شينحۋا اگەنتتىگىنىڭ 9 ـ ايدىڭ 8 ـ كۇنى بەيجيڭنەن بەرگەن حابارى. جۇڭگو كوممۋنيستىك پارتياسى ورتالىق كوميتەتى پارتيا تاريحىن جانە حۇجات زەرتتەۋ ورنى قۇراستىرعان شي جينپيڭ جولداستىڭ «وقۋ ـ اعارتۋ جونىندە» اتتى كىتابى تاياۋدا ورتالىق حۇجات باسپاسىنان باسپادان شىعىپ، بۇكىل ەلدە تاراتىلدى.

وسى ارناۋلى تاقىرىپتىق ماقالالار جيناعىنا شي جينپيڭ جولداستىڭ وقۋ ـ اعارتۋ جونىندەگى 47 ماڭىزدى ماقالاسى ەنگىزىلگەن، مۇنىڭ ىشىندە ٴىشىنارا ماقالالارى تۇڭعىش رەت اشىق جاريالانىپ وتىر.

وقۋ ـ اعارتۋ _ ۇلتتىڭ گۇلدەنۋىنىڭ، قوعامنىڭ العا باسۋىنىڭ  ماڭىزدى  ىرگە تاسى،  ەڭبەگى  بۇگىنگە، يگىلىگى  ەرتەڭگە  ٴتان حالىقشىل  ساياسات  ينجەنەرياسى. پارتيا 18 ـ قۇرىلتايىنان بەرى شي جينپيڭ جولداستى ۇيتقى ەتكەن پارتيا ورتالىق كوميتەتى وقۋ ـ اعارتۋدى مەملەكەتتىڭ ۇلى جوسپارى، پارتيانىڭ ۇلى جوسپارى ەتۋگە تاباندى بولىپ، وقۋ ـ اعارتۋدى الدىمەن دامىتۋعا تاباندى بولىپ، وقۋ ـ اعارتۋدى وسىزامانداندىرۋدى جەدەلدەتۋ، وقۋ ـ اعارتۋدا قۋاتتى ەل قۇرۋ كەلەلى شەشىمىن جاساپ، جاڭا داۋىردەگى وقۋ ـ اعارتۋ ىستەرىندە تاريحي سيپاتتى تابىسقا قول جەتكىزۋدى، جۇيەلىك وزگەرىستەر تۋىلۋدى ىلگەرىلەتتى. ەلىمىز دۇنيە ٴجۇزى بويىنشا كولەمى ەڭ ۇلكەن وقۋ ـ اعارتۋ جۇيەسىن قۇرىپ، وقۋ ـ اعارتۋدىڭ وسىزاماندانا دامۋىنىڭ جالپى دەڭگەيى دۇنيە جۇزىندەگى ورتاشا جوعارى دەڭگەيلى ەلدەر قاتارىنا ەندى. شي جينپيڭ جولداستىڭ وقۋ ـ اعارتۋ توڭىرەگىندە جاريالاعان ٴبىرقىدىرۋ ماڭىزدى بايىمداۋلارى ”قانداي ادام تاربيەلەۋ، ادامدى قالاي تاربيەلەۋ، ادامدى كىم ٴۇشىن تاربيەلەۋ“ دەگەن ٴتۇبىرلى سۇراققا عىلمي جاۋاپ قايتارىپ، ەلىمىزدىڭ وقۋ ـ اعارتۋ ىستەرى جونىندەگى زاڭدىلىق سيپاتتى تانىمدى تەرەڭدەتتى، بۇل جاڭا داۋىردەگى جاڭا جورىقتا حالىق رازى بولاتىن وقۋ ـ اعارتۋدى ويداعىداي جۇرگىزىپ، پارتيانىڭ وقۋ ـ اعارتۋ باعىتىن جاپپاي دايەكتىلەندىرىپ، احىلاق، اقىل ـ وي، دەنە، ەستەتيكا، ەڭبەك جاعىنان جان ـ جاقتى دامىعان سوتسياليزمنىڭ قۇرۋشىلارى مەن ٴىزباسارلارىن تاربيەلەپ، جۇڭحۋا ۇلتىنىڭ ۇلى گۇلدەنۋىن جاپپاي ىلگەرىلەتۋگە پارمەندى تىرەك ازىرلەۋدە توتەنشە ماڭىزدى جەتەكشىلىك ٴمان الادى.