شينجياڭ كادرلار جينالىسىن اشتى

يدەيا مەن ارەكەتتى مەملەكەتتىك ەكى ٴماجىلىستىڭ رۋحىمەن، اسىرەسە، باس شۋجي شي جينپيڭنىڭ ماڭىزدى سوزدەرىنىڭ رۋحىمەن شىنايى بىرلىككە كەلتىرىپ، جاڭا باستامادا مەملەكەتتى قۇدىرەتتەندىرۋ قۇرىلىسىنىڭ، ۇلتتى گۇلدەندىرۋدىڭ شينجياڭ تاراۋىن جازۋ كەرەك 

ما شيڭرۇي ٴسوز سويلەدى

ەركىن تۇنياز، ٴزۇمىرات وبۇل، نۇرلان ٴابىلماجىن، شاۋكەت يمىن، حى جۇڭيوۋ، جاڭ جۋ، چىن ميڭگو قاتىناستى

شينجياڭ گازەتىنىڭ حابارى (ٴتىلشى ۋاڭ شيڭرۇي). 3 ـ ايدىڭ 14 ـ كۇنى تۇستەن بۇرىن اۆتونوميالى رايون باس شۋجي شي جينپيڭنىڭ ماڭىزدى سوزدەرىنىڭ رۋحىن جانە مەملەكەتتىك ەكى ٴماجىلىستىڭ رۋحىن جەتكىزۋ، ۇيرەنۋ، دايەكتىلەندىرۋ جونىندە كادرلار جينالىسىن اشتى. اۆتونوميالى رايوندىق پارتكومنىڭ شۋجيى ما شيڭرۇي ٴماجىلىستى باسقاردى ٴارى ٴسوز سويلەپ، بىلاي دەپ باسا دارىپتەدى: يدەيا مەن  ارەكەتتى مەملەكەتتىك ەكى ٴماجىـلىستىڭ رۋحىمـەن، اسـىرەسـە، بـاس شۋجي شي جينپيڭنىڭ ماڭىزدى سوزدەرىنىڭ رۋحىمەن شىنايى بىرلىككە كەلتىرىپ، ناقتى ىستەۋ رۋحىن سەرپىلتىپ، ەكپىندەي ىلگەرىلەۋ كۇشىن ۇيىستىرىپ، جاڭا داۋىردەگى پارتيانىڭ شينجياڭدى باسقارۋ جالپى جوباسىن تولىق، دالمە ـ ٴدال، جاپپاي دايەكتىلەندىرىپ، مەملەكەتتىڭ جالپى جاعدايىنداعى شينجياڭنىڭ ”بەس ۇلكەن ستراتەگيالىق ورنىن“ كوزدەپ، باياندى تىنىشتىققا ساياتىن ٴتۇبىرلى سيپاتتى، نەگىزدىك سيپاتتى، ۇزاق بولاشاقتىق سيپاتتى قىزمەتتەردى تىڭعىلىقتى ىلگەرىلەتىپ، جاڭا باستامادا مەملەكەتتى قۇدىرەتتەندىرۋ قۇرىلىسىنىڭ، ۇلتتى گۇلدەندىرۋدىڭ شينجياڭ تاراۋىن قۇلشىنا جازۋ كەرەك.

ەركىن تۇنياز، ٴزۇمىرات وبۇل، نۇرلان ٴابىلماجىن ماجىلىسكە قاتىناستى ٴارى قاتىستى رۋحتى جەكە ـ جەكە جەتكىزدى. شاۋكەت يمىن، حى جۇڭيوۋ، جاڭ جۋ، چىن ميڭگو ماجىلىسكە قاتىناستى.

