اۆتونوميالى رايوننىڭ مەملەكەتتىك حالىق قۇرىلتايى قۇرىلعاندىعىنىڭ 70 جىلدىعىن جانە جەرگىلىكتى حالىق قۇرىلتايلارىندا تۇراقتى كوميتەت قۇرىلعاندىعىنىڭ 45 جىلدىعىن قۇتتىقتاۋ اڭگىمە ٴماجىلىسى اشىلدى

　　حالىق قۇرىلتايى تۇزىمىنە ويداعىداي تاباندى بولىپ، ونى ويداعىداي كەمەلدەندىرىپ، ويداعىداي اتقارىپ، جۇڭگو ۇلگىسىندەگى وسىزامانداندىرۋدىڭ شينجياڭ امالياتىن ىلگەرىلەتۋدى پارمەندى قامتاماسىز ەتۋ كەرەك

　　ما شيڭرۇي ٴسوز سويلەدى

　　ەركىن تۇنياز، ٴزۇمىرات وبۇل، نۇرلان ٴابىلماجىن، شاۋكەت يمىن، حى جۇڭيوۋ، جاڭ جۋ قاتىناستى

انار بۇلت \ شينجياڭ گازەتىنىڭ ٴتىلشىسى ۋاڭ شيڭرۇي 9 ـ ايدىڭ 29 ـ كۇنى ۇرىمجىدەن حابارلايدى. 9 ـ ايدىڭ 29 ـ كۇنى اۆتونوميالى رايوننىڭ مەملەكەتتىك حالىق قۇرىلتايى قۇرىلعاندىعىنىڭ 70 جىلدىعىن جانە جەرگىلىكتى حالىق قۇرىلتايلارىندا تۇراقتى كوميتەت قۇرىلعاندىعىنىڭ 45 جىلدىعىن قۇتتىقتاۋ اڭگىمە ٴماجىلىسى ۇرىمجىدە اشىلدى. ٴماجىلىس باس شۋجي شي جينپيڭنىڭ مەملەكەتتىك حالىق قۇرىلتايى قۇرىلعاندىعىنىڭ 70 جىلدىعىن قۇتتىقتاۋ جينالىسىندا سويلەگەن ماڭىزدى ٴسوزىنىڭ رۋحىن ىشكەرىلەي ۇيرەنىپ، دايەكتىلەندىرىپ، حالىق قۇرىلتايى ٴتۇزىمىنىڭ شينجياڭداعى امالياتتىق بارىسىنا قايىرىلا قاراپ، اۆتونوميالى رايوندىق حالىق قۇرىلتايىنىڭ تۇراقتى كوميتەت قۇرىلعاننان بەرگى قىزمەتىن قورىتىندىلادى، جاڭا تاريحي باستامادا حالىق قۇرىلتايى تۇزىمىنە ويداعىداي تاباندى بولۋدى، ونى ويداعىداي كەمەلدەندىرۋدى، ويداعىداي اتقارۋدى ىلگەرىلەتىپ، جۇڭگو ۇلگىسىندەگى وسىزامانداندىرۋدىڭ شينجياڭ امالياتىن ىلگەرىلەتۋدى پارمەندى قامتاماسىز ەتتى. اۆتونوميالى رايوندىق پارتكومنىڭ شۋجيى، بيڭتۋان پارتكومىنىڭ ٴبىرىنشى شۋجيى، ٴبىرىنشى جىڭۋي ما شيڭرۇي ماجىلىسكە قاتىناستى ٴارى ٴسوز سويلەدى.

