رايونىمىزداعى تاراۋلار، ورىندار مەملەكەتتىك ەكى ٴماجىلىس رۋحىن جەتكىزدى، ۇيرەندى، دايەكتىلەندىردى

قايراتتى تاسقىنداتىپ، ەكونوميكانىڭ، قوعامنىڭ جوعارى ساپالى دامۋىن جەدەل ىلگەرىلەتەمىز

انار بۇلت \ شينجياڭ گازەتىنىڭ تىلشىلەرى

سوڭعى كۇندەرى رايونىمىزداعى تاراۋلار، ورىندار ىركەس ـ تىركەس ٴماجىلىس اشىپ، باس شۋجي شي جينپيڭنىڭ ماڭىزدى سوزدەرىنىڭ رۋحىن جانە مەملەكەتتىك ەكى ٴماجىلىس رۋحىن جەتكىزدى، ۇيرەندى، دايەكتىلەندىردى، مەملەكەتتىڭ جالپى جاعدايىنداعى شينجياڭنىڭ ”بەس ۇلكەن ستراتەگيالىق ورنىن“ كوزدەپ، وزدەرىنىڭ قىزمەت ٴىس جۇزىندىك جاعدايىمەن ۇشتاستىرىپ، دايەكتىلەندىرۋ، تياناقتاندىرۋ شارالارىن اقىلداستى. كوپشىلىك جابال مىنالاردى ٴبىلدىردى: سەنىمدى بەكەمدەپ، قايراتتى تاسقىنداتىپ، ناقتى ىستەۋ رۋحىمەن شينجياڭنىڭ ەكونوميكاسىنىڭ، قوعامىنىڭ جوعارى ساپالى دامۋىن ىلگەرىلەتىپ، باياندى تىنىشتىققا ساياتىن ٴتۇبىرلى سيپاتتى، نەگىزدىك سيپاتتى، ۇزاق بولاشاقتىق سيپاتتى قىزمەتتەردى تىڭعىلىقتى ىلگەرىلەتىپ، اۆتونوميالى رايون قۇرىلعاندىعىنىڭ 70 جىلدىعىن ۇزدىك ناتيجەلەرمەن قارسى الامىز.

اۆتونوميالى رايوندىق ۇلت ىستەرى كوميتەتى:

بۇكىل رايوننىڭ ۇلت ىستەرى قىزمەتىنىڭ جوعارى ساپالى دامۋىن ىلگەرىلەتەمىز

3 ـ ايدىڭ 18 ـ كۇنى اۆتونوميالى رايوندىق ۇلت ىستەرى كوميتەتى كادرلار جينالىسىن اشىپ، مىنالاردى باسا دارىپتەدى: ساياسي دەڭگەيدى شىن مانىندە جوعارىلاتىپ، يدەيا مەن ارەكەتتى مەملەكەتتىك ەكى ٴماجىلىستىڭ رۋحىمەن، اسىرەسە، باس شۋجي شي جينپيڭنىڭ ماڭىزدى سوزدەرىنىڭ رۋحىمەن سانالى تۇردە بىرلىككە كەلتىرىپ، ۇيرەنۋدى، ۇگىتتەۋدى، دايەكتىلەندىرۋدى ىشكەرىلەي ورىستەتىپ، باس شۋجي شي جينپيڭنىڭ ماڭىزدى سوزدەرىنىڭ رۋحىنىڭ ۇلت ىستەرى كوميتەتى جۇيەسىندە تياناقتانىپ ونىمدىلىك كورسەتۋىنە شىنايى كەپىلدىك ەتۋ كەرەك. نازاردى جۇڭحۋا ۇلتى ورتاق تۇلعا تانىمىن بەكەمدەۋ نەگىزگى جەلىسىنە شوعىرلاندىرىپ، دۇرىس ساياسي بەتالىسقا تاباندى بولىپ، پارتيا باسشىلىعىن ۇلت ىستەرى قىزمەتىنىڭ تۇتاس بارىسىنا، ٴار سالاسىنا ٴسىڭىرۋ؛ شىنايى مويىنداۋدى كۇشەيتۋگە تاباندى بولىپ، جۇڭحۋا ۇلتىنىڭ ورتاق رۋحاني مەكەنى قۇرىلىسىن بەلسەنە ىلگەرىلەتۋ؛ ٴوزارا كىرىكپەلى توعىسۋعا تاباندى بولىپ، ۇلتتاردىڭ كەڭ كولەمدە ارالاسۋىن، ىشتەسۋىن، توعىسۋىن جەبەۋ؛ ورتاقتىقتى نىعايتۋ بەتالىسىنا تاباندى بولىپ، ۇلت ىستەرىن باسقارۋ جۇيەسى مەن باسقارۋ قابىلەتىن وسىزامانداندىرۋ دەڭگەيىن جوعارىلاتۋ؛ ساياسي قۇرىلىستى ٴبىر تۇتاس باسشىلىققا الۋعا تاباندى بولىپ، ٴوز قۇرىلىسىن ٴۇرتىس كۇشەيتىپ، جۇڭگو ۇلگىسىندەگى وسىزامانداندىرۋدىڭ شينجياڭ امالياتىن ىلگەرىلەتۋگە ۇلت ىستەرى كوميتەتى جۇيەسىنىڭ قوسۋعا ٴتيىستى ۇلەسىن قوسۋ كەرەك.

