كاسىپورىن مەن اۋىل - قىستاق قوس باعىتتا اتتاندى

　□ انار بۇلت \ شينجياڭ گازەتىنىڭ ءتىلشىسى تويا

جۋىقتا اۆتونوميالى رايون ”10 مىڭ كاسىپورىن 10 مىڭ قىستاقتى گۇلدەندىرۋ“ ارەكەتىن جۇمىس باسىندا ىلگەرىلەتۋ ءماجىلىسىن اشتى، ءبىر قىدىرۋ جارقىن ساندى مالىمەتتەر كىسىنى جەلپىندىردى: 2025 - جىلدىڭ سوڭىنا دەيىن رايونىمىز جيىنى 4646 حالىقتىق كاسىپورىندى 3083 اكىمشىلىك قىستاقتى جۇپ قۇراپ كومەكتەسۋ - سۇيەمەلدەۋگە ۇيىمداستىرىپ، 821 كاسىپ سالاسى ارقىلى كومەكتەسۋ - سۇيەمەلدەۋ نىسانىن اتقارىپ، 12 ميلليارد 450 ميلليون يۋان كومەكتەسۋ - سۇيەمەلدەۋ قارجىسىن قوسىپ، اۋىل - قىستاق ەڭبەككۇشتەرىنەن 140 مىڭ 300 ادامدى (رەت) جۇمىسقا قابىلدادى، اۋىل - قىستاق دارىندىلارىنان 206 مىڭ ادام (رەت) باۋلىدى. اسىرەسە، 2025 - جىلدان بەرى وسى ارەكەتكە ات سالىسقان 3781 حالىقتىق كاسىپورىن تىڭنان ارتىپ، كاسىپ سالاسى ارقىلى كومەكتەسۋ - سۇيەمەلدەۋگە 8 ميلليارد 363 ميلليون يۋان قارجى قوسىلىپ، 92 مىڭ 300 ادام (رەت) جۇمىستانىپ، كومەكتەسۋ - سۇيەمەلدەۋ تەبىنى ۇزدىكسىز ارتتى.

باس شۋجي شي جينپيڭ: اۋىل - قىستاقتى گۇلدەندىرۋدە كاسىپ سالاسىنا سۇيەنۋ كەرەك، - دەپ اتاپ كورسەتتى. اۆتونوميالى رايوننىڭ ”10 مىڭ كاسىپورىن 10 مىڭ قىستاقتى گۇلدەندىرۋ“ ارەكەتى اتقارىلعان 5 جىلدان بەرى، قالىڭ حالىقتىق كاسىپورىندار كاسىپ سالاسى ارقىلى كومەكتەسۋ - سۇيەمەلدەۋ، جۇمىسقا قابىلداۋ، تۇتىنۋ ارقىلى اۋىل شارۋاشىلىعىنا كومەكتەسۋ سياقتى كوپ ءتۇرلى ءتاسىل ارقىلى قىستاقتى گۇلدەندىرىپ، حالىقتى بايىتۋ نىساندارىنان ءبىر توبىن تياناقتاندىرىپ، اتقارىپ، كەدەيلىكتەن ارىلعان وڭىرلەردىڭ ىشكى قوزعاۋشى كۇشىن ءونىمدى ارتتىرىپ، بۇكىل رايوننىڭ كەدەيلىكتەن ارىلتۋدان قامال الۋ جەتىستىكتەرىن بەكەمدەۋگە، كەڭەيتۋگە، اۋىل - قىستاقتى گۇلدەندىرۋدى جاپپاي ىلگەرىلەتۋگە كورنەكتى ۇلەس قوستى.

