انار بۇلت \ شينجياڭ گازەتىنىڭ ءتىلشىسى لۋ فىڭباۋ 4 - ايدىڭ 12 - كۇنى ۇرىمجىدەن حابارلايدى. جۇڭگو تەمىر جولى ءۇرىمجى مەكەمەسى توبى شەكتى سەرىكتەستىگىنەن ۇعىسۋىمىزشا، 4 - ايدىڭ 10 - كۇنىنە دەيىن بيىل شينجياڭ تەمىر جولىنىڭ تاسىعان ماقتا، ماقتا توقىما بۇيىمدارى 695 مىڭ توننا بولىپ، سايكەس مەزگىلدەگىدەن ％137 ارتقان، مۇنىڭ ىشىندە تاسىلعان ماقتا 493 مىڭ توننا بولىپ، سايكەس مەزگىلدەگىدەن ％8. 196 ارتقان.

4 - ايدىڭ 10 - كۇنى 1118 توننا ماقتا تيەگەن ”شۋەليان تەز تاسىمالداۋ“ كەزەكشى پويەزى مارالباسى بەكەتىنەن شاندۇڭ ولكەسىنە جول الدى.

جىل باسىنان بەرى، بازاردىڭ جاقسارۋىنا بايلانىستى ماقتا، ماقتا توقىما بۇيىمدارى تاسىمال قاجەتى بارىنشا ارتىپ، شينجياڭنىڭ ەرەكشەلىككە، ارتىقشىلىققا يە كاسىپ سالاسىنىڭ ورنىقتى دامۋ ومىرشەڭ كۇشىن ايگىلەدى.

شينجياڭنىڭ تەمىر جول تاراۋلارى ”مولاڭ تاۋارلاردى ورنىقتىرۋ، كۇندەلىكتى تۇتىنۋ بۇيىمدارىن مولايتۋ“ ستراتەگياسىن اتقارىپ، ”’شۋەليان تەز تاسىمالداۋ‘ ماقتا كەزەكشى پويەزى + كۇندەلىكتى تۇتىنۋ بۇيىمدارىن جيناپ تاسىمالداۋ ارناۋلى پويەزى“ تاسىمال ۇلگىسىن بۇكىلدەي جاڭالاپ، جۇك تاسىمالىنا قىزمەت وتەۋ ساپاسىن جوعارىلاتتى. ”شۋەليان تەز تاسىمالداۋ“ ماقتا كەزەكشى پويەزىن كولەمدەندىرىپ جۇرگىزىپ، شينجياڭنىڭ ماقتا وندىرەتىن نەگىزگى وڭىرلەرىنىڭ تارالۋ ەرەكشەلىگىمەن بىرلەستىرىپ، ولشەمدەنگەن 12 ماقتا تيەۋ بەكەتىن، جۇيەلىلەنگەن 26 ماقتا تيەۋ جۇمىس ءتۇيىنىن سالالاپ، ساعاتتىق جىلدامدىعى 120 كيلومەترلىك تەز قارقىندى توتە كەزەكشى پويەز قاتىناتىپ، جوعارى ونىمدىلىكپەن تىكە جەتكىزدى. كۇندەلىكتى تۇتىنۋ بۇيىمدارىن جينايتىن ارناۋلى پويەزدىڭ قاتىناۋ ۇلگىسىن قالىپتاستىرىپ، ”8 وندىرىلگەن جەردە جيناپ قۇراستىرۋ ءتۇيىنى + 3 وڭىرلىك توراپتى جيناپ قۇراستىرۋ ءتۇيىنى“ سىندى ەكى دارەجەلى جيناپ قۇرايتىن ءتۇيىن جۇيەسىن ورناتىپ، جينايتىن ارناۋلى پويەزدى يكەمدى، جوعارى ءونىمدى ۇيىمداستىرىپ، جۇك قاينارىنىڭ جاقىن ماڭدا جينالىپ قۇراستىرىلۋىن، توتە جونەلتىلىپ جەتكىزىلۋىن جۇزەگە اسىرىپ، ماقتانىڭ تاسىمال مولشەرىنىڭ ورنىقتى ارتۋىن جەبەدى.

