اۆتونوميالى رايون ىندەتتەن ساقتانۋ - تىزگىندەۋ قىزمەتى بەينە ەكران ءماجىلىسىن اشتى

　　”ۇشتەن بۇلجىماۋعا“ تيتتەي دە اۋىتقىماي تاباندى بولىپ، ىندەتتەن ساقتانۋ - تىزگىندەۋدىڭ ناقتى ونىمدىلىگىن جاپپاي جوعارىلاتىپ، قالىپتى ءوندىرىس، تۇرمىس ءتارتىبىن ءتارتىپتى تۇردە قالپىنا كەلتىرۋ كەرەك

　　ما شيڭرۇي ءسوز سويلەدى

　　ەركىن تۇنياز، شاۋكەت يمىن، نۇرلان ءابىلماجىن، لي يفي، جاڭ چۇنلين، حى جۇڭيوۋ قاتىناستى

انار بۇلت \ شينجياڭ گازەتىنىڭ ءتىلشىسى ۋاڭ شيڭرۇي 11 - ايدىڭ 27 - كۇنى ۇرىمجىدەن حابارلايدى. 11 - ايدىڭ 27 - كۇنى تۇستەن بۇرىن اۆتونوميالى رايون ىندەتتەن ساقتانۋ - تىزگىندەۋ قىزمەتى بەينە ەكران ءماجىلىسىن اشىپ، باس شۋجي شي جينپيڭنىڭ ىندەتتەن ساقتانۋ - تىزگىندەۋ قىزمەتى جونىندەگى ماڭىزدى ءسوزىنىڭ، ماڭىزدى نۇسقاۋىنىڭ، بەكىتۋىنىڭ رۋحىن ىشكەرىلەي دايەكتىلەندىرىپ، 9 - نۇسقاداعى ساقتانۋ - تىزگىندەۋ جوباسىنا تاباندى بولىپ، 20 تارماقتى ساپالىلاندىرۋ شاراسىن تياناقتاندىرىپ، ىندەتتەن ساقتانۋ - تىزگىندەۋدى ۇزدىكسىز پارمەندى تۇردە مىقتاپ يگەرۋ، ”ەكىنى ءبىر تۇتاس جوسپارلاۋ“ سياقتى قىزمەتتەردى جوعارى ونىمدىلىكپەن ورىنداۋ جونىندە ورنالاستىرۋ جاسادى. اۆتونوميالى رايوندىق پارتكومنىڭ شۋجيى، اۆتونوميالى رايوندىق جاڭا تيپتى ايدارشا ۆيرۋس وكپە قابىنۋ ىندەتىنەن ساقتانۋ - تىزگىندەۋ قىزمەتى باسشىلىق گرۋپپاسىنىڭ باستىعى ما شيڭرۇي ماجىلىسكە قاتىناستى ءارى ءسوز سويلەپ بىلاي دەپ باسا دارىپتەدى: ساياسي تۇجىرىمداۋ قابىلەتىن، ساياسي ءتۇسىنۋ قابىلەتىن، ساياسي اتقارۋ قابىلەتىن شىن مانىندە جوعارىلاتىپ، پارتيا ورتالىق كوميتەتىنىڭ شەشىمدەرىن، ورنالاستىرۋلارىن تولىق، دالمە - ءدال، جاپپاي دايەكتىلەندىرىپ، تياناقتاندىرىپ، سالعىرتسۋ يدەياسىن، شايقاستان جالىعۋ كوڭىل كۇيىن، باق سىناۋ ويىن، بوساڭسۋ پيعىلىن جويىپ، ”ۇشتەن بۇلجىماۋعا“ تيتتەي دە اۋىتقىماي تاباندى بولىپ، ىندەتتەن ساقتانۋ - تىزگىندەۋدىڭ ءىس جۇزىندىك ونىمدىلىگىن ۇزدىكسىز جوعارىلاتىپ، ىندەتتەن ساقتانۋ - تىزگىندەۋ، ىندەتتى جويۋ شايقاسىنىڭ، توسقاۋىل شايقاسىنىڭ جەڭىسىنە تەزدەن قول جەتكىزىپ، قالىپتى ءوندىرىس، تۇرمىس ءتارتىبىن ورنىقتى، ءتارتىپتى تۇردە قالپىنا كەلتىرىپ، ىندەتتىڭ ەكونوميكالىق، قوعامدىق دامۋعا ىقپالىن ەڭ جوعارى شەكتە ازايتۋ كەرەك.

اۆتونوميالى رايون باسشىلارىنان ەركىن تۇنياز، شاۋكەت يمىن، نۇرلان ءابىلماجىن، لي يفي، جاڭ چۇنلين، حى جۇڭيوۋ قاتارلىلار ماجىلىسكە قاتىناستى.