　　ساياسات ارقىلى جەتەكشىلىك ەتتى

　　ءار جاق بىرلەسىپ ارەكەتتەنۋ ”جاۋاپكەرشىلىك تورىن“ ءجيى توقىدى

”10 مىڭ كاسىپورىن 10 مىڭ قىستاقتى گۇلدەندىرۋ“ ارەكەتى باستالعاننان بەرى، ارەكەتكە باسشىلىق ەتۋ گرۋپپاسىنا مۇشە ورىندار جانە ايماق، وبلىس، قالالار بايلىق كۇشىن ءبىر تۇتاس جوسپارلاپ، ۇكىمەت پەن كاسىپورىننىڭ سەلبەسۋىن، وڭىرلەردىڭ بىرلەسىپ ارەكەتتەنۋىن تەرەڭدەتىپ، قىزمەت مەحانيزمىن اقاۋسىزداندىرۋ، كومەكتەسۋ - سۇيەمەلدەۋدىڭ ناقتى ونىمدىلىگىن كۇشەيتۋ، وزات تيپتەردى جەتىلدىرۋ ارقىلى قالىڭ حالىقتىق كاسىپورىنداردى شينجياڭنىڭ بايلىق ارتىقشىلىعىن تياناق ەتۋگە، نازاردى كاسىپ سالاسى، جۇمىستاندىرۋ، تۇتىنۋ، الەۋمەتتىك يگىلىك، فينانس سياقتى سالالارعا شوعىرلاندىرا وتىرىپ دالمە - ءدال كۇش سالۋعا جەتەكتەدى.

4 - ايدىڭ 8 - كۇنى سانجى قالاسى سانگۇڭ قالاشىعى مياۋگۇڭ قىستاعىنىڭ جوعارى ولشەمدى ەگىس اتىزىندا قىستاق تۇرعىندارى جۇگەرى، قانت قىزىلشاسى سياقتى داقىلداردى ەگۋمەن قاربالاس بولدى. مياۋگۇڭ قىستاعى − جيۋشىڭحى جارنا مەڭگەرۋ توبى شەكتى سەرىكتەستىگىنىڭ باعىتتامالى كومەكتەسىپ سۇيەمەلدەيتىن قىستاعى. 2025 - جىلى جيۋشىڭحى توبى مياۋگۇڭ قىستاعىمەن 4000 مۋلىق تۇقىم جەتىلدىرۋ تاپسىرىسىنا قول قويىسىپ، تەحنولوگيا ۇجىمىن تۇيىندە تۇرىپ جەتەكشىلىك ەتۋگە جىبەردى؛ قىستاق كوللەكتيۆى قۇرعان تۇقىم جەتىلدىرۋ، وڭدەۋ زاۆودىنا سۇيەنىپ، 2000 توننا تۇقىم جەتىلدىرۋ، وڭدەۋ تاپسىرىسىن ورىنداپ، قىستاق كوللەكتيۆىنىڭ كىرىسىن 500 مىڭ يۋان ارتتىرىپ، ءارى جەرگىلىكتى ورىنداعى 85 ارتىق ەڭبەككۇشتى جۇمىستانۋعا جەتەكتەدى.

بيىل جيۋشىڭحى توبى مياۋگۇڭ قىستاعىمەن 9150 مۋلىق تۇقىم جەتىلدىرۋ تاپسىرىسىنا قول قويىستى، ”تۇقىم جەتىلدىرۋ، وڭدەۋ تامامدالعاننان كەيىن، مەجەمەن ءبىر ميلليون 100 مىڭ يۋان كىرىس كىرگىزىپ، قىستاق كوللەكتيۆىنىڭ جالپى كىرىسىن 2 ميلليون يۋانعا جەتكىزەمىز، تۇرمىسىمىز بارعان سايىن ۇمىتكە تولدى“، - دەدى مياۋگۇڭ قىستاعى پارتيا باس ياچەيكاسىنىڭ شۋجيى، قىستاق تۇرعىندار كوميتەتىنىڭ مەڭگەرۋشىسى كۇي يۇڭرىن.

