انار بۇلت \ شينجياڭ گازەتىنىڭ ٴتىلشىسى ۋاڭ يايۇن 3 ـ ايدىڭ 17 ـ كۇنى ۇرىمجىدەن حابارلايدى. اۆتونوميالى رايوندىق جاراتىلىستىق بايلىق مەڭگەرمەسىنەن ۇعىسۋىمىزشا، تاياۋدا جاراتىلىستىق بايلىق مينيسترلىگىنىڭ تاپسىرۋىمەن شينجياڭ بيىل العاشقى توپتاعى 9 مۇناي ـ گاز بارلاۋ ٴوڭىرىن اۆتونوميالى رايوندىق اكىمشىلىك قىزمەت وتەۋ جانە الەۋمەتتىك بايلىق ساۋدا ورتالىعىندا بەلگى ٴىلىپ وتكەرمەلەيدى ەكەن.

وسى رەت وتكەرمەلەنەتىن وڭىرلەر تۇگەلدەي تارىم ويپاتىنا شوعىرلانعان، ولار جەكە ـ جەكە بايىرعى قالا رايونى 4 ـ رايون بولىگىن، 7 ـ رايون بولىگىن، چەرشەن 1 ـ رايون بولىگىن، چارقىلىق 37 ـ رايون بولىگىن، 38 ـ رايون بولىگىن، لوپنۇر 5 ـ رايون بولىگىن، 18 ـ رايون بولىگىن، لوپنۇر چەرشەن 2 ـ رايون بولىگىن، شاجيڭزى 1 ـ رايون بولىگىن قامتيدى. كولەمى بايىنعولين موڭعۇل اۆتونوميالى وبلىسىنىڭ چەرشەن اۋدانىن، چارقىلىق اۋدانىن، لوپنۇر اۋدانىن، كورلا قالاسىن جانە اقسۋ ايماعىنىڭ اقسۋ قالاسىن، ٴۇشتۇرپان اۋدانىن، اۋات اۋدانىن قامتيدى. مۇنىڭ ىشىندە تارىم ويپاتىنداعى بايىرعى قالا رايونى 7 ـ رايون بولىگىنىڭ اۋدانى ەڭ ۇلكەن، العاشقى باسەكەلەستىرە ساتۋ باعاسى ەڭ جوعارى بولىپ، جەكە ـ جەكە 1527.1616 شارشى كيلومەتر، 12 ميلليون 222 مىڭ يۋان بولدى.

”بيىل مۇناي ـ گاز رايون بولىكتەرىن وتكەرمەلەۋ ۋاقىتى، ٴتىپتى، ەرتە، سانى، ٴتىپتى، كوپ بولدى“. اۆتونوميالى رايوندىق جاراتىلىستىق بايلىق مەڭگەرمەسى كەن ۇقىعىن باسقارۋ باسقارماسىنىڭ قاتىستى جاۋاپتىسى بىلاي دەپ تانىستىردى: رايون بولىكتەرىن وتكەرمەلەۋ ۋاقىتى وتكەن جىلداعىدان 4 اي بۇرىن بولىپ، سانى وتكەن جىلداعىدان %125 ارتتى. 2025 ـ جىلى شينجياڭ بازار قاجەتىنە ساي، مۇناي ـ گاز رايون بولىكتەرىن وتكەرمەلەۋ تەبىنىن ۇزدىكسىز ارتتىرىپ، وتكەرمەلەۋ جوسپارىن اي بويىنشا جاساپ، ساپالى مۇناي ـ گاز رايون بولىكتەرىن ۇزدىكسىز بازارعا سالادى.

ۇعىسۋىمىزشا، مۇناي ـ گاز رايون بولىكتەرىن وتكەرمەلەۋ قاينارىن كەڭەيتۋ ٴۇشىن، اۆتونوميالى رايوندىق جاراتىلىستىق بايلىق مەڭگەرمەسى جۇڭگو گەولوگيالىق تەكسەرۋ مەكەمەسىنىڭ مۇناي ـ گاز بايلىعىن تەكسەرۋ ورتالىعى سياقتى قاتىستى ورىندارمەن بايلانىستى كۇشەيتىپ، بايلانىس مەحانيزمىن ورناتىپ، رايون بولىكتەرىن سارالاۋ سەلبەستىگىن تەرەڭدەتىپ، رايون بولىكتەرى ينفورماتسياسىنان بىرگە يگىلىكتەنىپ، سالىستىرىپ تالداۋ جاساۋدى كۇشەيتىپ، مۇناي ـ گاز رايون بولىكتەرىنىڭ ساپالىسىن تاڭداپ وتكەرمەلەۋدى جاراتىلىستىق بايلىق مينيسترلىگىنە ٴوتىنىش ەتكەن.