ريزا بولارلىق تۇتىنۋدىڭ جاڭا جاعدايىن بىرگە قالىپتاستىرماق

ىلە وبلىسىنىڭ 2025 ـ جىلعى ”15·3“ حالىقارالىق تۇتىنۋشىلاردىڭ ۇقىق - مۇددەسىن قورعاۋ كۇنى جينالىسى ۇقىق - مۇددەنى قورعاۋداعى جاڭالىق اشۋ شارالارىن العا قويدى

تىلشىلەرىمىز لي يافىڭ، چىن يىڭ حابارلايدى. 3 - ايدىڭ 15 - كۇنى − 43 - رەتكى ”15·3“ حالىقارالىق تۇتىنۋشىلاردىڭ ۇقىق - مۇددەسىن قورعاۋ كۇنى. سول كۇنى تۇستەن بۇرىن ىلە وبلىسىنىڭ ”15·3“ حالىقارالىق تۇتىنۋشىلاردىڭ ۇقىق - مۇددەسىن قوعاۋ كۇنى جينالىسى جانە ”ريزا بولارلىق تۇتىنۋدى بىرگە قالىپتاستىرۋ“ تاقىرىبىنداعى قيمىلى قۇلجا قالاسىندا وتكىزىلدى. وبلىستىق پارتكومنىڭ تۇراقتى مۇشەسى قايرات اشىك ۇلى قيمىلعا قاتىناستى ٴارى ٴسوز سويلەدى.

قيمىل مىنالاردى باسا دارىپتەدى: دامۋ جالپى جاعدايىن مىقتاپ ارقاۋ ەتىپ، ”ريزا بولارلىق تۇتىنۋدى بىرگە قالىپتاستىرۋ“ نەگىزگى تاقىرىبىن تىعىز ارقاۋ ەتىپ، تۇتىنۋ ارىز - شاعىم تۇيىنىندە نەگىزدىك ۇقىق - مۇددەنى قامتاماسىز ەتۋدەن تۇتىنۋ اسەرىن ساپالىلاندىرۋعا، دەڭگەيىن وسىرۋگە جانە سيفرلاندىرۋعا قاراي تيپ وزگەرتۋ بارىسىندا ۇقىق - مۇددەنى قورعاۋ ماسەلەسىنە قاراي بۇرىلىس جاساپ، نەگىزگى ساتى تۇتىنۋشىلار قوعامى ۇيىمىن قۇرۋدى، كەمەلدەندىرۋدى بەلسەنە ىلگەرىلەتىپ، تۇتىنۋشىلار قوعامىنىڭ جاڭا داۋىردەگى قوعامدى باسقارۋعا ات سالىسۋ قابىلەتىن، دەڭگەيىن ۇزدىكسىز جوعارىلاتۋ كەرەك. داۋ ـ شاردى شەشۋدىڭ اناعۇرلىم ساپالى ارناسىن كۇش سالا قۇرىپ، ۇقىق - مۇددەنى قورعاۋدىڭ كوپ نەگىزدى تۇعىرىن ورناتىپ، ۇقىق - مۇددەنى قورعاۋدىڭ ۋاقىتىن قىسقارتىپ، ۇقىق - مۇددەنى قورعاۋ مەحانيزمىن كەمەلدەندىرىپ، ارىز ـ شاعىمدى قولايلىلاندىرۋدى، ينفورماتسيانى ايقىنداۋدى، ٴبىر جاقتى ەتۋدىڭ تەز بولۋىن جۇزەگە اسىرىپ، تۇتىنۋشىلاردىڭ ارىز ـ شاعىم بەرەتىن ەسىگى بولۋعا، ٴبىر جاقتى ەتۋدىڭ جوعارى ٴونىمدى بولۋىنا، ۇقىق - مۇددەنى قورعاۋدا الاڭسىز بولۋعا، تۇتىنۋدا باتىل بولۋعا كەپىلدىك ەتۋ كەرەك.