”بيىل ءبىز تاعى مياۋگۇڭ قىستاعىنىڭ مادەنيەت - ساياحات نىسانى قۇرىلىسىن جەدەلدەتۋىنە كومەكتەسىپ، قىستاق تۇرعىندارىن كوپ نەگىزدى كىرىستى ارتتىرۋعا جەتەكتەيمىز“، - دەدى جيۋشىڭحى توبىنىڭ باس تورەشىسى ياۋ شين.

ارەكەت بىرىككەن كۇشىن ۇيىستىرۋ ءۇشىن، سانجى حۇيزۋ اۆتونوميالى وبلىسى مەحانيزمدى اقاۋسىزداندىرۋدى، جاۋاپكەرشىلىكتى ناقتىلاندىرۋدى ماڭداي الدى مىندەت ەتىپ، كاسىپورىنداردىڭ قارجى، تەحنولوگيا، بازار باسىمدىعىنىڭ اۋىل - قىستاق بايلىعىمەن، ەڭبەككۇش ابزالدىلىعىمەن دالمە - ءدال ءتۇيىلىسۋىن ىلگەرىلەتتى. ”14 - بەسجىلدىقتان“ بەرى، سانجى وبلىسىنداعى 24 ءتۇيىندى ”جەرگىلىكتى ەرەكشە ونىمدەر“ شارۋاشىلىق نەگىزگى تۇلعالارى ءبىر ميلليارد 109 ميلليون يۋاندىق ءونىم قۇنىن جۇزەگە اسىرىپ، 38 مىڭ 300 شارۋا وتباسىن كىرىستەرىن ارتتىرۋعا جەتەكتەدى.

”10 مىڭ كاسىپورىن 10 مىڭ قىستاقتى گۇلدەندىرۋ“ ارەكەتىنە مۇشە ورىندار تاراۋلاردىڭ فۋنكتسياسىن تياناق ەتىپ، ساياسات جاعىنان قۋات ۇستەۋ، نەگىزگى تۇلعانى جەتىلدىرۋ، ساۋداگەر شاقىرىپ اقىل - پاراسات ەنگىزۋ، بازارعا ءورىس اشۋ سياقتىلاردى شەشۋشى تۇتقا ەتىپ، حالىقتىق كاسىپورىنداردىڭ دامۋىن بار كۇشپەن قولداپ، شارۋاشىلىق تۇلعالارىنىڭ ارەكەتكە ات سالىسۋ ىنتاسى مەن ومىرشەڭ كۇشىن ۇزدىكسىز تاسقىنداتىپ، كاسىپ سالاسى ارقىلى كومەكتەسۋ - سۇيەمەلدەۋدىڭ تۇتاس تىزبەككە قاراي ۇزارۋىن ىلگەرىلەتتى.

اۆتونوميالى رايوندىق اۋىل شارۋاشىلىعى، اۋىل - قىستاق مەڭگەرمەسى ”ساياسات + جوبا + باستاماشى“ تىرەك جۇيەسىن ورناتىپ، «اۆتونوميالى رايوننىڭ اۋىل شارۋاشىلىق ونىمدەرىن وڭدەۋ كاسىبىنىڭ جوعارى ساپالى دامۋىن جەبەۋدىڭ 3 جىلدىق ارەكەت جوباسى (2025 − 2027 - جىل)» سياقتى 12 ءتۇرلى ساياساتتى شىعارىپ، ”ماقتاعا قاتىستى 9 تارماق“، ”مال شارۋاشىلىعىنا قاتىستى 9 تارماق“ سياقتى اۋىل شارۋاشىلىعىنا، كاسىپورىندارعا ساياتىن 6 ميلليارد يۋانعا تاياۋ ساياساتتىق قارجىنى تياناقتاندىردى؛ اۋىل شارۋاشىلىعىن كاسىپ سالالاندىرعان ءتورت دارەجەلى باستاماشى كاسىپورىننان جيىنى 1839ىن جەتىلدىردى، ءوسىمى قازىنادان تولەنەتىن 329 ميلليون يۋان قارىز اقشا تياناقتانىپ، 336 كاسىپورىندى يگىلىككە كەنەلتتى.

