ياڭ شيۋلي، ەلشات تۇرسىنباي ۇلى توعىزتاراۋ اۋدانىندا كەن بايلىقتارىن بارلاۋ، اشۋ، نىسان قۇرىلىسى جانە نەگىزگى ساتىنى باسقارۋ قىزمەتتەرىنە تەكسەرۋ ـ زەرتتەۋ جۇرگىزگەندە بىلاي دەپ باسا دارىپتەدى

جوعارى ساپالى دامۋ سىندى ماڭداي الدى مىندەتپەن تىعىز بىرلەستىرىپ، ەكونوميكادا ”ٴساتتى باستاما اشۋعا“ كۇش سالا ۇمتىلۋ كەرەك

تىلشىلەر ما چىڭلۋ، سۇن ي - نان، چين لەي حابارلايدى. 3 - ايدىڭ 15 - كۇنى ىلە وبلىستىق پارتكومنىڭ شۋجيى ياڭ شيۋلي، وبلىستىق پارتكومنىڭ ورىنباسار شۋجيى، وبلىس باستىعى ەلشات تۇرسىنباي ۇلى توعىزتاراۋ اۋدانىنا بارىپ كەن بايلىقتارىن بارلاۋ، اشۋ، نىسان قۇرىلىسى جانە نەگىزگى ساتىنى باسقارۋ قىزمەتتەرىنە تەكسەرۋ - زەرتتەۋ جۇرگىزدى. ولار مىنالاردى باسا دارىپتەدى: مەملەكەتتىك ەكى ٴماجىلىستىڭ رۋحىن، اسىرەسە، باس شۋجي شي جينپيڭنىڭ ماڭىزدى سوزدەرىنىڭ رۋحىن ىشكەرىلەي ۇيرەنىپ، دايەكتىلەندىرىپ، جاڭا داۋىردەگى پارتيانىڭ شينجياڭدى باسقارۋ جالپى جوباسىن تولىق، دالمە - ٴدال، جاپپاي دايەكتىلەندىرىپ، اۆتونوميالى رايوندىق پارتكومنىڭ شۋجيى ما شيڭرۇيدىڭ ىلەدە تەكسەرۋ - زەرتتەۋ جۇرگىزگەن كەزدەگى قىزمەت تالابىنا ساي، جوعارى ساپالى دامۋ سىندى ماڭداي الدى مىندەتپەن تىعىز بىرلەستىرىپ، دامۋ مەن حاۋىپسىزدىكتى، ەسىك اشۋ مەن حاۋىپسىزدىكتى اناعۇرلىم ويداعىداي ٴبىر تۇتاس جوسپارلاپ، يدەيانى اناعۇرلىم ازات ەتىپ، كوزقاراسقا بۇرىلىس جاساپ، شىنايى يگەرىپ، ناقتى ىستەپ، ٴتۇيىندى مىندەتتەردىڭ تياناقتانۋىن، ونىمدىلىك كورسەتۋىن ىلگەرىلەتىپ، ەكونوميكادا ”ٴساتتى باستاما باستاۋعا“ بارىنشا ۇمتىلىپ، بۇكىل شينجياڭ ەكونوميكاسىنىڭ جوعارى ساپالى دامۋىن ىلگەرىلەتۋگە، مەملەكەتتىڭ ستراتەگيالىق جالپى جاعدايىنا قىزمەت وتەۋگە ىلەنىڭ اناعۇرلىم زور ۇلەسىن قوسۋ كەرەك.