قيمىل الاڭىندا ىلە وبلىسىنىڭ 2024 - جىلعى تۇتىنۋشىلاردىڭ ۇقىق - مۇددەسىن قورعاۋ جانە جالعان، جارامسىز ونىمدەرگە سوققى بەرۋ قىزمەتىنىڭ جەتىستىكتەرى جاريالانىپ، الاڭسىز تۇتىنۋعا ۋادە بەرگەن 5 ورىنعا، جەلىدە تۇتىنۋ داۋ - شارىن شەشەتىن (ODR) 5 كاسىپورىنعا جەكە - جەكە  ماڭدايشالىق بەرىلدى ٴارى ”تۇتىنۋ ورتاسىن ساپالىلاندىرۋدىڭ 3 جىلدىق ارەكەتىن“ باستاۋ سالتى وتكىزىلدى.

ۇعىسۋعا قاراعاندا، وتكەن ٴبىر جىلدا ىلە وبلىسى حاۋىپسىز، قولايلى، سەنىمدى، الاڭسىز تۇتىنۋ ورتاسىن كۇش سالا قالىپتاستىرىپ، ”الاڭسىز تۇتىنۋدان ۇلگى كورسەتۋ“ قيمىلىن بەلسەنە ورىستەتىپ، ۇقىق قورعاۋ مەحانيزمىنە جاڭالىق ەنگىزىپ، قوعامدىق ۇيىمداردىڭ تۇعىرلىق رولىن ساۋلەلەندىرىپ، تۇتىنۋ ۇقىعىن قورعاۋ قىزمەتىن بىرگە جونگە سالۋدى، بىرگە قۇرۋدى ىلگەرىلەتكەن. ساناققا قاراعاندا، ىلە وبلىسى تۇتاس جىلدا جيىنى 10 مىڭ 760 تۇتىنۋ ارىز ـ شاعىمىن ٴبىر جاقتى ەتىپ، 2 مىڭ 754 اشكەرەلەۋ تەلەفونىن قابىلداپ، 4 ميلليون 485 مىڭ 300 يۋان ەكونوميكالىق زياندى قايتارىپ العان.

شىن - جالعانىن ايىرۋ بويىنشا ۇلگى كورسەتۋ بۋىنىندا قىزمەتكەرلەر بۇقاراعا ”قورابىنا قاراۋ، ۇقساتپالىلىقتان ساقتانۋ بەلگىسىن تەكسەرۋ، تاۋار ماركاسىن پارىقتاۋدى“ ناق مايداندا ۇيرەتتى. اۋىرلىق ولشەۋ رايونىندا تۇتىنۋشىلار قول تەلەفوندى سالماقتاپ، قول تەلەفوننىڭ سالماعىن ەرەكشە جاسالعان ماركاعا قايتا جازىپ، ونى تۇرعىندار قول تەلەفونىنىڭ ارتقى بەتىنە جاپسىرىپ، قول تەلەفوندى شايقاپ كورىپ، الىپ جۇرۋگە بولاتىن تارازى تاسىنا اينالدىرىپ، زات ساتىپ الۋدا  ٴتىپتى دە الاڭسىز ەتتى.

قۇلجا قالاسىنىڭ تۇرعىنى گو داۋەي تىلشىگە بىلاي دەدى: زاڭ اتقارۋشىلار جالعان - جارامسىز زاتتاردى پارىقتاۋدى ناق مايداندا ٴتۇسىندىردى، جالعان - جارامسىز ونىمدەردى پارىقتاۋدىڭ قولدانىلمالى ونەرىن ۇيرەندىك، بۇدان كەيىن زات ساتىپ العاندا ٴتىپتى دە الاڭسىز بولاتىن بولدىق. 

ىلە شىنشاڭ حۋانچيۋگاڭ ساۋدا ىستەرىن باسقارۋ شەكتى سەرىكتەستىگىنىڭ باس ديرەكتورى مىڭ كاي بىلاي دەپ تانىستىردى: الاڭسىز تۇتىنۋ ورنىن قۇرعان ورىن رەتىندە، ساپالى، مىندەتىن وتەۋگە قابىلەتتى ساۋداگەرلەردى تاڭداپ، ارىز ـ شاعىم تۋىلا قالسا، قاتىستى ماسەلەلەردى ٴبىر جاقتى ەتۋگە كەپىلدىك ەتەمىز. سونىمەن بىرگە كۇندەلىكتى تەكسەرۋ مەن باسقارۋدى ونان ارى كۇشەيتىپ، ٴونىم ساپاسىنا كەپىلدىك ەتەمىز.