انار بۇلت \ شينجياڭ گازەتىنىڭ ءتىلشىسى شى شين 11 - ايدىڭ 18 - كۇنى ۇرىمجىدەن حابارلايدى. اۆتونوميالى رايوندىق مەملەكەت مەنشىگىندەگى مال - مۇلىكتى باقىلاۋ - باسقارۋ كوميتەتىنەن ۇعىسۋىمىزشا، 1 - ايدان 10 - ايعا دەيىن شينجياڭداعى مەملەكەت مەنشىگىندەگى كاسىپورىنداردىڭ تيجارات كىرىسى 478 ميلليارد 634 ميلليون يۋانعا جەتىپ، سايكەس مەزگىلدەگىدەن ％7. 1 ارتقان. مۇنىڭ ىشىندە ايماق، وبلىس، قالالارداعى مەملەكەت مەنشىگىندەگى كاسىپورىنداردىڭ بەينەسى كورنەكتى بولىپ، تيجارات كىرىسى 145 ميلليارد 434 ميلليون يۋانعا جەتىپ، سايكەس مەزگىلدەگىدەن ％8. 28 ارتقان؛ پايدا جالپى سوماسى 3 ميلليارد 906 ميلليون يۋان بولعان.

الدىڭعى 10 ايدا شينجياڭداعى مەملەكەت مەنشىگىندەگى كاسىپورىنداردىڭ ءوندىرىس جالپى ءونىم قۇنى 78 ميلليارد 342 ميلليون يۋانعا جەتىپ، الدىڭعى 3 ماۋسىمداعى سالىستىرمالى ولشەم بويىنشا ەسەپتەگەندە، اۆتونوميالى رايون GDPنىڭ شامامەن ％5ىن ۇستاعان. 3 كاسىپ بويىنشا قاراعاندا، 1 - كاسىپتىڭ ارتقان قۇنى 3 ميلليارد 415 ميلليون يۋان بولىپ، سايكەس مەزگىلدەگىدەن ％196 ارتقان؛ 2 - كاسىپتىڭ ارتقان قۇنى 31 ميلليارد 198 ميلليون يۋان بولىپ، سايكەس مەزگىلدەگىدەن ％17 تومەندەگەن؛ 3 - كاسىپتىڭ ارتقان قۇنى 43 ميلليارد 729 ميلليون يۋان بولىپ، سايكەس مەزگىلدەگىدەن ％37 ارتقان.

”شينجياڭداعى مەملەكەت مەنشىگىندەگى كاسىپورىنداردىڭ ەكونوميكالىق اينالىم جاعدايىنا تالداۋ جاساعاندا، اۋىل شارۋاشىلىق كاسىپورىندارى پايدا جالپى سوماسىنىڭ باستى كورسەتكىشتەرى مەجەدەگىدەن جاقسى ەكەندىگىن، جاقسارۋ بەتالىسى جارىققا شىققاندىعىن كورۋگە بولادى“، - دەدى اۆتونوميالى رايوندىق مەملەكەت مەنشىگىندەگى مال - مۇلىكتى باقىلاۋ - باسقارۋ كوميتەتى پارتكومىنىڭ ورىنباسار شۋجيى، مەڭگەرۋشى زوۋ ي - ۋي.

1 - ايدان 10 - ايعا دەيىن شينجياڭداعى مەملەكەت مەنشىگىندەگى اۋىل شارۋاشىلىق كاسىپورىندارىنىڭ جالپى تيجارات كىرىسى 21 ميلليارد 513 ميلليون يۋانعا جەتىپ، سايكەس مەزگىلدەگىدەن ％64 ارتقان؛ جالپى پايداسى ءبىر ميلليارد 145 ميلليون يۋان بولىپ، سايكەس مەزگىلدەگىمەن سالىستىرعاندا زياننان ارىلىپ، ارتقان پايداسى ءبىر ميلليارد 509 ميلليون يۋان بولعان. مۇنىڭ ىشىندە ءىرى، ورتاشا اۋىل شارۋاشىلىق كاسىپورىندارىنىڭ تيجارات كىرىسى ％60 ارتىپ، جالپى پايدا سوماسى 2 ميلليارد 140 ميلليون يۋان ارتقان.

بازار باعاسى فاكتورىنىڭ ىقپالىندا، الدىڭعى 10 ايدا شينجياڭداعى مەملەكەت مەنشىگىندەگى ونەركاسىپ كاسىپورىندارىنىڭ كىرىس ونىمدىلىگى سايكەس مەزگىلدەگىدەن تومەندەپ، پايداسى ازايعان.

