انار بۇلت \ شينجياڭ گازەتىنىڭ ٴتىلشىسى حي حۇڭۋي 3 ـ ايدىڭ 18 ـ كۇنى ۇرىمجىدەن حابارلايدى. اۆتونوميالى رايوندىق ساۋدا ىستەرى مەڭگەرمەسىنەن ۇعىسۋىمىزشا، سيفرلى ەكونوميكانىڭ كومەسكى كۇشىن ىشكەرىلەي اشىپ، اۋىل ـ قىستاقتى گۇلدەندىرۋ ستراتەگياسىنا قۋات ۇستەۋ ٴۇشىن، اۆتونوميالى رايوندىق ساۋدا ىستەرى مەڭگەرمەسى قاتارلى 9 تاراۋ تاياۋدا «شينجياڭ ۇيعۇر اۆتونوميالى رايونىنىڭ اۋىل ـ قىستاق ەلەكتروندى ساۋداسىنىڭ جوعارى ساپالى دامۋىن ىلگەرىلەتۋ جونىندەگى اتقارۋ جوباسىن» (تومەندە قىسقارتىلىپ «جوبا» دەلىنەدى) بىرلەسىپ باسىپ تاراتقان.

«جوبادا» مىنالار العا قويىلدى: 6 ٴىرى ٴتۇيىندى ارەكەتتى اتقارىپ، شينجياڭدا 3 مەملەكەت بويىنشا اۋىل ـ قىستاق ەلەكتروندى ساۋداسىنىڭ ”باستاۋشى اۋدانىن“ جەتىلدىرىپ، 20 اۋدان ٴوڭىرى تىكە تاراتۋ ەلەكتروندى ساۋدا بازاسىن قۇرىپ ٴارى 100 اۋىل ـ قىستاق ەلەكتروندى ساۋدا باستاماشىسىن جەتىلدىرىپ، اۋىل شارۋاشىلىق ونىمدەرىن بازارعا شىعارۋعا جانە ونەركاسىپ ونىمدەرىن تومەنگە جەتكىزۋگە دەم بەرۋ كەرەك.

جوبادا مىنالار ايقىن بەلگىلەندى: اۋىل ـ قىستاق ەلەكتروندى ساۋدا تۇلعالارىن زورايتۋ ارەكەتىن اتقارىپ، ەل ىشىندەگى باس ەلەكتروندى ساۋدا تۇعىرلارى مەن قىزمەت وتەۋشى ساۋداگەرلەردى ەنگىزۋ ارقىلى كاسىپ سالاسى بەلدەۋىن ٴتۇيىلىستىرۋدىڭ باياندى مەحانيزمىن ورناتىپ، وسى جىلدىڭ ىشىندە تىڭنان 300 كاسىپورىندى ٴىرى ەلەكتروندى ساۋدا تۇعىرىنا شىعارۋدى جوسپارلاپ، جىلدىق ساتىلۋ سوماسى ٴبىر ميلليون يۋاننان اساتىن 50 جەرگىلىكتى ەلەكتروندى ساۋدا تۇلعاسىن سۇيەمەلدەۋ جوسپارلاندى.

قىزمەت وتەۋدى ساپالىلاندىرۋ جاعىندا «جوبادا» مىنالار باسا دارىپتەلدى: ”قىستاقتا تىكە تاراتۋ“، ”زاۆودتا تىكە تاراتۋ“ سياقتى ەرەكشە تىكە تاراتۋ جاعدايىن جەتىلدىرىپ، لەزدىك ەلەكتروندى ساۋدا، اۋەستىك ەلەكتروندى ساۋدا سياقتى جاڭا ۇلگىلەردى جالپىلاستىرىپ، اۋدان كولەمىندەگى ساۋدا تورى تۇيىندەرىن ”قامداۋ تىزبەگىندەگى ارالىق قامبا + تىكە تاراتۋ بازاسىنىڭ“ كۇردەلى كاسىپ كۇيى دەڭگەيىنە جوعارىلاتۋعا شابىتتاندىرۋ كەرەك. 5G، زات ينتەرنەتى تەحنولوگياسىنا سۇيەنىپ، وكىلەتتى ساتىپ الۋ، وكىلەتتى ساتۋ، زەردەلى اقى تاپسىرۋ سياقتى حالىققا قولايلى قىزمەت وتەۋدى كەڭەيتىپ، ٴۇي ەلەكتر جابدىقتارىنىڭ كونەسىنىڭ ورنىنا جاڭاسىن اۋىستىرۋدا ”ٴبىر بەكەتتىك“ جەتكىزىپ بەرۋگە قولداۋ كورسەتىپ، اۋدان وڭىرىندەگى تۇرمىستىق قىزمەت وتەۋ كاسىبىنىڭ ارنايىلانۋعا، ساپالىلانۋعا قاراي بۇرىلىس جاساۋىن ىلگەرىلەتىپ، اۋىل ـ قىستاق ەلەكتروندى ساۋداسىنا قىزمەت وتەۋ دەڭگەيىن جوعارىلاتۋ كەرەك.

