40 ـ رەتكى وقىتۋشىلار مەرەكەسىن قۇتتىقتاۋ جانە بۇكىل ەلدىڭ وقۋ ـ اعارتۋ جۇيەسىندەگى وزات كوللەكتيۆتەر مەن وزات جەكەلەردى ماداقتاۋ ـ سيلاۋ قيمىلى بەيجيڭدە وتكىزىلدى

　　شينجياڭ وقۋ ـ اعارتۋ جۇيەسىنەن 19 ورىن، 45 ادام ماداقتالىپ ـ سيلاندى

شينحۋا اگەنتتىگىنىڭ 9 ـ ايدىڭ 8 ـ كۇنى بەيجيڭنەن بەرگەن حابارى. 40 ـ رەتكى وقىتۋشىلار مەرەكەسىن قۇتتىقتاۋ جانە بۇكىل ەلدىڭ وقۋ ـ اعارتۋ جۇيەسىندەگى وزات كوللەكتيۆتەر مەن وزات جەكەلەردى ماداقتاۋ ـ سيلاۋ قيمىلى 9 ـ ايدىڭ 8 ـ كۇنى بەيجيڭدە وتكىزىلدى. بۇكىل ەل بويىنشا 585 ورىن، 1790 ادام ماداقتالىپ ـ سيلاندى.

جۇڭحۋا حالىق رەسپۋبليكاسى قۇرىلعاندىعىنىڭ 75 جىلدىعى جانە 40 ـ رەتكى وقىتۋشىلار مەرەكەسى كەلۋ قارساڭىندا اعارتۋشىلار رۋحىن زور كۇشپەن اسقاقتاتىپ، بۇكىل قوعامدا وقىتۋشىلارعا قۇرمەت ەتىپ، وقۋ ـ اعارتۋعا ٴمان بەرەتىن قويۋ راي قالىپتاستىرىپ، بۇكىل ەلدەگى قالىڭ وقىتۋشىلاردى جانە وقۋ ـ اعارتۋ قىزمەتكەرلەرىن ٴمورال ارقىلى تاربيەلەۋ ٴتۇبىرلى مىندەتىن تياناقتاندىرىپ، وقۋ ـ اعارتۋدا قۋاتتى ەل قۇرىلىسىنا بەلسەنە ات سالىسۋعا ىنتالاندىرۋ ٴۇشىن ادام كۇشى بايلىعى جانە قوعامدىق قامتاماسىزداندىرۋ مينيسترلىگى، وقۋ ـ اعارتۋ مينيسترلىگى ورتالىق قازىنا ـ ەكونوميكا داشۋەسىنىڭ فينانس شۋەيۋانى سياقتى 585 ورىنعا ”بۇكىل ەلدىڭ وقۋ ـ اعارتۋ جۇيەسىندەگى وزات كوللەكتيۆ“ اتاعىن بەرۋدى؛ دياۋ رۇڭچۇن قاتارلى 716 جولداسقا ”مەملەكەتتىك ۇلگىلى وقىتۋشى“ اتاعىن بەرۋدى؛ يۇي يۋان قاتارلى 895 جولداسقا ”مەملەكەتتىك ۇلگىلى وقىتۋشى“ اتاعىن بەرۋدى؛ ۋاڭ يانپيڭ قاتارلى 80 جولداسقا ”بۇكىل ەلدىڭ وقۋ ـ اعارتۋ جۇيەسىندەگى وزات قىزمەتكەر“ اتاعىن بەرۋدى؛ ۋاڭ جۇن قاتارلى 99 جولداسقا ”مەملەكەتتىك تاڭداۋلى وقۋ ـ اعارتۋ قىزمەتكەرى“ اتاعىن بەرۋدى ۇيعاردى.

وقىتۋشىلار مەرەكەسى بەلگىلەنگەننەن بەرى قالىڭ وقىتۋشىلار پارتيا ٴۇشىن ادام تاربيەلەۋ، مەملەكەت ٴۇشىن دارىندى تاربيەلەۋ بورىشىن ەستە بەرىك ساقتاپ، ساباق مىنبەرىنەن تاپجىلماي، دەن قويا ٴبىلىم بەرىپ ادام تاربيەلەپ، باستان ـ اياق پارتيامەن جانە حالىقپەن بىرگە بولىپ، شىن ىقىلاستى كوڭىلمەن، ۇلەس قوسۋ پەيىلىمەن، مەيىرىمدى بولۋ سۇيىسپەنشىلىگىمەن وقۋ ـ اعارتۋ ىستەرىنە ات سالىستى. وقىتۋشىلار قوسىنىنان ٴبىر توپ تاڭداۋلى وقىتۋشىلار ۇلگىسى شىعىپ، ٴىس جۇزىندىك ارەكەتتەرى ارقىلى دۇنيە جۇزىندەگى كولەمى ەڭ ۇلكەن وقۋ ـ اعارتۋ جۇيەسىنە تىرەك بولىپ، اعارتۋشىلار رۋحىنىڭ داۋىرلىك ٴتۇپ بوياۋى مەن وسكەلەڭ قاسيەتىن سومدادى، ولار پارتيا مەن حالىق سەنىم ارتۋعا جانە سۇيەنۋگە بولاتىن ٴىرى ەل ۇستازدارى بولىپ تابىلادى.