 ما شيڭرۇي بىلاي دەپ اتاپ كورسەتتى:  بۇل رەتكى مەملەكەتتىك  ەكى ٴماجىلىس −  ”14 ـ بەسجىلدىق“  جوبا اياقتالاتىن  جىلى اشىلعان ٴبىر  رەتكى  اسا  ماڭىزدى ٴماجىلىس.  باس شۋجي شي جينپيڭ بۇل رەتكى ٴماجىلىستى ويداعىداي اشۋعا ايرىقشا ٴمان بەردى، ىلگەرىندى ـ كەيىندى جياڭسۋ ۋاكىلدەر ۇيىرمەسىنىڭ باياندامانى قاراۋىنا قاتىناستى، ساياسي كەڭەس مۇشەلەرىنە امانداسا باردى، سونداي ـ اق بىرىككەن گرۋپپا جيىنىنا قاتىناستى، ازاتتىق ارميا جانە قارۋلى ساقشى بولىمدەرى ۋاكىلدەر ۇيىرمەسىنىڭ جالپى جيىنىنا قاتىناستى، ٴبىر قىدىرۋ ماڭىزدى ٴسوز سويلەدى، بۇل سوزدەر وتە كۇشتى ساياسي سيپاتقا، يدەيالىق سيپاتقا، ستراتەگيالىق سيپاتقا، جەتەكشىلىك سيپاتقا يە بولىپ، ٴبىزدىڭ ٴتۇرلى قىزمەتتى ويداعىداي ىستەۋىمىزگە، جۇڭگو ۇلگىسىندەگى وسىزامانداندىرۋدى ىلگەرىلەتۋىمىزگە ارەكەت باعدارناماسىن ازىرلەدى. ٴماجىلىس ٴبىر قىدىرۋ سۇبەلى ناتيجەگە قول جەتكىزدى، بۇل بۇكىل پارتيانى، بۇكىل ارميانى، بۇكىل ەلدەگى ٴار ۇلت حالقىن ونان ارى جۇمىلدىرىپ، جۇڭگو ۇلگىسىندەگى وسىزامانداندىرۋ ارقىلى مەملەكەتتى قۇدىرەتتەندىرۋ قۇرىلىسىن، ۇلتتى گۇلدەندىرۋ ۇلى ٴىسىن جاپپاي ىلگەرىلەتۋ ٴۇشىن ىنتىماقتاسا كۇرەس جاساۋ جونىنەن كەلەلى ٴارى تەرەڭ مانگە يە. ٴبىز ”ەكىنى تۇراقتاندىرۋدى“ تاباندىلىقپەن قولداپ، ”ەكىنى قورعاۋدى“ باتىل ورىنداپ، مەملەكەتتىك ەكى ٴماجىلىستىڭ رۋحـىـن، اسـىرەسـە، بـاس شـۋجـي شي جينپيڭنىڭ ماڭىزدى سوزدەرىنىڭ رۋحىن ىشكەرىلەي ۇيرەنىپ، دايەكتىلەندىرىپ، ەكونوميكانىڭ، قوعامنىڭ جوعارى ساپالى دامۋىن جەدەل ىلگەرىلەتۋدە اناعۇرلىم زور قادام تاستاپ، مەملەكەت ستراتەگياسىنا قىزمەت وتەۋگە اناعۇرلىم كوپ شينجياڭ ۇلەسىن قوسـۋعا قۇلـشىـنۋىـمىز كەرەك. ما شيڭرۇي بىلاي دەپ اتاپ كورسەتتى: ٴماجىلىس كەزىندە شينجياڭداعى مەملەكەتتىك حالىق قۇرىلتايىنىڭ ۋاكىلدەرى مەن مەملەكەتتىك ساياسي كەڭەستىڭ مۇشەلەرى ٴماجىلىستىڭ ٴتۇرلى باياندامالارىن جانە كەڭەستىك جوبالارىن دەن قويا تىڭداپ، تالقىلاپ، قاراپ،  ٴتۇرلى مىندەتتەردى تولىق تابىسپەن ورىندادى. شينجياڭ ۋاكىلدەر ۇيىرمەسى ۇيىرمە ـ گرۋپپالاردى اشىق ۇستاۋ قيمىلىن وتكىزىپ، شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ پارمەندى باسشىلىعىندا، شينجياڭنىڭ جاڭا داۋىردەگى پارتيانىڭ شينجياڭدى باسقارۋ جالپى جوباسىن تولىق، دالمە ـ ٴدال، جاپپاي دايەكتىلەندىرىپ، جوعارى ساپالى دامۋدى تىڭعىلىقتى ىلگەرىلەتۋدە قول جەتكىزگەن تىڭ تابىستارىن جان ـ جاقتى ايگىلەپ، جاڭا داۋىردەگى شينجياڭنىڭ اشىق، وزىنە سەنەتىن جاڭا بەت ـ بەينەسىن جاندى بەينەلەپ، شەكارا سىرتىنداعى جۇڭگوعا قارسى كۇشتەردىڭ وتىرىك سوزدەرىنە، وسەك ـ اياڭدارىنا پارمەندى تويتارىس بەرىپ، بەلسەندى ناتيجەلەرگە قول جەتكىزدى.