اۆتونوميالى رايوندىق ساۋدا - ونەركاسىپشىلەر بىرلەستىگى كاسىپ سالاسى ارقىلى كومەكتەسۋ - سۇيەمەلدەۋ مەن ”حالىقتىق كاسىپورىنداردىڭ شەكارا وڭىرگە كىرۋى“ سياقتى قيمىلداردى ءبىر تۇتاس جوسپارلاپ ىلگەرىلەتىپ، حوتان ايماعىندا 2025 - جىلعى حالىقتىق كاسىپورىننىڭ وڭتۇستىك شينجياڭنىڭ دامۋىنا دەم بەرۋىن ىلگەرىلەتۋ ءماجىلىسىن وتكىزىپ، اۋىل شارۋاشىلىعىنا ساياتىن ءبىر توپ كاسىپ سالاسى نىساندارىن تياناقتاندىردى.

جۇڭگو اۋىل شارۋاشىلىق بانكەسى شينجياڭ بولىمشە بانكەسى زاپاس زاتتى كەپىلگە قويۋ ءتاسىلى ەتكەن ”شينلياڭتۇڭ“، ”شينميانتۇڭ“ ونىمدەرىن جاڭالىق اشا شىعارىپ، جىلىنا ورتا ەسەپپەن 20 ميلليارد يۋاننان استام امانات - قارىز قولداۋىن ازىرلەپ، استىق، ماقتا سياقتى ماڭىزدى اۋىل شارۋاشىلىق ونىمدەرىن ساتىپ الۋ، وڭدەۋ كاسىپورىندارىنىڭ كەپىل بولۋى قيىن بولۋ، قارجى قۇراۋى قيىن بولۋ ماسەلەسىن شەشتى.

　　كوپ يگىلىككە كەنەلۋدى جەبەدى

　　شارۋالارمەن بايلانىس جاساپ، شارۋالاردى جەتەكتەۋ مەحانيزمىن كەمەلدەندىردى

4 - ايدىڭ 9 - كۇنى تاڭەرتەڭ ەرتە، جىڭ اۋدانىنىڭ اقشي ەگىس الاڭىندا باعىمشىلىق وتباسى تايىر ءسالاي سيىر قوراسىندا سيىرلارعا جەم بەرۋمەن قاربالاس بولدى. بيىل 2 - ايدا تايىر شينجياڭ تيانلاي ەگىن، مال شارۋاشىلىق توبى جارنا شەكتى سەرىكتەستىگى اتقارعان بورداقىلانباعان سيىردى بىتىراندى باعۋ سەلبەستىك ۇلگىسىنە قاتىناستى.

شينجياڭ تيانلاي ەگىن، مال شارۋاشىلىق توبى شارۋا وتباسىلارىنىڭ بانكەدەن ارناۋلى قارىز اقشا الۋدى ءوتىنىش ەتۋىن سايكەستىرىپ جانە ولارعا كومەكتەسىپ، كاسىپورىننان ءبىر تۇتاس ساپالى سورتتى سويىس سيىر مەن ارالاسپا جەم ساتىپ الىپ، سويىس سيىردىڭ سالماعىن بەلگىلەنگەن ۋاقىتتا بەلگىلەنگەن اۋىرلىققا ارتتىرسا بولعانى، كاسىپورىن ءاربىر سيىرعا 700 يۋاننان استام باعىمشىلىق پايداسى بويىنشا سويىس سيىردى قايتادان ساتىپ الاتىن بولدى.

”كاسىپتىك تەحنيكتەردىڭ جەتەكشىلىگىندە، سويىس سيىرلاردىڭ سالماعى ورنىقتى ارتتى، ءبىر جىلدا 2 كەزەك سەلبەسىپ باعۋ ۇلگىسى بويىنشا، مەجەمەن بيىلعى كىرىس 500 مىڭ يۋانعا تايايدى“، - دەدى تايىر.

