تىلشىلەرىمىز ما چىڭلۋ، ليۋ چىڭگاڭ، چين لەي، اراي حابارلايدى. 3 - ايدىڭ 13 - كۇنى ىلە وبلىستىق 4 - كەزەكتى وتانعا ورالعان چياۋميندەر، چياۋميندەردىڭ تۋىس - تۋعاندارى قۇرىلتايى قۇلجا قالاسىندا اشىلدى. ىلە وبلىستىق پارتكومنىڭ شۋجيى ياڭ شيۋلي، اۆتونوميالى رايوندىق چياۋميندەر بىرلەستىگى پارتيا باسشىلىق گرۋپپاسىنىڭ مۇشەسى، ورىنباسار ٴتوراعاسى ۋاڭ چاۋحۇي اشىلۋ ماجىلىسىنە قاتىناستى ٴارى ٴسوز سويلەدى. ياڭ شيۋلي ىلە وبلىسىنىڭ 4 باسشىلىق القاسى اتىنان، ۋاڭ چاۋحۇي اۆتونوميالى رايوندىق چياۋميندەر بىرلەستىگى اتىنان قۇرىلتايدىڭ اشىلعاندىعىن قىزۋ قۇتتىقتادى، قۇرىلتايعا قاتىناسقان ۋاكىلدەرگە جانە بۇكىل وبلىستاعى وتانعا ورالعان چياۋميندەرگە، چياۋميندەردىڭ تۋىس ـ تۋعاندارىنا، شەتەلدەگى چياۋمين باۋىرلاستارعا، سونداي ـ اق چياۋميندەر بىرلەستىگى قىزمەتكەرلەرىنە شىنايى سالەم جولدادى.

ياڭ شيۋلي ىلە وبلىستىق 3 - كەزەكتى وتانعا ورالعان چياۋميندەر، چياۋميندەردىڭ تۋىس - تۋعاندارى قۇرىلتايىنان بەرگى بۇكىل وبلىستىڭ چياۋميندەر ىستەرى مەن چياۋميندەر بىرلەستىگى قىزمەتىندە قول جەتكىزگەن تابىستارىن تولىق تۇراقتاندىردى. ول بىلاي دەپ باسا دارىپتەدى: قازىر بۇكىل وبلىستا جوعارىدان تومەنگە دەيىن پارتيا ورتالىق كوميتەتىنىڭ شينجياڭ جونىنەن بەلگىلەگەن ”بەس ۇلكەن ستراتەگيالىق ورىندى“ كوزدەپ، جۇڭگو ۇلگىسىندەگى وسىزامانداندىرۋدىڭ ىلە امالياتىندا تىڭ قامال الۋدى قۇلشىنا ىلگەرىلەتۋدە. وتانعا ورالعان بارلىق چياۋميندەردىڭ، چياۋميندەردىڭ تۋىس - تۋعاندارىنىڭ جانە شەتەلدەگى چياۋمين باۋىرلاستاردىڭ ۇلتتىڭ ادىلەتتىلىگىن بەرىك ساقتاپ، وتباسى - وتان سۇيىسپەنشىلىگىن نىعايتىپ، باۋىرلاستىق سۇيىسپەنشىلىكتى قويۋلاتۋ، ۇلتتىڭ ورتاق تانىمىن كۇشەيتۋ سىندى ەرەكشە رولىن ساۋلەلەندىرىپ، جۇڭحۋا ۇلتى ورتاق تۇلعا قۇرىلىسىنىڭ ۇلگىلى امالياتتا ايگىلەۋشىسى بولۋىن ٴۇمىت ەتەمىن. دامۋدىڭ ۇلكەن اۋقىمىنا تىعىز ىلەسىپ، وزگەشە باسىمدىلىقتى ساۋلەلەندىرىپ، ىلە ەرەكشەلىگىنە يە وسىزاماندانعان كاسىپ سالاسى جۇيەسىن ورناتۋ، ەركىن ساۋدا سىناق رايونىنىڭ قورعاس اۋماعىن قۇرۋ سياقتىلارعا بەلسەندىلىكپەن، ىرىقتىلىقپەن جول جانە كوپىر سالىپ، اقىل ـ كەڭەس بەرىپ، ەكونوميكانىڭ، قوعامنىڭ جوعارى ساپالى دامۋىنىڭ پارمەندى ىلگەرىلەتۋشىسى بولۋ كەرەك. مادەنيەت سەنىمىن بەكەمدەپ، ويداعىداي كوپىر، دانەكەر بولىپ، ٴتول كەشىرمەلەرىمەن، ٴتول اسەرلەرىمەن جانە باي مىسالدارمەن جاڭا داۋىردەگى شينجياڭ حيكاياسىن، ىلە حيكاياسىن ايقىن تۇرعىدان ويداعىداي بايانداپ، جۇڭحۋانىڭ تاڭداۋلى ٴداستۇرلى مادەنيەتىن بەلسەنە ۇگىتتەۋشى بولۋ كەرەك. ٴار دارەجەلى چياۋميندەر بىرلەستىگى ۇيىمدارى پارتيانىڭ جاپپاي باسشىلىعىنا تاباندى بولىپ، وزىندىك قۇرىلىستى ۇزدىكسىز كۇشەيتىپ، وتانعا ورالعان چياۋميندەردى، چياۋميندەردىڭ تۋىس - تۋعاندارىن جانە شەتەلدەگى چياۋمين باۋىرلاستاردى ەڭ كەڭ كولەمدە ىنتىماقتاستىرىپ، جەتەكشىلىك ەتىپ، ولارعا قىزمەت وتەپ، سەنىمدى، ىنتىماقتاسۋعا تاتيتىن ىنتىماقتى، كۇرەسشەڭ، مەيىرگە تولى وتباسىن قۇلشىنا قۇرۋ كەرەك. ٴار دارەجەلى پارتكومدار مەن ۇكىمەتتەر جانە قاتىستى تاراۋلار پارتيانىڭ چياۋميندەر ٴىسى ساياساتىن مۇقيات تياناقتاندىرىپ، چياۋميندەر بىرلەستىگى ۇيىمدارىنىڭ زاڭ - ەرەجە بويىنشا جاسامپازدىقپەن قىزمەت ورىستەتۋىن قولداپ، وتانعا ورالعان چياۋميندەرگە، چياۋميندەردىڭ تۋىس - تۋعاندارىنا، شەتەلدەگى چياۋمين باۋىرلاستارعا ٴتىپتى دە كوپ دامۋ ورايى مەن سەلبەستىك ورايىن جاراتۋى كەرەك. جاڭا كەزەكتى چياۋميندەر بىرلەستىگىنىڭ باسشىلىق القاسى جاڭا داۋىردەگى چياۋميندەر قىزمەتىنىڭ نەگىزگى تاقىرىبىن تىعىز ارقاۋ ەتىپ، ”چياۋميندەر“ باسىمدىلىعىن بەكەمدەپ، ”چياۋميندەر“ جۇمىسىن ويداعىداي ىستەپ، جاڭا داۋىردەگى ىلە چياۋميندەر ىستەرىنىڭ تاماشا تاراۋىن قۇلشىنا جازۋ كەرەك.