ما شيڭرۇي بىلاي دەپ باسا دارىپتەدى: جەر ـ جەر، تاراۋلار مەملەكەتتىك ەكى ٴماجىلىستىڭ رۋحىن، اسىرەسە، باس شۋجي شي جينپيڭنىڭ ماڭىزدى سوزدەرىنىڭ رۋحىن ۇيرەنۋدى، ٴتۇسىنۋدى كەزەكتەگى جانە بۇدان بىلايعى ٴبىر مەزگىلدەگى كەلەلى ساياسي مىندەت ەتىپ، جەتكىزۋ، ۇيرەنۋ، ۇگىتتەۋ قىزمەتىن دەن قويا ويداعىداي ۇيىمداستىرۋى كەرەك. ٴار دارەجەلى پارتكومدار مەن ۇكىمەتتىڭ نەگىزگى باسشى كادرلارى الدىمەن ۇيرەنىپ، تەرەڭدەي ۇيرەنىپ، قالىڭ پارتيا مۇشەلەرى، كادرلار كوپ ٴتۇرلى فورمامەن، كوپ ارنامەن ۇيرەنىپ، ٴتۇسىنىپ، باس شۋجي شي جينپيڭنىڭ ماڭىزدى سوزدەرىنىڭ ستراتەگيالىق ٴمانىن، نازاريالىق ٴمانىن جانە امالياتتىق ٴمانىن ىشكەرىلەي ٴتۇسىنىپ، يگەرىپ، رۋحاني ٴمانىن شىن مانىندە جەتە ٴتۇسىنىپ، وزەكتى ماڭىزىن ۇعىنىپ، امالياتتىق تالابىن يگەرۋى كەرەك. ۇگىت تاراۋلارى مەن ٴار دارەجەلى اقپارات مەديالارى رولىن تولىق ساۋلەلەندىرىپ، دەن قويا جوسپارلاپ، شوعىرلى حابارلاپ، قويۋ قوعامدىق پىكىر رايىن قالىپتاستىرۋى كەرەك. شينجياڭداعى مەملەكەتتىك حالىق قۇرىلتايىنىڭ ۋاكىلدەرى، مەملەكەتتىك ساياسي كەڭەستىڭ مۇشەلەرى قىزمەت ٴىس جۇزىندىگىمەن بىرلەستىرىپ، ۇگىتتەۋدى، ۇگىت لەكسيانى بەلسەندى ورىستەتىپ، ٴار ۇلت كادر ـ بۇقاراسىن سەنىمدى بەكەمدەپ، شىندىققا جۇگىنىپ ەكپىندەي ىلگەرىلەۋگە جەتەكتەپ، جۇڭگو ۇلگىسىندەگى وسىزامانداندىرۋدىڭ شينجياڭ  امالياتىن تىڭعىلىقتى ىلگەرىلەتۋى كەرەك.