شينجياڭ تيانلاي ەگىن، مال شارۋاشىلىق توبىنىڭ سويىس سيىردىڭ تۇتاس كاسىپ سالاسى تىزبەگىن تەرەڭدەي اشقانىنا كوپ جىل بولدى، اناعۇرلىم كوپ شارۋا وتباسىلارىن كىرىستى ارتتىرۋعا جەتەكتەۋ ءۇشىن، 2025 - جىلى 5 - ايدان باستاپ كاسىپورىن بۇراتالا قالاسىنىڭ ماڭىندا بىتىراندى باعۋ سىناق ءتۇيىنىن ورىستەتتى، قازىر سەلبەستىك ورناتقان باعىمشىلىق وتباسى 50دەن اسىپ، 7000عا جۋىق سيىر باعىلدى. وسى كاسىپورىننىڭ قاتىستى نىسانىنىڭ جاۋاپتىسى ۋاڭ چۋاڭ تانىستىرىپ بىلاي دەدى: كاسىپورىن ولشەمدەنگەن باعىمشىلىق ءتاسىلى ارقىلى شارۋالاردىڭ باعىمشىلىققا كىرۋىنە رۇقسات ەتۋ شارتىن تومەندەتىپ، ەڭ تومەنگى شەكتەن تۇسىرمەي قايتا ساتىپ الۋدى اتقارىپ، شارۋا وتباسىلارىنىڭ بۇرىنعى ”باعۋدى بىلمەۋ، جاقسى باعا الماۋ، ساتا الماۋ“ سىندى قيىن ماسەلەسىن تۇبەگەيلى شەشتى.

قالىڭ حالىقتىق كاسىپورىندار ءوز ارتىقشىلىعىن ساۋلەلەندىرىپ، ءداستۇرلى اۋىل شارۋاشىلىعىنىڭ دامۋىنداعى تالماۋ تۇيىندەردى بەلسەنە شەشىپ، اۋىل - قىستاقتاردا ءوندىرىس جەلىسىن، كاسىپ سالاسى تىزبەگىن ورنالاستىرىپ، قىرۋار جۇمىس ورنىن جاراتىپ، شارۋالارمەن بايلانىس جاساۋ، شارۋالاردى جەتەكتەۋ مەحانيزمىن ورناتۋ جانە كەمەلدەندىرۋ ارقىلى ەگىنشى - مالشىلاردىڭ كاسىپ سالاسىنىڭ دامۋ پايداسىنان اناعۇرلىم كوپ يگىلىكتەنۋىنە مۇمكىندىك جاسادى.

4 - ايدىڭ 10 - كۇنى اقشي اۋدانى شاعىن، ۇساق كاسىپورىندار كاسىپ سالاسى باقشاسىنداعى شينجياڭ جۇڭكى شىرعاناق عىلىم - تەحنولوگيا شەكتى سەرىكتەستىگىنىڭ ءوندىرىس سەحىندا ءتۇرلى شىرعاناق ونىمدەرى قۇيۋ، بەلگى جاپسىرۋ، قوراپتاۋ ارقىلى شينجياڭنىڭ ءىشى - سىرتىنداعى بازارلارعا جەتكىزىلدى. بۇل سەرىكتەستىك شىرعاناق ەگۋگە، زەرتتەپ اشۋعا، وڭدەۋگە جانە ساتۋعا دەن قويعان مەملەكەتتىك جوعارى، جاڭا تەحنولوگيا كاسىپورنى، شىرعاناق مايساسىن جەتىلدىرۋ، ەگۋ، جيناۋ، وڭدەۋ، ساتۋ ءبىر تۇلعالانعان تۇتاس كاسىپ سالاسى تىزبەگىن قالىپتاستىرىپ، شىرعاناق جاس جەمىسىن تەرۋدەن وڭدەۋگە دەيىنگى ساڭلاۋسىز ءتۇيىلىستىرۋدى، جوعارى ءونىمدى اينالىمعا سالۋدى جۇزەگە اسىردى.

