اۆتونوميالى رايون بيىل قىسقى، كەلەر جىلعى كوكتەمگى جىلۋمەن قامداۋعا كەپىلدىك ەتۋ قىزمەتى تەلەۆيزور - تەلەفون ءماجىلىسىن اشتى

　　ەنەرگيا حاۋىپسىزدىگىنە، ورنىقتى قامداۋعا، بۇقارانىڭ قىستان جىلى وتۋىنە شىنايى كەپىلدىك ەتۋ كەرەك

انار بۇلت \ شينجياڭ گازەتىنىڭ ءتىلشىسى ليۋ شياڭ 11 - ايدىڭ 17 - كۇنى ۇرىمجىدەن حابارلايدى. 11 - ايدىڭ 17 - كۇنى اۆتونوميالى رايون بيىل قىسقى، كەلەر جىلعى كوكتەمگى جىلۋمەن قامداۋعا كەپىلدىك ەتۋ قىزمەتى تەلەۆيزور - تەلەفون ءماجىلىسىن اشىپ، پارتيا ورتالىق كوميتەتى مەن مەملەكەتتىك كەڭەستىڭ شەشىمدەرىن، ورنالاستىرۋلارىن دايەكتىلەندىردى، تياناقتاندىردى، اۆتونوميالى رايوندىق پارتكومنىڭ قىزمەت تالابى بويىنشا، شينجياڭنىڭ جىلۋمەن قامداۋعا كەپىلدىك ەتۋ جاعدايىنا تالداۋ جاساپ، تۇجىرىم جاساپ، كەلەسى قادامداعى ءتۇيىندى قىزمەتتەردى ورنالاستىردى. اۆتونوميالى رايوندىق پارتكومنىڭ تۇراقتى مۇشەسى، اۆتونوميالى رايوننىڭ ۇنەمىلىك ىستەرگە جاۋاپتى ورىنباسار ءتوراعاسى چىن ۋيجۇن ماجىلىسكە قاتىناستى ءارى ءسوز سويلەدى.

ءماجىلىس مىنالاردى اتاپ كورسەتتى: جىلۋمەن قامداۋعا كەپىلدىك ەتۋ قىزمەتىن ويداعىداي ىستەۋدە شينجياڭنىڭ نەگىزى مىعىم، كوپتەگەن پايدالى شارت - جاعدايى بار. جەر - جەر، قاتىستى تاراۋلار ەنەرگيامەن قامداۋعا كەپىلدىك ەتۋ ساياسي جاۋاپكەرشىلىگىن مىقتاپ ارقالاپ، حالىق تۇرمىسىنا قىزمەت وتەۋدى، قامتاماسىز ەتۋدى ۇزدىكسىز كۇشەيتىپ، ماڭىزدى ءتۇيىندى، قيىن ءتۇيىندى كورنەكتىلەندىرىپ، اناعۇرلىم ناقتى شارا ارقىلى جىلۋمەن قامداۋعا كەپىلدىك ەتۋ قىزمەتتەرىن ويداعىداي ىستەۋ كەرەك.

ءماجىلىس مىنالاردى باسا دارىپتەدى: كومىر ءوندىرۋ، قامداۋ جۇمىسىن ويداعىداي يگەرىپ، كومىر ءوندىرىس قۋاتىنىڭ ارتۋىن، ءونىم مولشەرىنىڭ تۇراقتانۋىن، قورىنىڭ مولايۋىن ىلگەرىلەتىپ، اينالىم قۋاتىن ءبىر تۇتاس جوسپارلاۋدى كۇشەيتىپ، باقىلاۋ - باسقارۋدى سايكەستىرۋدى مىقتى يگەرىپ، شينجياڭنىڭ كومىرىنىڭ وزىق، ساپالى ءوندىرىس قۋاتىن تولىق جارىققا شىعارۋ كەرەك. ەلەكتر تورىنىڭ حاۋىپسىز، ورنىقتى اينالىمى جانە ەلەكتر قۋاتىنىڭ سەنىمدى قامداۋىن ارقاۋ ەتىپ، ەلەكتر تاراتۋ قابىلەتى، ەلەكتر تورىنىڭ ەلەكترمەن قامداۋى، جۇمىس كوتەرىمدىلىگىن باسقارۋ سياقتى جاقتارداعى قامتاماسىزدىق تەبىنىن كۇشەيتىپ، ەلەكتر قۋاتى جاعىنداعى قامداۋ مەن قاجەتتىڭ تەپە - تەڭدىگىنە شىنايى كەپىلدىك ەتۋ كەرەك. مۇناي - تابيعي گاز قورىنىڭ ارتۋىن، ءوندىرىس قۋاتىنا جەتۋىن، قامداۋدىڭ تۇراقتى بولۋىن ىلگەرىلەتىپ، مۇناي - تابيعي گاز بارلاۋ، اشۋ تەبىنىن كۇشەيتىپ، مۇناي - تابيعي گاز قور قۇرىلىسىنىڭ كۇشەمەلىلىگىن ارتتىرىپ، تۇتاس شينجياڭنىڭ تابيعي گاز قۇبىرى تورىنىڭ تىعىزدىعىن كۇشەيتىپ، تابيعي گازبەن قامداۋعا كەپىلدىك ەتۋ بويىنشا رازىلىق دارەجەسىن جوعارىلاتىپ، قامداۋ قابىلەتىن ۇزدىكسىز ارتتىرۋ كەرەك. بۇكىل مەملەكەتتىڭ ەنەرگيا حاۋىپسىزدىگى كەلەلى جاعدايىنا بەلسەندىلىكپەن قىزمەت وتەپ جانە ونى قامتاماسىز ەتىپ، شينجياڭنىڭ ەنەرگيا بايلىعى باسىمدىعىن ساۋلەلەندىرىپ، ”شينجياڭنىڭ كومىرىن سىرتقا تاسىمالداۋدى“، ”شينجياڭنىڭ ەلەكترىن سىرتقا جەتكىزۋدى“ جەدەلدەتىپ، ەنەرگيا كاسىپ سالاسىنىڭ جوعارى ساپالى دامۋىنا كۇش ۇستەۋ كەرەك.

ءماجىلىس مىنالاردى تالاپ ەتتى: جەر - جەر، قاتىستى تاراۋلار ءار جاقتىڭ جاۋاپكەرشىلىگىن ناقتى تياناقتاندىرىپ، ءوندىرىس حاۋىپسىزدىگى تومەنگى شەگىن، قىزىل سىزىعىن ساقتاپ، سايكەسىپ، بىرگە ارەكەتتەنۋدى كۇشەيتىپ، قىزمەت بىرىككەن كۇشىن ۇيىستىرىپ، ەنەرگيا حاۋىپسىزدىگىنە، ورنىقتى قامداۋعا جانە ءار ۇلت بۇقاراسىنىڭ قىستان جىلى وتۋىنە شىنايى كەپىلدىك ەتۋى كەرەك.