ۋاڭ چاۋحۇي سوزىندە مىنانى ٴۇمىت ەتتى: ىلە وبلىسىنداعى ٴار دارەجەلى چياۋميندەر بىرلەستىگى ۇيىمدارى شي جينپيڭ جاڭا ٴداۋىر جۇڭگوشا سوتسياليزم يدەياسىن جەتەكشى ەتۋگە تاباندى بولىپ، باس شۋجي شي جينپيڭنىڭ چياۋمين قىزمەتى جانە بۇقارالىق ۇيىمدار قىزمەتى جونىندەگى ماڭىزدى بايىمداۋىن ىشكەرىلەي ۇيرەنىپ، دايەكتىلەندىرىپ، يدەيالىق - ساياسي جەتەكشىلىكتى ۇزدىكسىز كۇشەيتىپ، داۋىرمەن بىرگە العا باسىپ، چياۋميندەر بىرلەستىگى قىزمەتىن جوسپارلاپ جانە ىلگەرىلەتىپ، پارتكومنىڭ وزەكتى قىزمەتىنە سانالىلىقپەن قىزمەت وتەپ، رەفورما، دامۋ، ورنىقتىلىق جالپى جاعدايىمەن توعىسىپ، جاڭا داۋىردەگى چياۋميندەرگە تيىمدىلىك جاساۋ، مەيىر جەتكىزۋ، كومەك بەرۋ قىزمەتىن دەن قويا، سۇيىسپەنشىلىكەن كۇش سالا ويداعىداي ىستەپ، پارتيانىڭ چياۋميندەر بىرلەستىگى قىزمەتىنە جاپپاي باسشىلىعىنا تاباندى بولىپ جانە ونى كۇشەيتىپ، جاڭا ٴداۋىردىڭ جاڭا جورىعىندا كورىكتى شينجياڭ قۇرۋعا چياۋميندەر سالاسىنىڭ كۇش - قۋاتىن قوسۋ كەرەك.

قۇرىلتايدا ىلە وبلىستىق ادەبيەت - كوركەمونەرشىلەر بىرلەستىگىندەگى نەگىزگى جاۋاپتى جولداستار حالىقتىق ۇيىمدار اتىنان قۇتتىقتاۋ ٴسوزىن سويلەدى. قۇرىلتاي ىلە وبلىستىق چياۋميندەر بىرلەستىگى 3 - كەزەكتى كوميتەتىنىڭ قىزمەت بايانداماسىن قاراپ ماقۇلدادى، ىلە وبلىستىق چياۋميندەر بىرلەستىگى 4 - كەزەكتى كوميتەتىنىڭ مۇشەلەرىن جانە ٴتوراعاسىن، ورىنباسار ٴتوراعالارىن، باس حاتشىسىن، تۇراقتى مۇشەلەرىن سايلادى.

وبلىس باسشىلارىنان ەلشات تۇرسىنباي ۇلى، نياز اشىم، حۋ كايجياڭ، مامەتجان داۋىت، راپحات توقتام، وبلىسقا توتە قاراستى تاراۋلاردىڭ قاتىستى جاۋاپتى جولداستارى اشىلۋ ماجىلىسىنە قاتىناستى. ىلە وبلىستىق 4 - كەزەكتى وتانعا ورالعان چياۋميندەر، چياۋميندەردىڭ تۋىس ـ تۋعاندارى قۇرىلتايىنىڭ ۋاكىلدەرى ماجىلىسكە قاتىناستى، اۋداندىق، قالالىق چياۋميندەر بىرلەستىگىندەگى جاۋاپتى جولداستار ماجىلىسكە سىرتتاي قاتىناستى.