تيانجين قالاسىنىڭ پارتيا، ۇكىمەت ۋاكىلدەر ۇيىرمەسى شينجياڭعا كەلىپ تەكسەرۋدە بولىپ، باعىتتامالى كومەكتەسۋ قىزمەتىن ءتۇيىلىستىردى

　　ما شيڭرۇي، جاڭ گۇڭ، ەركىن تۇنياز، لي يفي قيمىلعا قاتىناستى

　　9 - ايدىڭ 12 - كۇنىنەن 13 - كۇنىنە دەيىن تيانجين قالاسىنىڭ پارتيا، ۇكىمەت ۋاكىلدەر ۇيىرمەسى شينجياڭعا كەلىپ تەكسەرۋدە بولىپ، باعىتتامالى كومەكتەسۋ قىزمەتىن ءتۇيىلىستىردى. سۋرەتتە: 9 - ايدىڭ 13 - كۇنى اۆتونوميالى رايون ۋاكىلدەر ۇيىرمەسىندەگىلەرمەن قىزمەتتىك كەڭەس وتكىزۋدە.

　　 □سۋرەتتى انار بۇلت \ شينجياڭ گازەتىنىڭ ءتىلشىسى سۇي جىجيان تۇسىرگەن

انار بۇلت \ شينجياڭ گازەتىنىڭ تىلشىلەرى ۋاڭ شيڭرۇي، لي ياڭ، ليۋ شياڭ 9 - ايدىڭ 13 - كۇنى ۇرىمجىدەن حابارلايدى. تيانجين قالاسىنىڭ پارتيا، ۇكىمەت ۋاكىلدەر ۇيىرمەسى 9 - ايدىڭ 12 - كۇنىنەن 13 - كۇنىنە دەيىن شينجياڭعا كەلىپ تەكسەرۋدە بولىپ، باعىتتامالى كومەكتەسۋ قىزمەتىن ءتۇيىلىستىرىپ، ەكى جەردىڭ اۋىس - كۇيىسىن، سەلبەستىگىن تەرەڭدەتۋدى ىلگەرىلەتتى. 9 - ايدىڭ 13 - كۇنى تۇستەن بۇرىن اۆتونوميالى رايون ۋاكىلدەر ۇيىرمەسىندەگىلەرمەن ۇرىمجىدە قىزمەتتىك كەڭەس وتكىزىپ، باس شۋجي شي جينپيڭنىڭ اۆتونوميالى رايوننىڭ جانە بيڭتۋاننىڭ قىزمەت مالىمەتىن تىڭداعاندا سويلەگەن ماڭىزدى ءسوزىنىڭ رۋحىن ۇيرەنۋدى، دايەكتىلەندىرۋدى قۋاتتى قوزعاۋشى كۇش ەتىپ، پارتيا ورتالىق كوميتەتىنىڭ شينجياڭعا باعىتتامالى كومەكتەسۋ شەشىمدەرىنىڭ، ورنالاستىرۋلارىنىڭ تياناقتانۋىن، ناقتىلانۋىن اناعۇرلىم ىلگەرىلەتىپ، ەكى جەردىڭ سەلبەسە دامۋىنىڭ جاڭا جاعدايىن اشتى. اۆتونوميالى رايوندىق پارتكومنىڭ شۋجيى، شينجياڭ ءوندىرىس - قۇرىلىس بيڭتۋانى پارتكومىنىڭ ءبىرىنشى شۋجيى، ءبىرىنشى جىڭۋي ما شيڭرۇي، تيانجين قالالىق پارتكومنىڭ ورىنباسار شۋجيى، قالا باستىعى جاڭ گۇڭ، اۆتونوميالى رايوندىق پارتكومنىڭ ورىنباسار شۋجيى، اۆتونوميالى رايوننىڭ ءتوراعاسى ەركىن تۇنياز، اۆتونوميالى رايوندىق پارتكومنىڭ ورىنباسار شۋجيى، بيڭتۋاننىڭ جىڭۋيى لي يفي كەڭەسكە نەمەسە قاتىستى قيمىلدارعا قاتىناستى.

