شينجياڭنىڭ 57 كاسىپ سالاسى ٴتۇرى ىنتالاندىرۋ تۇرىندەگى كاسىپ سالاسى بويىنشا قولداۋ كولەمىنە ەنگىزىلدى

سانى جاعىنان باتىس بولىكتەگى وڭىرلەردىڭ الدىڭعى قاتارىنا ٴوتتى

انار بۇلت \ شينجياڭ گازەتىنىڭ ٴتىلشىسى شى شين 3 ـ ايدىڭ 15 ـ كۇنى ۇرىمجىدەن حابارلايدى. اۆتونوميالى رايوندىق دامۋ جانە رەفورما كوميتەتىنەن ۇعىسۋىمىزشا، شينجياڭدا جاڭادان قوسىلعان ىنتالاندىرۋ تۇرىندەگى 57 كاسىپ سالاسى ٴتۇرى «باتىس بولىك ٴوڭىرىنىڭ ىنتالاندىرۋ تۇرىندەگى كاسىپ سالاسى مازمۇنى (2025 ـ جىلعى نۇسقا)» (تومەندە قىسقارتىلىپ «مازمۇن» دەلىندى) بويىنشا قولداۋ كولەمىنە ەنگىزىلىپ، باتىس بولىك وڭىرىندەگى ٴتۇرى ەڭ كوپ ولكەگە اينالعان. وسى كاسىپ سالالارىمەن شۇعىلداناتىن كاسىپورىندار كاسىپورىننىڭ %15 تىك تابىس سالىعى تيىمدىلىگىنەن يگىلىكتەنەدى.

باتىس بولىك وڭىرىندەگى ىنتالاندىرۋ تۇرىندەگى كاسىپ سالاسىمەن شۇعىلداناتىن كاسىپورىنداردان %15تىك سالىق مولشەرى بويىنشا كاسىپورىن تابىس سالىعىن كەمەيتىپ الۋ — باتىس بولىكتى قاۋىرت اشۋداعى ماڭىزدى ساياساتتاردىڭ ٴبىرى. «مازمۇندا» باتىس بولىكتى قاۋىرت اشۋ بويىنشا كاسىپورىنداردىڭ تابىس سالىعىندا جەڭىلدىك جاساۋ ساياساتىنا ۇيلەسەتىن كاسىپ سالاسى كولەمى بەلگىلەندى، بۇل كاسىپورىنداردىڭ وسى ساياساتتان يگىلىكتەنە الۋ ـ الماۋىنداعى باستى نەگىز بولىپ، 2025 ـ جىلى 1 ـ ايدىڭ 1 ـ كۇنىنەن باستاپ رەسمي اتقارىلدى. باتىس بولىكتى قاۋىرت اشۋ كاسىپ سالالارى ساياساتى جونىندەگى ماڭىزدى حۇجات رەتىندە «مازمۇن» باتىس بولىكتى قاۋىرت اشۋ قازىنا ـ سالىق، قارجى قوسۋ، دارىندىلار سياقتى ساياساتتارمەن سايكەسە كۇش سالىپ، باتىس بولىك ٴوڭىرىنىڭ ەكونوميكاسىنىڭ، قوعامىنىڭ جوعارى ساپالى دامۋىن جەبەۋ ساياساتتىق جۇيەسىن بىرگە قالىپتاستىردى.

«مازمۇن» ەكى بولىمگە بولىنەدى: ٴبىرى، مەملەكەتتىڭ كاسىپ سالاسى مازمۇنىندا بار ىنتالاندىرۋ تۇرىندەگى كاسىپ سالالارى؛ ەندى ٴبىرى، باتىس بولىك وڭىرلەردە جاڭادان قوسىلعان ىنتالاندىرۋ تۇرىندەگى كاسىپ سالالارى.

«مازمۇنداعى» شينجياڭعا ساياتىن جاڭادان قوسىلعان ىنتالاندىرۋ تۇرىندەگى كاسىپ سالاسى ٴتۇرى وسى زامانعى اۋىل شارۋاشىلىعى، جاسىل ەنەرگيا، مادەنيەت ـ ساياحاتى، توقىماشىلىق، كيىم ـ كەشەك سياقتى كاسىپ سالالارىن قامتىپ، مازمۇنى اناعۇرلىم جان ـ جاقتى بولىپ، كاسىپ سالاسىنىڭ قامتۋ كولەمى اناعۇرلىم كەڭەيدى.

ەرەكشە نازار اۋدارۋعا تاتيتىنى، اۆتونوميالى رايوندىق دامۋ جانە رەفورما كوميتەتى شينجياڭدا جاڭادان قوسىلعان ىنتالاندىرۋ تۇرىندەگى 57 كاسىپ سالاسى تۇرىنە مەڭزەس، ەگجەي ـ تەگجەيلى تۇسىنىك جاساۋ قىزمەتىن ورىستەتتى ٴارى دەر كەزىندە قوعامعا جاريالادى، وسى جاسامپاز سيپاتتى ٴادىس «باتىس بولىك وڭىرلەرىنىڭ ىنتالاندىرۋ تۇرىندەگى كاسىپ سالاسى مازمۇنى» اتقارىلعاننان بەرى تۇڭعىش رەت بولىپ وتىر.

اۆتونوميالى رايوندىق دامۋ جانە رەفورما كوميتەتى باتىس بولىكتى اشۋ باسقارماسىنىڭ ورىنباسار باستىعى ما يانتيڭ بىلاي دەپ تانىستىردى: «مازمۇندى» اتقارۋدا ”ٴوزى پارىقتاۋ، يگىلىكتەنۋگە مالىمدەۋ، قاتىستى ماتەريالداردى تەكسەرۋگە ساقتاپ قويۋ“ ٴتاسىلى قولدانىلعاندىقتان، كاسىپورىن تۇجىرىم جاساعان كەزدە ساياساتتىق تالابى، شەكاراسى جونىندە كەيبىر تانىم جاعىندا اعاتتىق تۋىلادى. تۇسىنىك جاريالاۋ ارقىلى كاسىپ سالاسىنىڭ انىقتاماسىن، تەحنولوگيالىق ولشەمىن جانە كاسىپ سالاسى تىزبەگىنىڭ كولەمىن ەگجەي ـ تەگجەيلىلەندىرىپ، كاسىپورىنداردىڭ «مازمۇن» جونىندەگى ساياساتتىق تۇسىنىگىن جوعارىلاتىپ، كاسىپورىنداردىڭ قارجى قوسۋ سەنىمىن ارتتىرۋعا بولادى.

اۆتونوميالى رايوندىق سالىق مەكەمەسىنىڭ ساندى مالىمەتىندە كورسەتىلۋىنشە، سوڭعى 3 جىلدا شينجياڭ ٴار جىلى «باتىس بولىك وڭىرلەرىنىڭ ىنتالاندىرۋ تۇرىندەگى كاسىپ سالاسى مازمۇنىنا» بايلانىستى كەمەيتكەن، كەشىرىم ەتكەن سالىق سوماسى 10 ميلليارد يۋاننان اسىپ، قوعامدىق قارجى قوسۋعا جەتەكشىلىك ەتۋدە، كاسىپ سالاسىنا ويىسۋدى جالعاستىرۋدا، كاسىپ سالاسى قۇرىلىمىن ساپالىلاندىرۋدا بەلسەندى رول اتقارعان.