ما شيڭرۇي اۆتونوميالى رايوننىڭ ۇيىمداستىرۋ قىزمەتى ماجىلىسىندە بىلاي دەپ باسا دارىپتەدى

　　وسىزامانداندىرۋ قۇرىلىسىنىڭ قاجەتىنە ۇيلەسەتىن جوعارى ساپالى ءار ۇلت كادرلارى قوسىنىن شىڭداپ، كورىكتى شينجياڭدى اناعۇرلىم ويداعىداي قۇرۋعا پارمەندى ۇيىمدىق كەپىلدىك ازىرلەۋ كەرەك

　　ەركىن تۇنياز، لي يفي، جاڭ چۇنلين، حى جۇڭيوۋ قاتىناستى

　　9 - ايدىڭ 12 - كۇنى، اۆتونوميالى رايوننىڭ ۇيىمداستىرۋ قىزمەتى ءماجىلىسى ۇرىمجىدە اشىلدى. اۆتونوميالى رايوندىق پارتكومنىڭ شۋجيى ما شيڭرۇي ماجىلىسكە قاتىناستى ءارى ءسوز سويلەدى.

　　□ سۋرەتتى انار بۇلت \ شينجياڭ گازەتىنىڭ ءتىلشىسى سۇي جىجيان تۇسىرگەن

انار بۇلت \ شينجياڭ گازەتىنىڭ تىلشىلەرى ۋاڭ شيڭرۇي، ليۋ شياڭ 9 - ايدىڭ 12 - كۇنى ۇرىمجىدەن حابارلايدى. اۆتونوميالى رايوننىڭ ۇيىمداستىرۋ قىزمەتى ءماجىلىسى 9 - ايدىڭ 12 - كۇنى تۇستەن بۇرىن اشىلدى، اۆتونوميالى رايوندىق پارتكومنىڭ شۋجيى ما شيڭرۇي ماجىلىسكە قاتىناستى ءارى ءسوز سويلەدى. ول بىلاي دەپ باسا دارىپتەدى: نەگىزگى تاقىرىپتىق تاربيەنى مۇقيات ورىستەتىپ، باس شۋجي شي جينپيڭنىڭ پارتيا قۇرىلىسى جونىندەگى ماڭىزدى يدەياسىن، اسىرەسە، پارتيا قۇرىلىسى مەن ۇيىمداستىرۋ قىزمەتى جونىندەگى ماڭىزدى نۇسقاۋىنىڭ رۋحىن ىشكەرىلەي ۇيرەنىپ، دايەكتىلەندىرىپ، باس شۋجيدىڭ اۆتونوميالى رايوننىڭ جانە بيڭتۋاننىڭ قىزمەت مالىمەتىن تىڭداعاندا سويلەگەن ماڭىزدى ءسوزىنىڭ رۋحىن ىشكەرىلەي دايەكتىلەندىرىپ، تياناقتاندىرىپ، جاڭا داۋىردەگى پارتيانىڭ شينجياڭدى باسقارۋ جالپى جوباسىن تولىق، دالمە - ءدال، جاپپاي دايەكتىلەندىرىپ، كورىكتى شينجياڭ قۇرىلىسىنىڭ جاڭا جاعدايىن، جاڭا مىندەتىن، جاڭا تالابىن تىعىز ارقاۋ ەتە وتىرىپ، يدەيانى ازات ەتىپ، شىنايى يگەرىپ، تىڭعىلىقتى ىستەپ، ۇيىمداستىرۋ قىزمەتىن ويداعىداي ىستەپ، ادال، كىرشىكسىز، جاۋاپكەرشىلىك ارقالايتىن جوعارى ساپالى ءار ۇلت كادرلارى قوسىنىن كۇش سالا تۇلعالاپ، مەملەكەتتى قۇدىرەتتەندىرۋ قۇرىلىسىنىڭ، ۇلتتى گۇلدەندىرۋدىڭ شينجياڭ تاراۋىن جازۋعا پارمەندى ۇيىمدىق كەپىلدىك ازىرلەۋ كەرەك.