الدىڭعى 10 ايدا شينجياڭداعى مەملەكەت مەنشىگىندەگى ساۋدا كاسىپورىندارىنىڭ پايداسى ءبىر ميلليارد 165 ميلليون يۋانعا جەتىپ، سايكەس مەزگىلدەگىدەن ％18 ارتقان، ساۋدا كاسىپورىندارىنىڭ جالپى پايدا مولشەرى ارتىپ، تيجارات ساپاسى مەن ونىمدىلىگى جوعارىلاعان.

بيىل جىل باسىنان بەرى شينجياڭنىڭ مەملەكەت مەنشىگىندەگى قۇرىلىس، قۇراستىرۋ كاسىپورىندارى قۇرىلىس مەرزىمىن مىقتى يگەردى، كاسىپ سالاسىنىڭ جالپى تۇلعالىق اينالىمى جاقسى بولدى، الايدا جىكتەلگەن سالالارداعى ونىمدىلىكتىڭ ءبولىنۋى ءبىرشاما زور بولدى. 1 - ايدان 10 - ايعا دەيىن تۇتاس كاسىپ سالاسىنىڭ جالپى تيجارات كىرىسى 46 ميلليارد 173 ميلليون يۋان بولىپ، سايكەس مەزگىلدەگىدەن ％19 ارتتى، جالپى پايداسى 2 ميلليارد 352 ميلليون يۋان بولىپ، سايكەس مەزگىلدەگىدەن ％22 ارتتى. قۇرىلىس جۇرگىزۋ سالاسى بويىنشا ءبولىپ قاراعاندا، تاس جول ينجەنەرياسى قۇرىلىس كاسىبىنىڭ ونىمدىلىگى ءبىرشاما جاقسى، ءۇي قۇرىلىسى كاسىبى قىسىمعا ۇشىراپ، ونىمدىلىك تومەندەگەن.

بيىل قىزمەت وتەۋ كاسىبى جالپى جاقتان جاندانىپ، باسىم كوپ ساندى كاسىپتەردىڭ كىرىسى ارتىپ، ونىمدىلىگى جوعارىلاپ، ورنىقتى ارتۋ نەگىزى اناعۇرلىم بەكەمدەلدى. بىلتىرگى ۇقساس مەزگىلدەگى ىندەتتەگى جيناقتىق ساننىڭ تومەن بولۋىنىڭ، وعان قوسا قىزمەت وتەۋ كاسىبى كىرىس كولەمىنىڭ كەڭ، يەلەيتىن سالىستىرماسىنىڭ جوعارى بولۋىنىڭ ىقپالىندا، 1 - ايدان 10 - ايعا دەيىن شينجياڭداعى مەملەكەت مەنشىگىندەگى قىزمەت وتەۋ كاسىپورىندارىنىڭ تيجارات كىرىسى سايكەس مەزگىلدەگىدەن ％1 ارتىپ، پايدا جالپى سوماسى ％110 ارتتى. مۇنىڭ ىشىندە فينانستىق قىزمەت وتەۋ كاسىبى، قارجى قوسۋ جانە مال - مۇلىك باسقارۋ كاسىبى، قاتىناس - تاسىمال كاسىبى، عىلمي زەرتتەۋ جانە تەحنيكالىق قىزمەت وتەۋ كاسىبى سياقتى كاسىپتەردە كىرىس ارتىپ، ونىمدىلىك جوعارىلادى.

1 - ايدان 10 - ايعا دەيىن شينجياڭداعى رايونعا قاراستى ناقتى تۇلعالى كاسىپورىنداردىڭ تيجارات كىرىسى ءۇرتىس 6 اي وڭ ارتۋدى ساقتاپ، ارتۋ قارقىنى بىركەلكى، ورنىقتى بولدى. عىلىم - تەحنيكادا جاڭالىق اشۋ، دامۋ جاقسى بولىپ، زەرتتەۋ - اشۋعا ۇسىنىلىم تەبىنى ارتتى. نىساندارعا قارجى قوسۋدىڭ ورىندالۋ مولشەرى جوعارىلاپ، ”8 ءىرى كاسىپ سالاسى شوعىرىنىڭ“ قارجى قوسۋ قارقىنى تەزدەدى.