ما شيڭرۇي بىلاي دەپ باسا دارىپتەدى: مەملەكەتتىك ەكى ٴماجىلىستىڭ رۋحىن، اسىرەسە، باس شۋجي شي جينپيڭنىڭ ماڭىزدى سوزدەرىنىڭ رۋحىن ۇيرەنۋدى، دايەكتىلەندىرۋدى جاڭا داۋىردەگى پارتيانىڭ شينجياڭدى باسقارۋ جالپى جوباسىن تولىق، دالمە ـ ٴدال، جاپپاي دايەكتىلەندىرۋمەن ۇشتاستىرىپ، پارتيا ورتالىق كوميتەتىنىڭ شەشىمدەرىن، ورنالاستىرۋلارىن ناقتى تياناقتاندىرۋدى قاز ـ قالپىندا ىلگەرىلەتۋ كەرەك. باس شۋجي شي جينپيڭنىڭ شينجياڭ قىزمەتى جونىندەگى ماڭىزدى سوزدەرىنىڭ، ماڭىزدى نۇسقاۋلارىنىڭ، بەكىتۋلەرىنىڭ رۋحىن جەتە ۇيرەنىپ، جەتە ٴتۇسىنىپ، شىنايى تياناقتاندىرىپ، جاڭا داۋىردەگى پارتيانىڭ شينجياڭدى باسقارۋ جالپى جوباسىن شينجياڭ قىزمەتىن تارازىلايتىن ماڭىزدى ولشەم ەتىپ، شينجياڭ قىزمەتىنىڭ باستان ـ اياق دۇرىس بەتالىستى بويلاپ العا ىلگەرىلەۋىنە شىنايى كەپىلدىك ەتۋ كەرەك. قوعام ورنىقتىلىعىن قورعاۋدى باستان ـ اياق ماڭداي الدى ورىنعا قويىپ، قوعام ورنىقتىلىعىن قورعاۋ جاۋاپكەرشىلىك ٴتۇزىمىن تياناقتاندىرىپ، لاڭكەستىككە قارسى تۇرىپ ورنىقتىلىقتى قورعاۋدىڭ زاڭمەن باسقارىلۋىن، ۇدايىلانۋىن تىڭعىلىقتى ىلگەرىلەتىپ، ٴتۇرلى حاۋىپ ـ قاتەرلەردەن، كومەسكى كىناراتتاردان ساقتانۋدى جانە ونى جويۋدى ٴبىر تۇتاس جوسپارلاپ، شينجياڭنىڭ قوعامدىق كەلەلى جاعدايىنىڭ ٴۇرتىس ورنىقتى بولۋىنا شىنايى كەپىلدىك ەتۋ كەرەك. جۇڭحۋا ۇلتى ورتاق تۇلعا قۇرىلىسىن ىشكەرىلەي ىلگەرىلەتىپ، شينجياڭدى مادەنيەتپەن نارلەندىرۋدى تىڭعىلىقتى ورىستەتىپ، ۇلتتاردىڭ كەڭ كولەمدە ارالاسۋىن، جاپپاي ىشتەسۋىن، تەرەڭ توعىسۋىن جەبەپ، ەلىمىزدە ٴدىندى جۇڭگوشالاندىرۋدى نىق قاداممەن ىلگەرىلەتىپ، ٴار ۇلت بۇقاراسىن ”بەستى شىنايى مويىنداۋدى“ ۇزدىكسىز كۇشەيتۋگە جەتەكتەۋ كەرەك. شينجياڭنىڭ ەرەكشەلىككە، باسىمدىققا يە وسىزاماندانعان كاسىپ سالاسى جۇيەسىن كۇش سالا ورناتىپ، ”ون ٴىرى كاسىپ سالاسى شوعىرى“ قۇرىلىسىن ارقاۋ ەتىپ، عىلىم ـ تەحنولوگيادا جاڭالىق اشۋ مەن كاسىپ سالاسىندا جاڭالىق اشۋدىڭ توعىسا دامۋىن جەدەلدەتىپ، تىزبەكتى ۇزارتۋدى، تىزبەكتى تولىقتاۋدى، تىزبەكتى كۇشەيتۋدى ۇزدىكسىز ىلگەرىلەتىپ، ٴتۇرلى شارۋاشىلىق تۇلعالارىن جەتىلدىرىپ، زورايتىپ، مەملەكەتتىڭ استىق، ماقتا، ەنەرگيا جانە شەشۋشى كەن ونىمدەرى بايلىعى حاۋىپسىزدىگىن قامتاماسىز ەتۋ قابىلەتىن ۇزدىكسىز