اۆتونوميالى رايوندىق حالىق قۇرىلتايى تۇراقتى كوميتەتى تۇراقتى كوميتەت ماجىلىسىنە سىرتتاي قاتىناسقان ۋاكىلدەر اڭگىمە ٴماجىلىسىن اشتى

　　ۋاكىلدەردىڭ رولىن ساۋلەلەندىرىپ، اۋىل ـ قىستاقتى جاپپاي گۇلدەندىرۋگە دەم بەرۋ كەرەك

انار بۇلت \ شينجياڭ گازەتىنىڭ ٴتىلشىسى جاڭ لەي 11 ـ ايدىڭ 27 ـ كۇنى ۇرىمجىدەن حابارلايدى. 11 ـ ايدىڭ 26 ـ كۇنى تۇستەن كەيىن اۆتونوميالى رايوندىق 14 ـ كەزەكتى حالىق قۇرىلتايى تۇراقتى كوميتەتىنىڭ 16 ـ ماجىلىسىنە سىرتتاي قاتىناسقان ۋاكىلدەر اڭگىمە ٴماجىلىسى اشىلدى.

اۆتونوميالى رايوندىق حالىق قۇرىلتايى تۇراقتى كوميتەتىنىڭ مەڭگەرۋشىسى ٴزۇمىرات وبۇل ماجىلىسكە قاتىناستى ٴارى ٴسوز سويلەدى.

”قىزمەت ٴىس جۇزىندىگىمەن ۇشتاستىرىپ، حالىق تۇرمىسىنا تيىمدىلىك جەتكىزەتىن ٴتىپتى كوپ ۇسىنىس بەرەمىن“، ”ٴوز ارتىقشىلىعىمدى ساۋلەلەندىرىپ، نەگىزگى ساتىنى باسقارۋ قىزمەتىنە ات سالىسۋدى اۋىل ـ قىستاقتى گۇلدەندىرۋگە كۇش قوسۋدىڭ قامال الۋ ٴتۇيىنى ەتەمىن“، ” ’كورىپ، تىڭداپ، سۇراستىرىپ، باعامداۋدى‘ جالپى بارىستىق حالىق دەموكراتياسىنىڭ ناقتى امالياتىندا تولىق پايدالانامىن“... ماجىلىستە مەملەكەتتىك جانە اۆتونوميالى رايوندىق حالىق قۇرىلتايىنىڭ 8 ۋاكىلى وزدەرىنىڭ مىندەت اتقارۋ كەشىرمەلەرىمەن ۇشتاستىرا وتىرىپ، ۋاكىل رولىن ساۋلەلەندىرىپ، اۋىل ـ قىستاقتى جاپپاي گۇلدەندىرۋگە دەم بەرۋدى ارقاۋ ەتە وتىرىپ، تۇرلىشە تۇرعىدان پىكىر اۋىستىرىپ، ٴسوز سويلەدى، سىرتتاي قاتىناسقان 12 ۋاكىل جازباشا پىكىر اۋىستىردى. ٴزۇمىرات وبۇل مىنالاردى ٴبىلدىردى: كوپشىلىكتىڭ ۇسىنىس ـ پىكىرلەرىن مۇقيات زەرتتەپ، بەلسەنە قابىلدايمىز نەمەسە قاتىستى تاراۋلاردىڭ اقىلداسىپ ٴبىر جاقتى ەتۋىنە جولدايمىز.