اۆتونوميالى رايوندىق قوعام حاۋىپسىزدىگى مەڭگەرمەسى:

قوعامدىق كەلەلى جاعدايدىڭ ٴۇرتىس ورنىقتىلىعىن باتىل قورعايمىز

3 ـ ايدىڭ 14 ـ كۇنى اۆتونوميالى رايوندىق قوعام حاۋىپسىزدىگى مەڭگەرمەسى پارتكومى ٴماجىلىس اشىپ، باس شۋجي شي جينپيڭنىڭ ماڭىزدى سوزدەرىنىڭ رۋحىن جانە مەملەكەتتىك ەكى ٴماجىلىستىڭ رۋحىن جەتكىزىپ، ۇيرەنىپ، دايەكتىلەندىرىپ، مىنالاردى باسا دارىپتەدى: ساياسي دەڭگەيدى جوعارىلاتىپ، يدەيانى، تانىمدى بىرلىككە كەلتىرىپ، قوعام حاۋىپسىزدىگى قىزمەت جاۋاپكەرشىلىگىن تياناق ەتىپ، كىرىسۋ ٴتۇيىنىن، كۇش سالۋ ٴتۇيىنىن ٴداپ باسىپ تاۋىپ، ىشكەرىلەي ۇيرەنىپ ناقتى ىستەۋگە باتىل بولىپ، تاڭداۋلى، ۇزدىك، ناتيجەلى بولۋعا ۇمتىلۋ؛ جالپى تۇلعالىق مەملەكەت حاۋىپسىزدىگى كوزقاراسىن بۇلجىماي دايەكتىلەندىرىپ، مەملەكەتتىڭ ساياسي حاۋىپسىزدىگىن باتىل قورعاپ، لاڭكەستىككە قارسى تۇرىپ ورنىقتىلىقتى قورعاۋدى زاڭمەن باسقارۋدى، ۇدايىلاندىرۋدى تەرەڭدەتىپ، قوعام اماندىعى بويىنشا جالپى تۇلعالىق ساقتانۋ ـ تىزگىندەۋدى كۇشەيتىپ، قايشىلىقتار مەن داۋ ـ شارلاردى جاراستىرىپ ٴبىر جاقتى ەتۋدى تەرەڭدەتىپ، قارا كۇشتەردى الاستاۋدى، سۇرقيا كۇشتەردى جويۋدى ۇدايىلاندىرۋدى ىلگەرىلەتىپ، زاڭعا قايشى ٴتۇرلى قىلمىستارعا زاڭ بويىنشا قاتاڭ سوققى بەرىپ، حالىق بۇقاراسىنىڭ ٴومىرى مەن مال ـ مۇلكىنىڭ حاۋىپسىزدىگىن بار كۇشپەن قامتاماسىز ەتۋ؛ قوعام حاۋىپسىزدىگى رەفورماسىن بۇلجىماي تەرەڭدەتىپ، جاڭاشا ساقشى ىستەرى جۇمىس ۇلگىسىن ورناتىپ، كەمەلدەندىرىپ، قوعام حاۋىپسىزدىگى ۇلكەن ساندى مالىمەتىن ناقتى شايقاستا قولدانۋ جۇيەسى قۇرىلىسىن كۇشەيتىپ، قوعام حاۋىپسىزدىگى ورگاندارىنىڭ جاڭاشا جاۋىنگەرلىك قۋاتىن ۇزدىكسىز جوعارىلاتۋ؛ ۇيىمدىق باسشىلىقتى كۇشەيتىپ، حاۋىپ ـ قاتەردەن ساقتانۋ، حاۋىپسىزدىكتى قامتاماسىز ەتۋ، ورنىقتىلىقتى قورعاۋ، دامۋدى جەبەۋ قىزمەتتەرىن تىڭعىلىقتى ويداعىداي ىستەپ، شينجياڭنىڭ قوعامدىق كەلەلى جاعدايىنىڭ ٴۇرتىس ورنىقتىلىعىن باتىل قورعاۋ كەرەك.