اۆتونوميالى رايوندىق پارتكومنىڭ ورىنباسار شۋجيى، اۆتونوميالى رايوننىڭ ءتوراعاسى ەركىن تۇنياز، اۆتونوميالى رايوندىق پارتكومنىڭ ورىنباسار شۋجيى، بيڭتۋاننىڭ جىڭۋيى لي يفي، اۆتونوميالى رايوندىق پارتكومنىڭ ورىنباسار شۋجيلەرى جاڭ چۇنلين، حى جۇڭيوۋ ماجىلىسكە قاتىناستى.

ما شيڭرۇي بىلاي دەپ اتاپ كورسەتتى: باس شۋجي شي جينپيڭنىڭ پارتيا قۇرىلىسى جونىندەگى ماڭىزدى يدەياسى جاڭا داۋىردەگى پارتيا قۇرىلىسىنىڭ جاڭا ۇلى ينجەنەرياسىن ىشكەرىلەي ىلگەرىلەتۋگە، جاڭا داۋىردەگى ۇيىمداستىرۋ قىزمەتىن ويداعىداي ىستەۋگە ءتۇبىرلى بويسۇنۋ ولشەمىن ازىرلەدى. باس شۋجي اۆتونوميالى رايوننىڭ جانە بيڭتۋاننىڭ قىزمەت مالىمەتىن تىڭداعاندا، شينجياڭ كادرلارى قوسىنىنىڭ ساياسي قۇرىلىسىن كۇشەيتۋ، تاربيەلەۋ - باۋلۋ، قابىلەتىن جوعارىلاتۋ، قۇرىلىمىن ساپالىلاندىرۋ، سونداي - اق نەگىزگى ساتىنىڭ نەگىزىن بەكەمدەۋ سياقتى قىزمەتتەر جونىندە تاعى ايقىن تالاپ قويىپ، ءبىزدىڭ العا باسۋ بەتالىسىمىزدى اناعۇرلىم ايقىن كورسەتتى. ءبىز ”ەكىنى تۇراقتاندىرۋدىڭ“ شەشۋشى ءمانىن جەتە ءتۇسىنىپ، ”ءتورت تانىمدى“ كۇشەيتىپ، ”ءتورت سەنىمدى“ بەكەمدەپ، ”ەكىنى قورعاۋدى“ ورىنداپ، يدەيا مەن ارەكەتتى باس شۋجيدىڭ، پارتيا ورتالىق كوميتەتىنىڭ شەشىمدەرىمەن، ورنالاستىرۋلارىمەن شىن مانىندە بىرلىككە كەلتىرىپ، ساياسي جاۋاپكەرشىلىكتى باتىل ارقالاپ، ۇيىمداستىرۋ قىزمەتىنىڭ ورنىن ءدال تاۋىپ، پارتيانىڭ باسشىلىعىن كۇشەيتۋ، پارتيا ىستەرىن ىلگەرىلەتۋ، پارتيانى جاپپاي قاتاڭ باسقارۋ بارىسىندا فۋنكتسيالىق رولىمىزدى تولىق ساۋلەلەندىرىپ، جاڭا جورىقتا ۇيىمداستىرۋ قىزمەتىنىڭ جاڭا بەينەسىن، جاڭا جاۋاپكەرشىلىك ارقالاۋىن، جاڭا ىسكەرلىك كورسەتۋىن قۇلشىنا ايگىلەۋىمىز كەرەك.

