شينجياڭ ەركىن ساۋدا سىناق رايونىنىڭ تۇزىمدىك جاڭالىق اشۋ جەتىستىكتەرىن كوشىرۋ، جالپىلاستىرۋ سياقتى قىزمەتتەردى اقىلداستى

انار بۇلت \ شينجياڭ گازەتىنىڭ ٴتىلشىسى لي ياڭ 9 ـ ايدىڭ 29 ـ كۇنى ۇرىمجىدەن حابارلايدى. 9 ـ ايدىڭ 29 ـ كۇنى تۇستەن كەيىن اۆتونوميالى رايوننىڭ ٴتوراعاسى ەركىن تۇنياز اۆتونوميالى رايوندىق ۇكىمەتتىڭ ۇنەمىلىك ىستەر ٴماجىلىسىن باسقارىپ اشىپ، باس شۋجي شي جينپيڭنىڭ تاياۋداعى ماڭىزدى ٴسوزىنىڭ رۋحىن جەتكىزدى، ۇيرەندى، اۆتونوميالى رايوندىق پارتكومنىڭ ورنالاستىرۋى بويىنشا، جۇڭگو (شينجياڭ) ەركىن ساۋدا سىناق رايونىنىڭ تۇزىمدىك جاڭالىق اشۋ جەتىستىكتەرى مەن تيپتىك مىسالداردى كوشىرۋ، جالپىلاستىرۋ، ەگىنجاي سۋ يگىلىگى، جوعارى مەكتەپتەرمەن ستراتەگيالىق سەلبەستىكتى تەرەڭدەتۋ سياقتى قىزمەتتەردى اقىلداستى.

ٴماجىلىس مىنالاردى اتاپ كورسەتتى: جۇڭگو (شينجياڭ) ەركىن ساۋدا سىناق رايونى بەكىتىلگەننەن بەرى ٴارقايسى قاتىستى تاراۋلار، ورىندار، سونداي ـ اق ٴارقايسى اۋماقتار پارتيا ورتالىق كوميتەتىنىڭ، مەملەكەتتىك كەڭەستىڭ شەشىمدەرىن، ورنالاستىرۋلارىن بەلسەنە دايەكتىلەندىرىپ، تياناقتاندىرىپ، تۇزىمدىك جاڭالىق اشۋدى وزەك ەتۋگە تاباندى بولىپ، جۇرەكتىلىكپەن سىناق جۇرگىزىپ، جۇرەكتىلىكپەن اتويلاپ، دەربەس وزگەرتىپ، ساۋدانى قولايلىلاندىرۋ، ادامدار اينالىمىن قولايلىلاندىرۋ، ۇكىمەتتىك باسقارۋدا جاڭالىق اشۋ، ٴىس بارىسىندا، ىستەن كەيىن باقىلاۋ ـ باسقارۋ، كاسىپ سالاسىنىڭ جوعارى ساپالى دامۋى سياقتى جاقتاردا تۇزىمدىك جاڭالىق اشۋ جەتىستىكتەرى مەن تيپتىك مىسالداردان ٴبىر توبىن قالىپتاستىردى. جەر ـ جەر، قاتىستى تاراۋلار يدەيانى ازات ەتىپ، كوزقاراستا بۇرىلىس جاساپ، كوشىرىپ قولدانۋعا بولاتىندارىن مۇمكىندىگىنشە كوشىرىپ قولدانۋ پرينسيبى بويىنشا، ٴىس جۇزىندىك جاعدايمەن ۇشتاستىرىپ ۇيرەنىپ، ۇلگى الىپ، رەفورمانى تۇيىندە سىناق ەتۋ تاجىريبەلەرىن كوشىرۋ، جالپىلاستىرۋ قىزمەتىن ويداعىداي ىستەۋ كەرەك. تۇزىمدىك سيپاتتى ەسىك اشۋدى كەڭەيتىپ، پارىقتى ىزدەنىس جاساۋدى كۇشەيتىپ، جاڭاشا وندىرگىش كۇشتەردى جەتىلدىرۋ جانە دامىتۋ، جوعارى ساپالى دامۋدى ىلگەرىلەتۋ جاقتارىندا اناعۇرلىم كوپ تۇزىمدىك جاڭالىق اشۋ جەتىستىكتەرىن قالىپتاستىرۋعا كۇش سالىپ، اناعۇرلىم زور ۇلگى كورسەتۋ، جەتەكتەۋ رولىن ساۋلەلەندىرۋ كەرەك.