«جوبادا» تاعى مىنالار العا قويىلدى: ”شينجياڭ جاقسى زاتتارىنىڭ“ بازارعا شىعۋ ارناسىن قۇرىپ، ”ينتەرنەت +“ اۋىل شارۋاشىلىق ونىمدەرىنىڭ قىستاقتان شىعىپ قالاعا كىرۋ ينجەنەرياسىن اتقارىپ، جاعراپيالىق بەلگى ونىمدەرىن، جاسىل ورگانيكالىق ازىق ـ تۇلىكتەردى كۋالاندىرۋدى جانە كۋالىك الىپ ساتۋدى ىلگەرىلەتۋ كەرەك. اۋدان، اۋىل، قىستاق 3 دارەجەلى زات اينالىمى تۇيىندەرىن توعىستىرۋدى قاتار ىلگەرىلەتىپ، وسى جىلدىڭ ىشىندە ولشەمدەنگەن جولداۋ ـ جەتكىزۋ زات اينالىمى قىزمەت وتەۋ پۋنكتىنەن 5000ىن قۇرۋ؛ زەردەلى جەدەل جولداما ساندىعىن قىستاقتارعا جەتكىزۋدى تۇيىندە سىناق ەتىپ، ”جولاۋشى تاسىمالى، زات تاسىمالى، پوچتا جەدەل جەتكىزۋ قىزمەت وتەۋى“ توعىسپالى جەتكىزۋ ۇلگىسىندە جاڭالىق اشىپ، اۋىل شارۋاشىلىق ونىمدەرىنىڭ ىركىلىسسىز، كەدەرگىسىز جەتكىزىلۋىنە شىنايى كەپىلدىك ەتۋ كەرەك.

تىكە تاراتۋ ەلەكتروندى ساۋداسىن كۇشەيتۋ ارەكەتى «جوبانىڭ» ۇلكەن جارقىن تۇيىنىنە اينالدى. رايونىمىز فۋنكتسياسى كەمەلدى، ەرەكشەلىگى كورنەكتى، جەتەكتەۋ قۋاتى كۇشتى 20 تىكە تاراتۋ ەلەكتروندى ساۋدا بازاسىن جەتىلدىرۋدى جوسپارلادى. سونىمەن بىرگە جانكۇيەرى 100 مىڭنان اساتىن اۋىل ـ قىستاق ەلەكتروندى ساۋدا باستاماشىسىنان 10 ادامدى، جانكۇيەرى 10 مىڭنان اساتىن اۋىل ـ قىستاق ەلەكتروندى ساۋدا باستاماشىسىنان 90 ادامدى جەتىلدىرىپ، كاسىپتىك تىكە تاراتۋ ەلەكتروندى ساۋدا شەبىن قالىپتاستىرادى.

مۇنان سىرت، «جوبادا» تاعى اۋىل ـ قىستاق زات اينالىمىن ىركىلىسسىزدەندىرۋ ارەكەتى مەن ايگىلى ماركا جەتىلدىرۋ ارەكەتىن ورىستەتۋ ورتاعا قويىلدى. اۋدان، اۋىل، قىستاق 3 دارەجەلى جولداۋ ـ جەتكىزۋ زات اينالىمى تۇيىندەرىنىڭ توعىسۋىن ىلگەرىلەتىپ، اۋىل ـ قىستاقتاردا بىرگە جەتكىزۋ ۇلگىسىن كۇش سالا دامىتىپ، جەدەل جەتكىزۋدىڭ قىستاققا كىرۋ ساپاسىن، ونىمدىلىگىن جوعارىلاتۋ كەرەك. سونىمەن بىرگە ەلەكتروندى ساۋدا تۇعىرىنىڭ، اۋدان دارەجەلى ەلەكتروندى ساۋدا الەۋمەتتىك قىزمەت وتەۋ ورتالىعىنىڭ رولىن ساۋلەلەندىرىپ، ەرەكشە ونىمدەردى ٴونىم جوبالاۋ، كەسكىن ٴتۇسىرۋ، ٴماتىن جوباسىن جاساۋ، ايگىلى ماركالاردى جالپىلاستىرۋ سياقتى قىزمەت وتەۋمەن قامداپ، اۋىل ـ قىستاق ەلەكتروندى ساۋدا ماركا قۇرىلىسىن ىلگەرىلەتۋ كەرەك.

ساياساتتىڭ تياناقتانىپ ونىمدىلىك كورسەتۋىنە شىنايى كەپىلدىك ەتۋ ٴۇشىن، اۆتونوميالى رايون اۋىل ـ قىستاق ەلەكتروندى ساۋدا بويىنشا كوپ تاراۋدىڭ بىرلەسكەن مەحانيزمىن ورناتىپ، ورتالىقتىڭ قىزمەت وتەۋ كاسىبى قارجىسى، شينجياڭعا كومەكتەسۋ قارجىسى سياقتىلاردى ٴبىر تۇتاس جوسپارلاپ، اۋدان كولەمىندەگى ساۋدا جۇيەسى قۇرىلىسىن قولدايدى. سونىمەن بىرگە ”باۋىرمال، بايىپتى“ باقىلاۋ ـ باسقارۋ ۇلگىسىندە جاڭالىق اشىپ، ينتەرنەتتە تىكە تاراتۋداعى بىلىقپالىقتى رەتتەۋ ـ وڭاۋ ارناۋلى قيمىلىن ورىستەتىپ، ەلەكتروندى ساۋدا ونىمدەرىنىڭ ساپاسىن ۇلگى الىپ تەكسەرۋدى كۇشەيتىپ، ٴادىل باسەكەلى بازار ورتاسىن قورعايدى.