ما شيڭرۇي تاياۋ جىلداردان بەرى تۇتاس رايوننىڭ ۇيىمداستىرۋ قىزمەتىندە جاڭا قادام باسقاندىعىن، جاڭا ونىمدىلىككە قول جەتكىزگەندىگىن تۇراقتاندىرۋمەن بىرگە، تۇتاس رايوننىڭ ۇيىمداستىرۋ قىزمەتىندە ءالى دە ورىن تەۋىپ وتىرعان ءىشىنارا ولقىلىقتار تولىقتاۋدى شۇعىل قاجەت ەتىپ وتىرعاندىعىن، اسىرەسە، وسىزامانداندىرۋ قۇرىلىسى قاجەتىمەن سالىستىرعاندا، كادرلار جۇيەسى، كادرلار قابىلەتى، ستيلى، نەگىزگى ساتىنىڭ ۇيىمدىق قۇرىلىسى سياقتىلاردا ءالى ۇيلەسپەيتىن جەرلەر بارلىعىن اتاپ كورسەتتى. ول بىلاي دەپ باسا دارىپتەدى: كادرلار قوسىنى قۇرىلىسىندا ورىن تەپكەن كورنەكتى ماسەلەلەرگە جۇرەكتىلىكپەن تۋرا قاراپ جانە ونى شەشىپ، جاڭا داۋىردەگى پارتيانىڭ شينجياڭدى باسقارۋ جالپى جوباسىن تولىق، دالمە - ءدال، جاپپاي دايەكتىلەندىرىپ، قىزمەت وي جەلىسىن ايقىنداپ، ءتۇيىندى مىندەتتەردى تىڭعىلىقتى يگەرىپ، جاڭا ءداۋىردىڭ جاڭا جورىعىندا شينجياڭنىڭ ۇيىمداستىرۋ قىزمەتىنىڭ جوعارى ساپالى دامۋىن ىلگەرىلەتىپ، كورىكتى شينجياڭدى اناعۇرلىم ويداعىداي قۇرۋعا پارمەندى كەپىلدىك ازىرلەۋ كەرەك. پارتيانىڭ ساياسي قۇرىلىسىن ءبىر تۇتاس باسشىلىققا الۋعا تاباندى بولىپ، ”ەكىنى تۇراقتاندىرۋدى“ مىزعىماي قولداۋ، ”ەكىنى قورعاۋدى“ باتىل ورىنداۋ كەرەك. تۋى ايقىن تۇردە ساياسيدى دارىپتەۋگە تاباندى بولىپ، ساياسي ءتارتىپ پەن ساياسي قاعيداعا قاتاڭ بويسۇنىپ، قالىڭ پارتيا مۇشەلەرى مەن كادرلاردىڭ ساياسي تۇجىرىمداۋ قابىلەتىن، ساياسي ءتۇسىنۋ قابىلەتىن، ساياسي اتقارۋ قابىلەتىن ۇزدىكسىز جوعارىلاتۋىن ىلگەرىلەتىپ، يدەيادا، ساياسيدا، ارەكەتتە شي جينپيڭ جولداستى ۇيتقى ەتكەن پارتيا ورتالىق كوميتەتىمەن باستان - اياق وسكەلەڭ ءبىر اۋىزدىلىقتى ساقتاۋ كەرەك. نازاريالىق جاقتان تاربيەلەۋ، باۋلۋ مەحانيزمىن كەمەلدەندىرىپ، شي جينپيڭ جاڭا ءداۋىر جۇڭگوشا سوتسياليزم يدەياسىمەن زەيىن - زەردەنى ۇيىستىرىپ، رۋحتى سومداۋعا تاباندى بولۋ كەرەك. 2 - توپتاعى نەگىزگى تاقىرىپتىق تاربيەنى جوعارى ساپالى ىلگەرىلەتىپ، ۇيرەنۋدى ۇدايىلاندىرۋ مەحانيزمىن كەمەلدەندىرىپ، پارتيانىڭ جاسامپاز نازارياسىن تەرەڭدەتۋ، كوكەيگە ۇيالاتۋ، كادەگە جاراتۋ قىزمەتىن ۇزدىكسىز ويداعىداي ىستەپ، جاڭا داۋىردەگى پارتيانىڭ شينجياڭدى باسقارۋ جالپى جوباسىن اناعۇرلىم ىشكەرىلەي ۇيرەنىپ، ءتۇسىنىپ، دالمە - ءدال ۇعىنىپ، يگەرىپ، شينجياڭ قىزمەتىنىڭ دۇرىس ساياسي بەتالىسىن شىن مانىندە ءدال يگەرۋ كەرەك. جۇڭگو ۇلگىسىندەگى وسىزامانداندىرۋ قۇرىلىسى قاجەتىنە ۇيلەسىپ، ادال، كىرشىكسىز، جاۋاپكەرشىلىك ارقالايتىن جوعارى ساپالى ءار ۇلت كادرلارى قوسىنىن تۇلعالاۋ كەرەك. ايقىن ادام ىستەتۋ باعدارىن ورناتىپ، ساياسيدا ىسىلعان، كاسىپتە توسەلگەن، جۇرەكتىلىكپەن جاۋاپكەرشىلىك ارقالايتىن، باتىلدىقپەن كۇرەس جاسايتىن، ستيلى تاماشا، پاك، كىرشىكسىز كادرلاردى بار كۇشپەن تاڭداپ ءوسىرىپ، ءار دارەجەلى باسشىلىق القالارىنا، اسىرەسە، ايماقتىق، اۋداندىق، اۋىلدىق پارتكوم مەن ۇكىمەتتىڭ ”ءبىرىنشى باسشىلارىنا“ ۇزدىكتەردى تاڭداپ، مىقتىلاردى تاعايىنداپ، بۇكىل ەلدەن ۇزدىك كادرلاردى تاڭداپ اۋىستىرىپ اكەلۋگە نازار سالىپ، كادرلاردىڭ قابىلەت - ساپاسىن كۇش سالا جوعارىلاتىپ، قاتاڭ باسقارىپ - باقىلاپ، جاۋاپكەرشىلىك ارقالاۋعا، ىسكەرلىك كورسەتۋگە شابىتتاندىرىپ، شينجياڭداعى ءار دارەجەلى باسشىلىق القالارى مەن كادرلار قوسىنى قۇرىلىسى ساپاسىن جاپپاي جوعارىلاتۋ كەرەك. دارىندىلاردا قۋاتتى رايون ستراتەگياسىن ىشكەرىلەي اتقارىپ، وسىزامانداندىرۋ قۇرىلىسىنداعى دارىندىلار تىرەگىن كۇشەيتۋ كەرەك. دارىندىلاردى باۋلۋ، توپتاۋ تەبىنىن ارتتىرىپ، دارىندىلاردى باۋلۋ ساياساتى مەن مەحانيزمىن اقاۋسىزداندىرىپ، كەمەلدەندىرىپ، 10 ميلليارد يۋاندىق دارىندىلاردى دامىتۋ قورىنان ويداعىداي پايدالانىپ، كەلەلى ستراتەگيالاردى، ءتۇيىندى نىسانداردى، ەرەكشە كاسىپ سالاسىن ارقاۋ ەتە وتىرىپ، ستراتەگيالىق دارىندىلاردى جەدەل باۋلىپ، ەنگىزىپ، دارىندىلاردى دامىتۋ ستراتەگيالىق ورنالاسىمىن ۇزدىكسىز ساپالىلاندىرىپ، كادر - دارىندىلار جاعىنان شينجياڭعا كومەكتەسۋدى جاڭالىق اشا ىلگەرىلەتىپ، دارىندىلار ءتۇزىلىس - مەحانيزمى رەفورماسىن تەرەڭدەتىپ، قىرۋار ءمورالدى دا قابىلەتتى جوعارى ساپالى ءار ۇلت دارىندىلارىن باۋلۋ، جەتىلدىرۋ كەرەك. نەگىزگى ساتى نەگىزىن كۇش سالا بەكەمدەپ، نەگىزگى ساتى پارتيا ۇيىمدارىنىڭ ساياسي يقۋاتى مەن ۇيىمدىق يقۋاتىن كۇشەيتۋ كەرەك. پارتيا قۇرىلىسى ارقىلى جەتەكشىلىك ەتۋگە تاباندى بولىپ، نەگىزگى ساتى ۇيىمدىق قۇرىلىسىن جاپپاي كۇشەيتىپ، ءالسىز، بىتىراڭقى نەگىزگى ساتى پارتيا ۇيىمدارىن ءبىر - بىرلەپ تەكسەرۋدى، رەتتەۋدى، دەڭگەيىن جوعارىلاتۋدى ۇدايىلاندىرىپ، قىزمەت كۇشىنىڭ نەگىزگى ساتىعا تىكە بارۋىن ىلگەرىلەتىپ، ءتۇيىندى اۋىل - قىستاقتارعا ءبىرىنشى شۋجيدى جانە قىزمەت اترەتىن تاڭداپ جىبەرۋ ءتۇزىمىن ساپالىلاندىرىپ، نەگىزگى ساتى كادرلارىنىڭ تۇتاس تۇلعالىق مىندەت وتەۋ قابىلەتىن ۇزدىكسىز جوعارىلاتىپ، پارتيا ساياساتىن نەگىزگى ساتىدا ءونىمدى دايەكتىلەندىرۋگە، تياناقتاندىرۋعا شىنايى كەپىلدىك ەتۋ كەرەك. پارتيا مۇشەلەرى قوسىنى قۇرىلىسىن جاپپاي كۇشەيتىپ، پارتيا مۇشەلەرىنىڭ اۆانگارد، ۇلگىلىك رولىن تولىق ساۋلەلەندىرۋ كەرەك. پارتيا مۇشەلەرىن باسقارۋ جۇيەسىن اقاۋسىزداندىرىپ، پارتيا مۇشەلەرى قوسىنى قۇرىلىمىن ساپالىلاندىرىپ، پارتياعا مۇشە قابىلداۋ ساپاسىن جوعارىلاتىپ، پارتيا مۇشەلەرىن كۇندەلىكتى تاربيەلەۋدى، باسقارۋدى قاتايتىپ، پارتيا مۇشەلەرىنىڭ رولىن ساۋلەلەندىرەتىن ءونىمدى تۇعىر ورناتىپ، قالىڭ پارتيا مۇشەلەرىن شينجياڭنىڭ رەفورما، دامۋ، ورنىقتىلىق شەپتەرىندە ەرلىكپەن العا ۇمتىلۋعا جەتەكتەۋ كەرەك.

