، اناعۇرلىم ناقتى شارالار ارقىلى جۇڭگو ۇلگىسىندەگى وسىزامانداندىرۋدىڭ شينجياڭ امالياتىنىڭ جاسىل ٴتۇستى نەگىزىن ۇزدىكسىز بەكەمدەۋ كەرەك.

ماجىلىستەن بۇرىن ماجىلىسكە قاتىناسۋشىلار قۇلجا قالاسىنداعى ٴىشىنارا كاسىپورىنداردى، مەملەكەت مەڭگەرۋىندەگى اتموسفەرانى باقىلاۋ ـ ولشەۋ تۇيىندەرىن، اۋىل ـ قىستاقتاردى ىشكەرىلەي ارالاپ، تەكسەرۋ ـ زەرتتەۋ جۇرگىزدى.

جۋ ليفان، ۋان پيڭ، ياڭ شيۋلي قاتىستى قيمىلعا قاتىناستى.