ەرىكتى ٴتىلشى ما چاۋ حابارلايدى. 8 - ايدىڭ 24 - كۇنىنەن 25 - كۇنىنە دەيىن ىلە وبلىستىق 15 - كەزەكتى حالىق قۇرىلتايى تۇراقتى كوميتەتى 10 - رەتكى ٴماجىلىسىن اشتى. وبلىستىق حالىق قۇرىلتايى تۇراقتى كوميتەتىنىڭ مەڭگەرۋشىسى نياز اشىم ٴماجىلىستى باسقاردى ٴارى ٴسوز سويلەدى.
ٴماجىلىس وبلىستىق ۇكىمەتتىڭ ىلە قازاق اۆتونوميالى وبلىسىنىڭ 2022 - جىلعى قازىنانىڭ جالپى سوڭعى ەسەبى جانە وبلىس دارەجەلى قازىنا سوڭعى ەسەبى جونىندەگى مالىمەتىن، 2022 - جىلعى اۆتونوميالى وبلىستىڭ مەجە ەسەبىنىڭ اتقارىلۋى جانە باسقا دا قازىنالىق كىرىس - شىعىس جاعدايىنا قازىنالىق باقىلاۋ جۇرگىزۋ قىزمەتى جونىندەگى مالىمەتىن، اۆتونوميالى وبلىستىڭ الەۋمەتتىك زاڭدىق قىزمەت وتەۋ جۇيەسى قۇرىلىسىنىڭ جاعدايى جونىندەگى مالىمەتىن، قالا - اۋىل الەۋمەتتىك اۋماقتارىن جونگە سالۋ جۇيەسى مەن جونگە سالۋ قابىلەتى قۇرىلىسىنىڭ جاعدايى جونىندەگى مالىمەتىن تىڭدادى جانە قارادى.
ٴماجىلىس وبلىستىق حالىق قۇرىلتايى تۇراقتى كوميتەتى زاڭنىڭ اتقارىلۋىن تەكسەرۋ گرۋپپاسىنىڭ «جۇڭحۋا حالىق رەسپۋبليكاسىنىڭ اۋىل - قىستاقتى گۇلدەندىرۋدى جەبەۋ زاڭىنىڭ»، «شينجياڭ ۇيعۇر اۆتونوميالى رايونىنىڭ اۋىل - قىستاقتى گۇلدەندىرۋدى جەبەۋ ەرەجەسىنىڭ» اتقارىلۋ احۋالىن تەكسەرۋ جونىندەگى مالىمەتىن تىڭدادى جانە قارادى.
ٴماجىلىس وبلىستىق حالىق قۇرىلتايى تۇراقتى كوميتەتىنىڭ ىلە وبلىسىنىڭ توي سالتى رەفورماسىن ورىستەتىپ، وركەنيەتتى جاڭا سالت ورناتۋ قىزمەتى جاعدايى جونىندەگى تەكسەرۋ - زەرتتەۋ مالىمەتىن تىڭدادى جانە قارادى، وبلىستىق حالىق قۇرىلتايى تۇراقتى كوميتەتىنىڭ اۆتونوميالى وبلىستىڭ الەۋمەتتىك زاڭدىق قىزمەت وتەۋ جۇيەسى قۇرىلىسىنىڭ جاعدايى جونىندەگى تەكسەرۋ - زەرتتەۋ مالىمەتىن، قالا - اۋىل الەۋمەتتىك اۋماقتارىن جونگە سالۋ جۇيەسى مەن جونگە سالۋ قابىلەتى قۇرىلىسىنىڭ جاعدايى جونىندەگى تەكسەرۋ - زەرتتەۋ مالىمەتىن، وبلىستىق ۇكىمەتتىڭ ”ٴبىر زاڭ، ٴبىر ەرەجەنى“ دايەكتى اتقارۋ جاعدايى جونىندەگى مالىمەتىن قارادى.
