شينحۋا اگەنتتىگىنىڭ 9 ـ ايدىڭ 29 ـ كۇنى بەيجيڭنەن بەرگەن حابارى. جاڭا جۇڭگو قۇرىلعاندىعىنىڭ 75 جىلدىعى قارساڭىندا، پارتيا ورتالىق كوميتەتىنىڭ بەكىتۋىمەن، ورتالىق كوميتەت پارتيا تاريحىن جانە حۇجات زەرتتەۋ ورنى قۇراستىرعان «جۇڭگو كوممۋنيستىك پارتياسىنىڭ جىلنامالىق تاريحى» (جاڭا دەموكراتيالىق توڭكەرىس ٴداۋىرى) جۇڭگو كوممۋنيستىك پارتياسى پارتيا تاريحى باسپاسىنان باسپادان شىقتى، سول كۇننەن باستاپ بۇكىل ەلدە تاراتىلدى.

«جۇڭگو كوممۋنيستىك پارتياسىنىڭ جىلنامالىق تاريحى» (جاڭا دەموكراتيالىق توڭكەرىس ٴداۋىرى) شي جينپيڭ جاڭا ٴداۋىر جۇڭگوشا سوتسياليزم يدەياسىن جەتەكشى ەتۋگە تاباندى بولىپ، جاڭا دەموكراتيالىق توڭكەرىس داۋىرىندەگى جۇڭگو كوممۋنيستىك پارتياسىنىڭ ساياسي، اسكەري ىستەر، ەكونوميكا، مادەنيەت، قوعام، سىرتقى قارىم ـ قاتىناس، پارتيا قۇرىلىسى سياقتى جاقتارداعى ماڭىزدى قيمىلدارىن باسا بايىمداپ، جۇڭگو كوممۋنيستىك پارتياسىنىڭ دۇنيەگە كەلۋ، دامۋ، زورايۋ شۇعىلالى بارىسىن تولىق ايگىلەگەن، جۇڭگو كوممۋنيستىك پارتياسىنىڭ جاڭا دەموكراتيالىق توڭكەرىستىڭ ۇلى جەڭىسىنە قول جەتكىزۋدەگى قاجىماي ـ تالماي كۇرەس جۇرگىزۋ تاريحىن، قۇربان بەرۋدەن قورىقپاۋ تاريحىن، نازاريالىق ىزدەنىس تاريحىن، حالىقتى باقىتقا كەنەلتۋ تاريحىن، وزىندىك قۇرىلىس تاريحىن جان ـ جاقتى بەينەلەگەن. تۇتاس كىتاپ 1921 ـ جىلدان 1949 ـ جىلعا دەيىن جىلىنا ٴبىر توم، جيىنى 29 توم، 9 ميلليوننان استام ٴارىپ بولىپ، قازىرگە دەيىنگى مازمۇنى ەڭ باي، كولەمى ەڭ زور جىلنامالىق پارتيا تاريحى نەگىزگى شىعارماسى سانالادى.

«جۇڭگو كوممۋنيستىك پارتياسىنىڭ جىلنامالىق تاريحىنىڭ» (جاڭا دەموكراتيالىق توڭكەرىس ٴداۋىرى) باسپادان شىعۋى بۇكىل پارتيانىڭ، بۇكىل قوعامنىڭ پارتيا تاريحىن ۇيرەنۋىنە، «پارتيا تاريحىن ۇيرەنۋ تاربيەسى قىزمەتى ەرەجەسىن» دايەكتىلەندىرۋىنە، تياناقتاندىرۋىنا، پارتيا تاريحىن ۇيرەنۋ تاربيەسىنىڭ ۇدايىلانۋىن، ۇزاق ٴونىمدى بولۋىن ىلگەرىلەتۋگە قۇزىرلى وقۋلىق جانە نەگىزدىك وقۋلىق ازىرلەدى، بۇل ٴبىزدىڭ جاڭا داۋىردەگى جاڭا جورىقتا شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ توڭىرەگىنە اناعۇرلىم تىعىز ىنتىماقتاسىپ، ”ەكىنى تۇراقتاندىرۋدىڭ“ شەشۋشى ٴمانىن تەرەڭ ٴتۇسىنىپ، ”ەكىنى قورعاۋدى“ باتىل ورىنداپ، جۇڭگو ۇلگىسىندەگى وسىزامانداندىرۋ ارقىلى مەملەكەتتى قۇدىرەتتەندىرۋ قۇرىلىسىن، ۇلتتى گۇلدەندىرۋ ۇلى ٴىسىن جاپپاي ىلگەرىلەتۋدە ماڭىزدى مانگە يە.