شينجياڭ جۇڭكى شىرعاناق سەرىكتەستىگىنىڭ باس ديرەكتورى ۋ تۇڭحۋا مىنالاردى ءبىلدىردى: كاسىپ سالاسى ارقىلى شارۋالارمەن بايلانىس جاساۋ، شارۋالاردى جەتەكتەۋ ءۇشىن، سەرىكتەستىگىمىز 1500دەن استام ەگىنشى - مالشىنى (رەت) تەگىن باۋلىدى، بۇل شىرعاناق ەگۋ، جيناۋ، وڭدەۋ سياقتى بۋىنداردى قامتىدى. قازىر ەڭ تومەنگى شەككە كەپىلدىك ەتىپ ساتىپ الۋ، ماۋسىمدىق جۇمىسشى ىستەتۋ سياقتى فورمالار ارقىلى كاسىپورىن ءار جىلى شارۋالاردىڭ كىرىسىن 7 ميلليون يۋاننان اسىرۋعا دەم بەرىپ، 4000نان استام ادامنىڭ كىرىسىن ارتتىرۋىنا ماۋسىمدىق سيپاتتى دەم بەردى، ادام باسىندىق كىرىس شامامەن 1750 يۋان ارتتى.

اۆتونوميالى رايوندىق پارتكوم بىرلىكساپ ءبولىمىنىڭ ورىنباسار باستىعى، اۆتونوميالى رايوندىق ساۋدا - ونەركاسىپشىلەر بىرلەستىگى پارتيا باسشىلىق گرۋپپاسىنىڭ شۋجيى ليۋ بين بىلاي دەدى: ”حالىقتىق كاسىپورىندار وزىق تەحنولوگيا ۇلگىسىن، ءوندىرىس فاكتورلارىن جانە باسقارۋ ۇستانىمىن اۋىل - قالاشىقتارعا ەنگىزىپ، كاسىپ سالاسى تىزبەگىن ۇزدىكسىز ۇزارتىپ، قۇن تىزبەگىن جوعارىلاتىپ، مۇددە تىزبەگىن كەمەلدەندىرىپ، كاسىپورىن پايدا تابا الاتىن، قىستاق كوللەكتيۆى زورايا الاتىن، بۇقارا كىرىستى ارتتىرا الاتىن ’كوپ يگىلىككە كەنەلۋ‘ ۇلگىسىن جۇزەگە اسىرىپ، باياندى دامۋدىڭ كاسىپ سالاسى نەگىزىن قالىپتاستىردى“.

　　عىلىم - تەحنولوگيا ارقىلى قۋات ۇستەدى

　　جاقسى ونىمدەردىڭ جاقسى باعادا ساتىلۋىنا مۇمكىندىك جاسادى

اۋىل شارۋاشىلىق ونىمدەرىنىڭ ”جاقسى ەگىلۋىنەن“ ”جاقسى ساتىلۋىنا“ دەيىن دەم بەرۋ ءۇشىن، قالىڭ حالىقتىق كاسىپورىندار بىتىراندى اۋىل شارۋاشىلىق ءوندىرىس قۋاتىن كەڭ بازار قاجەتىمەن ءونىمدى ءتۇيىلىستىرىپ، اۋىل - قىستاقتىڭ ”جاقسى ءدامىن“ اناعۇرلىم كوپ تۇتىنۋشىلارعا جەتكىزىپ، جاقسى باعادا ساتتى.