ٴماجىلىس مىنالاردى اتاپ كورسەتتى: جەر ـ جەر، قاتىستى تاراۋلار ۇكىمەت جەتەكشىلىك ەتۋ، عىلمي جوبالاۋ، جەرگىلىكتى جاعدايعا قاراي ىستەۋ، سۋ ۇنەمدەۋدە جوعارى ٴونىمدى بولۋ، قۇرىلىس جۇرگىزۋگە، باسقارۋعا تەڭ ٴمان بەرۋ پرينسيبىنە تاباندى بولىپ، ەگىنجاي سۋ يگىلىگى قۇرىلعى قۇرىلىسىنا ۇسىنىلىمدى اناعۇرلىم ارتتىرىپ، ەگىنجاي سۋ يگىلىگى قۇرىلىسىن جانە ونى باسقارۋدى ارناعا ٴتۇسىرىپ، ينجەنەريانىڭ جۇمىس جۇرگىزۋ، باسقارۋ ـ قورعاۋ مەحانيزمىن اقاۋسىزداندىرۋ كەرەك. ماسەلەنى باعدار ەتۋگە، سايكەسە بىرلەسىپ قيمىلداۋعا تاباندى بولىپ، مىندەت جاۋاپكەرشىلىگى بويىنشا ەگىنجاي سۋ يگىلىگى نىسان قۇرىلىسىن جوبالاۋعا جەتەكشىلىك ەتۋ، قورعاۋ ـ باسقارۋ، ونىمدىلىكتى باعالاۋ سياقتى قىزمەتتەردى ويداعىداي ىستەۋ كەرەك.

ٴماجىلىس مىنالاردى باسا دارىپتەدى: شينجياڭنىڭ بايلىق، كاسىپ سالاسى، ساياسات باسىمدىعىن جانە جۇڭنان داشۋەسىنىڭ عىلىم ـ تەحنيكا، دارىندى، وقۋ ـ اعارتۋ باسىمدىعىن اناعۇرلىم ويداعىداي ساۋلەلەندىرىپ، ستراتەگيالىق سەلبەستىك قارىم ـ قاتىناسى مەن باياندى سەلبەستىك جۇيەسىن ورناتىپ، اۆتونوميالى رايوننىڭ جوعارى ساپالى دامۋىنا جاڭا قوزعالىس قۋات ۇستەۋ كەرەك. نازاردى ”توعىز ٴىرى كاسىپ سالاسى شوعىرى“ قۇرىلىسىنا شوعىرلاندىرىپ، جاڭا ماتەريال، ٴتۇستى مەتال، جاڭا ەنەرگيا جانە ەنەرگيا ساقتاۋ، بايلىق جانە قورشاعان ورتا، بيولوگيالىق ٴدارى ـ دارمەك، جابدىق جاساۋ سياقتى ٴتۇيىندى سالالاردى ارقاۋ ەتىپ، شەشۋشى، وزەكتى تەحنيكالاردان قامال الۋدى جانە جەتىستىكتەردى كادەگە جاراتۋدى بىرلەسىپ ورىستەتىپ، كەلەلى جاڭالىق اشۋ سيپاتتى نىسانداردىڭ شينجياڭدا ىرگە تەبۋىن ىلگەرىلەتۋ كەرەك. جوعارى دەڭگەيلى عىلىم ـ تەحنيكالىق جاڭالىق اشۋ دانەكەرىن بەلسەنە بىرگە قۇرىپ، دارىندىلار اۋىس ـ كۇيىسىن، باۋلۋىن تەرەڭدەتىپ، اۆتونوميالى رايوننىڭ جوعارى دارەجەلى وقۋ ـ اعارتۋىنىڭ ساپاسىن جوعارىلاتۋ كەرەك. شەشىم جونىندە اقىل ـ كەڭەس بەرۋ جانە اقىل ـ پاراسات قويماسى قۇرىلىسىن سەلبەسە ورىستەتىپ، اۆتونوميالى رايون ەكونوميكاسىنىڭ، قوعامىنىڭ جوعارى ساپالى دامۋىنا شەشىم جاساۋدا پايدالانۋ ماتەريالىن ازىرلەۋ كەرەك.