ما شيڭرۇي كەڭەستە بىلاي دەدى: كەزەكتە شينجياڭداعى ءار ۇلت كادرلارى مەن بۇقاراسى نەگىزگى تاقىرىپتىق تاربيە ورىستەتۋمەن ۇشتاستىرىپ، باس شۋجي شي جينپيڭنىڭ اۆتونوميالى رايوننىڭ جانە بيڭتۋاننىڭ قىزمەت مالىمەتىن تىڭداعاندا سويلەگەن ماڭىزدى ءسوزىنىڭ رۋحىن ىشكەرىلەي ۇيرەنىپ، ۇگىتتەپ، دايەكتىلەندىرىپ، جاڭا داۋىردەگى پارتيانىڭ شينجياڭدى باسقارۋ جالپى جوباسىن تولىق، دالمە - ءدال، جاپپاي دايەكتىلەندىرىپ، ءبىر نيەتپەن ىنتىماقتاسىپ، كورىكتى شينجياڭ قۇرىلىسىن ىلگەرىلەتۋدە. تيانجين قالاسىنىڭ پارتيا، ۇكىمەت ۋاكىلدەر ۇيىرمەسىنىڭ شينجياڭعا كەلىپ تەكسەرۋدە بولىپ، ءتۇيىلىستىرۋى تيانجيننىڭ پارتيا ورتالىق كوميتەتىنىڭ شەشىمدەرىن، ورنالاستىرۋلارىن باتىل دايەكتىلەندىرۋدەگى كۇشتى جاۋاپكەرشىلىك ارقالاۋىن ايگىلەدى. تيانجين شينجياڭعا باعىتتامالى كومەكتەسۋدى باستان - اياق ماڭىزدى ساياسي مىندەت ەتىپ، كاسىپ سالاسى، وقۋ - اعارتۋ، ەمدەۋ، دارىندىلار سياقتى جان - جاقتى كومەكتەسۋدىڭ سۇبەلى تابىستارعا قول جەتكىزۋىن ىلگەرىلەتتى، مەن اۆتونوميالى رايوندىق پارتكوم، ۇكىمەت، بيڭتۋان جانە بۇكىل شينجياڭداعى ءار ۇلت حالقى اتىنان شىن جۇرەكتەن العىس ايتامىن. تيانجين مەن شينجياڭ مەملەكەت قىزمەتىنىڭ جالپى جاعدايىندا كەلەلى ستراتەگيالىق بورىش ارقالاپ وتىر. باس شۋجيدىڭ، پارتيا ورتالىق كوميتەتىنىڭ پارمەندى باسشىلىعىندا، تيانجين سوتسياليستىك وسىزاماندانعان ءىرى قالا قۇرۋدا، شينجياڭ جىبەك جولى ەكونوميكالىق بەلدەۋىنىڭ وزەكتى رايونىن قۇرۋدا ۇزدىكسىز نىق قادام تاستاپ، جاڭا سەلبەستىك ورايىنا ءدوپ كەلدى. ەكى جاقتىڭ شينجياڭعا باعىتتامالى كومەكتەسۋدى ونان ارى تەرەڭدەتىپ، بايلىق، وڭىرلىك ورىن باسىمدىقتارى ارقىلى ءبىرىن - ءبىرى تولىقتاۋدى كۇشەيتىپ، ەرەكشە كاسىپ سالاسى، عىلىم - تەحنيكادا جاڭالىق اشۋ سياقتى سالالارداعى تەرەڭ سەلبەستىكتى كەڭەيتىپ، اشىق تۇعىردى بىرگە قۇرۋدى، بىرگە يگىلىكتەنۋدى جەبەپ، وڭىرلىك سەلبەستىكتى تەرەڭدەتۋ بارىسىندا جوعارى ساپالى دامۋدى قول ۇستاسا ىلگەرىلەتۋىن ءۇمىت ەتەمىن. شينجياڭ نەگىزگى تۇلعالىق رولىن شىنايى ساۋلەلەندىرىپ، شينجياڭعا كومەكتەسۋ باسىمدىعىنان ويداعىداي پايدالانىپ، بايلانىس جاساۋدى، ءتۇيىلىسۋدى كۇشەيتىپ، ەكى جاقتىڭ سەلبەستىك ىستەرىنىڭ تياناقتانۋىن، ناقتىلانۋىن قامتاماسىزداندىرۋدى بار كۇشپەن قولدايدى.