ما شيڭرۇي بىلاي دەپ باسا دارىپتەدى: ۇيىمداستىرۋ تاراۋلارى پارتيانى باسقارۋ، پارتيانى جونگە سالۋداعى ماڭىزدى فۋنكتسيالىق تاراۋ رەتىندە، ەڭ جوعارى ولشەم، ەڭ قاتاڭ تالاپ ارقىلى ءوز قۇرىلىسىن ويداعىداي يگەرىپ، پارتياعا ادال بولۋدىڭ، ءادىل دە تۋراشىل بولۋدىڭ، شىندىققا ۇمتىلىپ، جاڭالىق اشۋدىڭ، قابىلەتى مىقتى بولۋدىڭ، پاك، كىرشىكسىز بولۋدىڭ ۇلگىسى بولۋعا قۇلشىنۋى كەرەك. ءار دارەجەلى پارتكوم ۇيىمداستىرۋ ءبولىمى باستىقتارى ساياسي جاۋاپكەرشىلىكتى مىقتاپ ارقالاپ، پارتكومنىڭ كادرلار قوسىنى قۇرىلىسىن ويداعىداي يگەرۋىنە سايكەسۋى كەرەك. ءار دارەجەلى پارتكومدار (پارتيا باسشىلىق گرۋپپاسى) باسشىلىقتى كۇشەيتىپ، ءبىر تۇتاس جوسپارلاپ - جوبالاپ، ۇيىمداستىرۋ قىزمەتىنىڭ جوعارى ساپالى دامۋىنا تاماشا شارت - جاعداي ازىرلەۋى كەرەك.

اۆتونوميالى رايوندىق پارتكومنىڭ تۇراقتى مۇشەسى، ۇيىمداستىرۋ ءبولىمىنىڭ باستىعى جاڭ جۋ ءماجىلىستى باسقاردى ءارى قورىتىندى ءسوز سويلەپ، بىلاي دەپ اتاپ كورسەتتى: باس شۋجي شي جينپيڭنىڭ پارتيا قۇرىلىسى جونىندەگى ماڭىزدى يدەياسىن ىشكەرىلەي ۇيرەنىپ، ءتۇسىنىپ، جاڭا داۋىردەگى پارتيانىڭ شينجياڭدى باسقارۋ جالپى جوباسىن تولىق، دالمە - ءدال، جاپپاي دايەكتىلەندىرۋدى ارقاۋ ەتىپ، اۆتونوميالى رايوندىق پارتكومنىڭ ورنالاستىرۋلارى بويىنشا ۇيىمداستىرۋ قىزمەتىنىڭ ورنىن دالمە - ءدال يگەرىپ، بەلسەندى، ىرىقتى تۇردە جاۋاپكەرشىلىك ارقالاپ، ىسكەرلىك كورسەتىپ، تۇتقانى اناعۇرلىم ءدال تاۋىپ، تەتىكتى اناعۇرلىم مىقتى يگەرىپ، اناعۇرلىم جۇيەلى ىلگەرىلەتىپ، جاڭا داۋىردەگى پارتيانىڭ جاسامپاز نازارياسىمەن زەيىن - زەردەنى ۇيستىرىپ رۋحتى سومداۋعا بۇلجىماي تاباندى بولىپ، كادرلار قىزمەتى جۇيەسىن، دارىندىلاردى دامىتۋ جۇيەسىن، ۇيىمدىق جۇيەنى جانە پارتيا مۇشەلەرىن باسقارۋ جۇيەسىن ۇزدىكسىز اقاۋسىزداندىرىپ، ۇيىمداستىرۋ تاراۋلارىنىڭ ءوز قۇرىلىسىن كۇشەيتىپ، جاپپاي سوتسياليستىك وسىزاماندانعان مەملەكەت قۇرۋدىڭ شينجياڭ تاراۋىن قۇلشىنا جازۋعا پارمەندى ۇيىمدىق كەپىلدىك ازىرلەۋ كەرەك.