ٴماجىلىس مىنالاردى اتاپ كورسەتتى: عىلىم جالپىلاستىرۋدىڭ مادەنيەت، وقۋ ـ اعارتۋ، ەمدەۋ ىستەرىمەن توعىسا دامۋىن ىلگەرىلەتىپ، عىلىم جالپىلاستىرۋدىڭ عىلىم ـ تەحنيكادا جاڭالىق اشۋمەن، حالىق تۇرمىسىن جاقسارتۋمەن سايكەسە العا باسۋىن جەبەپ، جالپى حالىقتىڭ عىلىم ساپاسىن جوعارىلاتىپ، عىلىمدى سۇيەتىن، جاڭالىق اشۋدى قاستەرلەيتىن قوعامدىق راي قالىپتاستىرۋ كەرەك. وڭتۇستىك شينجياڭدا عىلىم ـ تەحنيكانى جالپىلاستىرۋ بايلىعى قۇرىلىسىن كۇشەيتىپ، عىلىم جالپىلاستىرۋ قىزمەت وتەۋىنىڭ ساپاسى مەن دەڭگەيىن جوعارىلاتۋ كەرەك. عىلىم جالپىلاستىرۋ قوسىنى قۇرىلىسىن كۇشەيتىپ، اناعۇرلىم كوپ عىلىم جالپىلاستىرۋ دارىندىلارىن جەتىلدىرىپ، عىلىم ـ تەحنيكا جەتىستىكتەرىنىڭ ٴار ۇلت بۇقاراسىنا اناعۇرلىم كوپ، اناعۇرلىم كەڭ كولەمدە پايدا جەتكىزۋىن ىلگەرىلەتۋ كەرەك.

ٴماجىلىس مىنالاردى اتاپ كورسەتتى: 2024 ـ جىلعى مەملەكەت مەرەكەسى دەمالىسى تاياپ قالدى، ٴتۇيىندى ساياحات كورىنىس تۇيىندەرى، جول قاتىناسى، ازىق ـ تۇلىك حاۋىپسىزدىگى، ٴورت ٴسوندىرۋ، ورتتەن ساقتانۋ سياقتى سالالارعا قاداعالاي نازار اۋدارىپ، حاۋىپسىزدىك جاۋاپكەرشىلىگىن ناقتىلاندىرىپ، حاۋىپسىزدىك شارالارىن تياناقتاندىرىپ، توسىن تۋىلاتىن اۋا رايى، جەر سىلكىنىسى سياقتى جاراتىلىستىق اپاتتاردى باقىلاۋ ـ ولشەۋدى، الدىن الا مالىمەت بەرۋدى، ساقتاندىرۋدى كۇشەيتىپ، كەزەكشىلىك مىندەت وتەۋ سياقتى قىزمەتتەردى تياناقتاندىرىپ، ٴار ۇلت بۇقاراسىنىڭ مەرەكەنى شات ـ شادىمان، امان ـ ەسەن وتكىزۋىنە شىنايى كەپىلدىك ەتۋ كەرەك.

ٴماجىلىس باسقا دا ىستەردى اقىلداستى.