ماجىلىستە ايماقتاردىڭ، وبلىستاردىڭ، قالالاردىڭ جانە بيڭتۋاننىڭ شى، قالالارىنىڭ نەگىزگى جاۋاپتى جولداستارى قازىرگى ىندەتتەن ساقتانۋ - تىزگىندەۋ، قوعامدىق ءتارتىپتى قالپىنا كەلتىرۋ، بۇقاراعا قىزمەت وتەۋدى قامتاماسىز ەتۋ، ءتۇيىندى وڭىرلەردە نولگە تۇسىرۋدەن قامال الۋ سياقتى جاعدايلاردان مالىمەت بەردى، ما شيڭرۇي ولارمەن ىشكەرىلەي پىكىر اۋىستىرىپ، جاعداي - مىندەتتەرگە تالداۋ جاساپ، پىكىر - ۇسىنىستاردى تىڭداپ، ءتۇيىندى شارالاردى اقىلداستى. ول بىلاي دەپ اتاپ كورسەتتى: ءارقايسى جاقتىڭ جاپالى شايقاس جۇرگىزۋىنىڭ ارقاسىندا، تۇتاس رايوننىڭ ىندەتتەن ساقتانۋ جاعدايىنىڭ ۇدايى جاقسارۋعا بەت الۋ اۋقىمى ۇزدىكسىز كەڭەيدى، ءۇرىمجى قاتارلى جەرلەردە قالىپتى ءوندىرىس، تۇرمىس ءتارتىبى ورنىقتى، ءتارتىپتى تۇردە قالپىنا كەلۋدە، قاشقار، حوتان ايماقتارىندا ىندەتتەن ساقتانۋ - تىزگىندەۋ قىزمەتى پارمەندى، ءونىمدى تۇردە ىلگەرىلەتىلۋدە. سونىمەن بىرگە، بۇكىل رايوننىڭ قايتا بەلەڭ بەرۋدەن ساقتانۋ، كەڭەيۋدەن ساقتانۋ، سىرتقا جايىلۋدان ساقتانۋ، سىرتتان كىرۋدەن ساقتانۋ حاۋىپ - قاتەرى ءالى دە ءبىرشاما زور، ساقتانۋ - تىزگىندەۋ مىندەتى ءالى دە جاپالى. ءار دارەجەلى تاراۋلار يدەيا مەن ارەكەتتى باس شۋجي شي جينپيڭنىڭ ماڭىزدى ءسوزىنىڭ، ماڭىزدى نۇسقاۋىنىڭ، بەكىتۋىنىڭ رۋحىمەن اناعۇرلىم بىرلىككە كەلتىرىپ، تاباندىلىقتى ساقتاپ، ۇزدىكسىز شايقاس جۇرگىزىپ، ءتۇرلى شارالاردى جەرگىلىكتى جاعدايعا قاراي، عىلمي، دالمە - ءدال تياناقتاندىرىپ، ءتۇيىندى وڭىرلەردە تىڭنان قوسىلاتىن ناۋقاس سانىن جەدەل تۇبەگەيلى نولگە ءتۇسىرۋدى ىلگەرىلەتىپ، ىندەتتەن ساقتانۋ - تىزگىندەۋدىڭ جەتىستىكتەرىن ۇزدىكسىز كەڭەيتۋ كەرەك. ساقتانۋ - تىزگىندەۋ شارالارىن اۋماقتارعا، دارەجەگە ءبولىپ دالمە - ءدال تياناقتاندىرۋ كەرەك، قاشقار، حوتان ايماقتارىندا تەكسەرۋ، بولىمدى بولعانداردى قاداعالاۋ، اۋاشالاۋعا تاسۋ، اۋاشالاۋ سياقتى قىزمەتتەردى جەدەل ىلگەرىلەتىپ، ءتۇيىندى ادامدار شوعىرىنا حىسۋان تەكسەرۋىن جۇرگىزۋدە بىردە - ءبىر ادامدى قاعىس قالدىرماي، تەز ۇلگى الىپ، تەز تەكسەرىپ، ناتيجەسىن تەز شىعارۋ، فاڭساڭ شيپاحاناسى مەن اۋاشالاۋ ورىندارىنىڭ قۇرىلىسىن، اينالىمىن جانە قور جيناۋىن تەزدەتىپ، حاۋىپسىز تاسۋدىڭ جىلدامدىعىن، ونىمدىلىگىن جوعارىلاتىپ، تاسۋعا تيىستىلەرىن تۇگەل تاسۋعا، اۋاشالاۋعا تيىستىلەرىن تۇگەل اۋاشالاۋعا شىنايى كەپىلدىك ەتىپ، ىندەتتەن ساقتانۋ - تىزگىندەۋ توسقاۋىل شايقاسىنىڭ جەڭىسىنە باتىل قول جەتكىزۋ كەرەك؛ ءۇرىمجى قاتارلى جەرلەر ساقتانۋ - تىزگىندەۋدى ۇدايىلاندىرۋعا قاراي بۇرىلىس جاساۋدىڭ شەشۋشى كەزەڭىندە تۇر، وي - سانانى سەرگەك ۇستاۋدان جازباي، ”اشىق ۇستاۋ“ مەن ”باسقارا الۋدىڭ“ تەپە - تەڭدىگىن عىلمي يگەرىپ، ”باسقارۋ“ العى شارتىندا ادامداردىڭ تارتىپپەن جىلجۋىن جانە الەۋمەتتىك قاتىناس، بولشەك ساتۋ، بازار سياقتى كاسىپ سالالارىنىڭ جۇمىستى، ءوندىرىستى قالپىنا كەلتىرۋىن ورنىقتى ىلگەرىلەتىپ، ماسكا تاعۋ، ەكى ولشەمدى كودتى جايمالاۋ، دەنە تەمپەراتۋراسىن ولشەۋ، توپتاسپاۋ سياقتى تالاپتاردى تياناقتاندىرۋ، سونىمەن بىرگە نازاردى جىلجىمالىلىعى اناعۇرلىم كۇشتى، اناعۇرلىم كۇردەلى جاعدايلارعا شوعىرلاندىرا وتىرىپ، اناعۇرلىم عىلمي، دالمە - ءدال ساقتانۋ - تىزگىندەۋ شارالارىن قاراستىرىپ، تياناقتاندىرىپ، ىندەتتىڭ قايتا بەلەڭ بەرۋى مەن سىرتتان كىرۋىنەن قاتاڭ ساقتانۋ كەرەك. وڭىرلەردىڭ بىرلەسىپ ارەكەتتەنۋىن، بيڭتۋان مەن جەرگىلىكتى ورىننىڭ سايكەسۋىن كۇشەيتىپ، بايلىقتى، كۇشتى ءبىر تۇتاس جوسپارلاپ ورنالاستىرۋدى كۇشەيتىپ، شوعىرلى اۋاشالاۋ تۇيىندەرى مەن فاڭساڭ شيپاحاناسى سياقتى ورىنداردى باسقارۋدى جۇيەگە ءتۇسىرىپ، تولايىم ساتۋ بازارى، قۇرىلىس ورنى، ساۋدا سارايى، ەرەن بازار، جىلجىمالى ادامدار سياقتى ءتۇيىندى ورىندار مەن ادامدار شوعىرىنا قاراتىلعان ساقتانۋ - تىزگىندەۋدى كۇشەيتىپ، حاۋىپ - قاتەردىڭ جايىلۋىنان قاتاڭ ساقتانۋ؛ قامداۋمەن قامتاماسىز ەتۋ، ەمدەلۋىن قامتاماسىز ەتۋ، نەگىزگى تۇرمىسىن قامتاماسىز ەتۋ سياقتى قىزمەتتەردى بۇقاراعا دەگەن تەرەڭ سۇيىسپەنشىلىكپەن ويداعىداي ىستەپ، قىس ماۋسىمىنداعى جىلۋمەن قامداۋ، سۋمەن قامداۋ، ەلەكترمەن قامداۋ سياقتى حالىق تۇرمىسى قاجەتىن ءونىمدى قامتاماسىز ەتىپ، قيىنشىلىعى بار جانە ەرەكشە قاۋىمعا كوڭىل ءبولۋ، قامقورلىق جاساۋ؛ ۇگىت - تاربيەنى جانە قوعامدىق پىكىرگە جەتەكشىلىك ەتۋدى كۇشەيتىپ، كوپ تۇعىر، كوپ تاسىلدەر ارقىلى ساياسات - شارالاردى ۇگىتتەۋدى، ءتۇسىندىرۋدى كۇشەيتىپ، بۇقارا ءجىتى نازار اۋدارىپ وتىرعان ماسەلەلەرگە مەڭزەس، ينفورماتسيا جاريالاۋ مەن اشىق جاۋاپ بەرۋدى كۇشەيتىپ، ينتەرنەتتەگى وسەك - اياڭ مەن جالعان ينفورماتسيالاردى قاتاڭ تەكسەرىپ، قوعامدىق پىكىرگە جەتەكشىلىك ەتۋ جانە جۇرت رايىنا جاۋاپ قايتارۋ قابىلەتىن شىن مانىندە جوعارىلاتىپ، سەنىمدى بەكەمدەيتىن، جۇرت جۇرەگىن جىلىتاتىن، حالىق تىلەگىن ۇيىستىراتىن ورتا رايىن قالىپتاستىرۋ كەرەك.