تيان شياڭلي، ۋاڭ جيانشين، ەلزات احمەتجان، اۆتونوميالى رايوندىق پارتكوم پارتيا قۇرىلىسى باسشىلىق گرۋپپاسىنىڭ ورىنباسار باستىقتارى، مۇشەلەرى جانە بيڭتۋاننىڭ قاتىستى باسشىلارى، اۆتونوميالى رايونعا (ورتالىققا) توتە قاراستى ورىندارداعى نەگىزگى جاۋاپتى جولداستار، ايماقتىق، وبلىستىق، قالالىق پارتكوم ۇيىمداستىرۋ ءبولىمىنىڭ باستىقتارى، اۆتونوميالى رايوندىق پارتكوم ۇيىمداستىرۋ ءبولىمى القاسىنىڭ مۇشەلەرى قاتارلىلار نەگىزگى ءماجىلىس الاڭىندا ماجىلىسكە قاتىناستى. ءماجىلىس تەلەۆيزور - تەلەفون فورماسىندا اشىلدى، ايماق، وبلىس، قالالاردا، اۋدان، قالا، رايونداردا، بيڭتۋاننىڭ ورگاندارىندا جانە شى - قالالارىندا، تۋان - الاڭدارىندا بولىمشە ءماجىلىس الاڭى ورنالاستىرىلدى.