جوعارىلاتۋ كەرەك. رەفورمانى ونان ارى تەرەڭدەتىپ، ەسىكتى ايقارا اشىپ، پارتيا 20 ـ كەزەكتى ورتالىق كوميتەتى ٴۇشىنشى جالپى ٴماجىلىسىنىڭ كەلەلى رەفورما ورنالاستىرۋلارىن تياناقتاندىرىپ، شينجياڭنىڭ ستراتەگيالىق سيپاتتى، جاسامپازدىق سيپاتتى، جەتەكشىلىك سيپاتتى رەفورمادان قامال الۋ ارەكەتىن جەدەل اتقارۋ؛ جوعارى دەڭگەيدە ىشكە، سىرتقا ەسىك اشۋدى جەدەل كەڭەيتىپ، ”ٴبىر بەلدەۋ، ٴبىر جولدى“ بىرگە قۇراتىن ەلدەرمەن ٴوزارا تيىمدىلىك جەتكىزۋ سەلبەستىگىنىڭ جاڭا ٴورىسىن كەڭەيتىپ، بۇكىل ەلدىڭ ٴبىر تۇتاس ۇلكەن بازارىمەن بەلسەنە توعىسۋ كەرەك. جالپى بارىستىق حالىق دەموكراتياسىن امالياتتا ايگىلەپ، حالىق قۇرىلتايىنىڭ زاڭ ـ ەرەجە شىعارۋ، باقىلاۋ، ۋاكىلدەر قىزمەتىن كۇشەيتۋىن قولداپ، حالىق ساياسي كەڭەسىنىڭ ارناۋلى كەڭەس قۇرىلىمىندىق رولىن ساۋلەلەندىرىپ، جاڭا داۋىردەگى پارتيانىڭ بۇقارالىق ۇيىمدار قىزمەتىن ويداعىداي ىستەپ، ۇلكەن بىرلىكساپ قىزمەتى ارناسىن كەمەلدەندىرۋ كەرەك. وقۋ ـ اعارتۋ، عىلىم ـ تەحنولوگيا، دارىندىلاردىڭ دامۋىن ٴبىر تۇلعالى ىلگەرىلەتىپ، نەگىزدىك وقۋ ـ اعارتۋدى، كاسىپتىك وقۋ ـ اعارتۋدى، جوعارى دارەجەلى وقۋ ـ اعارتۋدى ٴبىر تۇتاس جوسپارلاپ، ويداعىداي يگەرىپ، جوعارى قابىلەت ـ دارەجەلى عىلىم ـ تەحنولوگيادا جاڭالىق اشۋ تۇعىرىنىڭ رولىن ساۋلەلەندىرىپ، كاسىپورىنداردىڭ جاڭالىق اشۋداعى نەگىزگى تۇلعالىق ورنىن كۇشەيتىپ، عىلىم ـ تەحنولوگيادا جاڭالىق اشۋعا ۇسىنىلىمدى ارتتىرىپ، ەكونوميكالىق، قوعامدىق دامۋعا ۇيلەسەتىن دارىندىلاردى جەتىلدىرۋ مەحانيزمىن كەمەلدەندىرىپ، جوعارى ساپالى دامۋعا ستراتەگيالىق تىرەك ازىرلەۋ كەرەك. اۋىل ـ قىستاقتى جاپپاي گۇلدەندىرۋ مەن قالا، اۋىلدىڭ توعىسا دامۋىن ىلگەرىلەتىپ، ادامدى وزەك ەتكەن جاڭاشا قالا ـ قالاشىقتاندىرۋدى ىشكەرىلەي ىلگەرىلەتىپ، كاسىپتى گۇلدەندىرۋدىڭ، اۋداندى الۋەتتەندىرۋدىڭ، حالىقتى بايىتۋدىڭ ٴبىر تۇلعالى دامۋىن ىلگەرىلەتىپ، كەدەيلىكتەن ارىلتۋدان قامال الۋ جەتىستىكتەرىن بەكەمدەپ، كەڭەيتىپ، اۋىل ـ قىستاقتى جاپپاي گۇلدەندىرۋدى ىلگەرىلەتۋ كەرەك. حالىق تۇرمىسى تومەنگى شەگىن مىقتى ساقتاپ، بەكەمدەپ، جۇمىستاندىرۋ سىندى ەڭ نەگىزگى حالىق تۇرمىسىن ويداعىداي يگەرىپ، قالا، اۋىل تۇرعىندارىنىڭ كىرىس دەڭگەيىن ۇزدىكسىز جوعارىلاتىپ، نەگىزدىك سيپاتتى، جالپىعا ٴتيىمدى