اۆتونوميالى رايوندىق پارتكومنىڭ ورىنباسار شۋجيى، اۆتونوميالى رايوننىڭ ٴتوراعاسى ەركىن تۇنياز ماجىلىسكە قاتىناستى ٴارى باس شۋجي شي جينپيڭنىڭ ماڭىزدى ٴسوزىنىڭ رۋحىن جەتكىزدى. اۆتونوميالى رايوندىق حالىق قۇرىلتايى تۇراقتى كوميتەتىنىڭ مەڭگەرۋشىسى ٴزۇمىرات وبۇل ٴماجىلىستى باسقاردى. اۆتونوميالى رايوندىق ساياسي كەڭەستىڭ ٴتوراعاسى نۇرلان ٴابىلماجىن، مەملەكەتتىك حالىق قۇرىلتايى ۇلت ىستەرى كوميتەتىنىڭ ورىنباسار مەڭگەرۋشى مۇشەسى شاۋكەت يمىن، اۆتونوميالى رايوندىق پارتكومنىڭ ورىنباسار شۋجيى، بيڭتۋاننىڭ جىڭۋيى حى جۇڭيوۋ، اۆتونوميالى رايوندىق پارتكومنىڭ ورىنباسار شۋجيى جاڭ جۋ ماجىلىسكە قاتىناستى.

ماجىلىستە ٴزۇمىرات وبۇل، ٴۇرىمجى قالالىق حالىق قۇرىلتايى تۇراقتى كوميتەتى پارتيا باسشىلىق گرۋپپاسىنىڭ شۋجيى يۇن شۋشيا، ىلە قازاق اۆتونوميالى وبلىستىق حالىق قۇرىلتايى تۇراقتى كوميتەتىنىڭ مەڭگەرۋشىسى نياز اشىم، شىحىزى قالالىق حالىق قۇرىلتايى تۇراقتى كوميتەتىنىڭ ورىنباسار مەڭگەرۋشىسى حۋاڭ حاي، تاشقورعان تاجىك اۆتونوميالى اۋداندىق حالىق قۇرىلتايى تۇراقتى كوميتەتىنىڭ مەڭگەرۋشىسى باتۇرشاھ ٴىلپاتشاھ، مەملەكەتتىك حالىق قۇرىلتايىنىڭ ۋاكىلى جاڭ شين، اۆتونوميالى رايوندىق حالىق قۇرىلتايىنىڭ ۋاكىلى گۇلبوستان وسمان پىكىر اۋىستىرىپ، ٴسوز سويلەدى.

كوپشىلىكتىڭ ٴسوزىن تىڭداعاننان كەيىن ما شيڭرۇي بىلاي دەپ اتاپ كورسەتتى: پارتيا 18 ـ قۇرىلتايىنان بەرى شي جينپيڭ جولداستى ۇيتقى ەتكەن پارتيا ورتالىق كوميتەتى سوتسياليستىك دەموكراتيالىق ساياسيدىڭ دامۋ زاڭدىلىعىن تەرەڭ يگەرىپ، سوتسياليستىك دەموكراتيالىق ساياسي قۇرىلىستىڭ امالياتتىق تاجىريبەلەرىن جۇيەلى قورىتىندىلاپ، حالىق قۇرىلتايى ٴتۇزىمىنىڭ نازاريادا جانە امالياتتا جاڭالىق اشۋىن ٴۇرتىس ىلگەرىلەتىپ، باس شۋجي شي جينپيڭنىڭ حالىق قۇرىلتايى تۇزىمىنە تاباندى بولۋ جانە ونى كەمەلدەندىرۋ جونىندەگى ماڭىزدى يدەياسىن قالىپتاستىردى. باس شۋجي شي جينپيڭ مەملەكەتتىك حالىق قۇرىلتايى قۇرىلعاندىعىنىڭ 70 جىلدىعىن قۇتتىقتاۋ جينالىسىندا ماڭىزدى ٴسوز سويلەپ، جاڭا تاريحي باستامادا حالىق قۇرىلتايى تۇزىمىنە ويداعىداي تاباندى بولۋ، ونى ويداعىداي كەمەلدەندىرۋ، ويداعىداي اتقارۋ جونىندە جاپپاي ورنالاستىرۋ جاساپ، ايقىن تالاپ قويىپ، جاڭا ٴداۋىردىڭ جاڭا جورىعىندا حالىق قۇرىلتايى قىزمەتىن ويداعىداي ىستەۋگە ٴتۇبىرلى بويسۇنۋ ولشەمىن ازىرلەدى. ٴبىز ”ەكىنى تۇراقتاندىرۋدى“ تاباندىلىقپەن قولداپ، ”ەكىنى قورعاۋدى“ باتىل ورىنداپ، باس شۋجي شي جينپيڭنىڭ ماڭىزدى ٴسوزىنىڭ رۋحىن ىشكەرىلەي ۇيرەنىپ، دايەكتىلەندىرىپ، حالىق قۇرىلتايى ٴتۇزىمىنىڭ كورنەكتى ساياسي ابزالدىلىعىن، ”سەگىزگە، ٴسوز جوق، تاباندى بولۋدىڭ“ امالياتتىق تالابىن، جاڭا جورىقتاعى حالىق قۇرىلتايى قىزمەتىنىڭ بورىشىن، مىندەتىن تەرەڭ ٴتۇسىنىپ، جۇڭگوشا سوتسياليستىك ساياسي دامۋ جولىمەن بۇلجىماي ٴجۇرۋىمىز كەرەك.