كەن بايلىعى − ىلەنىڭ جوعارى ساپالى دامۋىنىڭ ماڭىزدى ابزالدىلىعى جانە تىرەگى. ياڭ شيۋلي، ەلشات تۇرسىنباي ۇلى ىلگەرىندى ـ كەيىندى توعىزتاراۋ اۋدانىنىڭ قارا تەكشە قورعاسىن، كۇمىس كەنى، شىنچۋان - بوعىتى مىس، التىن سياقتى كوپ ٴتۇرلى مەتال كەندەرىنە بارىپ، كاسىپورىن جاۋاپتىلارىمەن ىشكەرىلەي پىكىر اۋىستىرىپ، نىسان قۇرىلىسىنىڭ اياق الىسى جـاعدايىن جـۇمىس بـاسىندا تەكسەردى. ياڭ شيۋلي بىلاي دەپ باسا دارىپتەدى: بارلاۋ، اشۋ مەن زاپاس قوردى مولايتىپ، ٴونىمدى ارتتىرۋدى بار كۇشپەن ىلگەرىلەتىپ، داعدىلى قاعيدانى بۇزىپ، قارقىندى تەزدەتىپ، ونىمدىلىكتى ارتتىرىپ، زاڭ، بەلگىلەمە بويىنشا ىستەپ، جوبا جاساۋ، رەسميات ٴبىتىرۋ، بايلىقتى بارلاۋ، مەردىگەر شاقىرۋ، مەردىگەرلىككە مالىمدەلۋ سياقتى تارتىپتەردى ۇزدىكسىز ىلگەرىلەتىپ، فاكتورلارمەن، قىزمەت وتەۋمەن قامتاماسىز ەتۋدى كۇشەيتىپ، باسشىلاردىڭ كوتەرمەگە الىپ بايلانىس جاساۋ مەحانيزمىن كەمەلدەندىرىپ، تياناقتاندىرىپ، نىسانداردىڭ ەرتە سالىنۋىن، ەرتەرەك وندىرىسكە قوسىلۋىن، ەرتە ونىمدىلىك كورسەتۋىن كۇش سالا جەبەۋ كەرەك. ەكونوميكالىق ەسەپ - قيساپتىڭ ونىمدىلىك ەسەبىن ويداعىداي جاساپ، كەن بارلاۋ، كەن قازۋ، كەن تاڭداۋ، قورىتۋ، سۇرىپتاۋ، مانەرلەۋ، ساتۋ سياقتى سان تاراۋلى كاسىپ سالالارىن ويداعىداي يگەرىپ، كەن بايلىعىنىڭ تۇتاس كاسىپ سالاسى تىزبەگىنىڭ دامۋىن بەلسەنە ىلگەرىلەتىپ، ٴونىمنىڭ قوسىمشا قۇنىن ارتتىرىپ، ەكونوميكانىڭ ۇلەس دارەجەسىن جوعارىلاتۋ كەرەك. ٴوندىرىس حاۋىپسىزدىگىنىڭ تومەنگى شەگىن جانە ەكولوگيالىق ورتانى قورعاۋدىڭ قىزىل سىزىعىن ونان ارى بەرىك ساقتاپ، ٴوندىرىس حاۋىپسىزدىگىنىڭ ٴتۇرلى ساقتانۋ شارالارىن قاتاڭ تياناقتاندىرىپ، بايلىق ونىمدىلىگىنىڭ، قورشاعان ورتا ونىمدىلىگىنىڭ جانە قوعامدىق ونىمدىلىكتىڭ بىرلىگىن قۇلشىنا جۇزەگە اسىرۋ كەرەك.

توعىزتاراۋ اۋدانىنىڭ سۋتەگىن جانار زات ەتكەن باتەريا نىسانى، گورۇڭ حيميالىق جاپىراقشا اليۋمين ٴوندىرۋ شەكتى سەرىكتەستىگى نىسانى (2 ـ مەرزىمدىك) قۇرىلىسىنىڭ جۇمىس باسىندا ياڭ شيۋلي كاسىپورىننىڭ تيجارات، اينالىم جۇمىسىن باسقارۋ سياقتى جاعدايلارىن ەگجەي ـ تەگجەيلى ۇعىستى. ول ىلە ساياسات، بايلىق، وڭىرلىك ورىن، وتكەل سياقتى ابزالدىلىقتاردان تولىق پايدالانىپ، ونىمدەردى اشۋ جانە بازار اشۋ تەبىنىن ونان ارى ارتتىرۋى، اسىرەسە، باتىسقا ەسىك اشۋ جاعدايىنا ىرىقتىلىقپەن توعىسىپ، شەتەل بازارىن كەڭەيتۋ تەبىنىن ۇزدىكسىز ارتتىرىپ، كاسىپورىنداردى الۋەتتەندىرۋدى، ساپالىلاندىرۋدى، زورايتۋدى؛ ەنەرگيا بايلىعىن سول جەردىڭ وزىندە كادەگە جاراتۋدى، سول جەردىڭ وزىندە تازارتۋدى ۇزدىكسىز ىلگەرىلەتىپ، ٴداستۇرلى كاسىپ سالاسىن جاڭالاۋدى، دارەجەسىن جوعارىلاتۋدى ٴبىر تۇتاس جوسپارلاپ ىلگەرىلەتىپ، جەرگىلىكتى جاعدايعا قاراي ستراتەگيالىق جاڭادان گۇلدەنگەن كاسىپ سالاسىن، بولاشاقتىق كاسىپ سالاسىن دامىتىپ، كاسىپ سالاسىنىڭ جوعارعى ـ تومەنگى بۋىنىنىڭ ۇزارۋىن ىلگەرىلەتۋدى؛ كاسىپورىنداردىڭ سۇرانىسىن باعدار ەتۋگە تاباندى بولىپ، شارۋاشىلىق ـ ساۋدا ورتاسىن ۇزدىكسىز ساپالىلاندىرىپ، ٴوندىرىس فاكتورلارىنىڭ ىركىلىسسىز اينالىمعا ٴتۇسۋىن، ٴتۇرلى بايلىقتاردىڭ جوعارى ٴونىمدى جايعاسۋىن ىلگەرىلەتىپ، جوعارى ساپالى دامۋعا ۇزدىكسىز قوزعاۋشى كۇش، ومىرشەڭدىك كۇش ۇستەۋىن باسا دارىپتەدى.