تاعى ٴبىر حابار. 9 ـ ايدىڭ 8 ـ كۇنى وتكىزىلگەن 40 ـ رەتكى وقىتۋشىلار مەرەكەسىن قۇتتىقتاۋ جانە بۇكىل ەلدىڭ وقۋ ـ اعارتۋ جۇيەسىندەگى وزات كوللەكتيۆتەر مەن وزات جەكەلەردى ماداقتاۋ ـ سيلاۋ قيمىلىندا شينجياڭنان جيىنى 19 ورىن، 45 ادام ماداقتالىپ ـ سيلاندى.

مۇنىڭ ىشىندە لوپ اۋداندىق ورتا دارەجەلى كاسىپتىك مەكتەبى سياقتى 19 ورىن ”بۇكىل ەلدىڭ وقۋ ـ اعارتۋ جۇيەسىندەگى وزات كوللەكتيۆ“ اتاعىنا يە بولدى؛ اقسۋ قالالىق تيانحاڭ تاجىريبە مەكتەبىندەگى ۋاڭ تيڭ قاتارلى 19 وقىتۋشى ”مەملەكەتتىك ۇلگىلى وقىتۋشى“ اتاعىنا يە بولدى؛ ٴۇرىمجى قالاسى دابانچىڭ رايونى دابانچىڭ ورتا مەكتەبىندەگى ما جيانگو قاتارلى 21 وقىتۋشى ”مەملەكەتتىك تاڭداۋلى وقىتۋشى“ اتاعىنا يە بولدى؛ قىزىلسۋ قىرعىز اۆتونوميالى وبلىستىق وقۋ ـ اعارتۋ مەكەمەسى وقىتۋدى زەرتتەۋ ورتالىعىنىڭ ورىنباسار مەڭگەرۋشىسى لي شينچۋان قاتارلى 2 ادام ”بۇكىل ەلدىڭ وقۋ ـ اعارتۋ جۇيەسىندەگى وزات قىزمەتكەر“ اتاعىنا؛ شينجياڭ اۋىل شارۋاشىلىعى كاسىپتىك ـ تەحنيكالىق داشۋەسى پارتكومىنىڭ مۇشەسى، ورىنباسار شۋەيۋان باستىعى ۋاڭ حايبو قاتارلى 3 ادام ”مەملەكەتتىك تاڭداۋلى وقۋ ـ اعارتۋ قىزمەتكەرى“ اتاعىنا يە بولدى.

”مەملەكەتتىك ۇلگىلى وقىتۋشى“ اتاعىنىڭ يەگەرى، اقسۋ قالالىق تيانحاڭ تاجىريبە مەكتەبىنىڭ يدەيا ـ ساياسي وقىتۋشىسى ۋاڭ تيڭ وقىتۋشىلىقپەن اينالىسقان 15 جىلدان بەرى كورىنىستىك وقىتۋ ٴادىسىن قولدانىپ، ٴبىلىمدى قىزىقتى كورىنىسپەن توعىستىرىپ، يدەيا ـ ساياسي ساباعىنىڭ باعىتتامالىلىعىن جانە باۋراۋ قۋاتىن ۇزدىكسىز كۇشەيتىپ، ٴار ۇلت وقۋشىلارىن ومىردەگى العاشقى تۇيمەنى جاقسىلاپ تۇيمەلەۋگە باستادى. ”بۇدان بىلاي وقۋ ـ اعارتۋ، وقىتۋ ادىسىنە ۇزدىكسىز ىزدەنىس جاساپ، جاڭالىق اشىپ، پارتيا ٴۇشىن ادام تاربيەلەۋ، مەملەكەت ٴۇشىن دارىندى تاربيەلەۋ بورىشىن اتقارىپ، وقۋشىلاردى اقيقاتتىڭ كۇشىمەن اسەرلەندىرىپ، وقۋشىلار ۇناتاتىن جانە سەنەتىن جول نۇسقاۋشى بولامىن“، ـ دەدى ۋاڭ تيڭ.

سوڭعى جىلدارى اۆتونوميالى رايوندىق پارتكوم مەن ۇكىمەت باستان ـ اياق وقۋ ـ اعارتۋ ىستەرىن الدىمەن دامىتىلاتىن ستراتەگيالىق ورىنعا قويىپ، وقىتۋشىلار قوسىنى قۇرىلىسىن وقۋ ـ اعارتۋدىڭ جوعارى ساپالى دامۋىن ىلگەرىلەتەتىن ەڭ ماڭىزدى نەگىزدىك قىزمەت رەتىندە يگەرۋگە تاباندى بولىپ، قالىڭ وقىتۋشىلاردى اعارتۋشىلار رۋحىن بەلسەنە اسقاقتاتۋعا، امالياتتا ايگىلەۋگە تاربيەلەپ، جەتەكتەپ، ٴمورال ارقىلى تاربيەلەۋ ٴتۇبىرلى مىندەتىن تياناقتاندىردى. قازىر رايونىمىزدىڭ وقىتۋشىلار قوسىنى سانى، وقۋ تاريحى قۇرىلىمى، كاسىپتىك اتاق قۇرىلىمى، جوعارى ورەلى وقىتۋشىلار سانى سياقتى جاقتاردا ارشىندى قاداممەن دامىپ، وقۋ ـ اعارتۋدا قۋاتتى رايون قۇرىلىسىنىڭ نەگىزىن بەكەمدەدى.