ٴتىلشىمىز ۋاڭ جىحۋا حابارلايدى. عاسىرلىق ۇلى ٴىس وقۋ ـ اعارتۋدى نەگىز ەتەدى. 9 - ايدىڭ 7 - كۇنى ىلە وبلىستىق ساياسي كەڭەستىڭ 2023 - جىلعى 2 - ماۋسىمداعى كەڭەس ٴماجىلىسى قورعاس اۋدانىندا اشىلدى، ٴماجىلىس «وقۋ - اعارتۋ ساپاسىن جوعارىلاتۋ ينجەنەرياسىن ىشكەرىلەي اتقارىپ، وقۋ - اعارتۋدىڭ جوعارى ساپالى دامۋىن ىلگەرىلەتۋ» نەگىزگى تاقىرىبىن توڭىرەكتەپ، وقۋ - اعارتۋ نەگىزدىك قۇرىلعى قۇرىلىسى، وقىتۋشىلار قوسىنى قۇرىلىسى، وقىتۋ ساپاسىن جوعارىلاتۋ، كاسىپتىك وقۋ - اعارتۋدى دامىتۋ سياقتى جاقتارداعى قىزمەتتەردى تىعىز ارقاۋ ەتىپ، ساياسي كەڭەستىڭ كەڭەسۋ، ۇسىنىس بەرۋ فورماسىمەن ىلە وبلىسى وقۋ - اعارتۋىنىڭ دامۋىنداعى ولقىلىقتار مەن ٴالسىز بۋىنداردى تولىقتاپ، قالا مەن اۋىل وقۋ - اعارتۋىنىڭ بىركەلكى دامۋىن جەبەپ، حالىق تۇرمىسىنىڭ قۇت - ىرىسىن ۇزدىكسىز ارتتىرىپ، بۇكىل وبلىستىڭ وقۋ - اعارتۋ ىستەرىنىڭ تاعى دا تىڭ ساتىعا كوتەرىلۋىن ىلگەرىلەتۋدى تالاپ ەتتى.

وبلىستىق ساياسي كەڭەس پارتيا باسشىلىق گرۋپپاسىنىڭ ورىنباسار شۋجيى، ٴتوراعاسى سەرجان ۇعىباي ۇلى، اۆتونوميالى وبلىستىڭ ورىنباسار باستىعى ليۋ چيڭحۋا، وبلىستىق ساياسي كەڭەس پارتيا باسشىلىق گرۋپپاسىنىڭ مۇشەسى، ورىنباسار ٴتوراعا لي شينجۇن، وبلىستىق ساياسي كەڭەس پارتيا باسشىلىق گرۋپپاسىنىڭ مۇشەسى، باس حاتشى كۇڭ ليڭشىڭ قاتارلى باسشىلار جانە وبلىسقا توتە قاراستى قاتىستى ورىنداردىڭ، وقۋ - اعارتۋ جۇيەسىنىڭ جاۋاپتىلارى، اۋدان، قالالاردىڭ ۋاكىلدەرى ماجىلىسكە قاتىناستى.

ماجىلىستە وبلىستىق ساياسي كەڭەس وقۋ - اعارتۋ، عىلىم - تەحنيكا، دەنساۋلىق ساقتاۋ، دەنە تاربيە جانە جان سانى، بايلىق، قورشاعان ورتا كوميتەتىنىڭ جاۋاپتىلارى «وقۋ - اعارتۋ ساپاسىن جوعارىلاتۋ ينجەنەرياسىن ىشكەرىلەي اتقارىپ، وقۋ - اعارتۋدىڭ جوعارى ساپالى دامۋىن ىلگەرىلەتۋ» جونىندەگى تەكسەرۋ - زەرتتەۋ جاعدايىن حابارلادى، وبلىستىق پارتكومنىڭ ۇيىمداستىرۋ ٴبولىمى، وقۋ - اعارتۋ مەكەمەسى، قورعاس اۋدانى، كۇنەس اۋدانى جانە قۇلجا قالالىق 3 - ورتا مەكتەپ سياقتى ورىنداردىڭ قاتىستى جاۋاپتىلارى قىزمەتتىڭ ورىستەتىلۋ جاعدايى جونىندە ٴسوز سويلەدى، ساياسي كەڭەستىڭ 3 مۇشەسى ٴماجىلىستىڭ نەگىزگى تاقىرىبىن ارقاۋ ەتىپ، اقىل - كەڭەس بەردى. ماجىلىسكە قاتىناسقاندار بەلسەنە تالقى ورىستەتىپ، بەلسەنە  ٴسوز سويلەپ، كوپتەگەن سىندارلى پىكىرلەر مەن ۇسىنىستاردى ورتاعا قويدى.

