جياڭ شياۋيان

تاياۋدا ءۇرىمجى قالاسىنىڭ قاتىستى تاراۋلارى كوپ جىل بوس تۇرعان BRT3 - جەلىسىنىڭ بويىنداعى اۆتوبۋز بەكەتتەرىن جاڭالادى: جولدىڭ ورتاسىنداعى ۋاڭجيالياڭ بەكەتىن، حۇڭدا الاڭى بەكەتىن شاقتى، قالعان بەكەتتەردىڭ بىرەۋى ءالى وتكىزىلىپ بەرىلمەۋدەن سىرت، قالعاندارى تۇگەلدەي دارەجەسىن جوعارىلاتىپ، جاڭالاپ، ساۋدا مەن الەۋمەتتىك يگىلىك ىستەرىنە پايدالانىلدى.

BRT3 - جەلىسىندەگى بەكەتتەردىڭ دارەجەسىن جوعارىلاتۋدىڭ، جاڭالاۋدىڭ ساياتىن كولەمى كەڭ، بۇقارانىڭ نازارىن بارىنشا اۋدارىپ وتىر. قازىر ءۇرىمجى قالاسى ناقتى ادىسپەن تالاي جىل بوس تۇرعان وسى بەكەتتەردى جانداندىرىپ، بىزگە قالانى باسقارۋداعى ىرىقتىلىقپەن جاۋاپكەرشىلىك ارقالاۋدى كورسەتتى.

BRT3 - جەلىسى بەكەتى قالا دامۋىنىڭ ”قوسۋ، ازايتۋ، كوبەيتۋ، بولۋدەن“ كەيىنگى قالدىق سانى، سونداي - اق قالا قۇرىلىسىندا ساقتانۋعا بولمايتىن ”اينىمالى سان“. مۇنداي ”قالدىق سان“ مەن ”اينىمالى سانعا“ قالاي مامىلە جاساۋ قالا باسقارۋشىلاردىڭ اقىل - پاراساتىن بارىنشا سىنايدى.

بۇگىنگى تاڭدا BRT3 - جەلىسىندەگى اۆتوبۋز بەكەتىن جاڭالاۋ جوباسى ءىس جۇزىندىك جاعدايدى تياناق ەتۋ، جەرگىلىكتى جاعدايعا قاراي ىستەۋ سىندى عىلمي پوزيتسيامەن بوس تۇرعان بايلىقتى، مال - مۇلىكتى جانداندىرىپ شىت جاڭا بەينەگە ەنگىزدى، بۇل − قالانى باسقارۋداعى ناقتى شارا، دۇرىس ناتيجە كوزقاراسىن ورناتۋدىڭ جانە امالياتتا ايگىلەۋدىڭ قالا قۇرىلىسىنداعى جاندى بەينەسى.

قالا قۇرىلىسى، قوعامدىق دامۋ كۇن سايىن جاڭالانعاندىقتان، ءىشىنارا بايلىقتار، كەيبىر قۇرىلعىلار ”پايدالانىلمايدى“، ۋاقىتشا بوس قالادى، وسى بايلىقتاردى ”قايتا جانداندىرۋداعى“، ”قايتا پايدالانۋداعى“ شەشۋشى ءتۇيىن − قاتىستى تاراۋلاردىڭ مەملەكەت مەنشىگىندەگى مال - مۇلىكتى، حالىق بايلىعىن ءوز ومىرىندەي قاستەرلەۋىندە، ۇقىپتىلىقپەن ۇنەمشىل تۇرمىس كەشىرۋدى دە، اينالمالى پايدالانۋ وي جەلىسىن قولدانۋدى دا ۇيرەنىپ، جاراقسىزدى اسىلعا اينالدىرۋىندا بولماق.

اۆتوبۋز بەكەتىن جاڭالاۋ قالا وبرازىن جاڭالاۋدىڭ، قوعامدىق ورتانى ساپالىلاندىرۋدىڭ ماڭىزدى قۇرامداس بولىگى. شارۋاشىلىق - ساۋدا ورتاسىن، بازار ورتاسىن، حالىق تۇرمىسى ورتاسىن ساپالىلاندىرۋدىڭ جولى جۇمىستى تۋ باستان قايتا باستاۋ، ”اق قاعازعا سۋرەت سالۋ“ سىندى ءبىر عانا جول ەمەس، مۇنىڭ تاعى كونەسىن جاڭارتىپ، ولقىلىقتارىن تولىقتاپ، قۇراستىرىپ قايتا قۇرۋ جولى دا بار. وسى بۇرىلىستا قالا كەڭىستىگىنىڭ ورنالاسۋ قۋاتىن، جاڭالىق اشۋ قۋاتىن ۇزدىكسىز جوعارىلاتىپ، تۇتىنۋدىڭ جاڭا كورىنىسىن، قالانىڭ جاڭا كورىنىسىن قالىپتاستىرۋمەن بىرگە، جۇمىستاندىرۋدى جەبەپ، حالىق تۇرمىسىنا تيىمدىلىك جاساپ، قوعامنىڭ ۇيىسۋ قۋاتىن دا كۇشەيتۋگە بولادى.

ەگەر قينالعاندا كومەكتەسۋدى، نۇر ۇستىنە نۇر بولۋدى ءبىر ءتۇرلى ىرىقتى ءىس دەسەك، اياقسىز قالعان قۇرىلىستاردى جوندەۋ، بوس تۇرعان بايلىقتاردى يگىلىككە جاراتۋ، ومىرشەڭ كۇشتى قايتا قالپىنا كەلتىرۋ قوعامدىق دامۋدا قاجەتتى ىرىقتى ءىس بولىپ تابىلادى. مۇنداي ىرىقتىلىقپەن ىستەۋ − قىم - قۋىت، شىتىرمان جاعدايدا ورامدى وي جەلى جانە شىعار جول تابۋ دەگەندىك، بۇل ءتىپتى دە زور باتىلدىقتى، ءتىپتى دە كۇشتى قابىلەتتى جانە ءتىپتى دە اۋىر جاۋاپكەرشىلىكتى قاجەت ەتەدى، قول جەتكىزگەن تابىستار دا بۇقارانىڭ مويىنداۋىنا يە بولادى.

(”جياڭ شياۋيان“ ماقالا قابىلداۋ حات ساندىعى: xjrbplb@126.com)