ايماقتىق، اۋداندىق پارتكوم، ۇكىمەت ءبىرىنشى باسشىلارىنىڭ ”ورتالىقتىڭ فينانس قىزمەتى ءماجىلىسىنىڭ رۋحىن ۇيرەنىپ، دايەكتىلەندىرىپ، فينانستىق قىزمەت وتەۋدىڭ جوعارى ساپالى دامۋىن ىلگەرىلەتۋ“ ارناۋلى تاقىرىپتىق كۋرسى وتكىزىلدى

　　ما شيڭرۇي، لي يفي، جاڭ چۇنلين، حى جۇڭيوۋ قاتىناستى

انار بۇلت \ شينجياڭ گازەتىنىڭ ءتىلشىسى ۋاڭ شيڭرۇي 11 - ايدىڭ 18 - كۇنى ۇرىمجىدەن حابارلايدى. باس شۋجي شي جينپيڭنىڭ ورتالىقتىڭ فينانس قىزمەتى ماجىلىسىندە سويلەگەن ماڭىزدى ءسوزىنىڭ رۋحىن ىشكەرىلەي دايەكتىلەندىرىپ، تياناقتاندىرىپ، شينجياڭنىڭ فينانس قىزمەتىنىڭ جوعارى ساپالى دامۋىن ىلگەرىلەتۋ ءۇشىن، اۆتونوميالى رايوندىق پارتكومنىڭ ءبىر تۇتاس ورنالاستىرۋىنا ساي، 11 - ايدىڭ 18 - كۇنى بۇكىل رايونداعى ايماقتىق، اۋداندىق پارتكوم، ۇكىمەت ءبىرىنشى باسشىلارىنىڭ ”ورتالىقتىڭ فينانس قىزمەتى ءماجىلىسىنىڭ رۋحىن ۇيرەنىپ، دايەكتىلەندىرىپ، فينانستىق قىزمەت وتەۋدىڭ جوعارى ساپالى دامۋىن ىلگەرىلەتۋ“ ارناۋلى تاقىرىپتىق كۋرسى وتكىزىلدى، ورتالىق كوميتەت پارتيا مەكتەبى (مەملەكەتتىك اكىمشىلىك شۋەيۋانى) ەكونوميكا عىلىمىن وقىتۋ - زەرتتەۋ ءبولىمى قالا، اۋىل ەكونوميكاسى وقىتۋ - زەرتتەۋ كەڭسەسىنىڭ مەڭگەرۋشىسى دۇڭ يانليڭ، ۇكىمەت ەكونوميكا باسقارۋ وقىتۋ - زەرتتەۋ كەڭسەسىنىڭ مەڭگەرۋشىسى شى حۇڭشيۋ، جۇڭگو حالىق بانكەسى فينانستى ورنىقتىرۋ مەكەمەسىنىڭ باستىعى سۇن تيانچي ساباق وتۋگە ۇسىنىس ەتىلىپ، بۇكىل رايونداعى ايماقتىق، اۋداندىق پارتكومدارداعى، ۇكىمەتتەردەگى باسشى جولداستاردىڭ ءماجىلىس رۋحىن اناعۇرلىم تەرەڭ ءتۇسىنۋى، يگەرۋى جەبەلىپ، فينانس قىزمەتىن ويداعىداي ىستەۋ قابىلەتى جوعارىلاتىلىپ، ەكونوميكانىڭ، قوعامنىڭ جوعارى ساپالى دامۋى اناعۇرلىم ويداعىداي ىلگەرىلەتىلدى.

اۆتونوميالى رايوندىق پارتكومنىڭ شۋجيى ما شيڭرۇي، اۆتونوميالى رايوندىق پارتكومنىڭ ورىنباسار شۋجيى، بيڭتۋاننىڭ جىڭۋيى لي يفي، اۆتونوميالى رايوندىق پارتكومنىڭ ورىنباسار شۋجيلەرى جاڭ چۇنلين، حى جۇڭيوۋ كۋرسقا قاتىناستى.

تاربيەلەۋ بارىسىندا دۇڭ يانليڭ فينانستىڭ ماڭىزدىلىعى جانە فينانستىڭ جوعارى ساپالى دامۋى ءدوپ كەلگەن جاعداي، كەزەكتەگى جانە بۇدان بىلايعى ءبىر مەزگىلدەگى فينانس قىزمەتى جونىندەگى ورنالاستىرۋ، فينانس قىزمەتى جونىندەگى ورنالاستىرۋدىڭ تۇزىمدىك قامتاماسىزدىعى جانە دايەكتىلەنۋى، تياناقتانۋى سياقتى جاقتاردان ورتالىقتىڭ فينانس قىزمەتى ءماجىلىسىنىڭ رۋحى، اسىرەسە، باس شۋجي شي جينپيڭنىڭ ماڭىزدى ءسوزىنىڭ رۋحى جونىندە تۇسىنىك جاسادى. شى حۇڭشيۋ جەرگىلىكتى ۇكىمەتتەردىڭ قارجى قوسۋ، قارجى قۇراۋ ءتۇزىلىسى جانە قيىنشىلىق قىسپاعىندا قالۋ، ىزدەنىس جاساۋ جانە بولاشاق، قارجى قۇراۋ جانە قارجى قوسۋ رەفورماسى شارالارى سياقتى مازمۇندار جونىندە تۇسىنىك جاسادى. سۇن تيانچي بەينە ەكران ارقىلى ساباق ءوتىپ، فينانس حاۋىپ - قاتەرىنەن ساقتانۋ جانە ونى جويۋ قىزمەتىن ارقاۋ ەتىپ، جاعدايعا تالداۋ جاسادى ءارى ناقتى امالياتپەن ۇشتاستىرا وتىرىپ قىزمەت ۇسىنىسىن العا قويدى.