كوپ جىلدان بەرى ىلە وبلىستىق پارتكوم مەن ۇكىمەت وقۋ - اعارتۋ ىستەرىنىڭ رەفورماسى مەن دامۋىنا وسكەلەڭ ٴمان بەرىپ، پارتيانىڭ وقۋ - اعارتۋ باعىتىن جاپپاي دايەكتىلەندىرىپ، پارتيا ٴۇشىن ادام تاربيەلەۋگە، مەملەكەت ٴۇشىن دارىندى تاربيەلەۋگە تاباندى بولىپ، ٴمورال ارقىلى ادام تاربيەلەۋ ٴتۇبىرلى مىندەتىن تياناقتاندىرىپ، جوعارى ساپالى وقۋ - اعارتۋ جۇيەسىن قۇرۋدى جەدەلدەتىپ، وبلىسقا توتە قاراستى ورىنداردىڭ وقۋ - اعارتۋ ىستەرىنىڭ جوعارى ساپالى دامۋىن ۇزدىكسىز ىلگەرىلەتتى. پارتيانىڭ وقۋ - اعارتۋ قىزمەتىنە باسشىلىعىن ۇزدىكسىز كۇشەيتۋ، ٴمورال ارقىلى ادام تاربيەلەۋ ٴتۇبىرلى مىندەتىن ۇزدىكسىز تياناقتاندىرۋ، ەگجەي - تەگجەيلى تياناقتاندىرۋ، وقۋ - اعارتۋعا ۇسىنىلىمدى ارتتىرۋ تەبىنىن كۇشەيتۋ، وقىتۋ جۇرگىزۋ شارت - جاعدايىن ۇزدىكسىز جاقسارتۋ، وقۋ - اعارتۋ، وقىتۋشىلار قوسىنى قۇرىلىسىن ۇزدىكسىز كۇشەيتۋ، وقۋ - اعارتۋ جاعىنان شينجياڭعا كومەكتەسۋ قىزمەتىن ۇزدىكسىز تەرەڭدەتۋ، نەگىزدىك وقۋ - اعارتۋ رەفورماسى سىناق ٴتۇيىنى قىزمەتىن ورنىقتى ىلگەرىلەتۋ سياقتى ەرەكشەلىكتەردى ايگىلەدى.

2022 - جىلى وبلىسقا توتە قاراستى ورىنداردىڭ وقۋ - اعارتۋ ىستەرىنە 8 ميلليارد 226 ميلليون يۋان قارجى قوسىلىپ، سايكەس مەزگىلدەگىدەن 100 ميلليون يۋان ارتتى. سوڭعى 3 جىلدا 529 ميلليون يۋان قارجى قوسىلىپ، بۇل قارجى كاسىپتىك مەكتەپتەردىڭ وقىتۋ جۇرگىزۋ شارت - جاعدايىن جاقسارتۋ جانە جاتتىعۋ بولمەسى قۇرىلىسىنا جۇمسالىپ، قۇنى 144 ميلليون يۋان جاتتىعۋ جابدىقتارى ساتىپ الىندى، 367 مىڭ 100 شارشى مەتر مەكتەپ جاتاعى جاڭادان سالىنىپ، كاسىپتىك وقۋ - اعارتۋدى دامىتۋ ارشىندى قاداممەن العا باستى. 3 جىلدان بەرى 3250 وقىتۋشى تولىقتانىپ، جەلىدە جانە جەلىدەن تىس 794 مىڭ 200 وقىتۋشى تاربيەلەنىپ، اۋىس ـ كۇيىس ارناۋلى وقىتۋشىسى 5369 ادامعا، شۋجي، مەكتەپ باستىعى 470 ادامعا جەتىپ وقۋ ـ اعارتۋ، وقىتۋ قوسىنى قۇرىلىسى ۇزدىكسىز كۇشەيدى.