ما شيڭرۇي بىلاي دەپ باسا دارىپتەدى: 70 جىلدان بەرى بۇكىل شينجياڭداعى ٴار دارەجەلى حالىق قۇرىلتايلارى نەگىزگى زاڭدا، زاڭداردا بەرىلگەن مىندەت جاۋاپكەرشىلىگىن مۇقيات اتقارىپ، پارتيانىڭ ٴاربىر تاريحي مەزگىلدەگى وزەكتى مىندەتىن ارقاۋ ەتىپ، شينجياڭنىڭ دەموكراتيا، زاڭمەن باسقارۋ قۇرىلىسىنا جانە رەفورما، دامۋ، ورنىقتىلىق ىستەرىنە ماڭىزدى ۇلەس قوستى. پارتيا 18 ـ قۇرىلتايىنان بەرى ٴار دارەجەلى حالىق قۇرىلتايلارى جانە ونىڭ تۇراقتى كوميتەتتەرى حالىق قۇرىلتايىنىڭ مىندەت جاۋاپكەرشىلىگىمەن تىعىز بايلانىستىرىپ زاڭ بويىنشا مىندەت وتەپ، زاڭ ەرەجە شىعارۋ، باقىلاۋ، ۋاكىلدەر قىزمەتتەرىن تىڭعىلىقتى ويداعىداي ىستەپ، شينجياڭنىڭ ەكونوميكالىق، قوعامدىق دامۋىنا جانە رەفورمادان قامال الۋىنا كۇش ۇستەۋ بارىسىندا ورنىن باسۋعا كەلمەيتىن رول اتقاردى. ما شيڭرۇي اۆتونوميالى رايوندىق پارتكوم، ۇكىمەت جانە بيڭتۋان اتىنان شينجياڭنىڭ حالىق قۇرىلتايى ٴتۇزىمى قۇرىلىسىنا ۇلەس قوسقان قارت باسشىلارعا، قارت جولداستارعا، وتكەن كەزەكتى ٴار دارەجەلى حالىق قۇرىلتايى ۋاكىلدەرىنە، حالىق قۇرىلتايى تۇراقتى كوميتەتىنىڭ قۇرامىنداعىلارعا، حالىق قۇرىلتايى ارناۋلى كوميتەتتەرىنىڭ مۇشەلەرىنە جانە حالىق قۇرىلتايى ورگانىنىڭ قىزمەتكەرلەرىنە شىنايى سالەم جولدادى جانە شىن جۇرەكتەن العىس ايتتى.