ٴزۇمىرات وبۇل بىلاي دەپ اتاپ كورسەتتى: حالىق قۇرىلتايى ۋاكىلى حالىقتان كەلگەن، حالىق ٴۇشىن قىزمەت وتەيدى، اۋىل ـ قىستاقتى جاپپاي گۇلدەندىرۋدى ىلگەرىلەتۋدەگى ماڭىزدى كۇش سانالادى. ۋاكىلدەردىڭ كاسىپ سالاسىن گۇلدەندىرۋ بارىسىنداعى رولىن ساۋلەلەندىرىپ، قىزمەت مىندەتىن جانە كاسىپتىك ارتىقشىلىعىن تياناق ەتىپ، جەرگىلىكتى ورىننىڭ بايلىق ارتىقشىلىعىنا سۇيەنىپ، جەرگىلىكتى جاعدايعا قاراي اۋىل ـ قىستاقتىڭ ەرەكشە، باسىمدىققا يە كاسىپ سالاسىن دامىتۋدى ىلگەرىلەتىپ، شارۋالاردى ٴوندىرىستى دامىتىپ، كىرىستى ارتتىرىپ بايۋعا باستاۋ كەرەك. ۋاكىلدەردىڭ دارىندىلار ارقىلى گۇلدەندىرۋدەگى رولىن ساۋلەلەندىرىپ، اۋىل ـ قىستاقتىڭ اناعۇرلىم ويداعىداي دارىندىلاردى باۋلۋىنا، دارىندىلاردى ەنگىزۋىنە، دارىندىلاردان پايدالانۋىنا، دارىندىلاردى الىپ قالۋىنا كومەكتەسىپ، اقىل ـ پاراساتتى، كۇش ـ قۋاتتى ۇيىستىرىپ، اۋىل ـ قىستاقتىڭ دامۋىنا قىزمەت وتەۋ كەرەك. ۋاكىلدەردىڭ مادەنيەتتى گۇلدەندىرۋدەگى رولىن ساۋلەلەندىرىپ، جۇڭحۋا ۇلتى ورتاق تۇلعا قۇرىلىسىن زور كۇشپەن ىلگەرىلەتىپ، جۇڭحۋانىڭ تاڭداۋلى ٴداستۇرلى مادەنيەتىن اسقاقتاتىپ، وسى زامانعى وركەنيەتتى تۇرمىستى دارىپتەپ، وركەنيەتتى اۋىل سالتىن جەتىلدىرىپ، اۋىل ـ قىستاقتىڭ دامۋىنا قۋات ۇستەۋ كەرەك. ۋاكىلدەردىڭ ەكولوگيانى گۇلدەندىرۋدەگى رولىن ساۋلەلەندىرىپ، ”مىڭ قىستاق ۇلگى كورسەتۋ، 10 مىڭ قىستاقتى رەتتەۋ ـ وڭاۋ ينجەنەرياسى“ تاجىريبەسىن شەبەرلىكپەن ۇيرەنىپ، پايدالانىپ، جاسىل دامۋ ٴتاسىلى مەن تۇرمىس ٴتاسىلىن بەلسەنە جالپىلاستىرىپ، كوركەم ٴوندىرىستى، كوركەم تۇرمىستى، كوركەم ەكولوگيانى ىلگەرىلەتىپ، تۇنىق سۋ، جاسىل تاۋدى قورعاپ، اۋىل ـ قىستاق قورشاعان ورتاسىن وڭاپ، قونىسقا جايلى مەكەن قۇرۋ كەرەك. ۋاكىلدەردىڭ ۇيىمدى گۇلدەندىرۋدەگى رولىن ساۋلەلەندىرىپ، نەگىزگى ساتى ۇيىمىن كۇشەيتىپ قۇرۋعا، نەگىزگى ساتىنىڭ نەگىزىن بەكەمدەۋگە بار كۇشپەن قولداۋ كورسەتىپ، حالىق قۇرىلتايىنىڭ نەگىزگى ساتىنى باسقارۋعا دەم بەرۋ قىزمەتىنە ىشكەرىلەي ات سالىسىپ، بۇقارامەن بەلسەندى بايلانىس جاساپ جانە ولارعا قىزمەت وتەپ، اۋىل ـ قىستاقتى باسقارۋدى وسىزامانداندىرۋدى ىلگەرىلەتىپ، بىرگە قۇراتىن، بىرگە باسقاراتىن، بىرگە يگىلىكتەنەتىن اۋىل ـ قىستاقتى باسقارۋ ارناسىن قالىپتاستىرۋ كەرەك.

ٴزۇمىرات وبۇل بىلاي دەپ باسا دارىپتەدى: ”ەكىنى تۇراقتاندىرۋدى“ تاباندىلىقپەن قولداۋ، ”ەكىنى قورعاۋدى“ باتىل ورىنداۋ بيىگىنەن باس شۋجي شي جينپيڭنىڭ اۋىل ـ قىستاقتى گۇلدەندىرۋ ستراتەگياسىن اتقارۋ جونىندەگى ماڭىزدى بايىمداۋلارىن ىشكەرىلەي ۇيرەنىپ، دايەكتىلەندىرىپ، قاتىستى زاڭ، زاڭ ـ ەرەجەلەردى جانە ساياساتتاردى ۇيرەنىپ، اۋىل شارۋاشىلىعىنىڭ، اۋىل ـ قىستاق ەكونوميكاسىنىڭ دامۋ زاڭدىلىعىن جانە شارۋالار ماسەلەسىن مۇقيات زەرتتەپ، اۋىل ـ قىستاقتى گۇلدەندىرۋدەگى ”اڭعارلى ادام“ بولۋعا قۇلشىنىپ، جالپى بارىستىق حالىق دەموكراتياسىن سانالىلىقپەن امالياتتا ايگىلەپ، اۋىل ـ قىستاقتى گۇلدەندىرۋ ستراتەگياسىن اتقارۋ بارىسىندا الدا ٴجۇرىپ، ۇلگى كورسەتىپ، اۋىل ـ قىستاقتى جاپپاي گۇلدەندىرۋدى ىلگەرىلەتىپ، كورىكتى، قونىسقا جايلى اۋىل ـ قىستاق قۇرۋعا بەلسەندى ۇلەس قوسۋ كەرەك.

لي نيڭپيڭ اڭگىمە ٴماجىلىسىن باسقاردى.