ٴماجىلىس «ىلە قازاق اۆتونوميالى وبلىسىنىڭ ۇلتتاردىڭ ارالاسۋىن، ىشتەسۋىن، توعىسۋىن جەبەۋ ەرەجەسىن (جوبا)»، «ىلە قازاق اۆتونوميالى وبلىستىق حالىق قۇرىلتايى تۇراقتى كوميتەتىنىڭ كەڭەسۋ ەرەجەسىن (وزگەرىس ەنگىزىلگەن جوبا)»، «اۆتونوميالى وبلىستىڭ 2022 - جىلعى وبلىس دارەجەلى قازىنانىڭ سوڭعى ەسەبىن بەكىتۋ جونىندەگى قاۋلىنى (جوبا)» جانە «توي - تومالاق سياقتى سالت - ساناداعى ” قالىڭ مالدى كوپ الۋ، دابىرالى وتكىزۋ، قارا تالاسۋ، استا - توك ىسىراپشىلدىق“ سياقتى ەسكى سالت - ساناعا رەفورما جاساپ، وركەنيەتتى جاڭا سالت ورناتۋ جونىندەگى قاۋلىنى (جوبا)» قارادى جانە داۋىسقا سالىپ ماقۇلدادى.
ٴماجىلىس تاعى كادرلاردى مىندەتكە تاعايىنداۋ، مىندەتىنەن بوساتۋ ىستەرىن داۋىسقا سالىپ ماقۇلدادى.
ٴماجىلىس مىنالاردى اتاپ كورسەتتى: ٴار دارەجەلى حالىق قۇرىلتايلارى جانە ونىڭ تۇراقتى كوميتەتتەرى باس شۋجي شي جينپيڭنىڭ شينجياڭدى كوزدەن كەشىرگەندىگىنىڭ ٴبىر جىلدىعىن جاڭا كۇرەس باستاماسى ەتىپ، پارتيا 20 - قۇرىلتايىنىڭ رۋحىن جاپپاي دايەكتىلەندىرىپ، تياناقتاندىرىپ، شي جينپيڭ جاڭا ٴداۋىر جۇڭگوشا سوتسياليزم يدەياسىن ىشكەرىلەي ۇيرەنىپ، دايەكتىلەندىرىپ، جاڭا داۋىردەگى پارتيانىڭ شينجياڭدى باسقارۋ جالپى جوباسىن تولىق، دالمە ـ ٴدال دايەكتىلەندىرىپ، تۋراشىلدىقتان اينىماي جاڭالىق اشىپ، شىنايى يگەرىپ، ناقتى ىستەپ، جاڭا داۋىردەگى حالىق قۇرىلتايى قىزمەتىنىڭ جوعارى ساپالى دامۋىن ۇزدىكسىز ىلگەرىلەتىپ، كورىكتى شينجياڭ قۇرۋدىڭ ىلە تاراۋىن جازۋعا تىڭ ۇلەس قوسۋدا.
ٴماجىلىس مىنالاردى باسا دارىپتەدى: بۇكىل وبلىستاعى ٴار دارەجەلى حالىق قۇرىلتايى مەن ونىڭ تۇراقتى كوميتەتىنىڭ قۇرامىنداعىلار باس شۋجي شي جينپيڭنىڭ شينجياڭدى كوزدەن كەشىرگەندە سويلەگەن ماڭىزدى ٴسوزىنىڭ، ماڭىزدى نۇسقاۋىنىڭ رۋحىن ۇزدىكسىز ىشكەرىلەي ۇيرەنۋدى، دايەكتىلەندىرۋدى ماڭىزدى ساياسي مىندەت ەتۋ كەرەك. ساياسي دەڭگەيدى جوعارىلاتىپ، ”ەكىنى تۇراقتاندىرۋدى“ قورعاۋدى، ”ەكىنى قورعاۋدى“ باتىل ورىنداۋدى پارتيا ورتالىق كوميتەتىنىڭ شەشىمدەرىن، ورنالاستىرۋلارىن دايەكتىلەندىرۋ ارەكەتىندە ايگىلەپ، ساياسي تۇرعىدا، بەتالىستا، پرينسيپتە، جولدا شي جينپيڭ جولداستى ۇيتقى ەتكەن پارتيا ورتالىق كوميتەتىمەن باستان ـ اياق وسكەلەڭ ٴبىر اۋىزدىلىقتى ساقتاۋ كەرەك. ىشكەرىلەي ۇيرەنىپ، ٴتۇسىنىپ، جاڭا داۋىردەگى پارتيانىڭ شينجياڭدى باسقارۋ جالپى