ما شيڭرۇي بىلاي دەپ باسا دارىپتەدى: بۇكىل شينجياڭداعى ٴار دارەجەلى حالىق قۇرىلتايلارى جانە ونىڭ تۇراقتى كوميتەتتەرى جاڭا داۋىردەگى پارتيانىڭ شينجياڭدى باسقارۋ جالپى جوباسىن تولىق، دالمە ـ ٴدال، جاپپاي دايەكتىلەندىرۋدى ماڭىزدى بويسۇنۋ ولشەمى ەتىپ، مەملەكەت جالپى جاعدايىنداعى شينجياڭنىڭ ستراتەگيالىق ورنىن كوزدەپ، بەلسەنە مىندەت وتەپ، جاۋاپكەرشىلىكتى ادا ەتىپ، جۇرەكتىلىكپەن جاۋاپكەرشىلىك ارقالاپ، ىسكەرلىك كورسەتىپ، نەگىزگى زاڭدا جانە زاڭداردا بەرىلگەن قاسيەتتى مىندەت جاۋاپكەرشىلىگىن شىنايى ارقالاۋى كەرەك. حالىق قۇرىلتايى ٴتۇزىمىن جالپى بارىستىق حالىق دەموكراتياسىن جۇزەگە اسىرۋدىڭ ماڭىزدى تۇزىمدىك دانەكەرى ەتۋگە تاباندى بولىپ، اناعۇرلىم كەڭ، اناعۇرلىم تولىق، اناعۇرلىم اقاۋسىز جالپى بارىستىق حالىق دەموكراتياسىن جەدەل دامىتىپ، كورىكتى شينجياڭدى بىرگە قۇراتىن اقىل ـ پاراسات پەن كۇش ـ قۋاتتى ۇيىستىرۋ كەرەك. نەگىزگى زاڭدى، زاڭداردى جاپپاي ٴونىمدى اتقارىپ، مەملەكەت زاڭ ـ ٴتۇزىمىنىڭ بىرلىگىن، زاڭنىڭ بەدەلى مەن قۇزىرەتتىلىگىن باتىل قورعاپ، نەگىزگى زاڭعا، زاڭدارعا باستاماشىلدىقپەن قۇرمەت ەتىپ، ونى ۇگىتتەپ جانە اتقارىپ، شينجياڭدى جاپپاي زاڭمەن باسقارۋدى ٴۇرتىس تەرەڭدەتۋ كەرەك. حالىق قۇرىلتايىنىڭ زاڭ ەرەجە شىعارۋ قىزمەتىندەگى جەتەكشىلىك رولىن تولىق ساۋلەلەندىرىپ، پارتكوم باسشىلىق ەتەتىن، حالىق قۇرىلتايى جەتەكشىلىك ەتەتىن، ۇكىمەت سۇيەنىش بولاتىن، ٴار جاق ات سالىساتىن زاڭ ەرەجە شىعارۋ قىزمەت ارناسىنا تاباندى بولىپ جانە ونى كەمەلدەندىرىپ، ٴتۇيىندى سالالارداعى، جاڭادان گۇلدەنگەن سالالارداعى، سىرتقا ساياتىن سالالارداعى زاڭ ەرەجە شىعارۋدى كۇشەيتىپ، جەرگىلىكتى زاڭ ەرەجە شىعارۋ جۇيەسىن كەمەلدەندىرىپ، شينجياڭعا ساياتىن سىرتقا قاراتىلعان كۇرەستى بەلسەندى، ىرىقتى تۇردە ورىستەتۋ كەرەك. نەگىزگى زاڭدا، زاڭداردا بەرىلگەن باقىلاۋ ۇقىعىنان ويداعىداي پايدالانىپ، نەگىزگى زاڭنىڭ، زاڭداردىڭ اتقارىلۋ جاعدايىن باقىلاۋدى، تەكسەرۋدى، ”حالىق ۇكىمەتى، باقىلاۋ ـ تەكسەرۋ كوميتەتى، حالىق سوتى مەكەمەسى، حالىق پروكۋراتۋراسى“ قىزمەتىن باقىلاۋدى كۇشەيتىپ، حالىق قۇرىلتايىنىڭ مەجە ەسەپتى، سوڭعى ەسەپتى تەكسەرىپ باقىلاۋىن جانە مەملەكەت مەنشىگىندەگى مال ـ مۇلىكتى باسقارۋدى، ۇكىمەت قارىزىن باسقارۋدى باقىلاۋىن كۇشەيتىپ، جەرگىلىكتى ورىندار مەن تاراۋلاردىڭ زاڭ بويىنشا شەشىم جاساۋ، زاڭ بويىنشا اكىمشىلىك جۇرگىزۋ، زاڭ بويىنشا ٴىس ٴبىتىرۋ دەڭگەيىن جوعارىلاتۋ كەرەك. حالىق قۇرىلتايى ۋاكىلدەرىنىڭ قىزمەت قابىلەتى قۇرىلىسىن كۇشەيتىپ، حالىق رايىن قابىلداۋ، حالىقتىڭ اقىل ـ پاراساتىن توپتاۋ قىزمەت مەحانيزمىن اقاۋسىزداندىرىپ، حالىق قۇرىلتايى ۋاكىلدەرىنىڭ نەگىزگى ساتى قوعامىن باسقارۋ بارىسىنداعى بەلسەندى رولىن ويداعىداي ساۋلەلەندىرىپ، ٴار ۇلت بۇقاراسىمەن بايلانىس جاسايتىن جاقسى كوپىر بولۋ كەرەك.