تاربيەلەۋ كۋرسىندا مىنالار اتاپ كورسەتىلدى: فينانس − حالىق شارۋاشىلىعىنىڭ جان تامىرى. باس شۋجي شي جينپيڭنىڭ ورتالىقتىڭ فينانس قىزمەتى ماجىلىسىندە سويلەگەن ماڭىزدى ءسوزىنىڭ رۋحىن ىشكەرىلەي دايەكتىلەندىرىپ، تياناقتاندىرىپ، فينانستىڭ جوعارى ساپالى دامۋى ءدوپ كەلگەن جاڭا جاعدايدى، جاڭا مىندەتتى عىلمي يگەرىپ، فينانس قىزمەتىن يگەرۋ قابىلەتى مەن دەڭگەيىن ۇزدىكسىز جوعارىلاتىپ، نىسانانى باعدار ەتۋگە جانە ماسەلەنى باعدار ەتۋگە تاباندى بولىپ، جاڭا داۋىردەگى پارتيانىڭ شينجياڭدى باسقارۋ جالپى جوباسىن تولىق، دالمە - ءدال، جاپپاي دايەكتىلەندىرىپ، شينجياڭ ەركىن ساۋدا سىناق رايونى قۇرىلىسىنىڭ ءتۇرلى مىندەتتەرىمەن تىعىز ۇشتاستىرىپ، شينجياڭنىڭ دامۋ ستراتەگيالىق ورنى مەن ”8 ءىرى كاسىپ سالاسى شوعىرى“ قۇرىلىسىن تىعىز ارقاۋ ەتىپ، وسى زامانعى فينانس ۇيىمى جۇيەسى مەن بازار جۇيەسى قۇرىلىسىن جەدەلدەتىپ، ساپالى فينانستىق قىزمەت وتەۋدى كۇشەيتىپ، فينانستىڭ جوعارى دەڭگەيدە ەسىك اشۋىن كەڭەيتىپ، ءتۇيىندى سالالارداعى فينانس حاۋىپ - قاتەرىنەن پارمەندى، ءتارتىپتى، ءونىمدى ساقتانىپ جانە ونى شەشىپ، فينانستىڭ جوعارى ساپالى دامۋى ارقىلى جۇڭگو ۇلگىسىندەگى وسىزامانداندىرۋدىڭ شينجياڭ امالياتىنا اناعۇرلىم ويداعىداي قىزمەت وتەۋ كەرەك.

چىن ۋيجۇن، ۋاڭ گاڭ جەكە - جەكە ءماجىلىستى باسقاردى. ءيۇسۇپجان مامەت، چىن ميڭگو، سۇن حۇڭمەي، ليۋ سۋشى، شۋە بين، قايسار ابدۇكەرىم، لي يۇڭحۇڭ، اۆتونوميالى رايون مەن بيڭتۋاننىڭ ەكونوميكا، فينانس قاتىستى تاراۋلارىنىڭ، ورىندارىنىڭ، قاراستى مەملەكەت مەنشىگىندەگى كاسىپورىنداردىڭ باسشىلىق القاسىنىڭ مۇشەلەرى، ءۇرىمجى قالاسىنداعى جانە قاراستى رايون، اۋداندارداعى قاتىستى جولداستار اۆتونوميالى رايوندىق پارتكوم پارتيا مەكتەبىنىڭ نەگىزگى ءماجىلىس الاڭىندا ماجىلىسكە قاتىناستى. ايماق، وبلىس، قالالاردىڭ، اۋدان، قالا، رايونداردىڭ جانە بيڭتۋاننىڭ شىلارىنىڭ، قالالارىنىڭ، تۋان - الاڭدارىنىڭ پارتكومدارىنىڭ، ۇكىمەتتەرىنىڭ ءبىرىنشى باسشىلارى، سونداي - اق كۇندەلىكتى قىزمەتكە، فينانس قىزمەتىنە جاۋاپتى جولداستار جەر - جەردەگى بولىمشە ءماجىلىس الاڭدارىندا قاتىناستى.