انار بۇلت \ شينجياڭ گازەتىنىڭ ءتىلشىسى ۋاڭ نا، ەرىكتى ءتىلشى چىن جۋباڭ 4 - ايدىڭ 12 - كۇنى ۇرىمجىدەن حابارلايدى. شينجياڭ شەكارادان كىرۋ - شىعۋ شەكارا قورعانىس تەكسەرۋ باس پۋنكتىنەن ۇعىسۋىمىزشا، بيىل ءبىرىنشى ماۋسىمدا بۇكىل شينجياڭدا جالپى تەكسەرىلگەن شەكارادان كىرگەن - شىققاندار ءبىر ميلليون 29 مىڭ ادامعا (رەت)، قاتىناس - تاسىمال قۇرالدارى (پويەز، ۇشاق) 396 مىڭعا جەتىپ، سايكەس مەزگىلدەگىدەن جەكە - جەكە ％3. 25 جانە ％8. 20 ارتقان. مۇنىڭ ىشىندە ۆيزاسىز شەكارادان كىرگەن شەتەلدىكتەر 181 مىڭ ادام (رەت) بولىپ، شەكارادان كىرگەن شەتەلدىكتەر جالپى سانىنىڭ ％70تەن استامىن يەلەپ، سايكەس مەزگىلدەگىدەن ％9. 34 ارتقان.

وسى ”حالىقارالىق اتتانۋشىلاردىڭ“ استارىندا ۆيزا كەشىرىم ەتۋ ساياساتىن ۇزدىكسىز كەڭەيتۋدەن، ساپالىلاندىرۋدان، حالىقارالىق اۋە جولىنىڭ ۇزدىكسىز مولايۋىنان، كەڭەيۋىنەن تۋىنداعان مىعىم باۋراۋ قۋاتى بولۋمەن بىرگە، كەدەننەن وتكىزۋدى قامتاماسىز ەتۋ قىزمەت وتەۋىنىڭ دەڭگەيىن كوتەرۋدەن، قۇرىلعى - جابدىقتاردى جاڭالاۋدان جانە كەمەلدەندىرۋدەن، تەكسەرۋ ءتارتىبىن ساپالىلاندىرۋدان، رەتتەۋدەن تۋىنداعان قولايلىلىقتار دا جاتىر.

بيىل جىل باسىنان بەرى، شينجياڭ شەكارادان كىرۋ - شىعۋ شەكارا قورعانىس تەكسەرۋ باس پۋنكتى «شينجياڭنىڭ جوعارى دەڭگەيدە ەسىك اشۋىنا، جوعارى ساپالى دامۋىنا قىزمەت وتەۋدىڭ 36 تارماقتى شاراسىن» ۇزدىكسىز تەرەڭدەتىپ، قىزمەت وتەۋدىڭ، قامتاماسىز ەتۋدىڭ كۇشكە يە ۋاقىتىن ۇزدىكسىز ۇزارتىپ، كەدەننەن وتۋگە قىزمەت وتەۋ شارالارىن دالمە - ءدال ساپالىلاندىرىپ، قورعاس تاس جول شەكارا وتكەلىندە، ەركەشتام شەكارا وتكەلىندە 24 × 7 ساعاتتىق قىزمەت ءتۇزىمىن سىناق رەتىندە اتقاردى، تورعات شەكارا وتكەلىندە 14 × 7 ساعاتتىق قىزمەت ءتۇزىمىن سىناق رەتىندە اتقاردى، سونىمەن بىرگە 12367 كوشى - قون باسقارۋعا قىزمەت وتەۋ تۇعىرى 24 ساعات توقتاۋسىز اقىل - كەڭەس بەرىپ قىزمەت وتەدى.

”شينجياڭعا ساياحاتتاپ، ساۋدامەن كەلگەن شەتەل ازاماتتارى بارعان سايىن كوبەيدى، مۇنىڭ ىشىندە ورتا ازيا ەلدەرىنەن كەلگەن جولاۋشىلار ەڭ شوعىرلى بولدى“. 4 - ايدىڭ 10 - كۇنى ءۇرىمجى تيانشان حالىقارالىق اۋەجايى شەكارا وتكەلىنىڭ شەكارادان كىرۋ زالىندا شەكارادان كىرۋ راسمياتىن بىتىرەتىن جولاۋشىلار ۇزىننان - ۇزاق قاتارعا تۇردى، ءۇرىمجى شەكارالىق تەكسەرۋ پۋنكتى كەزەكشىلىك وتەۋ 1 - اترەتىنىڭ ساياسي جەتەكشىسى يۇي شين بىلاي دەپ تانىستىردى: جولاۋشىلار لەگىنىڭ قاۋىرت مەزگىلىنە ءونىمدى توتەپ بەرۋ ءۇشىن، ءۇرىمجى شەكارالىق تەكسەرۋ پۋنكتى تەكسەرۋ ارناسىن كوبەيتىپ، زەردەلى شەكارالىق تەكسەرۋ قۇرىلىسىن ۇزدىكسىز تەرەڭدەتىپ، كوپ ءتۇرلى شارانى قاتار قولدانىپ، جولاۋشىلاردىڭ كەدەننەن ءوتۋدى كۇتۋ ۋاقىتىن قىسقارتتى.

رەسەيلىك ساياحاتشى اكۋلوۆا ۆالەريا بىلاي دەدى: وتباسىمداعىلارمەن بىرگە 4 - ايدىڭ 8 - كۇنى جۇڭگونىڭ شينجياڭىنا ساياحاتىمدى باستادىم، ۆيزا كەشىرىم ەتۋ ساياساتىنىڭ ارقاسىندا كەدەننەن ءوتۋىمىز توتەنشە ىركىلىسسىز بولدى، ”بۇل ارانىڭ دامۋى ادامدى قايران قالدىرادى، ارمانداعىداي ساياحاتتاۋدىڭ نىسانالى جەرى ەكەن“.