ما شيڭرۇي بىلاي دەپ باسا دارىپتەدى: پارتيانىڭ حالىق قۇرىلتايى قىزمەتىنە جالپى بەتتىك باسشىلىعىن شىنايى كۇشەيتۋ كەرەك، ٴار دارەجەلى پارتكومدار حالىق قۇرىلتايى قىزمەتىن قىزمەت جالپى جاعدايىنا ەنگىزىپ، كەلەلى ماسەلەلەردى دەر كەزىندە اقىلداسىپ شەشىپ، حالىق قۇرىلتايلارىنىڭ جانە ونىڭ تۇراقتى كوميتەتتەرىنىڭ زاڭ بويىنشا مىندەت ۇقىعىن جۇرگىزۋىن، قىزمەت ورىستەتۋىن قولداۋى كەرەك. ٴار دارەجەلى حالىق قۇرىلتايى تۇراقتى كوميتەتتەرى جاڭا داۋىردەگى حالىق قۇرىلتايى قىزمەتىنىڭ قاجەتىنە ۇيلەسىپ، پارتيانى جاپپاي قاتاڭ باسقارۋداعى نەگىزگى تۇلعالىق جاۋاپكەرشىلىگىن اتقارىپ، ”ٴتورت ورگان“ تالابىن تياناقتاندىرىپ، حالىق قۇرىلتايى ورگانىنىڭ ساياسي قۇرىلىسىن، يدەيالىق قۇرىلىسىن، ۇيىمدىق قۇرىلىسىن، ستيل قۇرىلىسىن، ٴتارتىپ قۇرىلىسىن كۇشەيتىپ، ساياسيدا تاباندى، حالىققا قىزمەت وتەيتىن، زاڭمەن باسقارۋعا قۇرمەت ەتەتىن، دەموكراتيانى اسقاقتاتاتىن، جاۋاپكەرشىلىكتى ادا ەتۋگە تالپىناتىن حالىق قۇرىلتايى قىزمەت قوسىنىن تۇلعالاپ، جاڭا داۋىردەگى جاڭا جورىقتا حالىق قۇرىلتايى قىزمەتىنىڭ ساپاسى مەن دەڭگەيىن ۇزدىكسىز جوعارىلاتۋى كەرەك.