اۆتونوميالى رايوندىق شۇعىل جاعدايعا توتەپ بەرۋدى باسقارۋ مەڭگەرمەسى:

حاۋىپسىزدىككە ساياتىن ەلەۋلى حاۋىپ ـ قاتەرلەردەن ساقتانامىز جانە ونى جويامىز

3 ـ ايدىڭ 17 ـ كۇنى اۆتونوميالى رايوندىق شۇعىل جاعدايعا توتەپ بەرۋدى باسقارۋ مەڭگەرمەسى پارتكوم (كەڭەيتىلگەن) ٴماجىلىسىن اشىپ، مىنالاردى باسا دارىپتەدى: بۇكىل رايونداعى ٴار دارەجەلى شۇعىل جاعدايعا توتەپ بەرۋدى باسقارۋ تاراۋلارى يدەيا مەن ارەكەتتى باس شۋجي شي جينپيڭنىڭ ماڭىزدى سوزدەرىنىڭ رۋحىمەن جانە مەملەكەتتىك ەكى ٴماجىلىستىڭ رۋحىمەن سانالى تۇردە بىرلىككە كەلتىرىپ، ٴىس جۇزىندىك جاعدايمەن تىعىز ۇشتاستىرىپ، دايەكتىلەندىرۋدى، تياناقتاندىرۋدى مىقتى يگەرۋ كەرەك. شينجياڭنىڭ دامۋ كەلەلى جاعدايىنا قىزمەت وتەۋدى ارقاۋ ەتىپ، شۇعىل جاعدايعا توتەپ بەرۋدى باسقارۋدا رەفورما جاساۋ، جاڭالىق اشۋدى ٴۇرتىس ىلگەرىلەتىپ، حاۋىپسىزدىككە ساياتىن ەلەۋلى حاۋىپ ـ قاتەرلەردەن بار كۇشپەن ساقتانىپ جانە ونى جويىپ، مەملەكەتتىڭ ەنەرگيا جانە شەشۋشى كەن بايلىعى حاۋىپسىزدىگىن قامتاماسىز ەتۋ قابىلەتىن ۇزدىكسىز كۇشەيتۋ كەرەك. جاراتىلىستىق اپاتتاردان ساقتانۋدى جانە وعان توتەپ بەرۋدى ارقاۋ ەتىپ، جەر ـ جەردى ورمان، جايلىم ٴورت اپاتى، لاي ـ شاعىل كوشكىنى، قار ەرۋدەن تۋىلاتىن تاسقىن سياقتى جاراتىلىستىق اپاتتاردىڭ حاۋىپسىزدىككە ساياتىن كومەسكى قاتەرىن ىشكەرىلەي، تىڭعىلىقتى، ٴبىر ـ بىرلەي تەكسەرۋگە، جونگە سالۋعا قۋزاپ، كەن، قاتەرلى حيميالىق بۇيىمدار، ونەركاسىپ ـ ساۋدا سياقتى ٴتۇيىندى سالالاردا جۇمىستى، ٴوندىرىستى قالپىنا كەلتىرۋدى تەكسەرىپ وتكىزىپ الۋ وتكەلىن قاتاڭ يگەرىپ، شەشۋشى بۋىنداردى ٴجىتى قاداعالاپ، اۋىر، ەرەكشە اۋىر شىرعالاڭداردىڭ تۋىلۋىنان باتىل ساقتانىپ جانە ونى تەجەپ، بۇكىل رايوننىڭ ٴوندىرىس حاۋىپسىزدىگى، اپاتتان ساقتانۋ، اپات زيانىن ازايتۋ، اپاتتان قۇتقارۋ جاعدايىنىڭ ٴۇرتىس ورنىقتى جاقسارۋىنا شىنايى كەپىلدىك ەتۋ كەرەك.