جوباسىن تولىق، دالمە ـ ٴدال دايەكتىلەندىرۋدى حالىق قۇرىلتايى قىزمەتىنىڭ ماڭىزدى ولشەمى ەتىپ، پارتيا 20 ـ قۇرىلتايىنىڭ رۋحىن دايەكتىلەندىرۋمەن، نەگىزگى تاقىرىپتىق تاربيەنى ورىستەتۋمەن ۇشتاستىرىپ، ”10 مىڭ ۋاكىل 10 مىڭ وتباسىنا بارۋ“، ”زاڭمەن باسقارىلاتىن ىلە ۋاكىلدەر ساپارى“ نەگىزگى تاقىرىپتىق امالياتى قيمىلىمەن سانالى توعىستىرىپ، ”ٴۇش ٴتۇرلى قيمىل بارىسىندا“ ايگىلەپ، حالىق قۇرىلتايى قىزمەتىنىڭ باستان ـ اياق دۇرىس بەتالىسپەن العا ىلگەرىلەۋىنە كەپىلدىك ەتۋ كەرەك. وزەكتى توڭىرەكتەپ، جالپى جاعدايعا قىزمەت وتەپ، زاڭ شىعارۋ، باقىلاۋ جانە ۋاكىلدەر قىزمەتىن ۇزدىكسىز كۇشەيتىپ، حالىق قۇرىلتايىنىڭ فۋنكتسياسىن، باسىمدىعىن جانە رولىن تولىق ساۋلەلەندىرىپ، جاڭا داۋىردەگى پارتيانىڭ شينجياڭدى باسقارۋ جالپى جوباسى جونىندەگى كولەمدى ۇگىت - لەكسيا قيمىلىنىڭ تياناقتانىپ، ونىمدىلىك كورسەتۋىن تىڭعىلىقتى ىلگەرىلەتۋ كەرەك. ستيل قۇرىلىسىن ىلگەرىلەتىپ، ”ٴتورت ورگان“ قۇرىلىسىندا ۇلگى بولىپ، فورماشىلدىقتى، تورەشىلدىكتى باتىل الاستاپ، تاماشا ساياسي ەكولوگيانىڭ جانە قوعامدىق سالتتىڭ جەتەكشىسى، قۇرۋشىسى جانە قورعاۋشىسى بولۋعا قۇلشىنۋ كەرەك. ماسەلەنى باعدار ەتۋدەن جازباي، تەكسەرۋ ـ زەرتتەۋدى بارىنشا كۇشەيتىپ، ۇيرەنۋ جەتىستىكتەرىن زاڭ بويىنشا مىندەت وتەۋدىڭ ٴىس جۇزىندىك ونىمدىلىگىنە اينالدىرىپ، جوعارى ساپادا قاراۋ ارقىلى حالىق قۇرىلتايى قىزمەتىنىڭ جوعارى ساپالى دامۋىنا دەم بەرۋ كەرەك.
وبلىستىق حالىق قۇرىلتايى تۇراقتى كوميتەتى پارتيا باسشىلىق گرۋپپاسىنىڭ شۋجيى جياۋ يمين، وبلىستىق حالىق قۇرىلتايى تۇراقتى كوميتەتىنىڭ ورىنباسار مەڭگەرۋشىلەرى رازيا ابليز، اقجول انەش ۇلى، ابليكىم نۇرانبەك، سۇن پىڭ، سۇن حۇي، جاڭارسىن نۇراش ۇلى، تارباعاتاي ايماقتىق حالىق قۇرىلتايى قىزمەت كوميتەتىنىڭ مەڭگەرۋشىسى ٴامينا ٴۋالقان قىزى، التاي ايماقتىق حالىق قۇرىلتايى قىزمەت كوميتەتىنىڭ مەڭگەرۋشىسى ٴسابيت قازەز ۇلى ماجىلىسكە قاتىناستى.
وبلىستىڭ ورىنباسار باستىعى راپقات توقتام، ىلە وبلىستىق باقىلاۋ - تەكسەرۋ كوميتەتىنىڭ، سوت مەكەمەسىنىڭ، پروكۋراتۋرانىڭ جاۋاپتىلارى، قاتىستى اۋداندىق، قالالىق حالىق قۇرىلتايى تۇراقتى كوميتەتتەرىنىڭ جاۋاپتىلارى جانە وبلىستىق حالىق قۇرىلتايىنىڭ ٴىشىنارا ۋاكىلدەرى، وبلىسقا توتە قاراستى قاتىستى تاراۋلارداعى جاۋاپتى جولداستار ماجىلىسكە سىرتتاي قاتىناستى.