انار بۇلت \شينجياڭ گازەتىنىڭ ٴتىلشىسى سۇي يۇنيان 9 ـ ايدىڭ 29 ـ كۇنى ۇرىمجىدەن حابارلايدى. 9 ـ ايدىڭ 29 ـ كۇنى اۆتونوميالى رايوندىق پارتكومنىڭ تۇراقتى مۇشەسى، ساياسي ـ زاڭ كوميتەتىنىڭ شۋجيى چىن ميڭگو ۇرىمجىدە بريكس ەلدەرى ۋاكىلدەر ۇيىرمەسىندەگىلەرمەن كەزدەستى.

چىن ميڭگو بريكس ەلدەرى ۋاكىلدەر ۇيىرمەسىندەگىلەردىڭ جۇڭگونىڭ شينجياڭىنا ەكسكۋرسيالاي، ساپارلاي كەلگەندىگىن قارسى الدى ٴارى جۇڭگونىڭ لاڭكەستىككە سوققى بەرۋ، ۇشقارىلىقتى الاستاۋ ادىستەرىن، ناتيجەلەرىن تانىستىردى. ول بىلاي دەدى: لاڭكەستىك _ بۇكىل ادامزاتتىڭ ورتاق جاۋى، لاڭكەستىككە سوققى بەرۋ _ حالىقارالىق قوعامنىڭ ورتاق جاۋاپكەرشىلىگى. بولاشاقتا بريكس ەلدەرى جۇلگەسىندە سەلبەستىكتى، اۋىس ـ كۇيىستى ۇزدىكسىز كۇشەيتىپ، ٴار ەلدىڭ سەلبەسۋى ارقىلى سىن ـ سايىستارعا پارمەندى توتەپ بەرىپ، حالىقارالىق لاڭكەستىك قىلمىستارىن تەجەۋدى ٴۇمىت ەتەمىز.

بريكس ەلدەرى ۋاكىلدەر ۇيىرمەسىنىڭ مۇشەسى، رەسەي ىشكى ىستەر مينيسترلىگى ۇشقارىلىققا سوققى بەرۋ باس مەكەمەسىنىڭ باستىعى ولەگ ەلينەح مىنالاردى ٴبىلدىردى: ەكسكۋرسيالاۋ، ساپارلاۋ كەزىندە شينجياڭنىڭ ۇلتتار ىنتىماعى، ٴدىن جاراسىمدىلىعى، مادەنيەتىنىڭ كوپ نەگىزدىلىگى ۋاكىلدەر ۇيىرمەسىنە تەرەڭ اسەر قالدىردى. وسى جولعى ساپاردا جۇڭگو جاقتىڭ لاڭكەستىككە سوققى بەرۋدە، ۇشقارىلىقتى الاستاۋدا قولدانعان كەشەندى شاراسىنىڭ جەتىستىكتەرىن كورىپ، ەرەكشە اسەر الدىق، ٴار ەل جۇڭگو جاقتىڭ تاجىريبەسىنەن ۇيرەنىپ، ۇلگى الىپ، حالىقارالىق سەلبەستىكتى كۇشەيتىپ، لاڭكەستىكتەن ٴونىمدى تۇردە ساقتانادى جانە وعان سوققى بەرەدى.