شينجياڭ حابار ـ بايلانىستى باسقارۋ مەكەمەسى:

ينفورماتسيا، حابار ـ بايلانىس كاسىبىنىڭ باسەكە باسىمدىعىن ارتتىرامىز

3 ـ ايدىڭ 14 ـ كۇنى شينجياڭ حابار ـ بايلانىستى باسقارۋ مەكەمەسى كادرلار جينالىسىن اشىپ، مىنالاردى باسا دارىپتەدى: باس شۋجي شي جينپيڭنىڭ ماڭىزدى سوزدەرىنىڭ رۋحىن جانە مەملەكەتتىك ەكى ٴماجىلىستىڭ رۋحىن ىشكەرىلەي ۇيرەنىپ، دايەكتىلەندىرىپ، پارتيانىڭ جالپى بەتتىك باسشىلىعىنا تاباندى بولىپ جانە ونى كۇشەيتىپ، جوعارى ساپالى پارتيا قۇرىلىسى ارقىلى جوعارى ساپالى دامۋعا جەتەكشىلىك ەتىپ، شينجياڭنىڭ ينفورماتسيا، حابار ـ بايلانىس كاسىبىنىڭ جوعارى ساپالى دامۋىن جەدەل ىلگەرىلەتۋگە بەرىك كەپىلدىك ازىرلەۋ؛ نازاردى نەگىزگى جاۋاپكەرشىلىككە، نەگىزگى كاسىپكە شوعىرلاندىرىپ، حابار ـ بايلانىس نەگىزدىك قۇرىلعىلارىنىڭ قىزمەت وتەۋ، قۋات ۇستەۋ رولىن ٴۇرتىس ساۋلەلەندىرىپ، ينفورماتسيا، حابار ـ بايلانىس كاسىبىن جاڭالىق اشا باقىلاۋ ـ باسقارۋدى ٴۇرتىس تەرەڭدەتىپ، ينتەرنەت حاۋىپسىزدىگىن جانە شۇعىل جاعدايعا توتەپ بەرۋ حابار ـ بايلانىسىن قامتاماسىز ەتۋ قىزمەتىن ٴۇرتىس ويداعىداي ىستەپ، ينفورماتسيا، حابار ـ بايلانىس كاسىبىنىڭ باسەكەلىك باسىمدىعى مەن الدا ٴجۇرۋ ورنىن بەكەمدەۋ، جوعارىلاتۋ؛ ىشكى جاقتاعى باسقارۋدى ٴۇرتىس تەرەڭدەتىپ، ٴوز قۇرىلىسىن ۇزدىكسىز كۇشەيتىپ، ادال، كىرشىكسىز، جاۋاپكەرشىلىك ارقالايتىن جوعارى ساپالى كادرلار قوسىنىن تۇلعالاپ، ورتالىقتىڭ سەگىز ٴتۇرلى بەلگىلەمەسىنىڭ رۋحىن ىشكەرىلەي دايەكتىلەندىرۋ ۇيرەنۋ تاربيەسىن ويداعىداي ورىستەتىپ، ستيلدىڭ ٴۇرتىس جاقسارۋىن ىلگەرىلەتىپ، جاڭاشا وندىرگىش كۇشتەردى جەدەل دامىتۋعا، جاڭاشا ونەركاسىپتەندىرۋدى ىلگەرىلەتۋگە، جوعارى ساپالى دامۋدى جۇزەگە اسىرۋعا كۇش قوسۋ كەرەك.