قاشقار جياڭگوگو اۋىل شارۋاشىلىعى عىلىم - تەحنولوگيا شەكتى سەرىكتەستىگى قاشقاردىڭ ساپالى جەمىس ورمانى بايلىعىنا سۇيەنىپ، نازاردى جىنتىكتەي وڭدەۋ، سيفرلاندىرىپ ءوندىرۋ مەن ساتۋدى ءتۇيىلىستىرۋ، شارۋالارمەن بايلانىس جاساۋ، شارۋالاردى جەتەكتەۋ، شارۋالاردى بايىتۋ سىندى 3 ۇلكەن وزەككە شوعىرلاندىرا وتىرىپ دامۋدى جەدەلدەتىپ، جيىنى 50 مىڭ شارۋانى كىرىسىن ارتتىرۋعا، 3500دەن استام ادامدى جاقىن ماڭدا جۇمىستانۋعا جەتەكتەدى، بىلتىر ءتۇرلى كەپتىرىلگەن جەمىس ونىمدەرىنىڭ ساتىلۋ سوماسى 450 ميلليون يۋاننان استى.

وڭدەۋ كاسىپ سالاسى تىزبەگىن ۇزارتۋ ءۇشىن، بۇل سەرىكتەستىك زەرتتەۋ - اشۋ ۇسىنىلىمىنىڭ ۇزاق ءونىمدى مەحانيزمىن ورناتتى، ءار جىلعى زەرتتەۋ - اشۋ ۇسىنىلىمى كاسىپورىن شارۋاشىلىق سوماسىنىڭ ％6ىنەن تومەن بولمادى. قازىر سەرىكتەستىك جىنتىكتەي وڭدەۋ جانە ەرەكشە جەمىس - جيدەك جەلىلەس ونىمىنەن 100دەن استامىن اشىپ، جيىنى 81 ءتۇرلى پاتەنت ۇقىعىنا يە بولىپ، ءداستۇرلى وڭدەۋدەن عىلىم - تەحنولوگيالىق كاسىپورىندارعا تيپ جاڭالاۋدى جۇزەگە اسىرىپ، جەمىس - جيدەك ونىمدەرى ۇستەمە قۇنىنىڭ 3تە 5 ەسە ارتۋىن جەبەدى.

ءوندىرۋ - ساتۋ قامالىن اشۋ ءۇشىن، بۇل سەرىكتەستىك سيفرلى تۇعىر ورناتىپ، كومەكتەسىپ قۇرۋ ارناسىنان پايدالانىپ، ”ينتەرنەت جەلىسىنەن تىس قامبادا ساقتاۋ + ينتەرنەت جەلىسىندەگى تۇعىر“ سىندى ساتۋ ۇلگىسىن ورناتتى. قاشقار جياڭگوگو سەرىكتەستىگىنىڭ باس جوراسى چىن ۋىنجۇن بىلاي دەدى: ”وڭتۇستىك شينجياڭعا تامىر تارتقان كاسىپورىن رەتىندە، اۋەلگى ماقساتتان، بورىشتان جازباي، كوپ جاقتىڭ كۇشىن بىرگە ارەكەتتەندىرىپ، اناعۇرلىم كوپ شارۋا وتباسىلارىنىڭ كىرىستەرىن ۇزدىكسىز ارتتىرۋىنا كومەكتەسەمىز“.

ليۋ بين مىنالاردى ءبىلدىردى: كەلەسى قادامدا مۇشە ورىندار ”ساپانى جوعارىلاتىپ ونىمدىلىكتى ارتتىرۋدى، باياندى قۋات ۇستەۋدى“ وزەك ەتىپ، قىزمەت وتەۋ قامتاماسىزدىعىن اناعۇرلىم كۇشەيتىپ، جەتەكشىلىك ەتۋدى، شابىتتاندىرۋدى كۇشەيتىپ، قىزمەتتى ءبىر تۇتاس جوسپارلاۋدى ىلگەرىلەتىپ، ۇلگىلىك رولىن ساۋلەلەندىرىپ، اۋىل - قىستاقتى گۇلدەندىرۋدى جاپپاي ىلگەرىلەتۋگە، اۋىل شارۋاشىلىعىنىڭ، اۋىل - قىستاقتىڭ وسىزاماندانۋىن جەدەلدەتۋگە تىڭ دا اناعۇرلىم زور ۇلەس قوسادى.