ما شيڭرۇي بىلاي دەپ باسا دارىپتەدى: ءار دارەجەلى باسشى كادرلار ساياسي دەڭگەيدى ونان ارى جوعارىلاتىپ، جاۋاپكەرشىلىك ارقالاۋدى كۇشەيتىپ، جۇيە كوزقاراسىن كۇشەيتىپ، اناعۇرلىم جوعارى ونىمدىلىكپەن ىندەتتەن ساقتانۋ - تىزگىندەۋ مەن ەكونوميكالىق، قوعامدىق دامۋدى ءبىر تۇتاس جوسپارلاۋى، دامۋ مەن حاۋىپسىزدىكتى ءبىر تۇتاس جوسپارلاۋى كەرەك. ىندەتتەن ساقتانۋ - تىزگىندەۋدە تۋىلعان قايشىلىقتار مەن ماسەلەلەردى ۇيلەسىمدى ءبىر جاقتى ەتۋ كەرەك، پارتيا، ۇكىمەتتەگى نەگىزگى باسشى جولداستار بۇقارا اراسىنا ىشكەرىلەي بارىپ، پسيحيكالىق جاقتان جەتەكتەۋ، كوڭىل كۇيدى ورنىقتىرىپ جۇباتۋ، قايشىلىقتاردى شەشۋ سياقتى قىزمەتتەردى ىرىقتىلىقپەن ورىستەتۋى؛ زاڭ اتقارۋدى باقىلاۋ - تەكسەرۋ تەبىنىن كۇشەيتىپ، زاڭعا قايشى ءتۇرلى قىلمىستىق ارەكەتتەرگە زاڭ بويىنشا، ەرەجە بويىنشا سوققى بەرىپ، ىندەتتەن ساقتانۋ - تىزگىندەۋ مەزگىلىندەگى قالىپتى قوعامدىق ءتارتىپتى باتىل قورعاۋى كەرەك. ءوندىرىس حاۋىپسىزدىگى جانە اپاتتان ساقتانۋ، اپات زيانىن ازايتۋ قىزمەتىن مۇقيات ويداعىداي ىستەپ، ءتۇيىندى سالالارداعى ءوندىرىس حاۋىپسىزدىگى حاۋىپ - قاتەرلەرى مەن كومەسكى كىناراتتاردى ۇزدىكسىز اداقتاپ تەكسەرىپ، رەتتەپ - تۇزەتىپ، سۇراپىل بوران، قالىڭ قار سياقتى سۇركەيلى اۋا رايىنا توتەپ بەرۋ جوباسىن كەمەلدەندىرىپ، ءار ءتۇرلى اپاتتان ساقتاندىرۋ بويىنشا الدىن الا مالىمەت بەرۋدى كۇشەيتىپ، اپاتتان ساقتانۋ، اپات زيانىن ازايتۋ، اپاتتان قۇتقارۋ شارالارىن تياناقتاندىرىپ، ءار ۇلت بۇقاراسىنىڭ ءومىرى مەن مال - مۇلكىنىڭ حاۋىپسىزدىگىن شىنايى قامتاماسىز ەتۋ كەرەك. نازاردى تۇتاس جىلدىق ەكونوميكالىق، قوعامدىق دامۋدىڭ نىسانا - مىندەتتەرىنە شوعىرلاندىرىپ، قىس ماۋسىمىنداعى ەگىن، مال شارۋاشىلىعى ءوندىرىسى، نىسان قۇرىلىسى، ساۋداگەر شاقىرىپ قارجى ەنگىزۋ، حالىق تۇرمىسىن قامتاماسىز ەتۋ جانە جاقسارتۋ سياقتى قىزمەتتەردى ناقتى ىستەپ، كاسىپ سالاسى تىزبەگىنىڭ، قامداۋ تىزبەگىنىڭ حاۋىپسىز، ورنىقتى بولۋىن ساقتاپ، ەكونوميكانىڭ ورنىقتى، اقاۋسىز دامۋىن ىلگەرىلەتىپ، ىندەتكە توسقاۋىل قويۋدى، ەكونوميكانى ورنىقتىرۋدى، دامۋ حاۋىپسىز بولۋدى باتىل ورىنداۋ كەرەك.

جاڭ جۋ، تيان شياڭلي، چىن ۋيجۇن، ۋاڭ ميڭشان، ياڭ فاسىن، ءيۇسۇپجان مامەت، ەلزات احمەتجان، قادەن كابەن قاتارلىلار ماجىلىسكە قاتىناستى.