ٴزۇمىرات وبۇل ٴماجىلىستى باسقارعاندا بىلاي دەپ اتاپ كورسەتتى: شي جينپيڭ زاڭمەن باسقارۋ يدەياسىن، باس شۋجي شي جينپيڭنىڭ حالىق قۇرىلتايى تۇزىمىنە تاباندى بولۋ جانە ونى كەمەلدەندىرۋ جونىندەگى ماڭىزدى يدەياسىن ىشكەرىلەي ۇيرەنىپ، دايەكتىلەندىرىپ، ساياسي سانالىلىقتى، ستراتەگيالىق تاباندىلىقتى جانە تاريحي ىرىقتىلىقتى شىنايى كۇشەيتىپ، جاڭا داۋىردەگى حالىق قۇرىلتايى قىزمەتىنىڭ باستان ـ اياق باس شۋجي شي جينپيڭ نۇسقاعان بەتالىستى بويلاي العا ىلگەرىلەۋىنە شىنايى كەپىلدىك ەتۋ كەرەك. حالىق قۇرىلتايى تۇزىمىنە ويداعىداي تاباندى بولىپ، ونى ويداعىداي كەمەلدەندىرىپ، ويداعىداي اتقارىپ، حالىق قۇرىلتايىنىڭ زاڭ ەرەجە شىعارۋ تىرەگى، باقىلاۋ قامتاماسىزدىعى بولۋ، ۋاكىلدەر كۇش ـ قۋاتىن ۇيىستىرۋ فۋنكتسياسىن، رولىن جانە ابزالدىلىعىن ساۋلەلەندىرىپ، جۇڭگو ۇلگىسىندەگى وسىزامانداندىرۋدىڭ شينجياڭ امالياتىنا اناعۇرلىم ويداعىداي قىزمەت وتەۋ جانە ونى قامتاماسىز ەتۋ كەرەك. ”ٴتورت ورگان“ سىندى ورىن تالابىن تياناقتاندىرىپ، وزىندىك قۇرىلىستى جاپپاي كۇشەيتۋ كەرەك. جالپى بارىستىق حالىق دەموكراتياسىنىڭ حيكايالارىن، شينجياڭ حالىق قۇرىلتايىنىڭ حيكايالارىن ويداعىداي بايانداپ، مەملەكەتتىڭ ٴتۇبىرلى ساياسي ٴتۇزىمىنىڭ وي ـ ساناعا تەرەڭ ۇيالاۋىن ىلگەرىلەتۋ كەرەك.

چىن ۋيجۇن، چىن ميڭگو، ۋاڭ جيانشين، ٴيۇسۇپجان مامەت، ەلزات احمەتجان، قادەن كابەن، ۋاڭ لين، اۆتونوميالى رايوندىق حالىق قۇرىلتايى تۇراقتى كوميتەتىنىڭ ورىنباسار مەڭگەرۋشىلەرى، اۆتونوميالى رايوندىق ساياسي كەڭەستىڭ قاتىستى باسشىلارى، اۆتونوميالى رايوندىق سوت مەكەمەسىندەگى، پروكۋراتۋراداعى نەگىزگى جاۋاپتى جولداستار؛ مەملەكەتتىك حالىق قۇرىلتايىندا، مەملەكەتتىك ساياسي كەڭەستە مىندەت وتەيتىن باسشى جولداستار، اۆتونوميالى رايوندىق حالىق قۇرىلتايى تۇراقتى كوميتەتىندە باسشىلىق مىندەتىن وتەگەن ٴبىر ٴبولىم قارت جولداستار؛ اۆتونوميالى رايوننىڭ قاتىستى تاراۋلارىنداعى جاۋاپتى جولداستار، اۆتونوميالى رايوندىق حالىق قۇرىلتايىنىڭ ٴارقايسى ارناۋلى كوميتەتتەرىندەگى جانە تۇراقتى كوميتەتتىڭ ٴارقايسى قىزمەت كوميتەتىندەگى قاتىستى قىزمەتكەرلەر، ٴارقايسى وبلىستىق، قالالىق حالىق قۇرىلتايلارىنىڭ تۇراقتى كوميتەتتەرىندەگى، ايماقتىق حالىق قۇرىلتايلارىنىڭ قىزمەت كوميتەتتەرىندەگى، اۆتونوميالى رايونعا توتە قاراستى اۋدان دارەجەلى قالالارداعى، ٴىشىنارا اۋداندىق، قالالىق، رايوندىق حالىق قۇرىلتايلارىنىڭ تۇراقتى كوميتەتتەرىندەگى جاۋاپتى جولداستار، مەملەكەتتىك جانە اۆتونوميالى رايوندىق حالىق قۇرىلتايىنىڭ ٴىشىنارا ۋاكىلدەرى ماجىلىسكە قاتىناستى.