سيپاتتى، تومەنگى شەكتەن تۇسىرمەي قامتاماسىزداندىرۋ سيپاتتى حالىق تۇرمىسى قۇرىلىسىن كۇشەيتىپ، حالىق تۇرمىسىنداعى ناقتى ىستەردى تىڭعىلىقتى ويداعىداي ىستەۋ كەرەك. ەكولوگيالىق ورتانى قورعاۋدى جانە جۇيەلى باسقارۋدى كۇشەيتىپ، تاكلاماكان ٴشول جيەگىن تورلاۋ جەتىستىكتەرىن بەكەمدەپ، تيانشاننىڭ سولتۇستىك بوكتەرىندەگى قالالار شوعىرىنىڭ اتموسفەرا ورتاسىن وڭاۋدى ۇزدىكسىز كۇشەيتىپ، كومىر الاپتارىنداعى ٴورت اۋماقتارىن تىزگىندەۋدى ورنىقتى ىلگەرىلەتىپ، ەكونوميكانىڭ، قوعامنىڭ جاپپاي جاسىل تيپ جاڭالاۋىن جەدەلدەتۋ كەرەك. وڭتۇستىك شينجياڭ سىندى ”شاحمات كوزىن“ جانداندىرۋعا كۇش سالىپ، داعدىلى قالىپتى بۇزىپ، ەرەكشە ٴىستى ەرەكشە جولمەن تىندىرىپ، بايلىق پەن كۇشتى شوعىرلاندىرا وتىرىپ كورنەكتى ماسەلەلەردى شەشۋ، اسىرەسە، وڭتۇستىك شينجياڭنىڭ كاسىپ سالاسىن دامىتۋدا كەلەلى تابىستارعا قول جەتكىزۋىن ىلگەرىلەتۋ كەرەك. پارتيانى جاپپاي قاتاڭ باسقارۋدى تاباندىلىقپەن ىلگەرىلەتىپ، ساياسي قۇرىلىستى ٴبىر تۇتاس باسشىلىققا الىپ پارتيانىڭ ٴار جاقتاعى قۇرىلىسىن جاپپاي كۇشەيتىپ، ورتالىقتىڭ سەگىز ٴتۇرلى بەلگىلەمەسىنىڭ رۋحىن ىشكەرىلەي دايەكتىلەندىرۋ ۇيرەنۋ تاربيەسىن تىڭعىلىقتى ورىستەتىپ، پارتيا ستيلى، پاكتىك قۇرىلىسىن جانە شىرىكتەسۋگە قارسى تۇرۋ كۇرەسىن تەرەڭدەتىپ، جۇڭگو ۇلگىسىندەگى وسىزامانداندىرۋدىڭ شينجياڭ امالياتىن ىلگەرىلەتۋگە پارمەندى ساياسي قامتاماسىزدىق ازىرلەۋ كەرەك.

تيان شياڭلي، چىن ۋيجۇن، ۋاڭ جيانشين، ٴيۇسۇپجان مامەت، ەلزات احمەتجان، قادەن كابەن، ۋاڭ لين، اۆتونوميالى رايوندىق حالىق قۇرىلتايى تۇراقتى كوميتەتى، ۇكىمەت، ساياسي كەڭەس باسشىلىق القالارىنىڭ مۇشەلەرى، اۆتونوميالى رايوندىق سوت مەكەمەسىندەگى، پروكۋراتۋراداعى نەگىزگى جاۋاپتى جولداستار، دەمالىسقا، زەينەتكە شىققان ٴىشىنارا ولكە دارەجەلى باسشىلار، اۆتونوميالى رايوننىڭ جانە ورتالىقتىڭ شينجياڭدا تۇراتىن ورىندارىنداعى، كاسىپورىندارىنداعى نەگىزگى جاۋاپتى جولداستار، دەموكراتيالىق پارتيا ـ توپتاردىڭ شينجياڭ رايوندىق كوميتەتتەرىندەگى جاۋاپتى جولداستار، ت. ب نەگىزگى ٴماجىلىس الاڭىندا ماجىلىسكە قاتىناستى. ايماق، وبلىس، قالالاردا، اۋدان، قالا، رايونداردا، بيڭتۋان ورگانىندا جانە شى، قالالاردا، تۋان ـ الاڭداردا بولىمشە ٴماجىلىس الاڭى ورنالاستىرىلدى.