ىلە وبلىسى جياڭسۋدىڭ ىلەگە كومەكتەسۋ باسىمدىعىن ساۋلەلەندىرىپ، ۇيىرمە ۇيىمداستىرىپ جياڭسۋ ولكەسىنە بارىپ، وقۋ ـ اعارتۋ جاعىندا شينجياڭعا كومەكتەسۋدى تەرەڭدەتۋ قىزمەتىن ٴتۇيىلىستىرىپ، سەلبەستىك، اۋىس ـ كۇيىس جاساۋ مەحانيزمىن ۇزدىكسىز كۇشەيتۋ، وقىتۋشىلاردى باۋلۋ تەبىنىن ارتتىرۋ، كاسىپتىك وقۋ ـ اعارتۋعا كومەكتەسۋ ـ سۇيەمەلدەۋ تەبىنىن ارتتىرۋ، جياڭسۋعا باعىتتالعان ”اق سامايلىلار ساباق ٴوتۋ“ جوسپارىن اتقارۋعا قولداۋ كورسەتۋ سياقتى جاقتاردا سەلبەستىكتى كەڭەيتۋ نيەتىنە كەلىستى. جياڭسۋ ەلەكتروندى وقىتۋ سارايى ىلە وبلىسىنا وقۋ - اعارتۋ بايلىعىن تەگىن اشىپ، ٴار جىلى ينفورماتسيالانعان باسقارۋشىلار مەن كاسىپتىك وقىتۋشىلاردان 100 ادامدى تاربيەلەپ، ىلە وبلىسىنىڭ وقۋ - اعارتۋ بۇلت تۇعىرى قۇرىلىسىن بار كۇشپەن قولدادى. ىلە كاسىپتىك - تەحنيكالىق شۋەيۋانى، ىلە ورتا دارەجەلى كاسىپتىك - تەحنيكالىق مەكتەبى تايجوۋ كاسىپتىك - تەحنيكالىق شۋەيۋانىمەن ٴۇش مەكتەپتىڭ كاسىپتىك وقۋ - اعارتۋى بىرلەستىك سەلبەستىك قارىم -  قاتىناسىن ورناتتى.

ورىن تەۋىپ وتىرعان ماسەلەلەر مەن ولقىلىقتاردى نەگىز ەتىپ، سەرجان ۇعىباي ۇلى جاڭا داۋىردەگى ىلەنىڭ وقۋ ـ اعارتۋ قىزمەتىن ويداعىداي ىستەۋ جونىندە مىناداي تالاپتاردى العا قويدى: جاۋاپكەرشىلىك سەزىمدى، بورىشتىلىق سەزىمدى، كوكەيتەستىلىك سەزىمدى شىنايى كۇشەيتىپ، جاڭا داۋىردەگى ىلەنىڭ وقۋ ـ اعارتۋ قىزمەتىن ويداعىداي ىستەۋ سەنىمى مەن بەكىمىن بەكەمدەپ، يدەيالىق ـ ساياسي قىزمەتتى وقۋ ـ اعارتۋدىڭ، وقىتۋدىڭ تۇتاس بارىسىنا  ٴسىڭىرىپ، ”ۇلكەن يدەيا ـ ساياسي ساباعى“ قۇرىلىسىن ىلگەرىلەتىپ، مەكتەپتەردىڭ جۇڭحۋا ۇلتى ورتاق تۇلعا تانىمىن بەرىك ورناتۋداعى نەگىزگى شەپتىك رولىن شىنايى ساۋلەلەندىرىپ، جاستار مەن ورەندەردىڭ ”نەگىزدى بەكەمدەۋ“ ينجەنەرياسىن ىلگەرىلەتىپ، جۇڭحۋا ۇلتى ورتاق تۇلعا تانىمى تاربيەسى دانەكەرلەرىن بايىتىپ، بەكەمدەپ، ٴار ۇلت وقۋشىلارىنىڭ ارالاسۋىن، ىشتەسۋىن، توعىسۋىن كۇشەيتىپ، اناعۇرلىم ٴادىل، اناعۇرلىم ساپالى نەگىزدىك وقۋ - اعارتۋدى بەكەمدەپ، دامىتىپ، جۇمىستاندىرۋ مەن كاسىپ سالاسىن باعدار ەتكەن كاسىپتىك وقۋ - اعارتۋدى زور كۇشپەن دامىتىپ، جوعارى ساپالى ماماندانعان وقىتۋشىلار قوسىنىن جەدەل قۇرىپ، وقۋ ـ اعارتۋ ساپاسىن جوعارىلاتۋ ينجەنەرياسىن جاپپاي تياناقتاندىرىپ، وقۋ ـ اعارتۋدىڭ جوعارى ساپالى دامۋىن ىلگەرىلەتۋ كەرەك.