جاڭ گۇڭ بىلاي دەدى: شينجياڭ قىزمەتى پارتيا مەن مەملەكەت قىزمەتى جالپى جاعدايىندا توتەنشە ماڭىزدى ستراتەگيالىق ورىنعا يە. سوڭعى جىلدارى اۆتونوميالى رايوندىق پارتكوم، ۇكىمەت جانە بيڭتۋان باس شۋجي شي جينپيڭنىڭ شينجياڭ قىزمەتى جونىندەگى جەلىلەس ماڭىزدى سوزدەرىنىڭ، ماڭىزدى نۇسقاۋلارىنىڭ، بەكىتۋلەرىنىڭ رۋحىن جاپپاي دايەكتىلەندىرىپ، شينجياڭدى زاڭمەن باسقارۋعا، شينجياڭدى ىنتىماقتاسا ورنىقتىرۋعا، شينجياڭدى مادەنيەتپەن نارلەندىرۋگە، حالىقتى بايىتىپ شينجياڭدى گۇلدەندىرۋگە، شينجياڭدى باياندى كوركەيتۋگە تاباندى بولىپ، ءتۇرلى ىستەردە ادامدى سۇيىندىرەتىن تابىستارعا قول جەتكىزدى، بۇل ءبىزدىڭ ۇيرەنۋىمىزگە، ۇلگى الۋىمىزعا تاتيدى. كەزەكتە تيانجين باس شۋجي شي جينپيڭنىڭ تيانجين قىزمەتى جونىندەگى ”ۇشتە كۇش سالۋ“ ماڭىزدى تالابى مەن بەيجيڭ − تيانجين − حىبەيدىڭ سايكەستى دامۋىن ىشكەرىلەي ىلگەرىلەتۋ اڭگىمە ماجىلىسىندە سويلەگەن ماڭىزدى ءسوزىنىڭ رۋحىن ىشكەرىلەي تياناقتاندىرىپ، بەيجيڭ − تيانجين − حىبەيدىڭ سايكەستى دامۋىنىڭ تەرەڭدەۋى، ناقتىلانۋى سياقتى ”10 ءتۇرلى ارەكەتتى“ تىڭعىلىقتى ىلگەرىلەتىپ، بۇكىل قالانىڭ ەكونوميكالىق، قوعامدىق دامۋىندا ورنىقتىلىق بارىسىندا جاقسارۋداي تاماشا جاعداي جارىققا شىقتى. شينجياڭعا باعىتتامالى كومەكتەسۋ − پارتيا ورتالىق كوميتەتىنىڭ كەلەلى ستراتەگيالىق ورنالاستىرۋى، تيانجيننىڭ باس تارتۋعا كەلمەيتىن جاۋاپكەرشىلىگى جانە بورىشى. ءبىز باس شۋجي شي جينپيڭنىڭ شينجياڭعا باعىتتامالى كومەكتەسۋ قىزمەتى جونىندەگى ماڭىزدى ءسوزىنىڭ رۋحىن ىشكەرىلەي ۇيرەنىپ، دايەكتىلەندىرىپ، جاڭا داۋىردەگى پارتيانىڭ شينجياڭدى باسقارۋ جالپى جوباسىن تولىق، دالمە - ءدال، جاپپاي دايەكتىلەندىرىپ، ساياسي جاۋاپكەرشىلىكتى باتىل ارقالاپ، نازاردى حوتان ايماعى مەن بيڭتۋان 11 - شىسىنىڭ قاجەتىنە شوعىرلاندىرىپ، كاسىپ سالاسى سەلبەستىگىن كۇشەيتىپ، اقىل - پاراسات سەلبەستىگىن تەرەڭدەتىپ، حالىقتىڭ قۇت - ىرىسىن ارتتىرىپ، قىزمەت ورنىن ورنىقتىرىپ جۇمىستاندىرۋدى جەبەپ، مادەنيەت اۋىس - كۇيىسىن كۇشەيتىپ، شينجياڭنىڭ باياندى تىنىشتىعى مەن جوعارى ساپالى دامۋىنا اناعۇرلىم ويداعىداي قىزمەت وتەۋىمىز كەرەك.

شينجياڭداعى كەزىندە ۋاكىلدەر ۇيىرمەسى كەريا اۋدانىنداعى قۇربان تۇلىم مادەنيەت - ساياحات كاسىپ سالاسى باقشاسىنا، جينكىن مال شارۋاشىلىعى عىلىم - تەحنيكا شەكتى سەرىكتەستىگىنە بارىپ، مادەنيەت - ساياحات كاسىپ سالاسىنىڭ دامۋى مەن مال شارۋاشىلىعى كاسىپ سالاسى تىزبەگى قۇرىلىسىنىڭ جاعدايىنا تەكسەرۋ - زەرتتەۋ جۇرگىزدى؛ حوتان كاسىپتىك - تەحنيكالىق شۋەيۋانىنا جانە شەريا اۋداندىق 1 - باستاۋىش مەكتەپكە بارىپ، وقۋ - اعارتۋ ارقىلى شينجياڭعا كومەكتەسۋ قىزمەتىنىڭ ونىمدىلىگىنە تەكسەرۋ - زەرتتەۋ جۇرگىزدى؛ حوتان ايماقتىق حالىق شيپاحاناسىنا جانە بيڭتۋان شيپاحاناسىنا بارىپ، ەمدەۋ دارىندىلارىنىڭ ”ۇيىرمە قۇراۋ فورماسى“ بويىنشا شينجياڭعا كومەكتەسۋ اياق الىسىن ۇعىستى؛ اۆتونوميالى رايوندىق مۇراجايدا شينجياڭنىڭ تاريحي مادەني ەسكەرتكىشتەر كورمەسىن ەكسكۋرسيالادى؛ بيڭتۋان 11 - شىسىنىڭ جيانزى توبىنا بارىپ، كاسىپ سالاسى سەلبەستىگىنە، تۇتىنۋ جاعىنان كومەكتەسۋ - سۇيەمەلدەۋ قىزمەتىنە تەكسەرۋ - زەرتتەۋ جۇرگىزدى. ۋاكىلدەر ۇيىرمەسى تاعى تيانجين قالاسىنىڭ شينجياڭعا كومەكتەسۋ قىزمەتى الدىڭعى جاق قولباسشىلىق شتابىنا بارىپ، شينجياڭعا كومەكتەسەتىن كادر - دارىندىلار ۋاكىلدەرىنىڭ اڭگىمە ءماجىلىسىن اشتى.

تيانجين قالاسىنىڭ باسشىلارىنان جاڭ ليڭ، اۆتونوميالى رايون مەن بيڭتۋاننىڭ باسشىلارىنان جاڭ جۋ، چىن ۋيجۇن، قايسار ابدۇكەرىم، جۋ شۋەبيڭ قاتىستى قيمىلدارعا قاتىناستى.