اۋىل - قالاشىق (ٴمالى)، قىستاق (الەۋمەتتىك اۋماق) − ورنىقتىلىقتى قورعاۋدىڭ، بۇقاراعا قىزمەت ەتۋدىڭ ماڭىزدى ٴتۇيىنى. ياڭ شيۋلي، ەلشات تۇرسىنباي ۇلى توعىزتاراۋ اۋدانى اقتۇبەك قالاشىعى حالي الەۋمەتتىك اۋماعىنا، اقتۇبەك ساقشى بولىمشەسىنە بارىپ، نەگىزگى ساتى بازا قۇرىلىسى، جـۇمىسقا ورنالاستىرۋ ارقىلى سۇيەمەلدەۋ، سـاقشى كۇشىنىڭ تومەنگە ٴتـۇسۋى سياقـتى جاعدايلاردى ۇعىستى. ياڭ شيۋلي بىلاي دەپ باسا دارىپتەدى: قوعام ورنىقتىلىعىن قورعاۋدى باستان - اياق ماڭداي الدى ورىنعا قويىپ، اۋىل - قالاشىق (ٴمالى)، قىستاق (الەۋمەتتىك اۋماق) سىندى شەشۋشى ٴتۇيىندى مىقتاپ يگەرىپ، ساقشى كۇشىن تومەنگە ٴتۇسىرۋ مەحانيزمىنەن ويداعىداي پايدالانىپ، لاڭكەستىككە قارسى تۇرىپ، ورنىقتىلىقتى قورعاۋدى زاڭمەن باسقارۋدى ۇدايىلاندىرۋ قىزمەتىنىڭ ساپاسىن، ونىمدىلىگىن جوعارىلاتۋدى ىلگەرىلەتىپ، نەگىزگى ساتىنىڭ ورنىقتىلىقتى قورعاۋ نەگىزىن ۇزدىكسىز بەكەمدەۋ كەرەك. بۇقارالىق قىزمەتتى ىشكەرىلەي، ەگجەي ـ تەگجەيلى، ويداعىداي ىستەپ، قايشىلىقتار مەن داۋ ـ شارلاردى ٴبىر ـ بىرلەپ تەكسەرۋدى، شەشۋدى كۇشەيتىپ، الەۋمەتتىك حاۋىپسىزدىكتى باسقارۋدى كۇشەيتىپ، ٴتۇرلى حاۋىپ ـ قاتەرلەر مەن كومەسكى كىناراتتاردان جاپپاي ساقتانىپ جانە ونى جويىپ، قوعامدىق باسقارۋدىڭ جالپىلىق ونىمدىلىگىن ۇزدىكسىز جوعارىلاتۋ كەرەك. دامۋ مەن ورنىقتىلىقتىڭ قاتىناسىن دۇرىس ٴبىر جاقتى ەتىپ، كاسىپ ارقىلى ادامدى الاڭسىز ەتۋگە، كاسىپ ارقىلى ادامدى ورنىقتىرۋعا، كاسىپ ارقىلى كىرىستى ارتتىرۋعا تاباندى بولىپ، ەكونوميكانىڭ جوعارى ساپالى دامۋىن جەدەل ىلگەرىلەتىپ، دامۋ ارقىلى ورنىقتىلىقتى جەبەۋگە، ورنىقتىلىق ارقىلى دامۋعا شىنايى كەپىلدىك ەتۋ كەرەك. ورتالىقتىڭ 8 ٴتۇرلى بەلگىلەمەسىنىڭ رۋحىن ۇيرەنۋ تاربيەسىن ويداعىداي جوسپارلاپ، ىشكەرىلەي ورىستەتىپ، فورماشىلدىقتى، تورەشىلدىكتى ۇزدىكسىز تۇزەتىپ، ناقتى ىستەۋگە ٴمان بەرۋگە، ناقتى ٴىس ىستەۋگە، ناقتى ونىمدىلىككە تالپىنۋعا تاباندى بولىپ، قالىڭ نەگىزگى ساتى كادرلارىنىڭ تياناقتاندىرۋعا اناعۇرلىم كوپ كۇش سالۋىنا مۇمكىندىك جاساۋ كەرەك.

وبلىس باسشىلارىنان حۋ كايجياڭ، جۋ داگاڭ تەكسەرۋ ـ زەرتتەۋگە قاتىناستى.

سۋرەتتە: وبلىستىق پارتكومنىڭ شۋجيى ياڭ شيۋلي، وبلىستىق پارتكومنىڭ ورىنباسار شۋجيى، وبلىس باستىعى ەلشات تۇرسىنباي ۇلى توعىزتاراۋ اۋدانىنىڭ اقتۇبەك ساقشى بولىمشەسىندە ساقشى كۇشتەرىنىڭ نەگىزگى ساتىعا ٴتۇسۋى سياقتى جاعدايلاردى جۇمىس باسىندا ۇعىستى.                                               سۋرەتتى الماس ابىلەز تۇسىرگەن