الين

اسپاندا اقشا بۇلتتار قالىقتاپ، جەر بەتى جاسىل جەلەك جامىلدى؛ جۇرت شاتتىققا بولەنىپ، سالتاناتتى جينالىسقا بىرگە اتتاندى. از ۇلتتاردىڭ مەملەكەتتىك 12 - كەزەكتى ٴداستۇرلى سپورت جارىسى ات ٴۇستى ويىندارى جارىسىنىڭ باستالۋ سالتى 7 - ايدىڭ 8 - كۇنى موڭعۇلكۇرە اۋدانىندا سالتاناتپەن وتكىزىلدى، 12 ۋاكىلدەر ۇيىرمەسى، 229 سپورتشى قاراعانتى ساحاراسىندا باس قوسىپ، 6 كۇن قيان - كەسكى جارىس وتكىزەدى. سپورت جارىسىن ويداعىداي وتكىزۋ − پارتيا ورتالىق كوميتەتىنىڭ جانە اۆتونوميالى رايوندىق پارتكوم مەن ۇكىمەتتىڭ ىلە وبلىسىنا جۇكتەگەن ماڭىزدى ساياسي مىندەتى، ول پارتيا ورتالىق كوميتەتىنىڭ جانە اۆتونوميالى رايوندىق پارتكومنىڭ ىلەنىڭ ٴتۇرلى قىزمەتىنە، ٴار ۇلت حالقىنا كوڭىل بولەتىندىگىن، قامقورلىق جاسايتىندىعىن جانە قولداۋ كورسەتكەندىگىن ايگىلەيدى، ٴبىز جۇڭحۋا ۇلتى ورتاق تۇلعا تانىمىن بەرىك ورناتۋ سىندى نەگىزگى جەلىنى مىقتاپ ارقاۋ ەتىپ، ٴتۇرلى قىزمەت مىندەتتەرىن ناقتى، ەگجەي ـ تەگجەيلى تياناقتاندىرىپ، ٴارقايسى ۋاكىلدەر ۇيىرمەسىنە، سپورتشىلارعا تاماشا جارىس ورتاسىن جانە شارت ـ جاعداي ازىرلەپ، بار كۇشىمىزدى سالىپ، كەمەلدىككە تالپىنىپ، سپورت جارىسىنىڭ تابىستى وتكىزىلۋىن جوعارى ولشەممەن، جوعارى دەڭگەيمەن قامتاماسىزداندىرىپ، وزىق قىزمەت وتەۋ جانە تاماشا رۋحاني بەت ـ بەينە ارقىلى ىلەنىڭ كەلبەتىن كورنەكتىلەندىرىپ، ىلەنىڭ تاماشا اتىن ايگىلەپ، ات ٴۇستى ويىن تۇرلەرى جارىستارىن ۇلتتار ىنتىماعىنىڭ سالتاناتتى جينالىسىنا، بۇقارالىق سپورت جينالىسىنا، ۇلتتاردىڭ ارالاسۋىن، ىشتەسۋىن، توعىسۋىن جەبەيتىن سالتاناتتى جينالىسقا اينالدىرۋعا قۇلشىنۋىمىز كەرەك.

از ۇلتتاردىڭ مەملەكەتتىك 12 - كەزەكتى ٴداستۇرلى سپورت جارىسى − پارتيا 20 - قۇرىلتايىنان، 2021 - جىلعى ورتالىقتىڭ ۇلت قىزمەتى ماجىلىسىنەن بەرى وتكىزىلگەن تۇڭعىش رەتكى از ۇلتتاردىڭ مەملەكەتتىك ٴداستۇرلى سپورت سالتاناتتى جينالىسى، بۇل جاڭا جۇڭگو قۇرىلعاندىعىنىڭ 75 جىلدىعى، ىلە وبلىسى قۇرىلعاندىعىنىڭ 70 جىلدىعى قارساڭىنا ٴدال تۋرا كەلەدى، مۇنىڭ ٴمانى ەرەكشە. بۇل رەتكى سپورت جارىسىنىڭ ات ٴۇستى ويىندارى جارىسى مەملەكەتتىڭ كەلەلى ٴىسى، شينجياڭنىڭ ماڭىزدى ٴىسى، ىلەنىڭ سالتاناتتى ٴىسى، موڭعۇلكۇرەنىڭ يگى ٴىسى دەۋگە بولادى، وسى رەتكى سپورت جينالىسىن وتكىزۋشى جاق رەتىندە ٴبىز «ٴبارى دە تۇڭعىش رەت» دەگەن رۋحتى العا قويىپ، جارىس دايىندىعىنىڭ ٴاربىر بۋىنىنىڭ انىق، دالمە - ٴدال بولۋىنا كۇش سالىپ، ٴاربىر بۋىنىنىڭ ورنىقتى جۇرىلۋىنە كەپىلدىك ەتىپ، بارلىق قاتىناسۋشىلاردى جانعا جايلى، حاۋىپسىز جارىسپەن جانە جارىستى تاماشالاۋ كەشىرمەسىمەن قامداپ، ۇيىمداستىرۋشى ورىندارعا، ۋاكىلدەر ۇيىرمەسىنە، قوناقتارعا جانە قالىڭ بۇقاراعا قاناعاتتانارلىقتاي جاۋاپ قايتارۋىمىز كەرەك.

از ۇلتتاردىڭ مەملەكەتتىك ٴداستۇرلى سپورت جارىسىنىڭ ات ٴۇستى ويىندارى جارىسىن مىندەتىمىزگە الىپ وتكىزۋ − پارتيا ورتالىق كوميتەتىنىڭ جانە اۆتونوميالى رايوندىق پارتكوم مەن ۇكىمەتتىڭ ىلە وبلىسىنا دەگەن سەنىمى مەن شابىتتاندىرۋى، ونان دا ماڭىزدىسى، ىلەنىڭ وبرازىن ايگىلەپ، ىلەنىڭ ەكونوميكاسى مەن قوعامىنىڭ جوعارى ساپالى دامۋىن جەبەۋدىڭ تاماشا ورايى جانە ماڭىزدى تۇعىرى. ٴبىز وزىق قىزمەت وتەۋ جانە تاماشا رۋحاني بەت - بەينە ارقىلى ىلەنىڭ كەلبەتىن، ىلەلىكتەردىڭ توڭىرەكتىڭ ٴتورت بۇرىشىنان كەلگەن قوناقتاردى قىزۋ قارسى الۋ ىنتاسىن، ىلەنىڭ ەرەكشە تابيعي كورىنىستەرىن ايگىلەپ، سپورت جارىسىنىڭ ٴساتتى وتكىزىلۋىن جوعارى ولشەممەن، جوعارى دەڭگەيمەن قامتاماسىزداندىرۋىمىز كەرەك.

تۇلپارلار جۇيتكىپ، ات تۇياعى دۇبىرلەدى. از ۇلتتاردىڭ مەملەكەتتىك 12 - كەزەكتى ٴداستۇرلى سپورت جارىسى ات ٴۇستى ويىندارى جارىسىنىڭ تابىستى بولۋىن تىلەيمىز!