1 - ايدىڭ 26 - كۇنى شينجياڭنىڭ تەمىر جول تاراۋلارى تۇڭعىش رەت ”شۋەليان تەز تاسىمالداۋ“ ماقتا كەزەكشى پويەزىن جۇرگىزىپ، ”تۇيىننەن - تۇيىنگە دەيىن“ تىكە تاسىمالداپ، پويەزدىڭ ساعاتتىق جىلدامدىعىن 120 كيلومەترگە جوعارىلاتىپ، ماقتانىڭ تاسىمال ۋاقىتىن 10 − 15 كۇننەن 3 كۇنگە قىسقارتىپ، كاسىپورىننىڭ جالپىلىق زات اينالىم وزىندىك قۇنىن ءونىمدى تومەندەتتى.

4 - ايدىڭ 10 - كۇنىنەن باستاپ بۇكىل ەلدەگى تەمىر جول تاراۋلارى جاڭا پويەز قاتىناۋ جوباسىن اتقاردى، شينجياڭنىڭ تەمىر جول تاراۋلارى ”شۋەليان تەز تاسىمالداۋ“ ماقتا كەزەكشى پويەزىنىڭ 2 جاڭا جەلىسىن سالدى، ءبىرى، ءۇرىمجى تەمىر جول مەكەمەسىنەن جىڭجوۋ تەمىر جول مەكەمەسىنە دەيىنگى X286 رەتكى، ەندى ءبىرى، ءۇرىمجى تەمىر جول مەكەمەسىنەن ۋحان تەمىر جول مەكەمەسىنە دەيىنگى 5 / X288 رەتكى پويەز ءارقايسى بەكەت تۇيىندەرىندە جاقىن ماڭدا زات قاينارىن جيناۋ ارقىلى وڭتۇستىك، سولتۇستىك شينجياڭنىڭ ماقتا زات قاينارىن جەدەل جيناپ رەتتەپ، كولەمدەنگەن تاسىمال اسەرىن قالىپتاستىردى. قازىرگە دەيىن شينجياڭنىڭ ماقتا، ماقتا ءجىپ كەزەكشى پويەزدەرىنىڭ جەلىسى 7گە كوبەيدى.

”ءبىز ’شۋەليان تەز تاسىمالداۋ‘ كەزەكشى پويەزىن جۇرگىزۋمەن بىرگە، وڭىرلەر بويىنشا توپتاستىرىلعان ارناۋلى پويەزدىڭ جۇمىس ءتۇيىنىن بەلگىلەپ، زاتتاردىڭ تاسىلۋ باعىتى بويىنشا ماقتامەن باسقا تۇردەگى زاتتاردى بىرگە جيناپ، توتە ارناۋلى پويەز جۇرگىزەمىز“. بۇرىنعى بىتىراندى تاسىمالمەن سالىستىرعاندا، جول بويىنداعى گرۋپپالارعا ءبولىپ جۇمىس ىستەۋ بۋىندارى ۇنەمدەلدى، تاسىمال ءتاسىلى اناعۇرلىم يكەمدى بولىپ، ماقتا، ماقتا توقىما بۇيىمدارىنىڭ الۋان ءتۇرلى تاسىمال قاجەتىن قاناعاتتاندىرا الادى“، - دەدى جۇڭگو تەمىر جولى ءۇرىمجى مەكەمەسى توبى شەكتى سەرىكتەستىگى 95306 جۇك تاسىمالى، زات اينالىمى قىزمەت وتەۋ ورتالىعى جوسپارلاۋ - ساتۋ 1 - كەڭسەسىنىڭ جوعارى دارەجەلى جوسپارلاۋ - ساتۋ ديرەكتورى لي زى - ۋي.