شينجياڭ ٴورت ٴسوندىرۋ، ورتتەن ساقتانۋ، قۇتقارۋ ـ كومەكتەسۋ باس اترەتى:

ٴورت ٴسوندىرۋ، ورتتەن ساقتانۋ حاۋىپسىزدىگى جاعدايىنىڭ ورنىقتىلىعىن بار كۇشپەن قورعايمىز

3 ـ ايدىڭ 14 ـ كۇنى شينجياڭ ٴورت ٴسوندىرۋ، ورتتەن ساقتانۋ، قۇتقارۋ ـ كومەكتەسۋ باس اترەتى بۇكىل رايونداعى ٴورت ٴسوندىرۋ، ورتتەن ساقتانۋ، قۇتقارۋ ـ كومەكتەسۋ قوسىنىنىڭ مەملەكەتتىك ەكى ٴماجىلىستىڭ رۋحىن ۇيرەنۋ، دايەكتىلەندىرۋ جونىندەگى بەينە ەكران ٴماجىلىسىن اشىپ، باس شۋجي شي جينپيڭنىڭ ماڭىزدى سوزدەرىنىڭ رۋحىن جانە مەملەكەتتىك ەكى ٴماجىلىستىڭ رۋحىن جەتكىزدى، ۇيرەندى، دايەكتىلەندىردى. ٴماجىلىس مىنالاردى باسا دارىپتەدى: كۇش ـ قۋاتتى ۇيىستىرىپ، اۋىر مىندەتتى باتىلدىقپەن ارقالاپ، شىنايى يگەرىپ ناقتى ىستەپ، ٴتۇرلى قىزمەت ورنالاستىرۋىنىڭ ناقتاپ تياناقتانۋىنا شىنايى كەپىلدىك ەتۋ كەرەك. وتكەلدى الدىعا جىلجىتىپ، جۇيەلى وڭاپ، ٴتۇرلى ارناۋلى رەتتەۋ ـ وڭاۋ ارەكەتىن ٴبىر تۇتاس جوسپارلاپ ىلگەرىلەتىپ، ٴتۇيىندى ورىنداردى تەكسەرۋ، جەتەكشىلىك ەتۋ سەرپىنىن كۇشەيتىپ، قاتىستى ورىنداردى نەگىزگى تۇلعالىق جاۋاپكەرشىلىگىن تياناقتاندىرۋعا قۋزاپ، ٴورت ٴسوندىرۋ، ورتتەن ساقتانۋ حاۋىپسىزدىگى جاعدايىنىڭ ورنىقتىلىعىن بار كۇشپەن قورعاۋ كەرەك. نازاردى ناقتى شايقاسقا، شىڭدالىپ جەڭىسكە جەتۋگە شوعىرلاندىرىپ، ناقتى سوعىستا اسكەر جاتتىقتىرۋدى كۇشەيتىپ، وسىزاماندانعان قولباسشىلىق جۇيەسىن اقاۋسىزداندىرىپ، ناقتى سوعىستىق جاتتىعۋ جۇيەسىن كەمەلدەندىرىپ، ينفورماتسيالاندىرا، عىلىم ـ تەحنولوگيالاندىرا قولدانۋدى كورنەكتىلەندىرىپ، قامال الىپ جەڭىسكە جەتۋ قابىلەتىن جاپپاي كۇشەيتىپ، جاڭا جاۋاپكەرشىلىك، جاڭا ىسكەرلىكپەن شينجياڭنىڭ ٴورت ٴسوندىرۋ، ورتتەن ساقتانۋ، قۇتقارۋ ـ كومەكتەسۋ ىستەرىنىڭ جوعارى ساپالى دامۋ جاڭا تاراۋىن قۇلشىنا جازۋ كەرەك.

(ٴتىلشى جاڭ يۇنمەي، قاتىناسقان تىلشىلەر يان شياۋتيان، سۇي يۇنيان، ياڭ شۋحان، گو ليڭ)